عشقى وقدرى (بقلم منار جمال)

الجزء الثاني الفصل 3

بعتذر جدا بس كان في مشكلة في الواتباد مكنش بيفتح نهائي

بعد قضاء اليوم في تجمع عائلي، قرر هشام توصيل روزا
في السيارة
هشام/ ساكته من وقت ما عرفتي
روزا/ وهقول إيه
أوقف السيارة جانب الطريق والتف لها
هشام/ قولي كل اللي جواكي
روزا بحيرة/ مش عارفة، لو اتكلمت الكلام هيطلع متلخبط ومش مترتب مش عارفة هتفهمني ولا لاء
هشام/ قولي بس انت
روزا/ أنا مش عارفة ألومك وأقولك خبيت عليا لان انت كنت مخبي عن كل أهلك بس من جوايا متلخبطة، ماهو انت ممكن تخبي عليا اي حاجة تانية ومش هعرف، وكمان انت كدا شغلك خطر يعني لما نتجوز، كل يوم هتنزل هبقي قلقانة عليك، كل ما هتقولي مسافر هخاف أكتر هعيش في قلق دايما
هشام بابتسامة / اوعدك اني عمري ماهخبي عنك حاجة أبداً،  انت متلخبطة عشان الموضوع صدمة عليكي وعليهم فترة وهتعدي وتتقبلي شغلي، وبعدين ياقلبي كل حاجة ربنا كتبهالنا خير تفائلي خير
روزا/ ممكن سؤال وتجاوب بصراحة
هشام/ اتفضلي ياقلبي
روزا/ انت كنت تعرف كل حاجة عني قبل ما أحكيلك
هشام/ بصراحة، أه،  بصي طبيعة شغلي علمتني ماأثقش في حد، بس من اول ماشوفتك وانت خطفتي قلبي واتاكدت اني خلاص بقيت أسير لعيونك فسألت عنك من باب فضول عادي بس
روزا/ وكنت لسه مصمم ترتبط بيا لاء وكنت بتساعدني كمان
هشام/ عشان بحبك وبموت فيكي وعشانك أعمل أي حاجة وامنيتي من ربنا انك تكوني حلالي
روزا/ بحبك أوووي
هشام/ وأنا أكتر ياروحي، يالا أوصلك
شغل العربية وقام بتوصيلها
*****************
عودة الي منزل مديحة
عمر/ هستأذن أنا بقي هنزل اوصل فرح وأقول لباباها ومامتها لازم يعرفوا
وفاء/ روح يا حبيبي وسلم عليهم كتير
عمر/ يوصل ان شاء الله،  تحبي ادخل اوضتك يانور
نور/ ياريت
انحني وضع يد خلف خصرها ويد اسفل ركبتيها وحملها وعندما اعتدال بوقفته،  وقع نظره علي حسام ينظر له وعيونه تشع غضب، نظر له بتحدي وابتسم وادخلها حجرتها واخذ ملك وخرج
وقف علي السلم بين الدورين
عمر/ مش عاوزة تقولي حاجة
نظرت له وحركت رأسها بالرفض
عمر/ بس عيونك فيهم كلام كتير
ظلت تنظر له ولم تجيب
عمر/ ممكن تقوليلي كل اللي جواكي، يافرح انت مراتي المفروض اي حاجة تكون مديقاكي أو مزعلاكي تتكلمي فيها معايا
فرح بتردد/ مش مش عارفة
عمر/ مش عارفة ايه ياقلبي
فرح/ مش عارفة أقول اللي جوايا
عمر/ ليه مترددة
فرح/ انت دايما كنت صريح معايا، واكيد متقصدش انك تكذب عليا، لان انا زي الكل بس انا حاجة تانية اللي شغلاني
عمر/ ايه هي
كان عمر يعلم ما يدور بداخلها ولكن يريدها أن تتحدث هي
فرح / انت اكيد سالت عني قبل متخطبني، مهو مش معقول واحد بشغلك دا ويخطب واحدة من غير ميسأل عنها
عمر/ أه سالت عنكم
فرح/ يعني انت كنت تعرف حكايتي
قرر عمر ميقولهاش الحقيقة
_ لاء
فرح/ ازاي سالت عني ومتعرفش الحكاية
عمر/ أنا مسالتش بشكل مباشر، يعني مش كل التفاصيل،  عرفت شغل باباكي وانه سافر هنا بسبب مشاكل مع عمك
فرح/ واللي قالك كل دا مقالكش السبب
تنهد عمر / اللي سالته قالي ان عمك وابنه ناس مش مظبوطة وناس ظالمين وكلام من دا فا مركزتش في السبب،  وبعدين انت قولتيلي
بصي يافرح مهما كان ايه اللي حصل اتاكدي اني كنت هتجوزك يعني هتجوزك خطفتي قلبي من اول نظرة وعشقتك ومش متخيل حياتي غير معاكي، مهما تعملي هفضل بحبك
ابتسمت له بسعادة
عمر/ يالا ياهانم ساعديني في المهمة دي
فرح/ متقلقش بابا طيب جدا وهيتفهم ظروفك
عمر/ عارف، اذا كان بنته كدا فأكيد هو كدا
ونزلوا وضرب جرس الباب فتحت لهم اعتدال ودخلوا وقعدوا في الريسبشن
وبعد السلامات والترحيب
عمر/ بصراحة ياعمي كان في موضوع مكنش في حد يعرفه ولما الكل عرف كان لازم حضرتك تعرف
فوزي/ خير يا ابني
اعتدال/ طيب استني بس تشرب حاجة، فرح اعملي عصير
فرح / حاضر ياماما
عمر/ شكرا والله ملوش لزوم هتكلم كلمتين وهستأذن علي طول
