« ម្ចាស់ប្រុសស្រស់ស្អាតខ្លាំងណាស់ ព្រះអង្គម្ចាស់ទី ១ ច្បាស់ជាស្ងើយសរសើរដល់អ្នកអង្គម្ចាស់ជាមិនខានទេដែលមានអនាគតព្រះជាយាស្រស់ស្អាតបែបនេះ » សម្លេងស្ងើចសរសើរនៅតែឮបន្តម្តងហើយម្តងទៀតមិនដាច់សូរស័ព្ទ ក៏ព្រោះតែអ្នកដែលនាងសរសើរនេះពិតជាស្រស់ស្អាតសមឱ្យសរសើរមែន សរសើរយូរប៉ុណ្ណាក៏មិនហត់មិននឿយដែរ ។
ត្រឹមតែថ្ងៃធម្មតាក៏ម្ចាស់ប្រុសរបស់ពួកនាងមានសម្រស់លេចធ្លោលើសគេលើសឯងដែរ ចុះទម្រាំតែនេះជាថ្ងៃពិសេស តុបតែងខ្លួនបានយ៉ាងល្អឥតខ្ចោះគ្មានកន្លែងទាស់បែបនេះទៀត ប្រាកដណាស់ថាថ្ងៃនេះគ្មានអ្នកណាអាចដកភ្នែកចេញពីទ្រង់បានទេ ។
« ទ្រង់អាចគង់នៅតែអង្គឯងបន្តិចបានទេព្រះពរ?? ពួកខ្ញុំម្ចាស់ត្រូវទៅយកផ្កាមកតុបតែងសក់របស់ទ្រង់ »
« ខ្ញុំចង់ចេញទៅខាងក្រៅ មានអារម្មណ៍ថានៅទីនេះយូរស្អុះស្អាប់ខ្លាំងណាស់ » នាយតូចចងចញ្ចើមធ្វើមុខស្មូញៗ ក៏ព្រោះតែគេពិតជាធុញធប់ខ្លាំងពិតមែន ម្យ៉ាងពោះក៏កូរទៀតគេត្រូវការចេញទៅរកអ្វីមកញ៉ំា ។
« បានណាព្រះពរ តែសូមទ្រង់កុំយាងទៅណាឆ្ងាយផ្តេសផ្តាសអី បើទ្រង់កើតមានបញ្ហាអ្វីអ្នកអង្គម្ចាស់ប្រាកដជាវាយពួកខ្ញុំបែកខ្នងជាមិនខាន »
« អឹម!! » នាយតូចញញឹមងក់ក្បាលដាក់ពួកនាងស្រាលៗ ហើយពួកនាងក៏អោនក្បាលគោរពប្រញាប់ឈានជើងថយទៅធ្វើកិច្ចការ ឯគេក៏រើសស្បៃមុខមកបិទបាំងរង្វង់មុខឱ្យស៉ីជាមួយពណ៌សម្លៀកបំពាក់ ទើបងើបដើរចេញទៅខាងក្រៅតម្រង់ទៅផ្ទះបាយរកអ្វីមកញ៉ំាទ្រាប់ក្រពះព្រោះតែឃ្លានដោយមានទាហានពីរនាក់ដើរតាមមើលសុវត្ថិភាពមិនឱ្យដាច់ចេញពីភ្នែកឡើយ ។
« រង់ចាំទីនេះហើយខ្ញុំចូលទៅរកអ្វីញ៉ំាបន្តិច »
« ក្រាបទូលម្ចាស់ប្រុស » ពួកគេទាំងពីរអោនចំកោងខ្នងអោនក្បាលគោរពទតួលបញ្ជា ចែកគ្នាឈរម្ខាងម្នាក់នៅមាត់ទ្វារផ្ទះបាយទុកពេលឱ្យម្ចាស់ប្រុសយាងចូលទៅរកអ្វីសោយតាមអ្វីដែលទ្រង់បានមានបន្ទូលប្រាប់ ។
YOU ARE READING
L O V E M A Z E ᥫ᭡ (✔️)
Romance« ជីវិតនិងបេះដូងរបស់ខ្ញុំម្ចាស់បានប្រគល់ឱ្យត្រង់តាំងតែពីថ្ងៃពួកយើងអភិសេកមកម្ល៉េះអ្នកអង្គម្ចាស់ » Jungkook Aiden Cassian ft Taehyung Kim ប្រភេទរឿង : កូរ៉េ x ចិន Author : AERA ROSAA Date : 26/12/21 - 30/11/23 Cover : Somavotey ♡︎ original picture to t...
