سلاماً علي قلوب كنا نظن أننا بداخلها، لكننا خارجها
سلاماً علي صحبة كانت الروح لنا وأصبحنا لاشئ لهم
& ليشهد الله إنى بذلت حتي ذبلت وإنى تغاضيت حتي سئمت وتمسكت بالحبال حتي تجرحت يداى وإنى صنت الود حتي نفاذ السبعين عذراً
*********************
كان حازم وحسام وهشام يجلسون في المكان المخصص لهم في الروف
دخل عمر وعلي وجهه كل معالم الغضب، جلس ولم يتكلم مع أحد
كان يجلس علي أريكة ويضع مرفقه علي جانبها ويكور كف يده ويضعه اسفل ذقنه
هشام/ نور عاملة إيه ياعمر
عمر/ مش كويسة
هشام/ حالتها إيه دلوقت
تحدث عمر بغضب وعصبية وصوت عالي نسبياً وطبعا حديثه لا يخلو من الاستهزاء بهم
_ حالتها، عاوزة تعرف حالتها اللي معرفتش أقولها لتوحة، صدمة عصبية والضغط واطي أكمل ولا كفاية
هشام/ قولت لتوحة ايه
رد عليه بنفس وضعه / قولتلها برد عادي وجسمها ضعيف ومرهق وان أنا اللي عطيها مهدأ عشان تنام
هشام/ وانت ليه قولتلها كدا مكنت تحاول تفوقها
عمر بنرفزة / أفوقها من ايه، قولي
حسام/ ممكن تهدا عشان نعرف نتكلم مينفعش طريقة الكلام دي
وقف عمر بعصبية دافعاً الاريكة للخلف وتكلم بعصبية زيادة
_ أهدا، عاوزني أهدا، اختي تحت عندها صدمة عصبية وتقولي اهدا انت عارف يعني ايه صدمة عصبية ولا ايه توابعها، عارف يعني ايه اختي في شبه غيبوبة وبمزاجها يعني هي اللي هربانة من الواقع دا ومش هتفوق غير بمزاجها بردوا، شوفت حالت عمتك عاملة ازاي، اذا كان متعرفش الحقيقة وحالتها كدا امال لو قولتلها هيحصل لها ايه قوولي
وقف حسام / احنا مقدرين خوفك عليها وكلنا خايفين عليها زيك واكتر بس اهدا شوية مينفعش كدا
عمر بعلو صوته / قولتلك بلاش، انت اللي صممت لو جرلها حاجة هتكون انت السبب فاهم
حسام بصوت عالي ونرفزة/ كنت عاوزني أعمل ايه مكنش ادامي غير الحل دا، انت وخاطب وبتحب خطيبتك وهشام زيك كان في واحد فيكم هيقدر يجرح اللي بيحبها بتصرف زي دا ،حازم ومتجوز ومراته حامل، وكان لازم الموضوع يبان طبيعي كان في غيري وانا قولت لاء
وقف حازم/ في ايه ياعمر، ما تهدا شوية هي اول مرة ما انت عارفة نظام شغلنا بنضطر نعمل اي حاجة عشان يكمل، متكبرش الموضوع اوي كدا
عمر/ مش مفروض أستغرب من رد فعلك واحنا كلنا عارفين انك بتكرهها، أه منعرفش السبب بس متأكدين من دا
حسام/ عمر متخليش عصبيتك تسيطر عليك وتقول كلام ملوش معني
هنا هشام لم يحتمل
_ لا ياحسام كلنا عارفين ان حازم دايما بيضهدها عشان كدا دايما لما بنتجمع هي بتخلق أي عذر وتقوم تدخل اوضتها دا غير تعليقاته السخيفة دايما عليها ومنعرفش السبب
ثم وجهه نظره لحسام
قولتلك هي عانت ازاي في غيابك، لما حاولنا أنا وعمر نمنعك من الخطوة دي كنا حاسبين حساب اللي هيحصل دا، نور أضعف من انها تستحمل كل دا كفاية انها صبرت 10سنين
حسام/ وكنت عاوزني أعمل ايه قولي
هشام/ كنا هنلاقي حل بس دلوقتي اللي حصل حصل اقعدوا واهدوا خلينا نشوف هنعمل ايه، اقعد ياعمر باذن الله هتكون أحسن
بعد أن جلسوا وهدأوا ،وبعد صمت دام لدقائق
حسام/ اوعي تفكر اني مبتعذبش أكتر منها، ربنا اللي عالم ياعمر، انت حبيت وجربت الحب ، حط نفسك مكاني كنت هتعمل ايه
عمر/ مش عارف، بس ممكن ألمح لها عشان متتصدمش
حسام/ اولا اختك من يوم ما جيت مبتسمحليش أقولها ازيك
ثانياً مكنتش هتبقي بطبيعتها، واحنا لازم نبين كل حاجة طبيعية
عمر/ جدعة انها منشفة ريقك ، تربيك
حسام/ والله ،ياسيدي هي بس تبقي كويسة وتعمل اللي هي عوزاه فيا أنا راضي بأي حاجة منها
هشام ملطف للجو وضع كف يده علي فخذه
_ روق بقي هتبقي كويسة باذن الله
حرك عمر رأسه ولم يتحدث
********************
في المستشفي
كان عمر جالس في مكتبه علي الاريكة الجانبية مسند رأسه علي كف يده الموضوعة علي جانب الاريكة، سمع طرقات الباب
عمر/ ادخل
فتح الباب ودخلت فرح، وجدته مهموماً وظاهر علي ملامحه الحزن والضيق
فرح/ السلام عليكم
عمر/ عليكم السلام ورحمة الله وبركاته، تعالي يافرح
دخلت وقفلت الباب وجلست علي الاريكة المقابلة له
فرح/ متصلتش بيا زي كل يوم ومعرفش عنك حاجة من امبارح، اتصلت بيك مرتدش فقلقت عليك، انت كويس
عمر/ معلش حقك عليا، كنت مخنوق ومحبتش أكلمك وانا كدا
وقفت فرح
_ طيب هسيبك شكلك مش قادر تتكلم
