Unicode Version
LiLi သင်ပေးထားတဲ့လက်ကွက်တွေကို
ဂစ်တာတစ်လုံးနဲ့ လေ့ကျင့်နေတုန်းမှာပဲ
ကျွန်မသိပ်ချစ်ရတဲ့ LiLi လေးကတော့
ဝရန်တာကစလို့အခန်းရဲ့နေရာတိုင်းလိုလိုမှာ
လိုက်ကာအဖြူလေးတွေကိုလိုက်တပ်ဆင်နေရဲ့။
လိုက်ကာအဖြူလေး လေမှာလွင့်နေရင်
LiLi က သိပ်သဘောကျတယ်တဲ့လေ။
ပြီးတော့ LiLi က လေပြည်လေညင်းလေး
ဖြစ်ချင်တယ်လို့လည်း ပြောခဲ့ဖူးတယ်။
ဘာဖြစ်လို့လဲဆိုတော့ ကျွန်မ ရှိတဲ့နေရာကို
အချိန်မရွေးလွင့်ပြီးရောက်လာနိုင်လို့တဲ့။
" NiNi လိုက်ကာအဖြူလေးတွေလှလားဟင် "
ဝရန်တာနားမရောက်ခင် ပြတင်းပေါက်လေးမှာ
ချိတ်ဆွဲထားတဲ့ လိုက်ကာအဖြူလေးကို
လက်ညိုးထိုးပြပြီး LiLi ကမေးလာတယ် ။
" LiLi လုပ်တာဆို အကုန်လှပြီးသား "
လက်ထဲကဂစ်တာဆီကနေ ချစ်ရတဲ့ LiLi ဆီ
အကြည့်တစ်ချက်လွှဲပြီး အပြုံးနဲ့ပြောတော့
LiLi က သွားသေးသေးလေးတွေစီရီလာတဲ့ထိ
ရယ်မောပြနေတဲ့အပြင် နှုတ်ကနေလည်း ။
" LiLi က လိုက်ကာအဖြူလေးတွေ
လေမှာလွင့်နေရင် သိပ်သဘောကျတာ "
" ကျွန်မသိပါတယ်ရှင့် "
ဂစ်တာကိုဘေးမှာချပြီး လက်လေးပိုက်လို့
ခေါင်းညိမ့်ပြောလိုက်တော့ချစ်ရတဲ့ LiLi က
သူပြောနေကျ စကားလေးတစ်ခွန်းကို
ထပ်ကာပြောလာတာမို့ ကိုယ်တိုင်လည်း
နှုတ်ခမ်းထက်ပြုံးမိရဲ့သားဖြစ်ခဲ့ရတယ် ။
" ဒီလိုက်ကာအဖြူလေးကို တိုက်ခတ်နေတဲ့
လေပြေလေညင်းလေးလည်း တခါတလေ
ဖြစ်ချင်မိတယ် ဘာဖြစ်လို့လဲသိလား "
" သိပ!ကျွန်မရှိတဲ့နေရာကိုအချိန်မရွေးလွင့်ပြီး
ရောက်လာနိုင်တယ်လို့ပြောအုံးမလို့်လား "
ငါးခူအပြုံးနဲ့ ဆရာကြီးစတိုင် မေးစိကို
လက်နဲ့ပွတ်ပြီးပြန်ပြောလိုက်တော့
တဟီးဟီးရယ်မောပြလာတဲ့ LiLi ဟာ
ကျွန်မကိုလည်း ချီးကျူးစကားဆိုတယ်။
" NiNi ကသိပ်တော်တာပဲ !
တစ်ခါပြောပြရင် တစ်သက်လုံးမှတ်မိတယ် "
LiLi က သူ့စကားအဆုံးမှာ ဝရန်တာဆီကို
ပြေးထွက်သွားတာကြောင့် ကျွန်မလည်း
LiLi ပြေးသွားရာဝရန်တာကို အနောက်နေ
အမြန်ဆုံးလေး လိုက်သွားခဲ့ရလေပြီ။
ŞİMDİ OKUDUĞUN
Shadow Love in my Eyes ( Completed )
Hayran Kurgu"စိတ်ဆိုးစိတ်နာအောင်ဘယ်လောက်ပဲလုပ်လုပ် အပြစ်မမြင်နိုင် မနာကျည်းနိုင်တာကလည်း ချစ်ခြင်းမေတ္တာပါပဲတဲ့ ။ တချို့တချို့သော ချစ်ခြင်းမေတ္တာအတိမ်အနက်တွေမှာဆိုရင် တောင်းပန်ပါတယ်လို့တစ်ဖက်ကမပြောလည်း တစ်ဖက်က ချစ်ခြင်းမေတ္တာအရင်းခံလို့ ချစ်စိတ်နဲ့ကြိုတင်ခွ...
