4🌼
"ဟ ကျောင်းသားကြီးေကျာင်းသူကြီးတွေကျောင်းသွားကြတော့မလို့လားကွ"
"ဟုတ်ကိုကြီးမြတ်"
မြတ်ဘုန်း ပန်းလေးကိုအလုပ်သွားရန်သွားကြိုချိန် အိမ်ထဲမှ ထွက်လာကြသည် ပန်းလေးတို့မောင်နှမသုံးယောက်။
ကျောင်းစိမ်းဝတ်စုံလေးတို့ဖြင့် ဖိုးသူနှင့်ငယ်ငယ်ထွေး မှာ ပန်းလေးလက်ကိုတစ်ယောက်တစ်ဖက်ဆွဲကာ သူ့အားပြိုင်တူပြုံး၍နှုတ်ဆက်ကြလေသည်။
ပန်းလေးကသူ့အားပြုံးရင်းကြည့်ကာ
"မြတ်ဘုန်းရောက်တာကြာပြီးလား"
"ဟင်အင်း မစားတော့ဘူး ဟဲဟဲ"
"အရူး"
ပန်းလေးမေးတာတခြား စပ်ဖြဲဖြဲပြန်ဖြေတာတလွဲနှင့် မို့ပန်းလေးမျက်စောင်းလေးထိုးမိသည်။
မြတ်ဘုန်းက ရယ်ရင်းပင် သူ့အင်ကျီအိတ်ကပ်ထဲမှငါးရာတန်နှစ်ရွက်ကိုနှိုက်ကာ
"ရော့ ဖိုးသူနဲ့အငယ်လေး အတွက်မုန့်ဖိုး"
"ရေး ဒါကြောင့်ကိုကြီးကိုချစ်တာရေး"
ကလေးနှစ်ယောက်က ငါးရာတန်လေးများဆုပ်ကိုင်ကာခုန်ပေါက်၍ပျော်မြူးနေကြလေသည်။
"ပေး နှစ်ယောက်လုံးအဲ့ပိုက်ဆံ"
ပန်းလေး၏ခပ်ငေါက်ငေါက်အသံထွက်လာချိန် ကလေးနှစ်ယောက်မှာမျက်နှာငယ်လေးဖြင့်သူတို့အစ်မကိုပြန်ပေးကြရှာသည်။
"ပန်းလေး ဘာဖြစ်လို့လဲဟာ ကလေးတွေကိုမုန့်ဖိုးပေးတာပဲ"
"မရဘူး နင်လည်းငါအတန်တန်ပြောနေတဲ့ကြားက အကျင့်ဖျက်တယ် သူတို့တွေဒီအရွယ်တည်းကအကျင့်ရသွားရင် သူများပေးတိုင်းလိုက်ယူနေတော့မှာနောက်ပိုင်းဒုက္ခရောက်တော့မှာ နင်သိလား"
"ပန်းလေးကလည်းဟာ ကလေးတွေကဘာသိမှာလဲ နောက်ကြီးလာရင်တော့ သူ့ဟာသူသိသွားမှာပေါ့ နောက်ပြီး ငါကရော အခြားသူတစ်ယောက်လား"
ပန်းလေးအငယ်လေးတို့ကိုစိတ်ပူ၍ပြောလိုက်သည့်စကားက သူ့ကိုထိခိုက်စေမှန်းသတိမထားမိလိုက်ပါ။
ESTÁS LEYENDO
🌼အကြင်နာပန်းလေးရင်မှာလန်းပါ....🌼
Romance🌼အကြင်နာပန်းလေး ရင်မှာလန်းပါ🌼 zawgyi and unicode "ပန်လေးဘဝမှာလေ မြတ်ဘုန်းရှိရင်အရာရာပြည့်စုံပြီး" အကြင်နာပန်း "အဟားဟား မင်းရဲ့လိမ်ညာစကားတွေကိုယုံမိတာ ငါကခုတော့ နွားလုံးလုံးဖြစ်ကျန်ခဲ့ရပြီး" မြတ်ဘုန်းသော် "ဘွားဘွား ရှာခိုင်းတဲ့လက်စွပ်ပိုင်ရှင်ကို က...