مسك ايدها قبل متتحرك
_ اقعدي يافرح
سحبها من ايدها عشان تقعد جنبه
_ انت الشخص الوحيد اللي ممكن يخرجني من اللي أنا فيه
نظرت الي يده الممسكة بيدها
عمر ممازحاً / ايه مراتي
فرح مغيرة الحديث/ ايه مضايقك كدا
عمر/ نور تعبانة ومش قادر أشوفها كدا
فرح/ مالها سلامتها، هي كان شكلها متغير في كتب كتابنا وكانت أسوأ في خطوبة حسام كان واضح جدا عليها التعب
عمر/ كانت سكتة وضغطت علي نفسها لحد ما خلاص مقدرتش تتحمل أكتر
فرح/ هي عندها ايه
عمر/ صدمة عصبية
فرح بفزع/ يانهار أبيض بسبب ايه الصدمة دي
لو مش حابب تتكلم عادي
عمر/ فرح انت بقيتي من العيلة خلاص، وكمان هي بتحب تتكلم معاكي
اخد نفس طويل ثم أكمل
حسام حب عمرها، حب طفولة بس للاسف من يوم الحادثة وكل حاجة اتغيرت
فرح/ حادثة إيه
عمر/ حادثة مات فيها بابا وعمي وأنكل يوسف وأنكل محسن، وطنت ألفت وأمى
فرح/ هما كانوا مسافرين يعني وعملوا حادثة
عمر/ لا هما كانوا لواءات في المخابرات، وكان في حفلة تكريم ليهم عشان كذا قضية مهمين نفذوهم، اللي راح معاهم التكريم طنت ألفت مامت حسام وأمي وحازم وحسام
بس توحة وطنت فوزية فضلوا عشان طنت فوزية كانت تعبانة وعشان ميسبوش نور وملك وانا وهشام لوحدنا وفوفا كانت معانا
فرح/ وبعدين
وهما راجعين في الطريق حصل هجوم عليهم كذا عربية بأسلحة صفتهم كلهم وفجروا العربيات بس لحسن الحظ انهم قدروا يهربوا حسام وحازم قبل التفجير، وفي نفس اللحظة حصل هجوم علي البيت، قدرنا نهرب بأعجوبة ولأن هما مكنش عندهم معلومات كفاية احنا في أنهي دور ساعد في هروبنا
رئيس جهاز المخابرات يكون ابن خالة توحة وطنت فوزية، قعدهم في بيت تحت حراسة مشددة بس طنت فوزية كانت مريضة قلب تعبت من المجهود وأول مسمعت خبر وفاتهم مستحملتش وتوفت هي كمان
فرح/ طيب دا موضوع عدي عليه سنين ايه علاقته بحب نور وحسام
عمر/ من بعدها وحسام مكنش بيظهر كتير ولا بيكلم نور هو كان في كلية حربية، بيروح وبيخرج اجازات كل فترة، بس توحة أجبرته ينقل من الكلية ويختار اي كلية
فرح/ ليه ينقل
عمر/ خافت علينا كانت عوزانا نبعد عن شغل أهلنا ونختار أي حاجة، لما اجبرته نفذ لها بس قالها انه هيسافر يدرس في اكادمية طيران برا مصر ومن وقتها مرجعش غير من قريب
فرح/ طيب ليه بعد عن نور
عمر/ مفيش حد يعرف اجابة السؤال دا
فرح/ يعني سبب صدمة نور خطوبته صح
عمر/ أيوا نور كانت عايشة علي امل رجوعه، مكنتش بتبين بس كلنا عارفين
فرح/ ليه خطب واحدة تانية
عمر/ مفيش حد يعرف أسبابه، ممكن أطلب منك طلب
فرح/ طبعا، اتفضل
عمر/ عاوزك تتكلمي مع نور يمكن كلامك يهون عليها شوية، هتكون سامعة وحاسة بكل حاجة حوليها
فرح/ من غير متقول أنا بحبها جدا وبعتبرها اختي
اراد عمر تغير مجري الحديث ،ممازحاً
_ نور بس اللي بتحبيها، مفيش حد تاني
قاطعهم طرق الباب، فاانتقلت فرح الي الاريكة الأخري سريعاً، نظر اليها عمر باستغراب عقب سماحه للطارق بالدخول
كان موظف من الحسابات يريد توقيعه ثم خرج
بعد خروجه
عمر/ بعدي ليه لما الباب خبط
فرح/ آااصل آاااا
عمر/ أصل ايه
فرح/ مفيش حد لسه يعرف اننا مخطوبين
عمر/ كنت مستنية نعلن سوا يعني
فرح/ لا بصراحة
مسك يدها وقبلها
عمر بابتسامة/ ايه كل التوتر دا، قولي كل اللي انت عوزاه ليه خايفة كدا
فرح/ يعني مكنتش حابة أعرف حد من المستشفي الموضوع دلوقتى
عمر/ ليه
صمتت فرح ولم تجيب
عمر/ قولي كل اللي في قلبك ياعمري، انت دلوقت مراتي يعني تشاركيني أي حاجة ونتناقش فيها سوا بلاش تشغلي بالك دايما، من شوية كنت مدايق ولما اتكلمت معاكي ارتحت، انت كمان لازم تقوليلي
فرح بتردد/ هتزعل او تفهمني غلط
عمر/ أبداً جربيني
فرح/ انت دكتور عمر، أي حد هنا بيحلف بأخلاقك وتواضعك مع الكبير قبل الصغير وشهامتك ،أجى أنا أقولهم اني خطيبتك
مش معقول الدكتور عمر يخطب واحدة زي، اكيد انت تستاهل واحدة أفضل مني، كتير بقعد أفكر شاب زيك بكل مواصفاته دي ايه يجبره انه يخطبنى، هو يستاهل واحدة تكون أفضل مني
واحدة ميكنش عندها مشاكل ولا يتعذب معاها
ولا تكون مرت باللي أنا مريت بيه
عمر/ عشان عشقتك من يوم ماعيني شافت عيونك، شايفة نفسك قليلة ليه كدا، دا انت خطفتي قلبي من اول نظرة، مفيش واحدة قدرة تخطف قلبي لا قبلك ولا بعدك زي مخطفتيه انت ربنا بيحبني جداً ان رزقني بيك، بحبك وبموت فيكي
