عشقى وقدرى (بقلم منار جمال)

الفصل الثالث

إنتهت ملك وارتدت الاسدال وذهبت إلي شقة مديحة،  فتحت لها عفاف الباب
ملك/ فوفا خلصتوا الغدا واقعة من الجوع
عفاف/ أيوا ياقلبى خلص،  بس هنستنى 10 دقايق،  هشام وعمر جاين فى الطريق، نتغدى كلنا مع بعض
ملك/ ماشي،  نور فين
عفاف / جوا فى اوضتها
ملك/ أنا داخله لها أقعد معاها عما يجوا
عفاف وهي تمسكها من أذنها / تدخلى تجبيها وتخرجى تحضرى السفرة،  سامعة
ملك بضحك/حاضر حاضر، على طول أهو
ذهبت ملك إلى غرفة نور طرقت الباب ودخلت
***************
فى غرفة نور
إنتهت للتو من الصلاة وكانت تلملم سجادة الصلاة من الأرض عند دخول ملك
ملك/ ملحقتكيش الصبح قبل متنزلى
نور/ السلام عليكم الاول ، وبعدين كان عندى محاضرة بدرى وكنت مستعجلة ومتأخرة
ملك بمرح وبطريقة غنائية / وعليكم السلام ههههههههههه
فوفا عوزانا نخرج نحضر السفرة،  هشام وعمر جايين في الطريق
نور/ تمام يالا بينا لتوحة ممكن تدخل تقتلنا هههههههه
ملك / بتقولى فيها ههههههه، بقولك بعد الغدا فكريني أحكيلك موضوع كدا
نور/ موضوع إيه خير،  قولى
ملك / بعد الغدا نتكلم براحتنا
نور/ تمام يالا بينا
*******************
كانوا جميعهم جالسون على السفرة
هشام/ تسلم إيدك ياتوحة تسام إيدك يافوفا
مديحة ووفاء مع بعض / الف هنا ياحبيبى
عمر/ حازم مجاش ليه
ملك/ كلمته،  قالى مش فاضى عنده تدريب وشغل
مديحة وهى توجهه كلامها لهشام/ كلمك
هشام باماءة / أيوا الصبح
مديحة ببعض الضيق / وقالك حاجة
هشام/ حكالى الحوار اللى دار بينكم،  وقالى راضيها مش عاوزها زعلانة منى،  دا فى الأخر شغل
مديحة/ شغل ما قولتش حاجة وهما كل اللى بيشتغلوا. طيارين مبيخدوش أجازة ، شغل سفر وأجازاته مقضيها سفر
عمر / شكلى كدا فهمت بتتكلموا عن مين، 
نظر إلى هشام وأكمل / هو كلمك إمتى
هشام / الصبح
عمر/ واطى، وميكلمنيش
هشام وهو ينظر لتوحة / إنت عرفاه ياتوحة دماغه ناشفة ومفيش حد بيفهم دماغه إلا واحد بس،
  ثم نظر إلى عمر ونظر هو وعمر إلى ملك
ملك / إيه بتبصوا لى كدا ليه
عمر/ يعني إنت ياحبيبة أخوكى مش عارفة تقرريه وتقنعيه يخلى الصنم يرجع
هشام/ لا البت دي طول عمرها بتاعة مصلحتها وبس
ملك بغيظ / شوف مين بيتكلم عن المصلحة الباشا الدنجوان اللى مقضيها مع البنات وأنا والبت نور بندارى عليه،  وطلعت لسانها مثل الأطفال وكانت تتحدث وتشاور باصبعها على نور
هشام / بلاش أقول على الأندومى يادكتورة ،ها اللى بتطلبيه من السوبر ماركت وبحاسب عليه وبدارى عليكى من توحة وحازم ها ، ونور كمان
عمر بطريقة مضحكة/ على يدى
نور / نعم نور كمان إيه يا إستاذ هشام
هشام/ بلاش. أقول خلينى ساكت
نور/ لاء اتكلم عشان أتكلم أنا كمان وإنت فاهمنى ها
توحة قطاعتهم / بس مش عاوزة أسمع كلمة هتعدوا تتناقروا على الأكل كمان
ملك / مش هما اللى بدأوا يا توحة
نور / أه ياتوحة والاستاذ هشام بالأكتر
فوفا وهي تضحك / خلاص بقى ياولاد اتغدوا وانتوا ساكتين بعدين عايروا بعض بأسراركم دى ههههههههههههههه
*********************
بعدما انتهوا من الغذاء،  جلست مديحة ووفاء فى البراندا يشربون الشاى،  ونور وملك يوضبون المطبخ،
ملك وهى تدخل البراندا
ملك / عملتلكوا بقى كيكة هتاكلوا صوابعكوا وراها،  تكلوها مع الشاى
وفاء بابتسامة/  تسلم ايدك ياقلبى اكيد هتعجبنا طالما انت اللى عملاها
ملك وهى تبعث لها قبلة فى الهواء / حبيبتي يافوفا
توحة/ فين نور
ملك / هي خلصت ودخلت اوضتها، (واكملت بمرح طفولى)  هدخل اشوفها عشان حضرت للسهرة
وعادة للداخل لم تنتظر رد احد
