عشقى وقدرى (بقلم منار جمال)

الفصل الخامس

بعدما ذهبت روز. ظل هشام لانهاء العمل الأخر وكان يتناقش هو وعلى فى الموضوع
هشام/ بس قولى إنت امتي سجلت كل اللي حصل
على/ وهدان دا معروف وزى ما سلسلة مطاعمه معروفه هو كمان معروف ب********** هو وابنه
ليه دخل عندى أنا أعمله محضر السرقة، الا اذا كان مهددها ان لو موفقتش هيسجنها وانهاردا الخميس يعني هتبات ليلتين مفيش مفر، أياً كان بقى شكل البت دى إيه، قررت أسجل لأن أوقات كتيير المناقشة الودية بتجيب كلام كتير وهو مش هياخد خوانه وهيغلط ، بس حظه طلع فى بنت محترمه فضحته بقى
هشام/ إنت سجلت بيانتها
على بغمزة من عنيه ومرح / ليه بتسأل ها
هشام / إخلص سجلتهم
على / طبعا
هشام / طب أنا عاوز كل بيانتها
**********************
نرجع مرة أخرى إلى نور وملك، كانوا جالسين فى الليفنك أمام شاشة التلفزيون ويأكلون فشار ويتحدثون
ملك/ بس يا ستى دا كل اللى حصل
نور/ بصراحة، منى عندها حق تصرفات سهام غريبة جدا ، وإيه عاوزة رقمه والأكونت بتاعه، وإنت عطيتهم لها
ملك/ أنا مجاش فى بالى أبدا إنها بتفكر كدا فكرت الموضوع تهريج، وخدش بالى غير لما منى إتكلمت والله
نور بملاطفة/ ولا يهمك ياقلبى، أنا فاهمة إنك بصفو نية وهى العكس، يالا هى هتاخد دش محترم من أخوكى يفوقها حظها ونصيبها تقع مع اللى مينفعش تقع معاه، ههههههههههههههههههه
ملك بضحك/ هههههههههههههههههه هتقوليلى
نور/ اشربى يالا الهوت شوكلت هيبرد
حينها سمعوا جرس الباب، فلبسوا الاسدال وذهبت ملك بفتح الباب وجدته هشام
هشام وهو يتجه ناحية الأريكة ويغنى / وقابلتك انت لقيتك بتغير كل حياتى معرفش إزاى أنا حبيتك معرفش ازاى ياحياتى من نظرة حب لقيتنى بحب
نور بمشاكسة / قابلتك وبتغير حياتك ونظرة حب الحقى شكله وقع
ملك وهي تجلس بجانبها / وقعت على بوزك ولا لسه يادنجوان وضحكت هى ونور ههههههههههههههه
نظر لهم هشام / بت إنت وهى انا مزاجى حلو مش فايق لكم اتلموا أحسن لكم
ملك بمشاكسة / هتعمل ايه ولا تعرف تعمل حاجة
هشام / تحبى تشوفى بس مترجعيش تقولي ياتوحة يافوفا الحوقني وكان يقلد صوتها بطريقة مضحكة
ملك بضحك تريقة عليه / هه هه هه خفة أنا مش هقول لا لتوحة ولا فوفا أنا هقول لابيه حازم هو اللى هيربيك
هشام. / يربى مين يابت دا أنا أنفخهولك
نور/ ههههههههههه حصل هو هينفخ حازم أخوكى بأمارة الاسبوع اللى فات كان هو وعمر متعلم عليهم فى البوكس منه
هشام/ مين دا اللى اتعلم عليه دا أنا غالب عمر يعني هو الخسران، تصدقوا أنا غلطان ان قاعد معاكوا مش عارف إيه جابنى كان مزاجى حلو عكرتوه
نور/ حد قالك تيجي انت عارف ان سهرتنا انهاردا جاي تقرفنا يعني
نظر هشام على أنحاء التربيزة الصغيرة مربعة الشكل أمام الأنتريه، ورفع نظره اليهم مرة أخرى
وجد الاطباق شبه فارغة إلا البعض منها يحتوى على القليل من ( الفستق والبندق والكاجو والفول وأنواع اللب والفشار) والاكواب فارغة
هشام/ إيه دا، خلصتوا على كل دا ولسه السهرة منتهتش
ملك/ لا طبعا لسه السندوتشات والعصير
وأكملت نور/ والجيلي والأيس كريم والجاتوه
هشام بصدمة ولكن بطريقة مضحكة / انت مبيبنش عليكوا ليه، أنا همشى لتكلونى وذهب مسرعاً تحت ضحكات ملك ونور ولكن وقف عند الباب ولف وجهه لهم
هشام بفزع مضحك/ إلا قولولى توحة وفوفا فين مش شايفهم لتكونوا أكلتوهم
ملك بضحك/ فى البراندا هههههههههههه