ايه رأيك نتغدي سوا في أي مطعم
فرح / هتصل أستأذن بابا
عمر/ هكلمه أنا. يالا بينا
**********************
تقابلت فرح و وروزا أمام شقة مديحة،ودخلوا معاً
بينما عمر وهشام وحازم وحسام يجتمعون في الروف
كانت ملك ووفاء وريم وفرح وروزا جالسون في الريسبشن
وكانت مديحة في غرفة نور تجلس بجانبها تبكي وتنتحب
_ قومي يانور عيني، فتحي عيونك ونوري حياتي زي منورتيها من يوم مدخلتيها، متوجعيش قلبي عليكي ياااارب مليش غيرك يااارب
قبلتها من جبينها وخرجت
بعدما جلست
فرح /نور عاملة ايه ياتوحة
مديحة بحزن/ زي ماهي يافرح
روزا/ مفاقتش
حركت مديحة رأسها بالرفض
فرح/ ممكن أدخل لها
ملك / تعالوا ندخل لها كلنا هي اكيد هتكون سمعانا وحاسة بينا حوليها
بعد دخولهم
وفاء/ مفيش اي جديد خالص
مديحة ببكاء/ لاء ياروحي انا علي كسرة قلبك ياريت بإيدي حاجة أعملهالك
وفاء ببكاء/ اهدي متعمليش في نفسك كدا هتتعبي وضغطك يعلى هي هتكون باذن الله كويسة
مديحة/ مش باين لها دي متعلق لها المحاليل 24ساعة، عمر مفكرني عبيطة يقولي برد وعطيها مهدأت، أنا عارفة اللي فيها وحاسة بيها
وفاء/ بالله عليكي لتهدي هتكون كويس وهتعدي المحنة دي واحنا جنبها كلنا مش هنسيبها
مديحة/ يااااارب
وفاء/ تعالي نصلي ركعتين لله
******************
في غرفة نور
كانوا جميعهم جالسين حوليها
فرح/ مفيش حاجة يانور تستاهل تعبك دا ولا وجع قلب توحة عليكي مفيش حد يستاهل انك تتعبي صدقيني أهلنا بس اللي يستهلوا
روزا/ قومي يانور واثبتي للكل انك مش ضعيفة ومفيش حد فارق معاكي اوعي تباني ضعيفة ادام حد انت الفرحة اللي كانت مالية البيت دا قومي نوريها
ملك ببكاء/ أنا ليا مين غيرك يانور، مين هقعد وأتكلم معاه أنا مش عايشة من غيرك انت اختي وامي وكل حاجة متسبنيش لوحدي يانور
******************
في الروف
كان الجميع مجتمع
حسام/ كنت مسافر فين ياحازم
حازم/ شغل
حسام/ شغل ايه اللي تسافر له واحنا منعرفش عنه حاجة
حازم بدهاء/ كل حاجة بتبان في وقتها
حسام بدهاء أكبر/ بخصوص
حازم/ مش لازم لما أوصل لمعلومات أياً كانت هي ايه أبلغها فوراً
حسام/ لما تكون معلومات تخص قضية او شغل لازم نعرفها
حازم/ لما اجمع كل حاجة تبقي تعرفها
حسام/ مش ضروري، كفاية انك تتأكد منها
حازم/ تقصد ايه
حسام/ قصدي انت فاهمة، اقتنع اني كنت صح من البداية
أثناء حديثهم اقترب هشام من عمر
هشام/ بيتكلموا عن ايه دول
عمر/ ما انت عارفهم طول عمرهم دماغهم داهية صدق اللي سماهم (الثنائي المثالى)
*******************
بعد يومين
في المستشفي، كانت فرح في مكتبها تتابع عملها تلفونها رن
فرح/ السلام عليكم
…………………………
فرح/ بجد والله انا جاية حالا
قفلت المكالمة ووضعت هاتفها في حقيبة يدها وخرجت وقفلت الباب ، ذهبت الي مكتب عمر طرقت الباب ودخلت لم تجد أحد خرجت وجدت رئيسة التمريض سعاد
فرح/ ners سعاد
سعاد/ نعم يا فرح
فرح/ دكتور عمر مش في مكتبه، ممكن ألاقيه فين
سعاد/ دكتور عمر خرج قال وراه مشوار مهم
فرح/ تمام طيب ممكن أستأذن واخرج موضوع ضروري جدا جدا
سعاد/ ومين هيتولي المخازن مكانك
فرح/ كل صيدليات المستشفي في القسمين مطلعة ليهم الادوية امبارح بكميات وغرف العمليات مريت عليهم ووديت ليهم كل اللي محتاجينه
سعاد/ وافرضي حصل ظرف طارق
مدت يدها بمفتاح/ اتفضلى المفاتيح اهي مفيش أأمن من حضرتك عشان أسيب معاه المفتاح
سعاد/ مرتبة كل حاجة
فرح/ معلش ضروري امشي وانا هتصل بدكتور عمر وابلغه
سعاد/ ماشي، اتفضلي
فرح/ شكراً
*******************
في شركة هشام
خرج هشام مسرعاً من مكتبه ووقف أمام مكتب روزا وانحني قليلا ليكون مقابل وجهها
هشام مبتسماً / قومي بسرعة تعالي معايا
روزا/ رايحين فين
هشام احب ان تكون مفاجأة
_ مشوار مهم
روزا/ بس مينفعش ورايا شغل كتير اعمله انهاردا
هشام ممازحاً / هخلصهولك أنا، شاطر وأعجبك
روزا/ بس مديري راجل شديد وصعب وهيرفض اني أستأذن واخرج
هشام/ ملكيش دعوة هكلمهولك أنا
روزا/ تؤ تؤ يا باشمهندس مكنتش أعرف انك ليك في الوسطي
اقترب هشام منها أكثر
_ لو قولتلك احنا راحين فين هتخرجي قبلي من الباب دا ولا هيهمك المدير ولا غيره
