🐺Unicode🐍
"မင်းသား ဒီနေ့အတွက် အချိန်ဇယားပါ။ မင်းသားလီယွမ်က အရေးကြီးကိစ္စကြောင့် မလာနိုင်တာမို့ ရိုက်ကွင်းနားပါတယ်။ ဒီနေ့ 'What is this thing called Love' ရိုက်ကွင်းပဲ ရှိပါတယ်။ ညနေလေးနာရီရောက်ရင်တော့ Variety Show တစ်ခုရှိပါတယ်။ ညရှစ်နာရီ Variety Show ပြီးရင်တော့ ကြော်ငြာအတွက် ရိုက်ကူးရေး သွားရပါမယ်။ အလုပ်အားလုံးပြီးချိန်က ညဆယ်နာရီပါ။"
"မင်းသားလီယွမ်က ရိုက်ကွင်းဖျက်ရလောက်အောင် ဘာပြဿနာဖြစ်လို့လဲ။"
ရိပေါ်ရဲ့မေးခွန်းအဆုံး မန်နေဂျာက ခဏမျှစဉ်းစားဟန်ပြုပြီးတဲ့နောက် အဖြေပြန်ပေးလာတယ်။
"မင်းသားလီယွမ် သူ့သူငယ်ချင်း မတော်တဆမှုနဲ့ပတ်သတ်ပြီး အမှုပြန်ဖွင့်ထားတာ မင်းသားလည်း ကြားမှာပါ။ အဲဒါ အမှုပြန်ဖွင့်တာ အဆင်မပြေဘူးထင်ပါတယ်။ အထက်က ယာဉ်မတော်တဆမှုနဲ့ ဆုံးသွားတယ်လို့ပဲ သတ်မှတ်လိုက်ပေမယ့် မင်းသားလီယွမ်ဘက်ကတော့ လူသတ်သမား သပ်သပ်ရှိတယ်ဆိုပြီး အမှုကို မရရအောင်ပြန်ဖွင့်နေတာ။ အခုဆို ချန်ကုမ္ပဏီကပါ မင်းသားလီယွမ်ပြောစကားကြောင့်နဲ့ အမှုပြန်ဖွင့်ဖို့ ကြိုးပမ်းနေကြပြီတဲ့။"
မန်နေဂျာပြောစကားများကြောင့် ရိပေါ်လည်း လေးလံလာတဲ့စိတ်ကို သက်ပြင်းနဲ့အတူ မျှောချလို့ ခေါင်းသာညိတ်ပြလိုက်မိတယ်။ မန်နေဂျာကတော့ အလိုက်သိစွာပဲ နှုတ်ဆက်လို့ အခန်းပြင် ထွက်သွားလေရဲ့။
-------------------------------
" 'What is this thing called Love' ဇာတ်ကားထဲမှာဆို အဓိကဇာတ်ဆောင်တွေဖြစ်တဲ့ လင်းမန်နဲ့ ရှန်းစန့်က တစ်တွဲ၊ ဇာတ်ပို့တွေဖြစ်တဲ့ လင်းချန်နဲ့ ချန်းစစ်က တစ်တွဲပါမယ်။ ဒီဇာတ်ကားထဲမှာဆို အတွဲနှစ်တွဲကြားက မေတ္တာတွေတင်မကဘူး။ လင်းမန်နဲ့လင်းချန်ကြားက ညီအစ်ကိုမေတ္တာကိုပါ ဖော်ပြထားတာမို့ ရိပေါ်နဲ့ဟိုက်ခွမ်းက ကြိုးစားပြီး သရုပ်ဖော်ပေးရလိမ့်မယ်။"
'What is this thing called Love' ရိုက်ကွင်းအတွင်း ဒါရိုက်တာကြီးမှာ အဓိကမင်းသားလေးယောက်ဖြစ်တဲ့ ရှောင်းကျန့်၊ ရိပေါ်၊ ဇန့်ကျင်နဲ့ ဟိုက်ခွမ်းတို့ကိုခေါ်ပြီး လိုအပ်သမျှ ညွှန်ကြားပေးနေခြင်းပင်။
YOU ARE READING
PSYCHO FRIEND (Season-2) (Completed)
Horror🐺Unicode🐍 အိပ်မက်လေလား... တကယ်လေလား... #EndlessKeir Start date : 23.6.2021 End date : 4.5.2023 🐺Zawgyi🐍 အိပ္မက္ေလလား... တကယ္ေလလား... #EndlessKeir Start date : 23.6.2021 End date : 4.5.2023
