روتيڤال🌑♥️

البارت السادس عشر..(16)

*رنا:* أختك فين؟
*بسنت بحزن:* معرفش.
*رنا:* زعلانة كدا ليه؟ شكلك محلتيش كويس.
*بسنت:* سواء حليت كويس أو لأ انتي ملكيش دعوة.
*رنا:* بسنت ماتخلينا صحاب أحسن.
*بسنت:* صحاب ليه؟ أنا لا بطيقك ولا انتي بتطقيني.
*رنا:* مكونتش قلتلك نبقى صحاب.
*بسنت:* هو مش انتي المفروض كنتي ناوية تقربي من أختي والشويتين إلي كنتي بتعمليهم؟! وكمان زورتيها.
*رنا:* اه كانت وقتها صعبانة عليا.
*بسنت:* ودلوقتي؟
*رنا:* لقيتها بت مش سهلة وأنا مستلطفتهاش، قلت إيه؟
*بسنت:* ماشي يا رنا أنا موافقة.
__________________________________
*رسيل:* انتو بتقولوا إيه؟ لأ أنا مش هقدر أعمل كدا.
*عمرو:* يابنتي بالعكس دا بيتكلم صح جدًا.
*نادر:* اسمعي أنا مش بقولك اعملي حاجة غلط أو إنك تخافي منها، أنا عايزك تحسي بوجودك إنك زينا، ليكي الحق المطلق زيك زي أي حد، تبطلي تخافي بقا، حاولي تثقي في كلامي ولو فشلتي مش هقولك على حاجة تاني.
*رسيل:*.........
*نادر:* هااا بقا.. اتفقنا؟؟
*رسيل:*.........
*نادر:* خلاص اتفقنا، شكرًا جدًا إنك هتسمعي كلامي.
*رسيل:* ب.. بس..استنا.
*نادر:* ياريت بقا الاقي إلي اتفقنا عليه المرة الجاية.
*عمرو:* يلا يا صاحبي؟
*نادر:* يلا يا أخويا.
(وسابوني هما الاتنين وأنا محتارة جدًا ومش عارفة إيه إلي ممكن يحصل، بس الحقيقة أنا مبسوطة إنهم حاسيين بيا وبيساعدوني، خاصة عمرو!)
__________________________________
*سمر:* هي رسيل اتأخرت كدا ليه يا ليلى؟ اللجان كلها طلعت.
*ليلى:* مش عارفة والله يا طنط زمانها جاية إن شاء الله.
*أحمد:* هي شكلها عامل إزاي عشان أدور معاكوا؟
*ليلى:* بنت جميلة جدًا بس هتلاقيها لابسة كمامة.
*أحمد:* امممم، في بنت جاية علينا، بس مهيش لابسة كمامة.
*سمر:* فين؟ بسنت! بسنت فين أختك؟
*بسنت:* معرفش، جاية وراكي أهه.
*رسيل:* ماما أنا وراكي أهو.
*سمر:* رسيل خضتيني عليكي كنتي فين؟
*رسيل:* كنت مع ناس صحابي.
*بسنت:* صحابك!!! صحابك إزاي؟؟
*رسيل:* زي الناس، وملكيش كلام معايا لو سمحتي.
*سمر:* إنتي كويسة طيب؟ عملتي إيه في الامتحان؟
*رسيل بحزن:* بصراحة يا ماما عندي أخطاء.
*سمر:* ولا يهمك يا حبيبتي ليلى بردو قالت إن الامتحان فيه شوية صعوبات.
*رسيل باستغراب:* ليلى!!!
*ليلى:* اه يا رسيل، عادي يعني.
*جلال:* طيب حمدلله على سلامتك يا رسيل وإن شاء الله ربنا يعوضكم في إلي جاي.
*رسيل:* شكرًا لحضرتك يا عمو.
*جلال:* طيب نستأذن احنا بقا، فرصة سعيدة يا مدام سمر.
*جلال:* أحنا أسعد طبعًا.
__________________________________
*عمرو:* أيوة الموضوع خلص.
