🐺Unicode🐍
စားသောက်ပွဲကျင်းပနေတဲ့အတောအတွင်း သူတို့အားလုံး စကားအများကြီးပြောဖြစ်ကြတယ်။ CEO ရှောင်၊ CEO ယွဲ့၊ ယွဲ့မင်ဖန်၊ ယွဲ့မင်ရီနဲ့ ရိပေါ်တို့က စီးပွားရေးအကြောင်းတွေ တစ်ချက်တစ်ချက် ထထဆွေးနွေးတဲ့အခါမှာ ရှောင်းကျန့်က နှုတ်ခမ်းဆူပြီး
"ဒါ ကျွန်တော့်မွေးနေ့လေးဆိုတာလည်း အမှတ်ရကြပါဦး။ မသိရင် စီးပွားရေးလုပ်ငန်းရှင်ကြီးတွေ တွေ့ဆုံတဲ့ပွဲကျနေတာပဲ။"
ဆိုပြီး ဆူအောင့်အောင့်နဲ့ ပြောလာတဲ့အခါ တစ်ဝိုင်းလုံးက ပွဲကျရတယ်။ ရှောင်မားမားကတော့ 'ငါ့သားလေး မှန်တယ်' ဆိုပြီး စားစရာတွေကို ရှောင်းကျန့်ပန်းကန်ထဲ တစ်ခုပြီးတစ်ခု ထည့်ပေးနေတော့တယ်။
စားသောက်ပွဲကြီး ပြီးဆုံးသွားတဲ့နောက် တစ်ယောက်ချင်းစီက ရှောင်းကျန့်ကို မွေးနေ့လက်ဆောင်ကိုယ်စီ ပေးကြတယ်။ မွေးနေ့ပါတီလေးကတော့ ရိုးရိုးရှင်းရှင်းလေးပဲ ပြီးဆုံးသွားခဲ့ပါတယ်။
CEO ရှောင်၊ CEO ယွဲ့တို့ကလည်း ရိပေါ်နဲ့တွေ့ဆုံခွင့်ရခိုက် စီးပွားရေးအကြောင်း ဆွေးနွေးပြောဆိုကြပြီး ရိပေါ်ဘက်က ကမ်းလှမ်းတဲ့အနေနဲ့ ကုမ္ပဏီသုံးခု အကျိုးတူပူးပေါင်းဖို့ ဆုံးဖြတ်လိုက်ကြတယ်။
စီးပွားရေးအကြောင်း အားရအောင် ဆွေးနွေးလို့အပြီးမှာ ရှောင်းကျန့်၊ ကျန်းချန်၊ ယွီပင်းတို့နဲ့ စကားလက်ဆုံ ကျမိတယ်။ မင်ဖန်နဲ့ ချင်လီကတော့ ကျန်းချန်နဲ့ ယွီပင်းကို တော်တော်သဘောကျနေကြပုံ။ ရောက်တတ်ရာရာဟာသတွေပြောဆိုနေကြပြီး ဟန်ဆောင်မှုမရှိ အားရပါးရရယ်မောနေကြတာက အနှစ်နှစ်အလလက ခင်မင်ရင်းနှီးခဲ့ကြတဲ့ မိတ်ဆွေတွေအတိုင်း။
ယွဲ့မင်ရီကတော့ တစ်ချက်တစ်ချက် ဝင်လာတဲ့ဖုန်းကြောင့် နေရာကနေ မသိမသာရှောင်ထွက်ပြီး ဖုန်းသွားသွားပြောတတ်တာကလွဲလို့ သူတို့နဲ့သာ စကားဝိုင်းဖွဲ့ပြောနေလေ့ရှိတယ်။ ရှောင်းကျန့်မှာတော့ ဖုန်းပြောရင်း ပြုံးရွှင်နေတဲ့ မင်ရီ့ကိုကြည့်ရင်း မျက်မှောင်ကြုတ်လို့ အစ်ကိုမင်ဖန်ကိုလည်း သွားသွားပြောနေသေးရဲ့။
YOU ARE READING
PSYCHO FRIEND (Season-2) (Completed)
Horror🐺Unicode🐍 အိပ်မက်လေလား... တကယ်လေလား... #EndlessKeir Start date : 23.6.2021 End date : 4.5.2023 🐺Zawgyi🐍 အိပ္မက္ေလလား... တကယ္ေလလား... #EndlessKeir Start date : 23.6.2021 End date : 4.5.2023
