Shadow Love in my Eyes ( Completed )

Part 23

Unicode Version

ကောင်းကင်ပြာပြာကြီးနဲ့ ထိစပ်လုနီးနီးဖြစ်နေတဲ့ 
တောရွာလေးတစ်ရွာရှိ တောင်ကုန်းလေးပေါ်မှာ     
ဖြူလွင့်လွင့် အုတ်ဂူအဖြူရောင်လေး ။

ထိုအုတ်ဂူအဖြူရောင်လေးထဲမှာရှိတာက
ချစ်ရသူရဲ့ အရိုးပြာအိုးလေး ။ 
တိတိကျကျပြောရရင်တော့   
ချစ်ရသူတစ်ဘဝလုံးစာအတွက်ချန်ထားခဲ့တဲ့
နောက်ဆုံးသောအမှတ်တရလက်ဆောင်လေး။

အဲ့ဒီအုတ်ဂူလေးအရှေ့မှာမတ်တပ်ရပ်နေတဲ့
မိန်းကလေးဟာလည်း အသက်သာရှိပြီး
စိတ်ပိုင်းဆိုင်ရာသေဆုံးသွားသော
ပုံမှန်လူတစ်ယောက်မဟုတ်သကဲ့သို့ပင် ။

ထိုမိန်းကလေးရဲ့လက်ထဲမှာကိုင်ထားတဲ့    
စာအုပ်လေးတစ်အုပ်နဲ့ ရင်ခွင်ထဲမှာ
အမြတ်တနိုး ထွေးပွေ့ကာပိုက်ထားမိတဲ့   
ဂစ်တာအဖြူရောင်ကလေးဟာလည်း 
ယခုအချိန်အခါမှာတော့ ပိုင်ရှင်မဲ့စွာဖြင့် ။ 

မနေ့ညက အမေနောက်ဆုံးထုတ်ပေးခဲ့တဲ့
ဒီအရိုးပြာအိုးဟာ LiLi ချန်ထားခဲ့တဲ့   
နောက်ဆုံးသောလက်ဆောင်ဆိုတာ
ဂျန်းနီစိတ်ထဲအခုထက်ထိမယုံနိုင်သေးပါ ။

နောက်လည်းဘယ်တော့မှယုံမှာမဟုတ်ဘူး။ 

အကုန်လုံးက ဂျန်းနီကိုဝိုင်းပြီးလိမ်ညာနေကြတာ !
ဒါမှမဟုတ်လီဆာကဂျန်းနီအပေါ်အချစ်စမ်းနေတာ။

LiLi ရဲ့မွေးရပ်မြေ တောရွာနယ်ပယ်လေးမှာ
LiLi အတွက်သူကိုယ်တိုင်ပဲအုတ်ဂူသွင်းပေးခဲ့တဲ့
ဂျန်းနီဟာ လောကကြီးထဲမှာလီဆာမရှိတော့ဘူး
ဆိုတာတော့ ဘယ်လိုနည်းနဲ့မှမယုံနိုင်သေးပါဘူး။ 

အုတ်ဂူလေးကိုတောင် ဖက်ပြီးမငိုရှာတဲ့
ဂျန်းနီဟာ ငိုချင်နေတဲ့စိတ်တွေကိုတော့   
ကြိတ်မှိတ်ကာ အစွမ်းကုန်ချုပ်တည်းပြီး    
ထိုအုတ်ဂူလေးကိုပဲ ခံစားချက်သေသေ  
မှင်သေသေနဲ့ မတ်တပ်ရပ်စိုက်ကြည့်နေခဲ့တယ်။

LiLi လိမ်နေတာသိတယ် မဖြစ်နိုင်ဘူးဆိုတဲ့
အတွေးတွေကြောင့် ဖက်ပြီးမငိုခဲ့တာဖြစ်မယ်။

ဂျန်းနီစိတ်ထဲမှာ တစ်ထစ်ချယုံကြည်နေတဲ့   
ယုံကြည်ချက်တစ်ခုကတော့ လောကကြီးထဲမှာ
လီဆာကျိန်းသေအသက်ရှင်နေသေးတယ်ဆိုတာပဲ။