أنا .. وأخوتي

لن تستطيع مقاومتي .. يا أستاذي

ينظر فريد لنجلاء بإستهتار: أولا العقد أو الإتفاق اللي بينا ما في أي تعويضات .. ثانيا إنتي ما إشتريتيني بفلوسك ولا أنا أشتغل عندك عشان تتحكمي فيا .. وثالثاً أنا ما راح أجلس في مكان أتعامل فيه بالطريقة هذه وما راح أسمح لأحد يعاملني بالطريقة هذه لا أنا ولا زميلي اللي معايا

يقترب فريد من نجلاء بتحذير: وإياكي تفكري إنك تهدديني مره ثانية أو تقولي كلمه ثانية .. أنا رايح أغير ملابسي وأمشي .. سلاااام

تقف نجلاء متجمدة وهيا تنظر إلي فريد بصدمه وحيره وقد تركها وتوجه لغرفته .. يدخل فريد الغرفة ويستقبله شادي بلهفة: هاااا يا فريد .. إيش صار

فريد يضع يده على كتف شادي بحب: ما تخاف حبيبي .. أنا ما راح أرضي على إهانتك ولا إهانتي

شادي بإستغراب: أيوا .. يعني إيش سويت

فريد بثقة: قولت لها ما راح أكمل البرنامج لوحدي .. يا أنا وإنت مع بعض أو راح أمشي

يبتسم شادي بقلق: طيب .. وإيش قالت

فريد بعدم مبالاة: قالت لازم أدفع تعويض ولازم .. ولازم .. يعني حاولت تهددني

شادي بخوف: وااااا يا فريد .. خلاص ما نبغي مشاكل .. مو ضروري أكون معاك .. كمل البرنامج لوحدك .. ما أبغي أسبب لك مشاكل مع الناس

فريد يحتضن شادي بحنان: ما تخاف حبيبي ما راح تقدر تسوي لنا حاجه

لحظات ويطرق باب الغرفة بهدوء .. يبتعد فريد عن شادي بهدوء .. فريد وهو ظهره للباب: ميييييين

من خلف الباب بصوت منكسر: أأأأنااااا .. نجلاء .. تسمح نتفاهم مع بعض

تدخل نجلاء الغرفة بإرتباك: أنا عمري ما إعتذرت من أحد .. بس أتمني تقدر إني أنا أم .. وأبغي أفرح في ولدي الوحيد يوم زواجه .. و ردت فعلي كانت بسبب إني أبغي كل شيء يكون مرتب في الفرح وإتفاجأت بالتغير هذا .. ومع هذا أنا أعتذر منكم .. بس لو سمحت ما تمشي

ينظر فريد لشادي بفخر ويبتسم بخبث ثم يلتفت نحو نجلاء: وأنا كمان ما راح أخرب عليكي فرحتك .. وراح نكمل البرنامج اللي إتفقنا عليه

شادي بقلق: لاااااا .. أنا لااااا .. ما يحتاج إني أكمل معاك .. أنا حاسس بتعب وراح أرتاح لغاية ما تخلص .. إسمحولي

تخرج نجلاء لمقابلة ضيوفها ويغير فريد ملابسه ليخرج ويكمل برنامج الحفل .. قبل ما يخرج من الغرفة يقترب فريد من شادي ويقبله قبله حنونه جداً: إنت لسه زعلان .. إذا تبغي خلينا نمشي