روزا/ والله قولي وأحدد
هشام/ نور فاقت
روزا بفرحة عارمة وقفت، وتحدثت وهي تلم لم أشياؤها
_ ايه، بجد، يالا بينا بسرعة مستني ايه
وقبل ان تتحرك، احب ان يشاكسها
هشام/ خدي هنا، راحة فين ياهانم
روزا/ لنور يالا بقي
هشام/ استأذنتى صاحب الشغل انك ماشية
روزا/ ما انت هتكلمهولي
هشام/ مبحبش أمور الواسطة أنا،أشار باصبع السبابة نحو المكتب، والشغل دا مين هيخلصه
روزا بتمثل انها مكشرة/ انت مش قولت هتساعدني
هشام/ انا دلوقت صاحب الشركة واحنا متفقين الشغل حاجة والحياة الخاصة حاجة
اقتربت روزا منه ووضعت يدها علي بداية الچاكت واقتربت نحو أذنه وهمست
روزا/ معايا واسطة تقلب الموازين
ثم نظرت في عيونه
هشام بنفس الهمس/ ومين الواسطة
روزا/ توحة، وريني بقي هتعمل ايه
هشام/ اللي ممكن أعمله حاليا ،أقفل باب المكتب دا ووريني هتخرجي ازاي
احب ان ينبها لوضعهم دون ان يخجلها، فتكلم بمزاح
_ وبعدين قربك مهلك بشكل، ربنا يسامحك لو كنا كتبنا الكتاب كان زماني دلوقت
لم ينهي حديثه وانتفضت هي و ابتعدت عنه ورجعت الي الخلف تنظر الي الاسفل وتحدثت بارتباك واضح
روزا/ آااا انا ما مكنتش أقصد بس
هشام/ ايه كل دا اهدي محصلش حاجة، انت حبيبة قلبي وروحي وانا من اول يوم شوفتك ومتعاهد ادام ربنا انك حلالي وعمري مهغضبه
يالا بينا
ابتسمت له/ يالا بسرعة
*******************
في منزل مديحة
مديحة بفرحة وسعادة/ انا هطبخ لها كل اللي بتحبه
وفاء/ خليكي انت معاها وانا هعمل كل حاجة
مديحة/ لا هساعدك. مش هسيبك لوحدك
ريم/ انا هساعدها خليكي انت مع نور
مديحة/ لا ياقلبي مش عاوزة أتعبك انت حامل و
قاطعتها ريم
_ تعب نور راحة والله، روحي لها وانا وفوفا هنعمل كل حاجة
مديحة/ ربنا يخليكم ليا ياحبايبي وعقبال متقومي بالسلامة يارب
ابتسموا لها، ودخلوا الي المطبخ
******************
أتت فرح وجلست مع نور ومديحة بداخل غرفة نور
وبعد قليل أتى عمر، خرجت مديحة لتفتح الباب
اوقفته مديحة قبل أن يدخل الي الغرفة
مديحة/ عمر استني
عمر/ مالك ياحبيبتي
مديحة/ نور من وقت مافاقت واي حد يكلمها تبتسم وتهز دماغها متكلمتش ولا كلمة طمني عليها بالله عليكي، قلقانة
عمر بابتسامة حتي يطمنها / متقلقيش ياحبيبتي خير باذن الله
دق الباب ودخل
عمر/ السلام عليكم
ردت فرح/ وعليكم السلام ورحمة الله وبركاته
عمر/ ايه دا، انت هنا من امتي
فرح بابتسامة/ توحة أول مقالت لي جيت علي طول
مديحة/ من فرحتي حبيت اعرف الكل
عمر ممازحاً/ واستأذنتي من مين ياهانم
فرح/ روحتلك مكتبك ملقتكش ners سعاد قالت لي انك خرجت فستأذنت منها وسلمتها المفاتيح
عمر/ كدا ملكيش ظابط ولا رابط، ازاي تخرجي من المستشفي من غير اذن صاحبها ها
وقفت فرح خلف مديحة وهي تبتسم
_ توحة الحقيني
مديحة/ ولا يستجري يعمل حاجة فيكي ، وبعدين يادكتور دي تعتبر صاحبة المستشفي مش مراتك يبقي مرات صاحب المستشفي تخرج وتدخل براحتها
عمر/ يعني اخرج منها، ماااشي غلبتوني المرة دي
كانت نور جالسة علي السرير ، جلس أمامها
عمر/ القمر اللي بينور ليالينا رجع بالسلامة
ابتسمت له ولم تتكلم ،كمل عمر بدون ان يشعرها بشئ وكأن الامر شئ عادي ،سياق حديث معتاد
_ عاملة ايه ياقلبي، في حاجة تعباكي
خيبت اماله وحركت رأسها بالرفض مع استمرارها بالابتسامة
استمرعمر وكأنه مزاح/ شوفي ياتوحة بخلانة عليا ومبتردش
جلست مديحة بجانبها ونظرت لها بحنية وضعت كف يدها علي وجنتها
_ بس مش هتبخل علي ماما انها تطمنها عليها صح مش هتبخل علي ماما اسمع منها انها بخير وبقت كويسة صح
ظلت تنظر لها نور لدقائق، ثم
_ متخافيش عليا أنا كويسة، متقلقيش والله
تنفست مديحة براحة وكان جبل انزاح من علي عاتقها
_ الحمد لله علي سلامتك يا نور وحياةقلبي
تدخل عمر ممازحا/ لا والله تردي عليها وأنا سيباني اتكلم وتعملي لي دماغك كدا وكدا
ومثل حركة رأسها عند الاجابة عليه
ضحك الجميع
نور/ شايفة في عيونكم كلكم قلقكم وخوفكم عليا وفي نفس الوقت فرحتكم، سكت عشان أشبع من الاحساس دا
عمر/ عمرك مهتشبعي منه لان هنفضل كدا بنحبك وبنخاف ونقلق عليكي
نور/ ربنا يخليكم ليا يارب
تدخلت فرح بمرح/ يعني سيباه من الصبح قاعد يبيع ويشتري فيا عشان بشتغل عنده ومدفعيش عني
نور/ سيبت توحة تربيه، ههههههههههه
ضحك الجميع
