"ကိုကို! "
ရှောင်းကျန့်ခေါ်သံ ဖျော့တော့တော့လေးအဆုံးမှာ အလံငယ်လေးကို ကောက်ငင်လိုက်တဲ့အကြီးအကဲက အကြည့်နွေးနွေးနဲ့ ငေးစိုက်ကြည့်လာတယ်။
နောက်တော့ ဖွဖွပြုံးလိုက်ပြီး ရှောင်းကျန့် လက်ဖျားလေးနှစ်ဖက်ကို အသာအယာကိုင်ဆွဲထူမ လို့ ပြိုင်တူမတ်တပ်ရပ်လိုက်ပါတယ်။မျက်နှာချင်းဆိုင်အနေအထားဖြစ်သွားတာမို့ ရှောင်းကျန့်မှာ အလွမ်းကြီးလွမ်းနေရတဲ့ အမျိုးသားကို ခေါင်းကလေးမော့လို့ ငေးရတာပါပဲ။
အကြီးအကဲက မုတ်ဆိတ်မွေးရေးရေးနဲ့ဖြစ်နေပေမဲ့ ဘာဆိုဘာမှပြောင်းလဲမသွားဘူးပဲ။ အရင်လို ထက်ရှတဲ့မျက်ဝန်းတွေနဲ့အတူ ကြည်စင်ခံ့ညားနေတုန်းပါပဲ။
ရှောင်းကျန့်ငေးစိုက်ကြည့်နေရင်း မျက်ရည်တွေဝေ့သီလာတာမို့ ပုံရိပ်တွေ
က တဖြည်းဖြည်းနဲ့ ဝေဝေဝါးဝါး။
နှုတ်ခမ်းကလေးပါ ဆတ်ခနဲ မဲ့အကျမှာတော့ အကြီးအကဲက ရှောင်းကျန့် ပါးပြင်နုနုကို ဖွဖွအုပ်ကိုင်လာပြီး မျက်နှာလေးကို နီးနီးကပ်ကပ်စိုက်ကြည့်လို့လာတယ်။နောက်တော့ ရှောင်းကျန့် နှုတ်ခမ်းပါးအောက်က မှဲ့နက်ကလေးဆီ လက်ညှိုးထိပ်နဲ့ဖွဖွတို့ထိလိုက်ပြီး တိုးဖွဖွပြောလာပါတယ်။
"လွမ်းတယ်...သိပ်လွမ်းနေခဲ့တာ..."
"ကျွန်တော်ရောပဲ..."
အကြီးအကဲရဲ့ ဩရှရှအသံအဆုံးမှာတော့ ရှောင်းကျန့်ရဲ့ အသံတိုးဖွဖွလေးက
ကပ်လျက်လိုက်ပါ ထွက်ကျလာပါတယ်။
"ဖြူဖျော့သွားလိုက်တာ..ကျုပ်ကြင်ဖက်ကလေး ဒီအတောအတွင်း ပင်ပန်းခဲ့မှာပဲ.."
အကြီးအကဲက လေမြူးချိန်မို့ ရှောင်းကျန့်ရဲ့မျက်နှာပေါ်ကပ်ငြိလာတဲ့ ဆံနွယ်မျှင်လေးတွေကို စိတ်ရှည်လက်ရှည် ဖယ်ရှားပေးရင်း တိုးဖွဖွပြောလာတယ်။
"အွန်အွန်း..."
အကြီးအကဲအပြောကြောင့် ရှောင်းကျန့်ခေါင်းလုံးလုံးလေးကို ဆတ်ခနဲညိတ်အပြမှာတော့ မျက်ရည်စတွေက ပါးပြင်နုနုပေါ်ပြိုဆင်းကျလာပြီပဲဖြစ်ပါတယ်။အကြီး
အကဲက မျက်ရည်စတွေကို လက်မနဲ့
ဖွဖွတို့သုတ်ပေးရင်း ရှောင်းကျန့်ကို လေးလေးနက်နက်စိုက်ကြည့်လို့ နူးနူးညံ့ညံ့ပြောလာတာက...
YOU ARE READING
Tales Of The Himalayas (Completed)
Fiksi Penggemar"စာမရီ ရေခြုံထားတာတောင္မှ သိပ္မနွေးသလိုပဲနော္..." "လာ...ဒီဘက်ကိုတိုး...ကျုပ္ကိုယ်ငွေ့နဲ့ ထွေးပေးမလို့..."
