L O V E M A Z E ᥫ᭡ (✔️)

EP49 : បារម្ភពីយើងមែនទេ??

បន្ទាប់ពីអូសទាញគេចេញពីក្នុងគុកមកវិញបានសម្រេច Tae ក៏ត្រូវទៅរៀបចំតុបតែងខ្លួនសារជាថ្មីម្តងទៀត ស្រង់ទឹកអប់ស្បែកសារជាថ្មី មិនថាសម្លៀកបំពាក់ ការតុបតែងខ្លួន អ្វីនោះឡើយគឺត្រូវតែថ្មីទាំងអស់ ព្រោះគេត្រូវតែស្អាតបំផុតនៅក្នុងយប់នេះ ។ បើមុននេះសម្លៀកបំពាក់ត្រូវបានមនុស្សឃោឃៅចាប់ទាញដល់ថ្នាក់ខ្ទេចទ្រង់ទ្រាយអស់ទៅហើយ គេចមិនផុតពីការធ្វើថ្មីនឹងទេ ។

« ម្ចាស់ប្រុស! រួចរាល់ហើយព្រះពរ!! » ស្រីបម្រើខ្សឹបហៅម្ចាស់ប្រុសសម្រស់ល្អបវរដែលអង្គុយឱ្យពួកនាងតុបតែងខ្លួនឯងដល់ថ្នាក់ទន់ភ្នែកគេងនៅលើកៅអី ។ ទោះជាពួកនាងមិនដាច់ចិត្តដាស់ក៏ត្រូវតែដាស់ដែរ ប្រកែកមិនបានទេ ព្រោះរាត្រីនេះទ្រង់ត្រូវយាងទៅរកអ្នកអង្គម្ចាស់ ។

« អ៎..អរគុណច្រើនហើយ »

« វាជាតួនាទីរបស់ពួកខ្ញុំម្ចាស់! ទ្រង់យាងព្រះពរ! អ្នកអង្គម្ចាស់កំពុងរង់ចាំទ្រង់ » Tae ងក់ក្បាលបន្តិចហើយក៏ទប់ខ្លួនងើបពីលើកៅអីដើរចេញទៅដោយមានស្រីបម្រើដើរអមសងខាងដោយមានកាន់ស្បៃបិទបាំងសម្រស់ដ៏ល្អឯកជាប់រហូតទាល់តែមកដល់មាត់ទ្វារដំណាក់ហារ៉េម ទើបពួកទាហានប្រញាប់ប្រញាបើកទ្វារឱ្យទឹកបង្ក្រាបភ្លើងចូលទៅខាងក្នុង ។ ក៏ដឹងដែលថាចរឹកអ្នកអង្គម្ចាស់យ៉ាងម៉េច ទ្រង់មិនចូលចិត្តទេការរង់ចាំនោះទេ កាន់តែយឺតយាវមិនទាន់អ្វីដែលទ្រង់ចង់បានគឺទ្រង់ដាក់គេឯងគ្រប់គ្នាមិនរើសមុខឡើយ ។ វាមានម្តងរួចមកហើយដែល Tae បានឱ្យទ្រង់រង់ចាំគេ ដូច្នេះហើយកុំឱ្យវាមានជាលើកទី 2 ។

នាយតូចឈានជើងដើរយឺតៗមួយតាមដំណើរល្វត់ល្វន់ដែលត្រូវបានអ្នកម៉ែបង្ហាត់បង្រៀនតាំងតែពីនៅតូចៗ ។ រង្វង់ភ្នែកមូលឃ្លុំរេចុះរេឡើងសម្លឹងមើលជុំវិញបន្ទប់ហើយក៏ឆ្ងល់ថាហេតុអ្វីបានជាដំណាក់នេះរៀបចំប្លែកពីលើកមុន មើលទៅតាមការតុបតែងនេះគឺវាដូចបន្ទប់ប្តីប្រពន្ធផ្សំដំណេកច្រើនជាង ។ ច្រមុះស្រួចមានខ្ពង់ក៏ចាប់កត់សម្គាល់បានក្លិនក្រអូបប្រហើរៗរបស់ផ្កាដែលអ្នកអង្គម្ចាស់សព្វព្រះទ័យបំផុតរួចក៏ដឹងបានភ្លាមថាក្លិននេះគឺចេញពីទៀនតូចៗនៅក្នុងដំណាក់ ប៉ុន្តែ..ចុះឯណាអ្នកអង្គម្ចាស់??