عمر/ بقي كدا حاضر، تصدقي أبت أنا غلطان ان كنت بحضر لك مفاجأة
ملك/ أه صحيح، كنت فين
عمر/ كنت بحضر المفاجأة اللي بقول عليها
ملك/ وعرفت منين انها فاقت
نظر عمر الي نور/ قلب الاخ حس بأخته فتحركت علي طول
قاطعهم طرق الباب، فأذنوا بالدخول وكانت روزا
وبعد حديث وسؤال عن الاحوال ، قالت لهم ان هشام ينتظر بالخارج يريد أن يري نور فعليها ارتداء حجاب، فخطرت فكرة لمديحة
مديحة/ بقولكم ايه ، تعالي ياروزا نساعد ريم ووفاء في المطبخ وفرح وملك يساعدوا نور تلبس وتخرج برا عشان تتغدي معانا وعمر يستني مع هشام
كانت نور علي وشك الرفض، ولكن الجميع أصر بإلحاح فوافقت
وبالفعل ذهبت روزا إلي المطبخ وعمر وهشام جلسوا في البراندا، ومديحة ذهبت لتري من يضرب جرس الباب
فتحت الباب واتصدمت
مديحة بزهول / نيڤين، خير ياحبيبتي
نيڤين بمياعة/ ازيك ياطنط ، كنت معدية من هنا قولت أطلع أسلم عليكم، ايه مش هدخليني
تحركت مديحة خطوتين و
_ اتفضلي طبعاً
دخلت نيڤين وذهبت مباشرة الي الليڤنج
وجلست أمامها مديحة
_ عاملة ايه ياحبيبتي، وماما وبابا ايه أخبارهم
نيڤين / الحمد لله تمام، كنت رايحة مشوار لقيت نفسي قريبة قولت أسلم عليكم
مديحة/ أهلا وسهلا ياحبيبتي تنوري في اي وقت
كانت نيڤين تنظر إلى أنحاء المنزل
مديحة/ تشربى إيه
نيڤين/ حضرتك عندك شغالين
مديحة/ شغالين! لا ياحبيبتي، هعمل أنا
نيڤين/ مش عاوزة أتعب حضرتك
وقفت مديحة/ لا تعب ولا حاجة عن اذنك لحظة
ذهبت مديحة الي المطبخ وكانت تقوم بتحضير العصير
روزا/ سيبيه ياتوحة وهعمل أنا
مديحة/ لا ياقلبي مش متعب، خليكي انت معاهم تسلميلي
تحدثت وفاء وهي بتطبخ ولم تنظر اليهم
_ لهشام وعمر ولا لنور
مديحة/ لا لنيڤين
التفتت وفاء لها/ نعم، ودي ايه جابها
مديحة/ بتقول انها كانت معدية من هنا قالت تسلم علينا
وفاء/ ودا وقته مصدقنا ان نور بقت كويسة وهتخرج تقعد معانا
مديحة/ أعمل ايه ، هطردها يعني
وفاء/ لا اطلبي حسام عرفيه
مديحة/ وهو يعني هيعمل ايه، اكيد ميعرفش انها هنا
وفاء/ اطلبيه عرفيه وخلاص
مديحة/ ماشي
مسكت موبايلها واتصلت علي حسام
_السلام عليكم، ازيك ياحبيبي
الجهه المقابلة حسام/ وعليكم السلام، بخير ياحبيبتي
_ كنت عاوزة أقولك ان نور فاقت
حسام بفرحة/ بجد، حمد الله علي سلامتها
مديحة/ الله يسلمك، ونيڤين هنا كمان
حسام بصدمة/ نعم، ايه جابها عندك
مديحة/ بتقول انها كانت معدية من هنا وفاتت تسلم
حسام بغضب/ جاي حالا، سلام
قفلت مديحة
وفاء/ قالك ايه
مديحة/ قال جاي حالا
كانت روزا تقف عند باب المطبخ و تنظر الي نيڤين
روزا / لبسها فظيع جداً ربنا يهديها
اقتربت وفاء ونظرت
_ يانهار أبيض، ايه المنظر دا كانت ماشية كدا في الشارع
كانت نيڤين تلبس ميني چيب لمنتصف فخذها وتوب يصل الي نصف بطنها
مديحة/ ربنا يهديها، تلبس حلو لنفسها وحش لنفسها بس اللي مستغرباه ازاي حسام قابل بكدا ولا عجبه فيها ايه
روزا/ طيب ونور ياتوحة
تنهدت مديحة/ والله ما أنا عارفة يا روزا
بعد وقت قصير
ضرب حرس الباب، فتحت مديحة وجدته حسام
حسام/ السلام عليكم
مديحة/ عليكم السلام
قبل رأسها / عاملة ايه ياحبيبتي
مديحة/ بخير الحمد لله
حسام/ الحمد لله علي سلامة نور، هي كويسة
مديحة رأت في عينه اللهفة والفرحة / أه الحمد لله، ادخل شوف خطيبتك
تقدم حسام وقفلت مديحة الباب وذهبت الي المطبخ لتتركهم بمفردهم
صعق حسام من شكل لبسها
تقدم منها / ايه اللي انت لبساه دا
نيڤين بدلع وتمسك بيدها مقدمة الچاكت
_ هي دي ازيك ياحبيبتي
حسام/ بيتهيألي متفق معاكي علي حدود في اللبس ولا ايه
نيڤين/ متحبكهاش بقي، الله
حسام/ ايه اللي جابك
نيڤين/ كنت معدية وقولت أسلم
حسام/ والله، من غير معرف
نيڤين/ ايه المقابلة البايخة دي
حسام/ اتفضلي كملي عصيرك
جاءت مديحة جلست معهم قليلا ثم ذهبت مرة اخري الي المطبخ
مديحة/ أعمل ايه نور هتخرج والغذا خلص، وهي لسه قاعدة، أنا كنت هعرض عليها تتغذي معانا بس افرضوا وافقت، نور مش ناقصة
وفاء/ وبعدين والحل، طيب بصي هخرج انا وروزا نحضر السفرة يمكن حسام ياخدها يروحها
مديحة/ تمام
ثم نظرت باتجاه ريم المنهمكة بتحضير الطعام منذ دخولها
_ ريم تعالي ياقلبي ارتاحي، انت تعبتي كفاية كدا
ريم/ هكمل السلطة وبس، وبعدين فين التعب
