عشقى وقدرى (بقلم منار جمال)

الفصل الثانى

وصل حازم إلى شركته ترك السيارة أمام الشركة للحارس المسؤل عن ركنها فى الجراچ ودخل إلى الشركة وكل من يقابله يقف باحترام لجديته في العمل ولحزمه فى التعاملات عموما،  فهو شخصية جدجداً وحازم فعلا فى كل شئ ، مش مجرد اسم بس لاء،  كما قالت ملك عنه (اسم وفعل)
شركة حازم مكونة من 6 أدوار،  أول دور الاستقبال، أي حد عاوز يقدم أو يستفسر عن شئ لابد من وجوده فى الاستقبال أولا، ويوجد به أيضا ما يشبه الكافتريا صغيرة لاستقبال العملا، وبه أيضا زاوية صغيرة للصلاة،  تاني دور هو عبارة صالة چيم خاص بأجهزة خاصة جداً عن أى چيم وذلك لظروف عملهم كشركة حراسات خاصة على أعلى مستوى، والچيم مقسم لمستوين،  جزء في الدور الثانى والجزء الأخر فى الدور الثالث،
أما الدور الرابع فهو مصمم كاستراحة للشباب بعد التمرين ومجهزة بحمامات وببعض الغرف التى تحتوى علي أسرة،  وبه أيضاً عيادة خاصة مجهزة عند العرضة لأى إصابة أثناء التدريب ، وبه أيضا بوفيه كامل،  والدور الخامس إدارى بع مجموعة موظفين لتسجيل كل أفراد الحراسة الذين يعملون في الشركة كل شخص له سجل عمل واشتغل مع مين والفترة وسجل حالته الاجتماعية،  وبيتم تسجيل أي شكوة لأي شخص فيهم فى ملف عمله، ويوجد الحسابات أيضا
الدور السادس يوجد به مكتب حازم والسكرتارية وبعض المكاتب الادارية
ويوجد ساحة كبيرة جداً خلف الشركة للتريب على المهارات القتالية والنشان وهكذا وباب الدخول باب من الاستقبال وسلم خارجي يصل الدور التانى بالساحة لسهولة حركتهم داخلياً
نذهب إلى مكتب حازم مقسم إلى جزئين
الجزء الأول به المكتب والجزء الثانى به ريسبشن بدولاب صغير صغيروحمام مجهز خاص به
دخل حازم إلى مكتبه ومعه عاطف السكرتير الخاص به
حازم بكل جدية/ ها ياعاطف جدول إنهاردا إيه
عاطف / حضرتك فى كشف عن حسابات الشركات اللي بتتعامل معانا في الحراسة الحسابت بعتته لحضرتك عشان تمضي عليه ويبعتوه بالفاكس للشركات، وفي معاد الساعة 2 لمدير مجلس إدارة كمباوند فى الشيخ زايد للاتفاق على نظام حراسة شامل،  ومعاد بعده بساعة مع مندوب من مخازن التوفيق جاى يورد مبلغ مالى وطلب إن يسلمه لحضرتك شخصياً
حازم/ تمام اطلبلى قهوتى وسيب الملف أراجعه وأمضيه
وبالفعل أنهى حازم الملف ثم دخل إلى غرفة الريسبشن قام بتغير ملابسه إلى ترنج رياضى وذهب يتابع تدريب مع المتدربين ما بين الجيم والساحة ويتابع العمل مع المدربين المسؤلين
******************
أنهت نور المحاضرات الخاصة بها وذهبت إلى مكان ما يقف عم حسن السواق حتى يعود بها إلى المنزل
******************
عند ملك في كلية طب،  أنهت محاضراتها وذهبت معهم للجلوس بعض الوقت في كافتريا الجامعة
سهام/ ملك متجيبى لي رقم حازم أخوكى
ملك باستغراب من طلبها/ ليه
سهام / يعني يبقي معايا يمكن نحتاجه في شغل ولا حاجة
ملك/ لو احتاجتى تتواصل معاه فى شغل الأفضل إن حد من عيلتك يروح الشركة عنده
سهام بإسرار/ طب الاكونت الشخصى بتاع إيه
ملك ببراءة/ إسمه بالانچليش بس هو مبيقبلش أدد بنات نهائى
سهام / هبعتله ماسدچ. أعرفه بنفسى وإنى أبقى. صاحبتك
منى بنفاذ صبر / وإنت عاوزة رقمه ليه واسم الاكونت ليه وتبعتيله ماسدچ تعرفيه على نفسك ليه
سهام/ عادى يعنى،  وفيها إيه لما أتابعه على السوشيال،  ورقمه بابى محتاجه فى شغل
منى / باباكى لو محتاجه فى شغل زى مبتقولى فاملك قالتلك ان الأفضل يروح له الشركة،  ثانيا بقى  تتابعيه على السوشيال ليه
سهام بنفاذ صبر/ ياستى هو الكراش بتاعى،  وأنا معجبه بيه،  وكل يوم بسأل ملك عنه،  فيها إيه لما ألمح له وأبدأ أنا الكلام معاه
مني. بذهول/ فيها إيه لما تلمحى له !!!! إنت بتتكلمى بجد! !!
