Unicode Version
နေထွက်လာတော့အချိန်လေးတစ်ခုမှာတောင်
LiLi လေးကိုမနှိုးရက်နိုင်တော့တာကလည်း
ချစ်သောစိတ်ကြောင့်သာ ။ကိုယ်ချစ်ရတဲ့သူလေး
အိပ်ရေးမဝမှာကိုစိုးရိမ်တဲ့ စိတ်ဆန္ဒတစ်ခုဟာ
ကျွန်မရဲ့နှလုံးသားထဲ ခိုအောင်းတွယ်ငြိနေလို့။
သို့သော် LiLi ကတော့ အိပ်မက်ထဲကနဲ့မတူပဲ
ဒီတစ်ခါမှာတော့ ကျွန်မ မနှိုးပါနဲ့တောင်
သူ့အလိုလို နိုးထလာခဲ့တာမို့ နံနက်စောစောမှာပဲ
LiLi ရဲ့နဖူးလေးပေါ် ကို အနမ်းလေးတစ်ပွင့်နဲ့
ပြွတ်ခနဲအသံမြည်အောင်မိတ်ဆက်ပေးလိုက်မိတယ် ။
" အိပ်ရေးဝအောင် အိပ်လေ LiLi ရဲ့။
ဒီနေ့ ခွဲခန်းထဲဝင်ရမှာကို ဘာဖြစ်လို့
အစောကြီး နိုးလာရတာလဲ "
အပြုံးနဲ့အပေါ်စီးကနေ နူးညံ့တဲ့လေသံနဲ့
ပြောကြားလာတဲ့ NiNi ရဲ့မနက်စောစော
အလှပဟာ နေထွက်ချိန်ထက်တောင်
ပိုပြီးတော့လှပနေတာကြောင့် နေထွက်ချိန်ကိုပင်
စိတ်မဝင်စားနိုင်တော့ပဲ NiNi ရဲ့အလှကိုသာ
အရူးအမူး မျက်ဝန်းထဲစိုက်ကြည့်နေခဲ့မိတယ်။
ခေတ္တခဏလောက်ကြာမှ ....
" နေထွက်ချိန်ရဲ့အလှတရားလေးကို
အခုလို မျက်ဝန်းထဲမှာ တသသနဲ့
ကြည့်ရှုခံစားချင်လို့လေ "
" ရှင်မှားနေပြီ ! နေလုံးက ကျွန်မ မဟုတ်ဘူး
နေထွက်ချိန်ကို ကြည့်ချင်ရင်ဟိုဘက်ကိုကြည့်"
နှုတ်ခမ်းလေးဆူပြီး အပြင်ဘက်ခြမ်းကို
လက်ညိုးထိုးပြလာတဲ့ NiNi လေးဟာ
ကျွန်မရဲ့ဆိုလိုရင်းကိုလည်း အခုချိန်ထိ
မသိသေးတာကြောင့် ဟက်ခနဲရယ်ချ
လိုက်မိပေမယ့် ချစ်ရသူရဲ့အလှကတော့
မျက်ဝန်းထဲမှာ နဂိုတိုင်းနေရာယူဆဲပါပဲ ။
" ကျွန်မဘဝရဲ့နေထွက်ချိန်လေးဟာ
မင်းလေးပဲလေ NiNi ရဲ့။
နေထွက်ချိန်ရဲ့ အလှတရားထက်
စစ်မှန်တဲ့အလှတရားကို မြင်ပြီးတဲ့
နောက်ပိုင်းမှာတော့ လာလီဆာဆိုတဲ့
ကျွန်မဟာလည်း နေထွက်ချိန်ကို
စိတ်မဝင်စားနိုင်တော့ပါဘူး NiNi ရယ် "
ကျွန််မရဲ့စကားအဆုံး ကွေးညွှတ်သွားတဲ့
နှုတ်ခမ်းပါးတွေဟာ ဆောင်းတွင်းရဲ့အအေး
ဒဏ်ကြောင့် ကွဲအက်နေသော်လည်း လှပဆဲ။
ထိုနှုတ်ခမ်းပါးတွေကို တစ်သက်စာအမြဲတမ်း
တရှိုက်မတ်မတ် နမ်းရှိုက်ခွင့်ရဖို့အတွက်
ကျွန်မ အသက်ဆက်ရှင်နိုင်ဖို့ကြိုးစားရပေမယ်။
YOU ARE READING
Shadow Love in my Eyes ( Completed )
Fanfiction"စိတ်ဆိုးစိတ်နာအောင်ဘယ်လောက်ပဲလုပ်လုပ် အပြစ်မမြင်နိုင် မနာကျည်းနိုင်တာကလည်း ချစ်ခြင်းမေတ္တာပါပဲတဲ့ ။ တချို့တချို့သော ချစ်ခြင်းမေတ္တာအတိမ်အနက်တွေမှာဆိုရင် တောင်းပန်ပါတယ်လို့တစ်ဖက်ကမပြောလည်း တစ်ဖက်က ချစ်ခြင်းမေတ္တာအရင်းခံလို့ ချစ်စိတ်နဲ့ကြိုတင်ခွ...