اخذتها مديحة في حضنها
_ من أول يوم شوفتك وانت دخلتي قلبي بقيتي بنت من بناتي وكل يوم بتزيد غلاوتك في قلبي
ريم/ ربنا يخليكي ليا
رن جرس الباب
مديحة/ هروح أشوف مين
خرجت مديحة فتحت الباب وجدته حازم
حازم/ السلام عليكم
مديحة/ وعليكم السلام
حازم/ ريم وملك هنا، مفيش حد في البيت
مديحة/ أه أصل نور فاقت واتجمعنا كلنا
حازم/ الحمد لله علي سلامتها
مديحة/ الله يسلمك ياحبيبي
حازم/ امال هما فين
مديحة/ ملك مع نور بتساعدها تلبس وريم في المطبخ ادخل لها
قفلت مديحة الباب وذهبت الي الريسبشن
دخل حازم المطبخ وجد ريم تقف وظهرها له، اقترب منها وجدها منهمكة في تقطيع السلطة
حازم/ السلام عليكم
نظر له ريم/ وعليكم السلام ورحمة الله وبركاته
وجد العرق علي جبينها ووجنتيها، وكان واضح عليها التعب وتنفسها غير منتظم
اقترب منها أخذ من جانبها منديل ومسك ايدها وقعدها علي الكرسي بجانب الطاولة، واخذ ينشف عرق وجهها
_ بتشتغلي وتتعبي نفسك ليه ها
ريم/ مفيش تعب ولا حاجة بساعدهم
وقف واخد كوب ملئه بالعصير ووضعه أمامها
حازم/ وضعك غيرهم، أقل مجهود يتعبك ناسية انك حامل ، اشربي العصير
ريم بشرود/ عادي متعودة
حازم/ علي ايه
ريم بنفس وضعها/ علي التعب والشغل
حازم/ كنت بتشتغلي في ايه
افاقت من شرودها
_ ها لا لا مفيش حاجة
قرر حازم ان يتغاضي هذه المرة عن حديثها لحين التأكد من كل شكوكه
_ اشربي العصير
*********************
بالخارج جهزت روزا ووفاء السفرة
مديحة / تتغدي معانا بقي يانيڤين
حسام/ لا هروحها
نيڤين / ليه ياحسام انا حابة أجتمع معاكم ، شوفتي ياطنط مش عاوزني اقعد معاكوا
مديحة / خلاص ياحسام هتتغذي معانا انت وخطيبتك، اتفضلوا علي السفرة
جلست مديحة في مقدمة المائدة وعلي يسارها حسام، واول كرسي علي يمينها كانت نيڤين علي وشك الجلوس فيه
روزا/ دا كرسي نور بتقعد فيه دايما
نيڤين/ مكنتش أعرف، طيب أقعد فين
كان يريد حسام أن يبعدها تماما عن نور، لانه شك أنها ستجلس بجانبها
حسام/ تعالي اقعدى جانبي يا نيڤين
وبالفعل جلست بجانبه وحينها خرجت ملك وفرح بصحبة نور، كل واحدة تسند يدها من اتجاه علي حدى، سارع عمر بالذهاب اليها
عمر/ أميرتى. نورتي الدنيا
سار معها الي الكرسي الخاص بها، سحبه الي الوراء لتتمكن من الجلوس ثم فعل ذات الامر لفرح وملك وجلس
كانت نور تنظر الي الطبق أمامها لم ترفع نظرها حتي لا تصطدم برؤيته هو ومن معه، بالفعل رأتهم عند خروجها من الحجرة فلا تريد رأيتهم ثانية
بدأوا جميعاً الأكل وسط مشاكسات هشام وعمر مع نور والجميع كالعادة
الي أن انتهي الغذا ، وجلسوا جميعاً في الريسبشن لاحتساء الشاى
نيڤين بدلع / ألف سلامة عليكي يانور ،كان نفسي نتعرف علي بعض أكتر في فرصة أسعد
رفعت نور عيونها ونظرت لها / الله يسلمك
نيڤين/ هو انت كان عندك إيه
عمر/ برد، شديد شوية وبقت زي الفل وقمر زي ماهي دايما منورة حياتنا
نيڤين/ ألف سلامة عليكي، أنا لمحتك في خطوبتي أنا وحسام، فعلا كان واضح عليكي التعب
نور/ كنت مصدعة، مش بحب الدوشة اللي من النوع دا
بينما كان هناك حديث خاص يدور بين فرح وعمر جانبًا بهمس
فرح/ كنت فين
عمر بمشاكسة / كنت فين امتي
فرح/ قبل ما تيجي هنا
عمر/ في المستشفي
فرح/ بعد ما خرجت من المستشفي وقبل ما تيجي هنا
تصنع عمر التفكير
_ اممممم مش فاكرة
فرح/ عمر
عمر/ قلب وروح عمر، اسمى طالع حلو من شفايفك
فرح/ كنت فين
عمر/ بتغيري ولا ايه
فرح بزعل مصطنع / مش عاوزة أعرف هه
عمر/ مقدرش علي زعلك، حالاً هتعرفي ثواني
وقف عمر ثم دخل الي أحدي الغرف وخرج ذهب الي نور وانحني أقل من مستوها وقبل يدها
عمر/ هيموتوا ويعرفوا كنت فين ، كنت بجيب لك الشوكلت اللي بتحبيها، اتفضلي
نور بفرحة/ جبتها ازاي ، دا انت بتوصي عليها وبتقعد شهر عما توصل
عمر/ اي حاجة تخصك اجبها لو فين
نور/ ربنا يخليك ليا يارب، تسلملي
عمر/ ويخليكي ليا ياروحي
وقف عمر واقترب من ريم
عمر/ أكيد مش ناسيك ، من وقت ما اتجوزتي ومجبتلكيش هدية، اتمني انها تعجبك
ريم بابتسامة/ شكراً جداً، ربنا يخليك أكيد هتعجبني
وقف أمام روزا/ ريم لما اتجوزت، اخواتي زادوا واحد وبقوا أربعة بوجودك، يارب تعجبك
روزا/ متشكرة يا دكتور عمر، ليا الشرف انك تعتبرني اختك
