روتيڤال🌑♥️

البارت الرابع والعشرون..(24)

*أول يوم كلية*
*ليلى:* ها يابنتي اخلصي.
*رسيل:* جاية أهو والله، معرفش انتي مستعجلاني ليه بس!
*ليلى:* هنتأخر كدا.
*رسيل:* لووولييييي، احنا محاضرتنا الساعة ٩ ونص ودلوقتي الساعة ٧ وربع!!
*ليلى:* طب بطّلي رعب كتير ويلا بينا.
*رسيل:* توكلنا على الله.
(وصلنا الكلية وكل واحدة فينا راحت تدور عالجدول الخاص بالقسم بتاعها، بس كانوا متزاحمين أوي الجدول بتاع القسم بتاعي.. فضلت واقفة شوية لحد ما لقيت بنت جاية نحيتي)
_ انتي لغة عربية؟
*رسيل:* اه
_طب يا ستي خدي جدولك أهو.
*رسيل:* بجد والله؟ شكرًا أوي شكرًا والله إنك جبتهولي، الناس مووووت كل دول لغة عربية!
_ أه بس دول الفِرَق (السنين) كلها.
*رسيل:* حضرتك أولى بردو؟
_اه، أنا اسمي آلاء، وانتي؟
*رسيل:* أنا رسيل، سعيدة بعرفتك.
*آلاء* أنا أسعد.
__________________________________
*نادر:* جايبني على مالا وشي ليه؟
*عمرو:* عندي حاجات مهمة عايزك تساعدني فيها.
*نادر:* يعني الحاجات دي متتأجلش يا عمرو!!! أنا يدوب كنت رايح أجيب جدولي، واديني مجبتهوش بسببك.
*عمرو:* يعني أنا مش صاحبك مثلا ومليش حق عليك؟
*نادر:* خلاص انجز ياعم عايزني أساعدك في إيه؟
(طلب عمرو من نادر يساعدك في كام حاجة بغرض يعطله عن إنه يروح الكلية، لأن أول يوم دا كل الفِرَق بكل الأقسام بيروحوا عشان يستلموا جدولهم، وخاف من فكرة إنهم ممكن يتقابلوا صدفة حتى.

*بعد مرور تلت ساعات*
*عمرو:* ساعتك كام؟
*نادر:* ١١ وتلت.
*عمرو:* يا خبر دا انت اتأخرت أوي، يلا روح شوف جدولك بقا.
*نادر:* مش رايح أجيب الزفت يا أخي، واعمل حسابك إن دي آخر مرة أسيب حالي وأعبرك، فاهم!
(مشي نادر وهو متعصب من تصرف عمرو، بدأ يشك فيه لأن الحاجات إلي طلب مساعدته فيها مكنتش حاجات ضروري ولا حاجة، ولأن طبعًا الوقت أتأخر، قرر يروح البيت ويبقى يكلم حد من زمايله في القسم يبعتلوا الجدول)
_________________________________
*بعد اسبوعين*
*ليلى:* تخيلي!
*رسيل:* في إيه؟ إيه إلي حصل؟ يابنتي انطقي!
*ليلى:* اديني فرصة انطق وأنا والله هنطق.
*رسيل:* اديني سكتت أهو قولي بقا.
*ليلى:* كان الدكتور بتاع مادة**** بياخد الغياب بتاعنا، بس بدل ما ينادي من الكشف بتاع الأسماء بتاعتنا، غلطت ونادى من أسماء سنة تالتة.
*رسيل:* طب عادي فين المشكلة بقا؟
*ليلى:* أنا سمعت اسم نادر.
*رسيل:* نادر مين؟؟
*ليلى:* نادر يا بنتي إلي كان صاحب عمرو من أيام الثانوي.
*رسيل:* أيوة أيوة افتكرته، طب على فكرة ممكن يكون تشابه أسماء.
*ليلى:* تشابه أسماء في الاسم الرباعي كله!! مستحيل طبعًا.
*رسيل:* بردو مظونش إنه هو، لأن من تلت سنين لما سألت عمرو عليه قالي إنه جاله كلية في محافظة برة زي كريم كدا وإن مع الوقت ظروف الحياة والدراسة بعدت المسافات وقللت فرص التواصل ما بينهم.
*ليلى:* خلاص سيبي الموضوع دا أنا اتأكد منه.
*رسيل:* وهيفيد بإيه يعني؟ دعي الخلق للخالق.
*ليلى:* دا كان صاحبنا يا رسيل، وافتكري دايمًا إنه كان أول واحد بيعاملك كويس، وكان دايمًا بيوصينا عليكي، وعمره ما حسسك بالأزمة إلي مريتي بيها.
*رسيل:* عندك حق، خلاص لما تبقي تعرفي أي جديد عرفيني.
*ليلى:* اتفقنا.
__________________________________
*مكالمة على الفون*
*سمر:* قلتلك مش هقدر أقول حاجة زي كدا.
*جلال:* خلاص هقول أنا.
*سمر:* جلال يا حبيبي اعقل كدا وصلي عالنبي.
*جلال:* عليه الصلاة والسلام.
*سمر:* أيوة وارتاح كدا...
*جلال:* بس بس من غير كلام كتير، حددي معاد كدا وعرفيني دلوقتي حالًا امتى أجمع العيال وأقولهم.
*سمر:* خلاص متزعقش، خليها في نص السنة ربنا يسهلها.
*جلال:* ومترجعيش في كلامك زي كل مرة؟
*سمر بضحك:* لا والله دي آخر مرة.
*جلال:* لمّا نشوف.
(ناوييين على ايييييه النااس ديي؟!)

*استنونا البارت الجااي🌚😁*