Shadow Love in my Eyes ( Completed )

Part 13

Unicode Version

LiLi ကိုလိုက်ရှာခဲ့တယ် ရှာခဲ့တာမှနေရာစုံကို
လိုက်ရှာခဲ့တာ ။

နောက်ဆုံး LiLi မိတ်ဆက်ပေးခဲ့ဖူးတဲ့
ပတ်ချယ်ယောင်းဆိုတဲ့ ဆေးကျောင်းက
LiLi ရဲ့အချစ်ဆုံးသူငယ်ချင်းဆီမှာတောင် 
သွားစုံစမ်းခဲ့ပါသေးတယ် ။

ဒါပေမယ့် ပတ်ချယ်ယောင်းကလည်း
ကိုယ့်ကိုတွေ့တာနဲ့ ဘူးတစ်လုံးဆောင်
အိုတောင်မဆင်းရဲဘူးဆိုတဲ့စကားကို
နှုတ်ကတရစေများကျင့်ထားလားမပြောတတ်
သူ့ဆီက မသိဘူးမရှိဘူးဆိုတဲ့စကားကလွဲရင်
ကျန်တာဘာအစအနမှမရခဲ့ဘူး ။

LiLi က သူ့သူငယ်ချင်းကိုပါအပြီးအပိုင်
နှုတ်ပိတ်သွားခဲ့တယ်ထင်ပါတယ်
LiLi ရဲ့အချစ်ဆုံးသူငယ်ချင်းဆိုတော့လည်း
LiLi ရဲ့စကားနားထောင်တာတော့
အဆန်းတော့မဟုတ်ခဲ့ပြန်ဘူး ။

ဆန်းတာက သူနဲ့ LiLi ရဲ့တူညီတဲ့မျက်ဝန်းတွေ
လိမ်နေတာကိုထုတ်ဖော်ပြသနေတဲ့
သူတို့ရဲ့မျက်ဝန်းတွေ ............... ။

" ဂျန်းနီကင်နင်ဟိုမှာကျောင်းမသွားတက်တော့ဘူး
  ဆိုရင်လည်းငါ့လုပ်ငန်းတွေမှာပါဝင်လုပ်ကိုင်ဖို့
  ကိုယ့်ဘာသာကိုယ်နင်ပြင်ဆင််ထားတော့ "

ဆိုဖာခုံပေါ်မှာငုတ်တုတ်ထိုင်ပြီး TV ပွင့်ရာဘက်ကို
မျက်နှာမူထားတဲ့ဂျန်းနီကိုကြည့်ပြီးသူ့အဖေက
ခတ်ပြတ်ပြတ်စကားဆိုလာတယ် ။

TV ထဲမှာထင်ဟပ်ပြသနေတာကလည်း
မိန်းကလေးနှစ်ယောက်နမ်းရှုံ့နေသည့်အခန်း ။

ထိုအခန်းကပဲဂျန်းနီရဲ့အလွမ်းတွေကို
နှလုံးသားထဲထိနက်နက်ရှိုင်းရှိုင်း
တသသပြန်လည်ပေါ်ပေါက်လာစေတယ်လေ ။

" စောရီးပဲအဖေ LiLi နဲ့ပြန်မတွေ့မချင်း
  သမီးဘာမှမလုပ်ချင်ဘူး
  LiLi ကို သမီးအရမ်းလွမ်းနေတယ်
  တကယ်ဘယ်အရာမှအဆင်မပြေဘူး "

အဖေဟာဂျန်းနီရဲ့လက်ဖဝါးထဲကတီဗီရီမုကို
ဆွဲဆောင့်ယူလိုက်သာမကတီဗီဖန်သားပြင်ပေါ်က
ထွက်လာတဲ့ပုံရိပ်တွေကိုပါပျောက်ကွယ်သွားအောင်
ခလုတ်လေးတစ်ချက်ကို ဖိနှိပ်လို့ ။ 

တီဗီထဲကပုံရိပ်တွေဟာဖန်သားပြင်ပေါ်
တစ်ခဏအတွင်းပျောက်ကွယ်သွားခဲ့ရပေမယ့်
ဂျန်းနီရဲ့ရင်ဘတ်ထဲက အလွမ်းတွေ
အချစ်တွေ သစ္စာတွေကတော့
လောကဓံရဲ့ဘယ်ခလုတ်နှိပ်နှိပ်ပါ  
မပျောက်ကွယ်မကွယ်ပျောက်တဲ့အပြင်
တစ်သက်လုံးတည်မြဲနေမယ့်အရာတွေလေ ။