روتيڤال🌑♥️

البارت الثالث عشر..(13)

*رنا:* قصدك إيه يا بسنت؟
*بسنت:* قصدي انتي فاهماه كويس، ورجاء ابعدي عنه بالزوق لأنه مش ليكي أصلًا.
*رنا بسخرية:* أومال ليكي إنتي مثلًا!
*بسنت:* اه يا رنا، و خليكي في حالك بقا.
(لسة كانو هيكمله خناق ولكن سمعوا صوت في الباص ورا، لفو وشهم يشوفوا في إيه فوجئوا بإن رسيل بتعيط، راحلهم عمرو على ورا وطلع من جيبه مناديل واداهم لرسيل)
*عمرو:* اتفضلي امسحي دموعك واهدي.
(بصيت لقيته جاي عليا بكل هدوء وبيديني المناديل بالراحة، كان هادي جدًا، و.. و وسيم!)
*عمرو:* مش هتاخديهم؟! أحسن وفرتي.
(وكان هيرجع المناديل جيبه تاني بس أنا مديت ايدي واخدتهم)
*عمرو:* شطووورة، قوليلي بقا كنتي بتعيطي ليه؟
(كنت مترددة أرد عليه ولا لأ، بس كنا وصلنا المدرسة خلاص، أخدت شنطتي وجريت نزلت من الباص وجريت على مكان لجنتي، وهنا بس حسيت بالراحة)
__________________________________
*عمرو:* انت عملت إيه خلتها تعيط؟
*نادر:* هتصدقني؟
*عمرو:* دا كلام يا راجل؟! لأ طبعًا.
*نادر:* أنا كنت بتكلم معاها عادي والله بس هي مكنتش بترد عليا.
*عمرو:* وبعدين؟
*نادر:* فجأة..
*عمرو:* أيوة؟؟
*نادر:* راحت معيطة.
*عمرو:*........!!!
*نادر:* وبسكدا.
*عمرو:* احم احم.. نادر.
*نادر:* نعم.
*عمرو:* يا ندورة.
*نادر:* نعععمم؟
*عمرو:* غور من وشي!
__________________________________
*رنا:* ازيك يا رسيل؟
*رسيل بجفاف:* الحمد لله.
*رنا:* وحشتيني جدًا على فكرة.
*رسيل:* شكرًا.
*رنا:* في إيه يا رسيل؟ بتردي عليا كدا ليه؟
*ليلى:* عايزة حاجة يا رنا؟
*رنا:* لا وأنا هعوز منك إيه يعني!
*ليلى:* طيب على فكرة نادر عايزك، روحيله.
*رنا باندهاش:* بجد والنبي! قالك إنه عايزني؟!
*ليلى:* أيوة روحي يلا.
(استغربت اندهاش رنا لما ليلى قالتلها إن نادر عايزها، بس انبسطت إن في حاجة هتبعدها عني)
*ليلى:* عاملة إيه يا جميلتي؟
*رسيل:* الحمد لله كويسة، انتي ازيك؟
*ليلى:* أنا الحمد لله كويسة، تيجي نراجع شوية قبل الامتحان؟ أصلي لسة جاية حالًا وملحقتش.
*رسيل:* لسة جاية!! أومال قابلتي نادر فين؟
*ليلى:* نادر مين؟ أنا قابلت عمرو وقالي أبعتله أخته.
*رسيل:* بس انتي قلتيلها نادر.
*ليلى:* بجد؟! يا خبر أنا شكلي من السربعة اتلخبطت في الأسماء.
__________________________________
*رنا:* ها بقا كنت عايزني في إيه؟
*نادر:* مين؟ أنا؟
*رنا:* أيوة هو مش انت قابلت ليلى وقلتلها إنك عايزني؟
*نادر:* أنا مقابلتش ليلى أصلًا!
*رنا:* يعني إيه؟
*نادر:* ارجعي لجنتك يا رنا، الامتحان قرب يبدأ.
*رنا بغيظ:* ماشي.
__________________________________
*عمرو:* بسنت مشوفتيش رنا أختي فين؟
*بسنت:* لأ مشوفتهاش، بس هي كانت قاعدة مع رسيل جوا.
*عمرو:* طيب شكرًا.
(راح عمرو يدور على رسيل ممكن يلاقي رنا معاها)
*عمرو:* ليلى، فين رنا؟
*ليلى:* أنا.. أنا كنت..
*رسيل:* ليلى كانت قالتها إنك عايزها وهي راحتلك.
*عمرو:*.........
*رسيل:* في حاجة؟
*عمرو:* صوتك حلو وهادي!
*رسيل:* !!!
*عمرو:* أومال كنتي بتخافي تتكلمي ليه بقا؟
(لقيتني سكت فجأة وحسيت إني متوترة، أنا معرفش أنا رديت عليه ليه بس إلي فكرت فيه هو إني الحق ليلى)
*عمرو:* رسيل.
*رسيل:* نعم؟
*عمرو:* فاضية بعد الامتحان؟
(يا ترى عايز إيه بالكلام دا؟)

*استنونا البارت الجااي🌚😁*