Aquarium, Aloe Vera and Alyssum (Completed)

Aquarium, Aloe Vera and Alyssum~1~

ပုံကရှောင်းကျန့်ရွေးလာတဲ့ငါးကန်ပါ

ပုံကေရွာင္းက်န႔္ေ႐ြးလာတဲ့ငါးကန္ပါ

scroll down for Zawgyi Thank you.

◇◇◇◇

Aquarium

ငါးကန်လှလှလေးတွေကိုတစ်နေရာတည်းတစ်စုတစ်စည်းတည်းမှာမြင်ချင်ရင် "Aquamarine" ဆိုင်လေးကိုတည့်တည့်မတ်မတ်သွားပါဆိုတာလေးကငါးတွေကိုအလှမွေးတဲ့လူတွေကြားမှာသိပ်ရေပန်းစားတာ။

ငါးလေးတွေကိုအလှမွေးရတာကြိုက်တဲ့ ရှောင်းကျန့်အတွက်တော့ လောလောလတ်လတ်သိလာတဲ့ဒီဆိုင်လေးကိုတစ်နေ့တော့မရောက်ရောက်အောင်သွားဦးမယ်။ ငါးမွေးချင်လို့စုံစမ်းဖြစ်ပေမဲ့သဘောကျတဲ့ဆိုင်မတွေ့သေးတာရယ်၊ သူလိုချင်ငါးဖြစ်တဲ့ "Betta" or " Siamese fighting fish" (ဒေါင်းငါးအမျိုးအစားငါးတစ်မျိုး)ကို မရတာရယ်ကြောင့်မဝယ်ဖြစ်သေးတာ။ ရှောင်းကျန့်ရဲ့ဆန္ဒတွေကိုဒီဆိုင်လေးကတော့ဖြည့်ဆည်းပေးလိုက်ပြီ။

'ပင်မှည့်သီး' အမည်ရှိတဲ့ခရီးသွားလုပ်ငန်းစုဆိုတာ တရုတ်ပြည်မှာနာမည်ကြီးထိပ်သီးခရီးသွားအေဂျင်စီတစ်ခုပဲ။ နိုင်ငံတကာနဲ့လဲဆက်စပ်ထားတယ်။

လုပ်ငန်းရဲ့နာမည်ကြောင့်စိတ်ဝင်စားကြတဲ့လူတွေရယ် 

ခရီးသွားမယ်ဆို 'ပင်မှည့်သီး' အေဂျင်စီနဲ့မှ အဆင်ပြေမယ် 

ဆိုပြီးကြော်ငြာဝင်ကြတဲ့သူတွေရယ် ဆိုပြီး ရှိတော့အောင်မြင်လွန်းတယ်လေ။
CEOလေးကနတ်သားလေးလို ချောတာကိုလဲမပါမဖြစ်ထည့်ပြောရမှာပေါ့။
အဲ့ဒီ လုပ်ငန်းစုပိုင်ရှင်ရဲ့နာမည်က ရှောင်းကျန့်။ 

လုပ်ငန်းစုကြီးရဲ့ပိုင်ရှင်မို့လို့ အသက်ကြီးကြီးလူတစ်ယောက်လို့ မထင်လိုက်လေနဲ့ 33နှစ်အရွယ်လူငယ်လေး။ 

ရှောင်းကျန့်လိုအမျိုးသားမျိုးနဲ့ လက်ထပ်ချင်ကြတာ မိန်းမပျိုတိုင်းရဲ့အိပ်မက်ပဲ။

ရှောင်းကျန့်ဆိုတဲ့လူသားကအရာရာမှာပြီးပြည့်စုံနေတာ။ လုပ်ငန်းစုကိုလဲပိုင်နိုင်အောင်ထိန်းချုပ်နိုင်တယ်။ သူ CEO ဖြစ်လာတဲ့ ၅ နှစ် အတွင်းမှာ "ပင်မှည့်သီး"ခရီးသွားအေဂျင်စီကခရီးတစ်ခုမှ cancel ဖြစ်ခဲ့တာမျိုးမရှိဘူး။ ရာသီဥတုမကောင်းရင်မရတဲ့တစ်နည်းနည်းနဲ့ သွားချင်တဲ့နေရာကိုအချိန်မီပို့ပေးမှာပဲ။ အဲ့တာတွေကြောင့် ခရီးသွားလုပ်ငန်းစုတွေအများကြီးရှိပါလျက်နဲ့ ရှောင်ရှောင်းကျန့်ဆိုတဲ့နတ်သားလေးပိုင်တဲ့ အေဂျင်စီကိုပဲ လူတွေကသည်းသည်းလှုပ်ကြတော့တာပေါ့။