នៅលើទីទួលស្ថិតនៅក្បែរមាត់ជ្រោះមួយកន្លែង ហើយក៏ត្រូវជាកន្លែងតែមួយដែល Catina បានជ្រើសយកមកបញ្ចប់ជីវិតរបស់មនុស្សតែម្នាក់ដែលនាងបានគិតថាគេជាបានដណ្តើមអ្នកអង្គម្ចាស់របស់នាងចេញពីនាង ។ ទើបនាងត្រូវតែសម្លាប់គេចោលដោយវិធីនេះដើម្បីឱ្យគេចងចាំមេរៀននេះទុកគ្រប់ៗជាតិ ថាលិទ្ធផលអ្នកដែលដើម្បីយករបស់នាងចេញពីនាងគឺវាយ៉ាងម៉េច ។
« សង្ឃឹមថាជាតិក្រោយឯងមិនអាយុខ្លីបែបនេះទៀតទៅចុះ » ស្រីស្រស់លូកដៃទៅច្របាច់ថ្ពាល់អ្នកសន្លប់ព្រោះជាតិថ្នាំមួយទំហឹងដល់ថ្នាក់សាច់របស់គេមានស្នាមជាំក្រហម ។ ប្រើកម្លាំងដៃទះទៅលើថ្ពាល់គេតិចៗហើយក៏សើច ញាក់ភ្នែកផ្តល់ជាសញ្ញាឱ្យកូនចៅបញ្ចប់កិច្ចដោយមាននាងជាអ្នកឈរអោបដៃមើលអ្វីដែលនាងចង់ឱ្យកើតឡើងបំផុតទាំងញញឹមញញែមបិទមាត់មិនជិតនោះទេ ។
« ព្រូង!!* »
ក្រោយពីកិច្ចការបានបញ្ចប់រួចសព្វគ្រប់ហើយ Catina ក៏ចាកចេញទៅវិញ ដោយមានរទេះនៅរង់ចាំនាងរួចជាស្រាច់ ។ នាងមិនទាន់វិលត្រឡប់ចូលទៅក្នុងរាជវាំងរបស់អ្នកអង្គម្ចាស់វិញឡើយ គឺនាងត្រឡប់ទៅរាជវាំងរបស់បិតាមាតារបស់នាង នាងមិនទៅល្ងង់ចូលទៅឱ្យគេសង្ស័យក្នុងប្រការណាមួយបាននោះទេ ពេលនេះផែនការរបស់នាងក៏បានសម្រេច គ្មានអ្វីជាបន្លាក្នុងទ្រូងនាងទៀតទេ ។
គួរឱ្យស្តាយ ផែនការរបស់នាងបានខ្ទិចអស់ទៅហើយ Catina ។ បុរសម្នាក់ដែលបានលាក់ខ្លួននៅក្នុងទឹករង់ចាំតែឱកាសចូលទៅស្រង់អ្នកធ្លាក់ពីខាងលើមក ក៏បានហែលទៅលើកគេឡើងមកលើគោក មិនបណ្តោយឱ្យគេរលត់សង្ខារដោយសារតែចេតនាចង់សម្លាប់យ៉ាងឃោឃៅនេះឡើយ ។
គេបានឃើញរាល់សកម្មភាពទាំងអស់ប៉ុន្តែគេសុខចិត្តសំងំចាំរហូតទាល់តែពួកគេទាំងនោះបញ្ចប់ការហើយចាកចេញទៅអស់ ទើបគេប្រញាប់លោតចូលទៅជួយ ព្រោះគេត្រូវតែធ្វើឱ្យពួកនោះគិតថាគម្រោងគឺបានសម្រេច ទើបគេមិនពិបាកនៅពេលក្រោយ ។
« គេនៅមានដង្ហើម រៀបចំរទេះទៅ »
« លោកម្ចាស់ចង់ធ្វើអ្វីទាន?? គេជាព្រះជាយារបស់អ្នកអង្គម្ចាស់ ពួកយើងមិនអាចយកគេទៅជាមួយបានទេ គេជាប្រពន្ធរបស់សត្រូវពួកយើងណា៎លោកម្ចាស់!! ដឹប!!* អូយ៎!! » Chanyeon លាន់មាត់ពោលពាក្យអូយ៎ឡើងមកខណៈដែរកំពុងចុកឆ្អល់ដោយសារសុីមួយជើងពីលោកម្ចាស់គេ គេខំប្រាប់ទុកជាបំណងល្អតែបែរជាទាត់គេមិនត្រាប្រណីទៅវិញ ចាំមើលតែមើលចុះប្រាប់មិនជឿសមតែឱ្យទៅវាយគ្នាជាមួយអ្នកអង្គម្ចាស់ទេ ។
YOU ARE READING
L O V E M A Z E ᥫ᭡ (✔️)
Romance« ជីវិតនិងបេះដូងរបស់ខ្ញុំម្ចាស់បានប្រគល់ឱ្យត្រង់តាំងតែពីថ្ងៃពួកយើងអភិសេកមកម្ល៉េះអ្នកអង្គម្ចាស់ » Jungkook Aiden Cassian ft Taehyung Kim ប្រភេទរឿង : កូរ៉េ x ចិន Author : AERA ROSAA Date : 26/12/21 - 30/11/23 Cover : Somavotey ♡︎ original picture to t...
