هديه بذهول تمسك سماعة الهاتف عند ذكر إسم شادي .. تشعر هديه بعدم قدرتها على الوقوف وتجلس على الكرسى ثم ترد بإرتباك: ش ش ش شادي .. مستشفى .. إيش في شادي
يقترب جهاد والأولاد من هديه .. ويأخذ السماعة منها ليفهم الموضوع .. جهاد بإستغراب: أيوا .. أنا جهاد أخو شادي .. عفوا ممكن تفهميني إيش الموضوع
موظفة الإستقبال: بصراحه إحنا مو متأكدين .. بس جانا اليوم في المستشفى شخص مصاب بحادث سيارة .. وما عنده هويه أو أي معلومات عنه وعملنا له اللازم وهو حالياً منوم عندنا .. وبعدين جانا إتصال بقول أنه يعرفه وإسمه شادي وأعطانا رقمكم
جهاد بصدمه: حااااادث .. وإنتم فين .. أي مستشفى
هديه بقلق: حاااادث إيش .. وشاااادي .. شاااادي هو اللي عمل الحادث ولا مين .. فهمني يا جهاد
موظفة الإستقبال: إحنا المستشفي العام الجديد .. لو سمحت تقدر تجي تتعرف عليه عشان لو كان هو تزودنا بهويته ومعلومات عنه .. لما توصل تعال لقسم الإستقبال
جهاد بتوتر: طيب خلاص .. دحين أجيكم
يضع جهاد السماعة وينظر لهديه بصدمه .. بينما كانت هديه تنظر له بدهشه تنتظره يقول شيء: هااااا يا جهااااد .. قولي إيش في شادي
جهاد يسرع إلي باب الخروج وتلحق به هديه بينما يقف الأولاد متجمدين مكانهم والخوف يتملكهم .. هديه بإستغراب: جهااااد .. جهااااد .. رايح فين .. خدني معاك
جهاد بإستعجال: لا يا عمه خليكي هنا .. أنا أروح أتأكد منهم وأطمنك
هديه بإستعطاف: جهاد خذني معاك .. أنا نفسي أشوفه
جهاد بترجي: يا عمه ما ينفع .. لأنهم أصلا ما هم متأكدين أنه شادي ولا لا .. والمشوار بعيد .. خلاص خليني أروح أنا وبكلمك من هناك
هديه بإنكسار: جهاااد .. أنا قاعده على نار .. طمني لا تنسي .. وإنتبه على نفسك
يقبل جهاد جبين هديه: حاضر يا عمه
ينطلق جهاد للمستشفي والأفكار تحاوره: هو ولا مو هو .. طيب فين كان .. وإيش صار له خلال 8 أشهر .. إيش راح أقوله .. وفين اللي كان معاه .. أنا تعبت .. تعبت
يصل جهاد المستشفي بعد ساعه ونصف وكانت هديه تتصل عليه بإستمرار لتطمئن عليه وبأنه وصل المستشفي .. يتوجه نحو الإستقبال: مرحبا
موظفة الإستقبال: أهلاً .. تفضل
جهاد بتوتر: عفواً .. إنتم إتصلتوا عليا .. بخصوص الحالة اللي جات عندكم بسبب حادث سيارة
أنت تقرأ
أنا .. وأخوتي
General Fictionأحداث القصة تدور عن 3 أخوان ولكل واحد منهم لديه حياته ومشاكله وعلاقاته وأسراره التي يخفيها عنهم رغم أنهم يعيشون تحت سقف واحد وتحت حماية أخوهم الأكبر .. فهل ستكون حياتهم جميله رغم إختلافهم وكيف سيقتنع كل منهما برأي الأخر وقراره لنقرأ القصه ونكتشف أحد...