*نادر:* أيوة انت عايز إيه يعني؟
*عمرو:* اقفل أم الابتسامة إلي فاردة وشك دي!
*نادر:* ياعم فرحااان فرحاااااااان أنا مش مصدق إني قعدت اتكلمت معاها، وكمان ردت عليا!!
*عمرو:* أيوة مش المفروض تشكرني بقا بما إني كنت السبب؟
*نادر:* متشكرين يا حج، ها إيه تاني؟
*عمرو:* اعزمني على عصير قصب.
*نادر:* اه.. طيب، هات عشرة جنيه.
*عمرو:* ليه؟
*نادر:* عشان أعزمك
*عمرو:* أيوة بس القصب بخمسة بس!
*نادر:* منا هعزمني معاك.
*عمرو:*!!!!!!!!!!
*نادر:*😁.
_________________________________
*سمر:* هتتغدي؟
*رسيل:* اه طبعًا لأني جعانة أوي.
*سمر:* طيب روحي نادي أختك عشان تيجي تاكل هي كمان.
*رسيل:* لأ مش هروحلها.
*سمر:* ليه كدا يا رسيل؟
*رسيل:* حضرتك عارفة ليه كويس، كمان أنا مش هاكل معاكوا أنا هاكل لوحدي.
*سمر:* كمان؟ ليه بس!؟
*رسيل:* عشان مش هتكلم مع حد فيكو، وعشان مسببش حرج لحد مش عايز يكلمني، وبيكلم إلي حواليا عادي.
_________________________________
*عند المقابر*
*جلال:* يلا يا حبايبي نقرأ لماما الفاتحة وندعيلها.
*ليلى وأحمد:* حاضر.
(بدأو يرددوا سورة الفاتحة على روح مامتهم، ويدعولها كتير أوي، وجلال كان جايب معاه مصحف صغير وقعد على جنب قدام القبر وقعد يقرأ شوية قرآن كهدية لها، وبعد ما خلصوا خرجوا من هناك، وراح جلال طلع من جيبه ظرفين واحد لأحمد والتاني لأخته ليلى، كل ظرف كان فيه مبلغ كويس)
*جلال:* الأظرف دي هتبقى معاكم، شوفوا بقا كل واحد هيختار مكان نتصدق بيه بالفلوس دي كهدية لماما.
*أحمد:* أنا هوديها لدار أيتام.
*جلال:* مااشي، وأنتي يا ليلى؟.. ليلى!!
(كانت ليلى باصة ناحية واحدة ست كبيرة في السن، كانت بتبيع جرجير وخُضرة، صعبت عليها الست وحسّت ليلى إنها تستاهل الفلوس دي)
*ليلى:* بابا.
*جلال:* نعم؟
*ليلى:* أنا هودي الفلوس للست إلي هناك دي.
*جلال:* بس في أماكن تانية تقدري تتبرعي فيها بالفلوس؟
*ليلى:* بس أنا عايزة أديهم للست دي.
*جلال:* خلاص روحي.
*ليلى بفرحة:* بجد يا بابا؟
*جلال:* أيوة يا حبيبتي.
(ليلى حضنت باباها وشكرته جامد، وبعدها راحت للست إلي كانت قاعدة بتبيع جرجير وخُضرة، واداتلها الفلوس وهي مبسوطة، وانبساطها وفرحتها زادو بفرحة الست بالفلوس)
*الست بفرحة:* كتّر خيرك يا بنتي، تحبي ادعيلك بإيه؟
*ليلى:* ادعي لماما بالرحمة ياطنط عشان هي وحشتني أوي.
*الست:* روحي باحبيبتي الله يباركلك في حياتك كلها ويجعلك من الناجحين، ويرحم ماما ويرزقها الجنة ونعيمها يارب العالمين.
*ليلى:* يارب.. اللهم آمين.

*استنونا البارت الجااي🌚😁*