عمر/ مش واحدة من العيلة ولا ايه، وبلاش دكتور ولا حضرتك
ابتسمت له بامتنان
وألقي علي ملك حقيبتها
عمر بمزاح/ خدي أبت زي بعضه جبتلك معايا
ملك/ شوف يا أبيه
حازم/ تحبي أقوم أظبطهولك ادام مراته
عمر/ أفهم بس دلوقت أنا كلمتك
حازم/ بترمي عليها كدا ليه
عمر/ بهزر، مبتهزرش سيادتك
حازم/ لا بهزر تحب تشوف
عمر/ بقولك ركز مع مراتك وسيبك من البت دي
وأشار بيده بتوعد لها
اصبري عليا، هتقعي لي اصبري
جلس بجانب فرح واقترب بجزعه العلوي منها
_ ودي أحلي شوكلت لروح قلبي يارب تعجبك
نظرت فرح بداخلها، وتذكرت يوم ما وجدت مثلها في البراندا، نظرت له
_ انت جبت لي زيها قبل كدا
عمر/ أيوا ، عجبتك
فرح/ جداً، ربنا يخليك ليا
عمر/ ويخليكي ليا ياروحي
فرح/ بس انت يومها حطيتها في البراندا ازاي
عمربغمزة / انا ممكن أعمل المستحيل عشانك
قاطعهم حديث نيڤين
_ عملت حسابهم كلهم إلا أنا
عمر/ مكنتش أعرف انك هتكوني موجودة
نيڤين/ وعرفتي ازاي ان كلهم هيكونوا موجودين
عمر/ أنا عامل حسابهم لما طلبت، انما انت وقتها مكنش في صلة بينك وبين حسام ولا كان حد يتوقع انكم ترتبطوا
قضي اليوم وسط محادثات كثيرة
*****************
بعد كام يوم بلغ هشام الجميع انه جهز رحلة علي الياخت الخاص بهم وعلي جميعهم أن يتجهزوا وأقنع روزا أن تذهب معهم وعمر استأذن من والد فرح للذهاب معهم
كانت ريم بتجهز شنطتها ورأت الشوكلت اللي جابها لها عمر فتحتها واخذت قطعة في فمها
عجبها طعمها جداً وريحتها وكأن من في بطنها هو من يريدها، جلست علي طرف السرير وهي تأكلها ومع كل قضمة كانت تغمض عيناها للاستمتاع بها
رأها حازم وابتسم فا هي كل حركاتها مثل الطفولة لم تتغير كثيراً
بعد ساعات تجهز الجميع فيهم
ركبت مديحة ووفاء ونور مع عم حسن السواق
وركبت روزا مع هشام، وفرح مع عمر ،وحسام كان لوحده
وفي سيارة حازم نزلت ريم قبل ملك وكان حازم في كرسي السائق وجدها تجلس بالخلف ولم تجلس بحانبه، التف ونظر لها
حازم/ ركبتي ورا ليه تعالي جنبي
ريم/ لا عشان ملك تقعد جنبك
حازم/ بس هنا اريح لك، عشان بطنك
ريم/ مرتاحة متقلقش، المهم ملك تكون مبسوطة
حازم/ مش هتزعل، ملك مبتفكرش كدا
قاطعهم وصول ملك وركبت بجانبه وكانت متعجبة للموقف ولكن لم تتحدث
كانت عمر يشاكس فرح أثناء الطريق، وهشام كذلك، وكانت نور ترسم في الاسكتش الخاص بها، وملك تتحدث مع حازم، ولكن كان حازم من وقت لأخر يراقب ريم من المرأة الامامية يجدها شاردة وتنظر من النافذة إلي أن غفلت
انتبهت ملك ان حازم بيهدي سرعة العربية وهيقف في جنب
ملك/ هتقف ليه يا أبيه
حازم وهو يهم بالنزول/ ريم نامت هعدلها بس
نظرت اليها ملك وللحظة رق قلبها إليها، يمكن لانها لم تتحدث نهائي من أول الطريق مع أحد ويمكن لشعورها بالذنب لانها لم تهتم بوجودها
عدل حازم من وضعها ووضع تحت رأسها وسادة وجعل جسدها مفرود علي الاريكة الخلفية للسيارة
ملك/ في ستات كتير أثناء الحمل بيناموا فترات
ممكن يكون من الحمل
حازم وهو يقوم بتشغيل السيارة مرة اخري/ ممكن
وصلوا جميعهم الي فندق في الجونة ليناموا الليلة فيه ويذهبوا في الصباح الي اليخت
مديحة ووفاء في غرفة وملك ونور في غرفة وفرح وروزا في غرفة وحازم وريم في غرفة و أخذ هشام وعمر وحسام جناح كبير ليسع ثلاثتهم
**************
في غرفة حازم وريم
وقفت ريم محتارة أين تنام ثم ذهبت باتجاه الاريكة لتنام عليها
خرج حازم من الحمام في هذه الأثناء
حازم/ بتعملي إيه
ريم/ هنام، محتاج حاجة أعملها لك
ذهب حازم باتجاهها ووضع يد خلف ظهرها ويد أسفل رجليها وحملها، ووضعها علي السرير واقترب منها، كانت المسافة بين وجههم بضع سنتيمترات
حازم/ من هنا ورايح هتنامي جنبي، ومفيش نوم غير جنبي حتي لما نرجع مفهوم ولا
ظلت تنظر لعيناه لحظات ثم حركت رأسها بالايجاب، قبل جبينها ثم ذهب للطرف الاخر للنوم
*****************
في الصباح استيقظ حازم أولا فقرر النزول بهدوء حتي لا يوقظها
علي الظهيرة اجتمع جميعهم بالريسبشن معادا ريم وحازم
كان الجميع قلق عليهم ولكن خطرت أفكار لملك ربما يكونوا ذهبوا للتنزه ولن يأتوا وربما أنهم وأنهم وخطرت ببالها أفكار من هذا القبيل الي ان اتي حازم وحيد
حسام / كنت فين
حازم/ صحيت بدري فتمشيت شوية عما تتجمعوا