وفاء/ مالك ياست مديحة، ايه شاغل تفكيرك كدا
مديحة وهي تأخد نفس طويل وتنظر أمامها على منظر النيل /  نور
وفاء/ مالها نور
مديحةوهى تنظر لها / ملحظتيش تغيرها أول ما إجت سيرته
وفاء/ لا طبعا لاحظت بس عملت نفسى مش واخده بالى
مديحة / وهى بتحاول تبان طبيعية وتخبى،  بس مبتعرفش
وفاء / مفيش بإيدينا حاجة نعملها،  لا هو راضى يرجع ولا هى بتتكلم
مدبحة/ لو بس يرجع أفهم ليه بعد كدا
وفاء / هيرجع،  مسيره هيرجع
*************************
في غرفة نور،  كما ذكرنا في الفصل الأول أنها تهتم بالبراندا كثيرا وتزرع بها الكثير من الزهور وتمتلك بها أيضا قفص كبير به عصافير الكناريا وفي الزاوية يوجد مرجيحة معلقة ( مرجيحة رتان معلقة لشخصين)
دخلت ملك وجدتها جالسه على المرجيحة وسرحانة لدرجة،  أنها لم تشعر بدخول ملك ولا بكلامها معاها
ملك وهي تجلس بجانبها وتلوح بيدها امام وجه نور حتي تنتبه لها
ملك/ يانور يانور
نور بانتباه/ إيه يا ملك فى إيه
ملك/ أنا اللى فى إيه،  من بدرى وأنا بكلمك وإنت ولا هنا،  ( وبغمزة من احدى عينيها وابتسامة) اللى واخد عقلك
نور/ مفيش حد واخد عقلى،  أنا بس سرحت شوية مش أكتر
ملك/ اتكلمى يانور،  السكوت مش بينسى ولا بيريح،  بالعكس بيتعب أكتر،  التفكير لوحدك بتتعبى ومبتوصليش لحل،  إنما التفكير مع حد بيريح صدقيني
نور/ عاوزانى أقولك إيه
ملك / قولى اللى جواكى،  احكيلى،  حسام صح
نور/ من كتر مبفكر في الموقف الواحد كتيير،  وصلت لسؤال واجابته هي النتيجة،  بس معرفتش أجاوب عشان أوصل للنتيجة
هو أنا أستاهل ان الكل يبعد عن بالشكل دا،  استاهل ابقي لوحدي،  استاهل انه يبعد عنى فجأة وبدون أي مبرر ، او يمكن أنا اللي فاهمة غلط
يمكن حصل حاجة بعدته
يمكن لما كبر ونضج شاف انه مينفعش يرتبط بواحدة زى
يمكن اللي كان مخليه مكمل احترامه لبابا نشأت
يمكن حب مراهقة وراح لحاله
الف يمكن والف ليه ومش لاقيه اجابة، 10سنين بحط في اعذار واحتمالات والنهاية صفر
حاولت انسي واشغل نفسي بس في النهاية بلاقيه في بالي شاغل تفكيري،  يمكن عشان مفيش سبب مقنع لبعاده يمكن لو عرفت سبب بعده ارتاح وانساه
ملك بحيرة وتفكيرة / عندك حق يانور فى كل اللخبطة اللى إنت فيها دى،  هو اختفي فجأة وبدون حتى ميتكلم،  ولا قالك راجع،  ولو كان مثلا فكرة إنه يكبر ويبقاله شغله الخاص والمسؤلية والكلام دا،  اعتقد إنه حاليا يقدر يعمل دا مبيرجعش ليه ولو كان كدا كان على الأقل إتواصل معاكى كلمك لو مكالمة واحدة يجدد الأمل، إحنا ليه مكتوب علينا وجع القلب
نور/ الحب بيوجع القلب،  اللى بيحب بجد هو اللى لو حبيبه بعد عنه ولو ثانية قلبه هيوجعه
بس يمكن اللي تعبنا ومخلينا مش عارفين نكره ان مفيش سبب للبعد،  مفيش سبب حتي لو تافهه  يسبب البعد دا كله
ملك/ طب إنت ودا اللى محيرك.  أنا أقول إيه،  ياترى اتخطف يا ترى اتقتل أصل هو مش صغير عشان يتوه وميرجعش،  والنتيجة اننا في نفس الحيرة موصلناش لا لاجابة ولا لنتيجة
نور وهى تنظر لها / بس أنا وصلت
ملك / إيه هى
نور/ إنهم محبوش زي ما احنا حبينا
ومع ان نور معاها حق ولكن ملك كانت عاوزة تقضى على أي حاجة جواها تقولها غير إنه راجع وبيحبها مهما حصل هستناك
غيرت ملك الحوار بمرحها / الله بقي ياست نور هنقضيها نكد،  انهاردا الخميس السهرة بتاعتنا يالا عملت الكيكة وحضرتك الهوت شوكلت والتسالى المشكل والفشار
نور/ عمر وهشام فين
ملك / عمر طلبوه فى المستشفى وهشام راح يقابل واحد صاحبه
نور بمرح/ البيت فضى لنا،  قشطا يالا بينا
ملك بمرح/ يالا