روتيڤال🌑♥️

البارت الأول والعشرون..(21)

*بسنت:* مين ادالك البوكيه دا؟
*رسيل بابتسامة:* عمرو اداهولي هدية.
*سمر:* زوق أوي عمرو دا والله، ربنا يسعده.
*رسيل:* فعلًا يا ماما، أنا بصراحة فرحت بالبوكيه أوي.
*سمر:* ربنا يسعدك يا حبيبتي، أنا هروح أشوف حاجة مع طنط جيهان عما يجي.
*رسيل:* ماشي يا ماما وأنا هستناكوا.
(مشيت ماما وراحت مع طنط جيهان والدة عمرو ورنا وراحوا عشان يجيبولنا حاجات ناكلها من البوفيه، ساعتها رنا وبسنت حسّوا بالراحة الشديدة لعدم وجودهم ومن هنا بدأت الحرب عليا)
*رنا:* ويا ترى بقا أخويا هو إلي اداهولك فعلًا ولا سيادتك إلي لهفتيه؟
*رسيل:* لأ يا رنا هو إلي هداني بيه، وتقدري تسأليه لما ييجي.
*بسنت:* اممم يمكن يكون هو إلي اداهولها فعلًا يا رنا، بعد ما عيطت شوية ونزلت دمعتين عشان تصعب عليه إنها متكرمتش زينا.
*رسيل:* بسنت بلاش الطريقة دي بعد إذنك.
*بسنت:* أنا مغلطتش فيكي أنا بتوقّع بس.
*رسيل:* لا متتوقعيش أي حاجة تاني، وقلتلكوا لما عمرو يجي ابقي اسألوه.
*رنا:* أنا بقا مش هستناه عمّا يجي، وهاتي بقا الزفت دا كدا بعد إذنك، أنا مش هسيبك تاخدي حاجة بتاعت أخويا.
*رسيل:* لأ هو اداهولي يبقى هو بتاعي دلوقتي.
*رنا:* سبيه بقولك.
*رسيل:* قلتلك لأ.
(قعدت تشدوا مني وأنا متمسكة بيه، لحد ما البوكيه اتقطع واتبهدل خالص)
*رنا بعصبية:* عاجبك كدا؟
*رسيل:* أنا مكونتش أقصد..
(لسة كنت بكمّل كلامي ولكن رنا سبقتي بفعلها وضربتني، من صدمتي مقدرتش أرد عليها)
*رنا:* أنا كدا أخدت حقي منك.
(ومشيت رنا وراحت معاها بسنت، رجعت قعدت تاني لوحدي بس أول ماحسيت إني مش قادرة أمسك نفسي وهعيط جريت على ماما)
___________________________________
*ليلى:* كفاية صور بقا يا بابا.
*جلال:* كمان صورة بس يلا.
*ليلى:* يا بابا ما هما عايزينا عشان نتصور مع بعض!!
*جلال:* هما حاجة واحنا حاجة تانية، دي صورنا العائلية مع بعض.
*ليلى:* طب ممكن أروح لرسيل وتبقوا تيجوا؟
*أحمد:* طب تعالي خدي صورة كمان معايا لو سمحتي.
*جلال:* صورة كمان مع أخوكي وابقي روحي بعدها.
*ليلى:* حاضر.
__________________________________
*عمرو:* انت مجنون يابني؟ انت بجد مبقتش طبيعي.
*نادر:* أنا إلي مش طبيعي يا عمرو؟!
*عمرو:* دا شيء أكيييد طبعًا، ممكن تفسرلي إيه سبب عصبيتك عليا؟ ومدايقتك مني؟ وضربك ليا؟؟ هااا؟
*نادر:* دا على أساس إنك مش فاهم؟
*عمرو:* لو فاهم مكونتش سألتك يا نادر، ولو مش عاوز تجاوبني براحتك.
*نادر:* ابعد عن رسيل يا عمرو بعد إذنك.