مديحة/ وفين ريم
حازم باستغراب / هي منزلتش
وفاء/ لاء اطلع شوفها
حازم/ تمام اتحركوا انتم وأنا هشوفها وجاي وراكم
صعد حازم الي الغرفة فتحها بمفتاحه ودخل وجد ريم جالسة في البراندا
حازم/ ريم
ريم وقفت / نعم
حازم/ منزلتيش ليه تحت كلهم متجمعين
ريم/ ما انا مكنتش أعرف هنزل فين، معرفش المكان فقعدت أستناك
مد حازم كف يده لها
_ يالا بينا
نظرت الي يده ثم اليها، فأشار لها، وضعت يدها بداخل يده وذهبوا
*************** بعد بعض الوقت
وصلوا جميعاً الي اليخت
روزا/ وااااو ماشاء الله شكله تحفه وكبير
هشام/ مبسوط انه عجبك
روزا/ دا بتاعكم
هشام/ أيوا، انا وعمر وحسام وحازم صممناه وفي شركة تولت بناءه وجهزناه من كل حاجة حتي عمر جهز صيدلية كاملة فيه للطوارئ
روزا/ ماشاء الله
هشام/ يالا بينا
صعدوا جميعاً علي اليخت، تجولت البنات لمشاهدة انحاء اليخت وذهب الشباب الي غرفة القيادة ليتحركوا به لعرض البحر
وكان تقسيم الغرف مثل الفندق بالرغم من وجود غرف ولكن صمموا علي ذلك باختلاف الشباب كل واحد غرفة
بعدما استقروا في مكان ورتبوا أشيائهم
قامت مديحة ووفاء والبنات بتجهيز الطعام وكان الجو مليئ بألفة العائلة
وبعد الغذاء اجتمع الشباب في الدور العلوي يتناقشون
ومديحة ووفاء يجلسون في ركن يحتسون الشاي والبنات تجلس في ركن يتناولوا الفاكهه
كانت ريم تقطع الفاكهه وتضعها في اطباق لهم
أثناء حديثهم اقترحت ملك ان تتحكي كل واحدة قصتها مع حبيبها
فرح/ من وقت ماعيني شافته وهو نظرته ليا غير حسيت بالأمان في قربه وهو حاوطني، مواقفه معايا مش مواقف اي شخص عادي، بحمد ربنا علي وجوده في حياتي
ملك بمشاكسة/ ايه دا بتحكي باختصار من غير ذكر مواقف لا مينفعش
روزا/ سبيها براحتها
ملك/ خلاص احكي انت
قصت لهم روزا موقفه معها في قسم الشرطة والمكتبة وكيف كان بيقدم تنازلات بخصوص الشغل ليها وكيف احبته وكيف تقدم لخطبتها
نور / كل دا يطلع من هشام، الواد كان باين عليه واقع
ضحكوا جميعاً
روزا/ الحب حلو يانور حتي لو مر عليه زمن الذكريات هتحييه تاني مهما وقف عقبات في طريقنا
لحظت فرح ان ريم تبتسم بشرود أثناء تقطيع الفاكهة
فرح/ الله الله، معانا واحدة باين عليها افتكرت حب عمرها
انتبهت ريم/ مين أنا، لاء أبداً
نور/ كنت بسمع عن حبكم لبعض كتير ياريم من فضلك احكيلي لنا أي جزء
لم تستطع ريم رفض طلبها
ريم بابتسامة/ وعيت علي الدنيا عيني ماشفتش غيره كنا بنيجي كل سنة في الاجازة وبقابله، كنا متفقين أنا وهو علي مكان نتقابل فيه أول ماوصل البلد أجري عليه أستناه، كنت بحكيله علي كل حاجة تخصني ،حتي حفرنا اسمنا علي شجرة واخترنا كمان اسم أولادنا لما نكبر ونتجوز
استفز ملك الامر فلم تستطع الصمت أكثر من ذلك
ملك/ والله كنتي بتحبيه أوي كدا
ريم بذهول من طريقتها/ أه
ملك مندفعة/ ولما انت بتحبيه خنتيه ليه
وقع طبق الفاكهة من يد ريم ووقفت
ريم/ ايه خنته
ملك / امال لما تتجوزي يبقي اسمه ايه مش خنتي حبه، لا وايه كنت ماشية مع واحد وصممتي تتجوزي التاني عشان غني فيكتشف انك مش بنت يوم الفرح ويطلقك واخويا يدفع تمن فضيحتك
ريم بصدمة/ ايه ب بت بتقولي ايه انا مكنتش أعرف حد
اجتمع الجميع علي صوتهم
ملك / امال لما تطلقي بعد ساعة واحدة من كتب كتابك تسميه ايه ها وجليلة لما تيجي تعيط لحازم عشان يدفع لهم فلوس ويسكوتوا ودفع لهم 500 ألف جنيه، عشان سمعة العيلة لاء وترجعي بعد سنين لما قرأتي ورق الوصية وعرفتي ان أغلب الأملاك راحة لحازم، ساومتي علي جوازك منه ولما رفض هربتي عند عشيقك وعدو العيلة من الحمايده تحبي أكمل ولا كفاية
كانت الدمع تنزل من عيون ريم بدون ان تشعر
_ م مين قالك الكلام دا
ملك/ هيكون مين يعني عمتك جليلة، بتسمي دا حب بردوا
مديحةبصوت عالي / ملك ازاي تتكلمي كدا وبتفتحي الموضوع دا ليه
كانت ريم في حالة يرثي لها، لم تكن تراهم ولكن مر شريط حياتها وذكرياتها أمامها، بدء خط دماء يسيل من أنفها، وبدأت تفقد اتزانها وعلي لسانها كلمة واحدة
_ مستحيل
ثم فقدت وعيها، وسط صرخة من الجميع باسمها
# يتبع
#عشقي وقدري
بقلم منار جمال
أنت تقرأ
عشقى وقدرى (بقلم منار جمال)
Romanceكنت مابين خيارين اما عشقى او قدرى ففاز قلبى على عقلى واخترت عشقى الابدى
