Aquarium, Aloe Vera and Alyssum (Completed)

Aquarium, Aloe Vera and Alyssum~26~

I got Wang's update so I'm very happy to write another Chapter 😭

Scroll down for Zawgyi thank youuu<33

~ ~ ~ ~

Mr. and Mrs. Xiao ရဲ့ ဆုံးပါးမှုက Xiao မိသားစုအတွက် ဝမ်းနည်းဖို့ကောင်းလှသည့် ဖြစ်ရပ်တစ်ခုဖြစ်သည်။ အမွေဆက်ခံသူရဲ့ သေဆုံးမှု ဖြစ်တာကြောင့်လဲပါသည်။ ထို မတော်တဆမှုက ရှောင်းကျန့်အပေါ်လဲ အတင်းအဖျင်းတွေ သက်ရောက်စေခဲ့ပြန်သည်။

အမှုတွဲကို ထပ်ကာ ထပ်ကာ ပြန်ကြည့်ရင်း ဝမ်ရိပေါ်သက်ပြင်းချတယ်။ သူ့အဖေနဲ့ပတ်သက်တာ တစ်ခုတစ်လေမှကို ရှိမနေပါဘူး။ အဲ့ဒီအစား ရှောင်းကျန့်အာဏာစက်ရဲ့ အရှိန်အဟုန်လေးတစ်ခုကို သူသိရှိခံစားလိုက်ရတယ်။ 

ရှောင်းကျန့်က ထိုကားမောင်းတဲ့သူကို မူရင်းထောင်ဒဏ် သုံးနှစ်ကနေ ငါးနှစ်ထိ တိုးအောင်လုပ်လိုက်တယ်။ Xiao မိသားစုရဲ့ပါဝါရဲ့သက်ရောက်မှုက ထိုကားမောင်းတဲ့လူကို ‌သေတာထက်ဆိုးတဲ့ နာကျင်မှုတွေကို ထောင်ထဲမှာခံ‌စားစေနိုင်ဖို့ ငါးနှစ်ဆိုတာ လုံလောက်တာထက် ပိုပါတယ်။ အဲ့ဒါကြောင့်လည်း ရှောင်းကျန့်က အဲ့ဒီလူ ထောင်ထဲမှာ အရိုးပုပ်နေလောက်ပြီလို့ ပြောခဲ့တာပဲ။ 

ပိုက်ဆံပဲသိတဲ့ ထိုလူကလည်း အဲ့ဒီနာကျင်မှုတွေကို လေးနှစ်ကြာ သည်းခံပြီးနောက်မှာ အလျှော့ပေးဖို့ ဆုံးဖြတ်လိုက်ပြီး သူ့အပြစ်လျော့သွားလောက်မယ့် သက်သေကို လော့ရီရီဆီ ထုတ်ပေးလာတယ်။ ဘာသက်သေလဲဆိုတာကိုတော့ ဝမ်ရိပေါ်ရဲ့ လွှတ်ထားတဲ့သူက ရအောင်မစုံစမ်းနိုင်ခဲ့ဘူး။ ရှောင်းကျန့်က ထိုလူကို ငါးနှစ်မပြည့်မချင်း သေခွင့်မပေးမှာကို အဲ့ဒီလူကကောင်းကောင်းကြီးနားလည်သွားတဲ့အချိန်က နည်းနည်းလေး နောက်ကျသွားပြီ။ ‌ငါးနှစ်ပြည့်တာနဲ့ တန်းပြီး သတ်မှာကို သေသေချာချာနားလည်သွားတာပါ။ 

ရိပေါ် အသက် ၁၆ ပြည့်တဲ့နေ့မှာပဲ သူ့အဖေက စီးပွားရေးလောကအကြောင်းတွေကို ရှင်းပြလာခဲ့တယ်။ စီပွားရေးလောက ... အပြင်ပိုင်းမှာကြည့်လိုက်ရင်တော့ လှပတဲ့ သမုဒ္ဒရာကြီးတစ်ခုပေါ့။ ခပ်နက်နက်လေးဆင်းလိုက်မယ်ဆိုရင် ငါးမန်းအုပ်စုတွေရှိမယ်၊ ချောက်နက်ကြီးတွေရှိမယ်။