****************--
خرج هشام متجها إلى شقته وجد حازم يخرج من الأسانسير متجها إلى شقته
حازم / مالك ماشى تكلم نفسك
هشام/ البنات اللى جوا دول شوية كمان ويقلبوا على دراكولا
حازم باستغراب وجدية/ بنات مين
هشام / نور وملك فى غيرهم
حازم باستياء / هى ملك لسه سهرانة جوا
هشام وهو يفتح باب شقته/ أيوا ، سلام ودخل شقته ،لوح حازم بيده وله ودخل شقته هو الأخر
دخل هشام مباشرةً إلى غرفته
فتح الباب وقام بخلع چاكت البلزر وجد باب الحمام الخاص بغرفته يفتح وخرج منه عمر
هشام / دا إيه دا إنت احتليت إوضتى ومعندكش حمام جاى حمامي كمان
عمر وهو يتمدد على السرير / لا ما أنا أول مباخد دش بنام علي طول فهكسل أجي فقلت أخد الدش هنا وأنام على طول وبعدين الحق عليا إنى بأنسك فى وحدتك وبنام معاك
هشام وهو يسير باتجاه الحمام / بتأنسني ولا أنا اللى بأنسك هاخد دش وأجيلك
********************
أما عند حازم كان فى قمة غضبه وعصبيته وكان
يسير فى المنزل ذهاباً وإياباً وبعد بعض الوقت وجد باب الشقة يفتح وملك تدخل مبتسمة
ملك وهى تقترب منه / السلام عليكم، إنت هنا من بدرى يا أبيه
حازم بعصبية / يعني من شوية، وحضرتك فين لحد دلوقت
ملك باستغراب / هكون فين عند توحةحازم/ وبتعملى إيه لدلوقت هناك
ملك ببراءة/ سهرانة مع نور زى كل خميس
حازم بعصبية / وأنا مش قايلك مليون مرة خفى القعدة معاها قلت ولا مقلتش مبتسمعيش كلامى ليه
ملك للحظة خافت ورجعت خطوة لورا، وهذه الحركة جعلته يلعن نفسه مئات المرات لانه السبب في خوفها
حازم بهدوء / تعالى ياملك في حضنى
ذهبت ملك وحضنت حازم بشدة وهو كذلك
حازم / يا ملوكة إنت روحى وانت عارفة اني بخاف عليكي وبقلق
ملك / يا أبيه ما أنا عند توحة وانت عارف انى بسهر كل خميس مع نور وهي اقرب حد ليا، ليه حضرتك مش بتحبها كدا وعاوزنى ابعد عنها
حازم / الوقت إتأخر يالا روحى نامى وبعدين نتكلم
وذهبت ملك بقلة حيلة لعدم إجابته علي نفس السؤال مراراً وتكراراً
*******************
وجاء صباح يومُ جديد، يوم الجمعة وهذا اليوم بالتحديد يتجمع الشباب بعدما يؤدون صلاة الظهر جماعة في المسجد يتجمعون في الصالة المخصصة باحدث أجهزة جيم فى الجزء الخاص بهم في الروف، وهذا اليوم بالتحديد إجباريا عليهم جميعا يتجمعون على الغذاء عند توحة ولا يبرر أحد ولا يعترض
كان كل واحد يجلس علي جهاز يتمرن ، وموبايل حازم يرن كثيرا وهو متجاهله تماما ولا ينظر اليه
عمر/ مين اللى مش مبطل رن وإنت متجاهله كدا
حازم بقرف/ الست جليلة
هشام/ عمتك
عمر/ ومبتردش عليها ليه
حازم بضيق / مش عاوز أرد مبيجيش من وراها خير مليش دماغ ليها
ومر الوقت سريعا وكان الجميع يجتمع علي السفرة، وكان حازم يجلس مرغماً وواضح عليه الضيق ولا يخلوا الغذاء من مناقرة ملك وع هشام وعمر كالعادة ولكن الاختلاف هنا أن نور تلتزم الصمت، وبعدما انتهوا أجبرت توحة حازم حتي يجلس معهم بعض الوقت وفى أثناء هذا إستأذنت نور للدخول لغرفتها ولم تعد حتى ذهاب الجميع وهذا لسبب ما، وانتهى اليوم سريعا وابتدا يوماً أخر بأحداث مثيرة
*****************
في شقة حازم، إستيقظ على صوت جرس الباب ولكنه لم يهتم لعلمه باستيقاظ ملك وظن أن ربما تكون نورأو توحة او فوفا ، ولكن رنين موبايله أدهشه للغاية فنظر وضيق عينيه باستغراب شديد
إنه رئيس الحرس المكلف بحراسة العمارة من الأسفل والذين لايسمحون لأي شخص غريب دخول العمارة
فتح المكالمة وتحدث
حازم / فى إيه