سهام/ أه بتكلم جد إيه الغلط فى كدا،  فيها إيه لما أبدأ الكلام معاه على الماسنجر اعتقد مفيهاش حاجة لا هنقعد لوحدنا ولا فيها حرمانية
منى / لاء فيها،  فين حياء المرأة وخجلها اللى بنتميز بيه،  فين عاداتنا وتقاليدنا وعرفنا وفى أصول وصح وغلط،   دينا قالنا كدا
سهام بتريقة/ هو يا حاجة منى دينا حرم الحب ، هتفتى بقى
منى/ لاء دينا محرمش الحب بالعكس دا علمنا إن حبنا لبعض أساس كل شئ،  وعشان تفهمي قصدى هوضحلك بحكاية صغيرة،  هى أسماء بنت أبى بكر لما حبت الزبير ابن العوام مارحتش قالتله أنا بحبك،  لاء حيائها وقتها منعها، فأحبته بينها وبين نفسها. ودعت ربها إن يكون من نصيبها ، بس اللى لاحظها أبوها أبى بكر الصديق، لاحظ كلامها عنه واهتمامها بأخباره فكان فى حيرة هيقوله إزاى،  لكن فجأة لقاه هو وأهله راحوا له بيطلبوها منه للزواج
شوفى تدبير ربنا جميل إزاى
سهام بنفاذ صبر / لاء بقولك إيه أنا مصدعة مش فايقة لموعظك وحكمك يا ست الشيخة سلام أنا مروحة
وذهبت بالفعل
ملك/ ليه كدا يامنى تشدوا مع بعض يمكن هى أخده الموضوع بهزار مش جد
منى / لاء يا ملك الموضوع زاد عن حده ومن واجب الصحوبية عليا والإخوة إنى أنصحها وأفوقها وأنبهها بين الصح والغلط،  وإنت كمان غلطانة
ملك / أنا ليه
منى/ لأنك بتجوبيها علي كل أسئلتها ودا غلط المفروض يبقي فى حدود
ملك / أنا والله أخد الموضوع كهزار مش متوقعة إنها بتتكلم جد
منى/ هي فيها تصرفات كتير غلط وأنا غلبت فيها أفهمها وأرشدها للصح زي لبسها،  دا مش لبس محجبات ولا اللي هي لبساه حجاب أصلا بس هقول إيه ربنا يهديها ويردها ليه رداً جميلا
ملك / اللهم أمين،  مش هتروحى
منى / أه يالا نروح
ملك / تعالى أوصلك
منى / لا شكراً ياقلبى أخويا جاى ياخدنى
ملك / ماشي ياقلبى سلام
وودعوا بعضهم وكل واحدة ذهبت إلى طريقها
**********************
وصلت نور إلى المنزل وصعدت السلالم حتى وصلت إلى شقتها ضربت الجرس وهي تتنفس بصعوبة بسبب صعودها سلالم 12دور،  فتحت لها عفاف الباب
عفاف بخضة/ نور ياقلبي تعالى ادخلى،  ليه كدا يانور كنت اتصلتى بيا أنزلك
نور وهي تجلس على اقرب مقعد / مش عاوزة أتعبك،  وأنزلك وأطلعك
وفاء / تتعبينى إيه يا نور هو أنا بعمل إيه،  بنزل فى الأسانسير وأطلع في الأسانسير، كدا هزعل منك ينفع كدا تطلعى كل دا علي السلالم
نور/ خلاص يافوفا حقك عليا متزعليش
ثم وقفت وقبلتها من وجنتها وأكملت
نور/ هدخل أخد دش وأجى،  فين توحة
وفاء / تحت عند مدام عايدة بتزورها لأنها كانت تعبانة شوية،  ادخلى يالا خدي الدش تكون إجت هى وملك نتغدى سوى
نور/  حاضر
وبالفعل دخلت نور وضعت أدواتها علي مكتبها الخاص بالمذاكرة. و ودخلت إلى الحمام
********************
نذهب إلى مكان بعيد نسبياً عن القاهرة وتحديداً فى الصعيد،  هناك فى منزل كبير يطلقون عليه الدوار،  هو لعائلة من أكبر عائلات الصعيد ولكن لم يتبقى منهم غير القليل فقط