Unicode Version
ချစ်ရသူရဲ့နွေးထွေးသောရင်ခွင်လေးထဲကနေ
ရုတ်တရက်နိုးထလာရတဲ့မနက်ခင်းလေးဟာ
ကျွန်မအတွက်တော့လွန်စွာအဖိုးတန်လှတယ်။
LiLi ရဲ့ရင်ခွင်ထဲမှာတစ်ညလုံးနွေးနွေးလေးနဲ့
အိပ်ခဲ့လို့လားတော့မသိပါဘူး တပ်မက်ခဲ့တဲ့
အိပ်မက်တွေကအစတစ်မျိုးတစ်ဖုံလှပနေခဲ့တာ။
ဦးခေါင်းထက်မှာ မျက်လုံးလေးတွေစင်းပြီး
အိပ်စက်နေတာ ကျွန်မသိပ်ချစ်မြတ်နိုးရတဲ့
မိန်းကလေးတစ်ဦးပါလားလို့တွေးကြည့်မိပြန်တော့
ထိုမိန်းကလေးရဲ့ဖြူလွှလွှလည်တိုင်ဆီကိုလည်း
အနမ်းတစ်ပွင့်တယုတယပို့ဆောင်ပေးခဲ့ပြီးပြီ။
" နိုးနေပြီလား NiNi "
ပျင်းတွဲတွဲ အသံလှိုင်းလေးတစ်ခုနဲ့အတူ
နွေးတေးတေးအာငွေ့တချို့ဟာ မျက်နှာပေါ်
ရိုက်ခတ်လို့လာခဲ့ပေမယ့် နွေးထွေးနေခဲ့တယ်။
" နိုးနေပြီ LiLi ကိုကြည့်မဝလို့
တစိမ့်စိမ့်ကြည့်နေမိတာလေ "
အဲ့လိုပြောလိုက်တော့ ပြုံးပြလိုက်တဲ့LiLi ဟာ
သူ့နှာခေါင်းချွန်ချွန်လေးကိုဖက်ထုပ်အသွင်
ပါးလေးတွေထဲထိ ဖိကပ်နမ်းရှိုက်လာပြန်တယ်။
" ဒီနေ့ LiLi ကို NiNi ဟင်းချက်ကျွေးမယ် "
" တကယ်လား ! NiNi က ဟင်းတောင်
ချက်ပြုတ်တတ်နေပြီပေါ့ "
" ဒါပေါ့ ဝါသနာမပါပေမယ့်လည်း
LiLi ပြန်လာရင်ချက်ကျွေးဖို့အတွက်
စိတ်ဝင်တစား သင်ယူထားတာလေ "
" ကျေးဇူးအများကြီးတင်ပါတယ် NiNi "
စကားအဆုံး ကျွန်မရဲ့နှုတ်ခမ်းဖူးဖူးလေးကို
ပြွတ်ခနဲအနမ်းလှမ်းပေးတဲ့ NiNi ဟာ
ကျွန်မရဲ့လက်တစ်ဖက်ကိုပါအားပါပါဆွဲပြီး
ကုတင်ပေါ်မှဆင်းကာ အိပ်ယာပေါ်မှလည်း
လူကိုအတင်းပဲထခိုင်းနေတာကြောင့်
တမင်အကျင့်ယုတ်ပြီးခန္ဓာကိုယ်ကိုအနည်းငယ်
တောင့်တောင့်ကြီး နေထားလိုက်မိတယ် ။
" အာ LiLi အကျင့်မယုတ်နဲ့ကွာ ထတော့လို့
သူများကဟင်းချက်ကျွေးမယ်ဆိုတာတောင်
သူက အပျင်းတစ်နေတယ် တကယ်ပါပဲ "
စကားအဆုံးသတ်မှာတစ်ဖက်ကနေပြန်လည်
ဆောင့်ဆွဲလိုက်တဲ့အားကြောင့် အိပ်ယာပေါ်
ပြန်လည်ရောက်ရှိသွားတဲ့ NiNi ကိုယ်ကလည်း
LiLi ရဲ့ကိုယ်ပေါ်မှာသာ တစ်ထပ်တည်းကျနေရဲ့။
YOU ARE READING
Shadow Love in my Eyes ( Completed )
Fanfiction"စိတ်ဆိုးစိတ်နာအောင်ဘယ်လောက်ပဲလုပ်လုပ် အပြစ်မမြင်နိုင် မနာကျည်းနိုင်တာကလည်း ချစ်ခြင်းမေတ္တာပါပဲတဲ့ ။ တချို့တချို့သော ချစ်ခြင်းမေတ္တာအတိမ်အနက်တွေမှာဆိုရင် တောင်းပန်ပါတယ်လို့တစ်ဖက်ကမပြောလည်း တစ်ဖက်က ချစ်ခြင်းမေတ္တာအရင်းခံလို့ ချစ်စိတ်နဲ့ကြိုတင်ခွ...