*عمرو:* اهاااا، قول بقا إن القصة قصة رسيل.
*نادر:* مانت عارف إني بحاول أقرب منها وبسببك مش عارف، ومش مديني أي فرصة نهائي.
*عمرو:* أولًا من ناحية عارف فأنا عارف ومتأكد، ثانيًا لإني عارف فأنا معملتش أي حاجة تصدك عنها، وإن كنت عايز فرصة فدا من حقك، لكن لا من حقك تتعصب عليا ولا من حقك تضربني كدا، فاهم؟
*نادر:* هو انت مبسوط بقربك منها؟
*عمرو:* طبعًا، انسانة كويسة ونقية، ومش وحشة من جواها زي اختها واختي، وانت عارف كدا كويس، ولنفس السبب انت بتقرب منها.. صح؟
*نادر:* لأ مش صح.
*عمرو:*!!!
*نادر:* أنا بحبها.
*عمرو:* نعم!!!!!!!!!!!!
__________________________________
*بسنت:* على فكرة هي لو راحت اشتكت لماما هيحصلي مشكلة.
*رنا:* كبري دماغك يا بسنت، ماهي متعودة اننا دايمًا بنقولها كدا.
*بسنت:* ربنا يستر يا رنا، مش عايزة مشاكل مع ماما.
__________________________________
*رسيل بحزن:* ممكن نمشي بقا؟
*سمر:* ليه يا حبيبتي؟ حد دايقك ولا حاجة؟
*رسيل:* لأ يا ماما بس أنا مش عايزة أقعد تاني خلاص، وقاعدة لوحدي طول الوقت.
(ليلى جات من ورا رسيل)
*ليلى:* أنا جيت أهو عشان أقعد معاكي.
*رسيل:* اي دا إنتي كنتي فين؟ أنا افتكرتك مشيتي.
*ليلى:* لا والله ما مشيتش بس بابا كان زانقني أنا وأحمد في حيطة  عشان بياخدلنا كام صورة بس.
*رسيل:* طب تعالي عايزة أحكيلك حاجة.
*ليلى:* ماشي يلا بينا.
*رسيل:* عن اذنك يا ماما.
*سمر:* اتفضلوا يا حبيبتي.
(بعدنا شوية عن ماما وقعدنا في مكان على جنب)
*ليلى:* إيه بقا إلي حصل؟
*رسيل:* هقولك.. بصي.
*ليلى:* بصيت.
(حكيتلها كل إلي حصل، عمرو اداني البوكيه وعمل إيه معايا، وإزاي بعد كدا رنا بوظته وهي بتشدّه مني والتفاصيل كلها)
*ليلى:* أنا مش فاهمة إزاي رنا وحشة كدا.
*رنا:* ماما كان عندها حق لما قالتلي مستعجلش عليها واسميها صاحبة، كنت فاكراها كويسة والله.
*ليلى:* على فكرة رنا كويسة مش وحشة، ومش بتحقد عليكي لنفسك.
*رسيل:* أومال إيه؟
*ليلى:* تصرفاتها بتقول إن في حاجة تخصك من بعيد وبناء على كدا هي بتتعامل بالطريقة دي.
*رسيل:* برأيك إيه الحاجة دي؟
*ليلى:* دا إلي مش عارفينه.
*رسيل:* وهنعرفه إزاي؟
*ليلى:* هقولك.
*رسيل:* قولي.
*ليلى:* لا يابنتي هفكر الأول وبعدين أقولك!
*رسيل:*......
*ليلى:* إيه البصة دي؟
*رسيل:*......
*ليلى:* يا ساتر يارب، أنا هقوم أجيب شيبسي.
__________________________________
(على قد مانا زعلانة من كل إلي حصل معايا، على قد فرحانة بوجود ليلى وعمرو، على قد منا محتارة وخايفة من إلي جاي.. ربنا يستر).
*استنونا البارت الجااي🌚😁*