روتيڤال🌑♥️

البارت الثالث والعشرون..(23)

*مكالمة ماسنجر*
*عمرو:* بتتكلمي بجد؟ يعني خلاص هتدخلي الكلية إلي إنتي عايزاها؟
*رسيل:* أيوة يا عمرو أنا مش مصدقة بجد إني أخيرًا هدخلها، أنا مبسوطة أوي أوي.
*عمرو:* يارب دايمّا مبسوطة وسعيدة.
*رسيل:* هو انت كليتك قريبة من كليتي ولا بعيدة؟
*عمرو:* لأ انتي هتلاقيني عندك في أي وقت تحتاجيني فيه، ميهمكيش بقا بعيدة ولا قريبة.
*رسيل:* شكرًا.
*عمرو:* على إيه ياستي أنا معملتش حاجة.
*رسيل:* كفاية وجودك.
__________________________________
*جلال:* بناتك عملوا إيه؟
*سمر:* الحمد لله كل واحد جابت رغبتها وإن شاء الله ربنا يوفقهم يارب.
*جلال:* يارب إن شاء الله، أدعي ل ليلى بقا نتيجة التحويل تتقبل.
*سمر:* إي دا هي هتحوّل؟
*جلال:* أيوة جالها تجارة الاسكندرية وهي مش عايزة تتغرب وتفضل في القاهرة.
*سمر:* وهتحولها إيه؟
*جلال:* آداب مع رسيل إن شاء الله.
*سمر:* متغصبش عليها يا جلال سيبها تختار براحتها.
*جلال:* لأ والله دا قرارها هي وحددت إنها هتدخل انجليزي عشان هي مقفلاه الحمد لله.
*سمر:* إن شاء الله ربنا هيكرمها وتتقبل هنا.
__________________________________
*عمرو:* عامل إيه ياصحبي؟
*نادر:* الحمد لله كويس، انت إزيك؟
*عمرو:* الحمد لله كويس بردو.
*نادر:* رنا عملت إيه؟
*عمرو:* جابت علوم وناوية على قسم كيمياء إن شاء الله.
*نادر:* و...رسيل؟
*عمرو:* مين رسيل؟؟ ااااه رسييل، لأ أنا بقالي يجي أكتر من سنة مكلمتهاش.
*نادر:* ليه بقا؟!
*عمرو:* عادي يعني مشاغل الحياة بقا وكدا.
*نادر:* طيب وانت عامل إيه في كليتك؟
*عمرو:* أنا نفسي أخلص بقا ياعم من الكلية النحس دي، أنا طول عمري نفسي أبقى مستشار ودلوقتي أنا ندمان إني دخلت الكلية دي.
*نادر:* اتقي الله دانتو في حقوق بتاخدوا خمس مواد بس في الترم!!!!!
*عمرو:* وانت بقا إن شاء الله لما هتتخرج هيبقى اسمك إيه؟
*نادر:* هبقى مترجم انجليزي إن شاء الله.
*عمرو:* ودي بيطلعوها من آداب إزاي؟
*نادر:* ملكش فيه، خليك في حقوق بتاعتك.
__________________________________
*ليلى:* تفتكري ممكن يقبلوني في كليتك؟
*رسيل:* طبعًا إن شاء الله هيقبلوكي، متقلقيش بس وثقي في ربنا وهو هيكرمك إن شاء الله والله.
*ليلى:* يارب يارب يا رسيل.
*رسيل:* إلّا قوليلي يا ليلى، مش ملاحظة حاجة غريبة؟
*ليلى:* زي إيه؟
*رسيل:* مامتي وباباكي بقوا بيتكلموا كتير أوي عن العادة يعني.
*ليلى:* يارب يطلع إلي في بالي.
*رسيل:* إلي هو إيه بقا؟
*ليلى:* مش هقول لأني لسة مش متأكدة، بس بكرة هنعرف سوا.
__________________________________
*رنا:* وهو عرف إنها معاه في نفس الكلية دلوقتي؟
*عمرو:* لأ أنا لسة مقولتلوش، ومش عارف أقوله ولا لأ.
*رنا:* مهو كدا كدا هيعرف يا عمرو!
*عمرو:* لأ هي فرقة (سنة) أولى وهو فرقة تالتة، وكل فرقة لها مواعيد غير التانية، يعني وارد جدًا مايتقابلوش.
*رنا:* لنفرض اتقابلوا.
*عمرو:* لأ هو بقاله أربع سنين مشافهاش يبقى أكيد مش هيفتكرها.
*رنا:*..........
*عمرو:* لأ أنا نسيت!!
*رنا:* أيوة أنا سكت عشان تراجع نفسك، رسيل مريضة بهاق يا عمرو وجسمها واضح وضوح الشمس، إزاي مش هيفتكرها؟ دا إن كان عمره نسيها أصلًا.
*عمرو:* انتي بتحرقي دمي يعني؟! وبعدين انتي مالك بتتكلمي كدا ليه؟ هو مش انتي قبل كدا كنتي معجبة بيه؟؟
*رنا:* حصل.
*عمرو:* إيه إلي غيرك بقا؟؟
*رنا:* كبرت يا عمرو ودي كانت فترة مراهقة وراحت لحالها.
*عمرو:* طيب خلاص، أنا محتاج فرصة أفكر هعمل إيه الفترة الجاية.
*رنا:* انت حر بس عايزة افكرك بحاجة مهمة جدًا.
*عمرو:* إيه هي؟
*رنا:* إنك اتفقت مع نادر إنها هتكون منافسة شريفة يا عمرو، حاول متتخلّاش عن مبادىء الأخوة إلي بينكوا أكتر من كدا.
*عمرو:*........
*رنا:* تصبح على خير.
(وخرجت رنا من الأوضة وقفلت الباب وراها، ودلوقتي عمرو بقا وحيد وسط أربع جدران، محتار وبيدور جواه تضارب ما بين الصح إلي المفروض يعمله وبين مصلحته، يا ترى الموضوع ممكن يوصل لإيه بعد كدا؟؟)

*استنونا البارت الجااي🌚😁*