မားက တိုးတိုးလေးမှာထားတယ်...။ အကြီးအကဲစကားကို နားထောင်ရမယ်တဲ့။ချစ်ရေးချစ်ရာကိစ္စတွေမှာ ခင်ပွန်းဖြစ်သူကို လိုက်လျောဖို့ ၊ ပြုစုဖို့ ရှောင်းကျန့်မှာ တာဝန်ရှိပါသတဲ့လေ...။
ရှောင်းကျန့်ကတော့ အကြီးအကဲကို အုပ်ထိန်းသူအစ်ကိုကြီးတစ်ယောက်လိုမျိုးပဲ ခင်တွယ်ချင်တာရယ်။ ဒါပေမဲ့ အကြီးအကဲက သိပ်အသားယူတာပဲ။
လူကိုအလစ်အငိုက္မိအောင် သိပ်လုပ်
တာမို့ ရင်ခုန်လွန်ပြီး ရူးသွားရင်တော့ အကြီးအကဲက တရားခံပါပဲ။
ချစ်မှုရေးရာဆိုတာမျိုးကလည်းအမျိုးသားနဲ့အမျိုးသမီးချစ်ကြိုက်တာမျိုးပဲ သိထားတာမို့ အကြီးအကဲရဲ့အထိအတွေ့မှာ ရင်ခုန်မိတာမျိုးက ရှောင်းကျန့်အတွက် ထူးခြားဆန်းကြယ်နေတာတော့အမှန်ပါပဲ။
လောလောဆယ်တော့ အကြီးအကဲရဲ့ရင်ခွင်ထဲကနေ တိဗက်စကားလေးကို အလွတ်ကျက္မှတ်နေရပါတယ်။အတွေးတွေပျံ့လွင့်နေလို့မဖြစ်ဘူးရယ်။ ဟိုးရှေ့မှာ စင်မြင့်တစ်ခုနဲ့ တိဗက်လူထုကို မြင်နေရပြီမို့။
အကြီးအကဲက ကုလားအုတ်ကို စင်မြင့်နားထိ ခပ်ဖြည်းဖြည်းမောင်းနှင်သွားတယ်။ နောက်တော့ လွှားခနဲခုန်ဆင်းလိုက်ပြီး ရှောင်းကျန့်ဆင်းနိုင်ဖို့ရာ လက်နှစ်ဖက်ကိုဆန့်ကားပေးလာတယ်။ စင်မြင့်ရှေ့မှာ
လူအုပ်ကြီးရှိနေတာမို့ အစောပိုင်းက အကြီးအကဲနဲ့ ကုလားအုတ်အတူတူစီးလာခဲ့သမျှ အခုလိုသိမ်းပွေ့ဖမ်းမဲ့အမူအရာကြောင့်နဲ့ကျမှ ရှောင်းကျန့်ခမျာရှက်နေရပြီပဲဖြစ်ပါတယ်။
ခြေနင်းကွင်းကနေတောင် မဆင်းရဲတာမို့ ခုန်ချဖို့ဆိုတာကလည်း ဘယ်လိုမှမဖြစ်နိုင်ဘူးရယ်။မတော်လို့ ဒလိမ့်ခေါက်ကွေး ပြုတ်ကျမှ ပိုအရှက်ကွဲရချည်သေးရဲ့။ရှောင်းကျန့်တစ်ယောက္ များပြားလှတဲ့ လူအုပ်ဆီ မဝံ့မရဲကြည့်ရင်း ချီတုံချတုံဖြစ်နေတာကို အကြီးအကဲက မြင်ဖြစ်အောင်မြင်သွားတယ္ထင်ရဲ့။ လေသံခပ်အုပ်အုပ်နဲ့ပြောလာတယ်။
"ရှောင်ရှောင်း...တခြားကိုမကြည့်ဘဲ...ကျုပ်ကိုပဲကြည့်...ကျုပ်တစ်ယောက်လုံး ရှိနေတာမို့ ရဲရဲဆင်း..."
YOU ARE READING
Tales Of The Himalayas (Completed)
Fanfiction"စာမရီ ရေခြုံထားတာတောင္မှ သိပ္မနွေးသလိုပဲနော္..." "လာ...ဒီဘက်ကိုတိုး...ကျုပ္ကိုယ်ငွေ့နဲ့ ထွေးပေးမလို့..."