رئيس الحرس جاوب عليه تزامناً مع طرق باب غرفته ودخول ملك ويظهر عليها القلق والخوف
قام حازم من السرير مفزعاً لمنظرها وأسقط الهاتف من يده واقترب منها سريعاً
حازم بلهفة / مالك ياقلبى، مين كان بيرن الجرس
ملك بخوف وملامح وجهها تظهر فزعها / دى... دى .. دى عمتو جليلة
تملك حازم الغضب لظهورها الغير مبرر فى حياتهم من الحين والأخر وخصوصا أنها ليست من النوع الودود بأولاد أخيها
حازم/ تمام ياقلبي روحى إوضتك ومتخرجيش غير لما أنادي عليكي
ملك وهى تحرك رأسها بالايجاب وذهبت
خرج حازم اليها وعيون بها شرارات من الغضب الذي يسيطر عليه بصعوبة، وجدها تجلس ، جلس فى المقعد المقابل لها ولم يتحدث
جليلة/ كيفك ياولد أخوى
حازم ببرود / تمام
جليلة بنوع معاتبة / بطلبك من عشية مهتردش
حازم بنفس الثبات / مش فاضى
جليلة/ الرجالة اللى تحت رفضوا طلوع الغفر بتوعى
حازم/ بأوامر منى ممنوع أي حد غريب يدخل العمارة
جليلة / زين ما عملت ياولدى، حداك صبية كيف القمر يتخاف عليها
حازم بنفاذ صبر / ندخل فى المهم خيير
جليلة / خير يا ولدى، إنت فاكر لما قلتلك قبل سابق على موضوع العهد والوصية اللى كانت بين أبوك وعمك
حازم / وأنا قلتلك مبعترفش بالكلام دا لأن لو كان بابا إتفق مع عمى على حاجة كان قالى، وقلتلك مليون مرة ملك لسه صغيرة مش هتتجوز دلوقت نهائى
جليلة/ مقلتش حاجة بس جد جديد ولازماً ننفذ الوصبة دى
حازم / سامع
جليلة / بت عمك ريم
حازم بضيق ونفاذ صبر / مالها
جليلة / عاوزة تبيع نصيبها فى ورث أبوها ودا بالحسبة كدا يچى نص الفدادين
حازم / مش مشكلة تقدرهم وهشترى منها
جليلة/ إهنه بقى المشكل
حازم بنفاذ صبر / حاجة جليلة هاتى من الأخر من فضلك معنديش وقت المطلوب كام
جليلة / هى عاوزة تتجوز
حازم بقرف / هى حرة وأنا إيه داخلى
جليلة / عاوزة تتجوزك إنت
حازم بغضب شديد / نعم إتجننت دى
جليلة بفرحة ولا تظهرها لنجاح خطتها / ولو رفضت هتتجوز واحد غريب وتكتب كل ما تملك باسمه
حازم بعصبية شديدة / تتحرق وأنا مالى إيه التخاريف دى
جليلة / ياولدى أراضى أبوك وأجدادك تروح لحد غريب دى وصيتهم يعنى، هى شافت ورق الوصية، وقالتلى يا اما تتجوزك يا هتبيع الاراضي ياتتجوز واحد وتكتبله كل أملاكها وقالتلى أوصلك قرارها
حازم. بغضب شديد/ حاجة جليلة بلغيها تطلع الهبل دا من دماغها عشان مجيش أطربق البلد على دماغها حازم البنهاوى أبعد من نجوم السما لوحدة زيها
*************
بينما كان حازم يتحدث معها دخلت ملك البراندا الخاصة بغرفتها من شدة خوفها ونادت على نور
خرجت نور لها وجدتها تبكي وخائفة
نور بلهفة / مالك ياملك
ملك / عمتى جليلة هنا
نور / طب إيه خوفك كدا
ملك / قالتلى ياعروسة إبنى، لسه مصممة على نفس الموضوع
نور/ متخافيش حازم أخوكى واقف لها ومانع الموضوع دا متقلقيش
ملك / مش عارفة، أنا بخاف من وجودها وعاوزة أجيلك وخايفة أخرج تكلمنى
نور/ طب هاتى كرسى وعدي من هنا زي زمان
وبالفعل وقفت ملك علي كرسى ووصلت للبراندا عند نور عبر الحاجز الفاصل بينهم والذى مصمم من الأرابيسك
حينها كانت مديحة تدخل لنور ووجدت الأمر هكذا مما أغضبها
مديحة بغضب/ بردوا رجعتوا لنفس حركات العيال دى، كبرتم وفيه باب ينفع كدا وإيه على مسافة عالية جدا
ولكن هدأت لرؤيتها ملك تبكى
مديحة / مالك ياملك بتعيطى ليه
قصت لها ما حدث
مديحة/ تعالى لما تمشى ونشوف عاوزة إيه، خير يارب

وللحديث بقية
# عشقى وقدرى