اعتدال/ طيب لو انت مش عاوز تقعد شوية معانا، كمان مش عاوز تشرب حاجة من ايد فرح
عمر بضحك/ ليه كدا بس،  حاضر
دخلت فرح المطبخ
فوزي / خير يا ابني ايه هو الموضوع
عمر/ بصراحة ياعمي انا بشتغل حاجة تانية غير اني دكتور
فوزي/ طيب ايه المشكلة ياحبيبي، الشغل مش عيب
عمر/ مش كدا، هو كان زي سر عن الكل حتي أهلي
اعتدال/ ليه كدا
عمر/ اسباب كتير منعتني اني اكشف شغلي دا
فوزي/ وايه الشغل دا
عمر/ أنا مقدم في المخابرات العامة فرقة خاصة
فوزي بذهول / بتقول ايه
عمر/ دا اللي كنت مخبيه عن توحة والكل، وخبيت لان توحة كانت عاوزة تبعدنا كلنا عن الشغل دا وهي من ضمن الاسباب، بس احنا صممنا عشان بنحب الوظيفة دي ،فقررنا نرضيها ونعمل اللي بنحبه كل واحد درس كلية مختلفة وفي نفس الوقت كنا بنكبر في شغلنا
فوزي بقلق واضح عليه / بس آااا
قاطعه عمر/ حضرتك قلقان ليه، كلمني بصراحة
فوزي / بصي يابني احنا ناس في حالنا، وشغلتك دي مش حاجة سهلة يعني مجرد ما سمعت قلقت، وبعدين أنا بخاف علي فرح كدا هقلق عليها أكتر
عمر/ أولا فرح في قلبي مش في عنيا بس وعمري في حياتي ما هزعلها ولا هجرحها تأكد من كدا
ثانياً، حضرتك لولا اللي حصل وبسببه أعلنا للكل شغلنا كان زمان الكل ميعرفش، شغلي دا منفصل عن حياتي تمام والا كان  الكل لاحظ وانا فرقة خاصة بنفذ عمليات محددة وبسرية تامة حتي انا مش كل اللي في الجهاز يعرفني او يعرف رتبتي متقلقش علي فرح هي في أمان معايا ،طيب ممكن أسال حضرتك سؤال
فوزي/ اتفضل
عمر/ حضرتك شوفت مني حاجة تخوفك مني او تخليك قلقان علي فرح معايا
فوزي/ لا انت من يوم ما عرفناك وعامل بأصلك معانا ومع فرح وهي معاك بتتغير للاحسن يعلم الله اني بعتبرك زي ابني
عمر بابتسامة/ طيب في أب بيقلق من ابنه
فوزي/ أكيد لاء ربنا يباركلك يا ابني
أتت فرح تحمل صنية بها أكواب العصير، وقف وأخذ منها الصنية ووضعها اعلي الطاولة
غمز فوزي باحدي عيناه لعمر، وفهم عمر مقصده
فوزي تصنع الجدية / بصي يا ابني انت كدا خدعتني، فا كل واحد يروح لحاله وياريت تطلق فرح
فرح / نعم
فوزي/ زي ما سمعتي عجبك اللي هو عمله ويكذب عليا
فرح/ بس هو ما كذبش عليك يابابا هو كان مخبي بس وعن الكل مش حضرتك بس
فوزي/ ويخبي وميبقاش صريح معايا وهو بيتقدم لك ليه
فرح/ ظروف اضطر بسببها ميقولش لحد
فوزي/ معرفش انا الكلام دا، ماهو ممكن يكون بيكذب في حاجة تانية ومخبي بردوا
فرح/ لا لا يابابا هو مش بيكذب ولا هيخبي صدقني
فوزي/ انا قولت كلمتي يطلقك يعني يطلقك
بدأت تتجمع الدموع في عيون فرح
ابتسم عمر علي حبها اللي واضح من تصرفاتها حتي في أصعب وقت ظهر بوضوح، الحب لا يشترط علي الكلام الحب أفعال اكثر من انها أقوال
اعتدال/ خلاص بقي يافوزي بطل تهريج
ضحك فوزي / صدقتي وقاعدة تدافع عنه كمان
نظرت لهم فرح وجدت عمر ينظر لها ويبتسم وفوزي واعتدال يضحكون
فرح/ ايه دا انتم بتضحكوا عليا
قامت وكانت هتدخل اوضتها، مسكها عمر من ايدها
_ خدي بس متزعليش عمي كان بيهزر معاكي
اخذها فوزي في حضنه ، وقضوا وقت لطيف معاً ثم استأذن عمر وذهب
********************
استأذنت ريم وذهبت الي المنزل أولاً، وايضاً حازم وملك بعدها بوقت
جلست ملك مع حازم يتحدثون قليلا في الليفنج ثم ذهبت للنوم، فذهب هو ايضاً باتجاه غرفته وجد ريم نائمة او تتصنع النوم، ابتسمع لانه يعلم سبب هروبها من مواجهته
فاتمددت بجانبها وسحبها الي حضنه وتحدث بجانب أذنها
حازم/ حافظك مهما حاولتي تعملي، تصبحي علي خير، بحبك
ضمها واستسلم الي سلطان النوم، وهي كمان ابتسمت ونامت
صباحاً استيقظت قبله وذهبت مباشرة الي المطبخ
كان حازم مستيقظ ولكن تصنع النوم ليري ماذا ستفعل وعندما خرجت ابتسم لان يفهم تصرفاتها
بعد وقت
كان حازم يجلس أمام التلفاز في الريسبشن وريم في المطبخ
ذهبت اليها ملك
ملك/ بتعملي ايه
ريم/ بحضر الفطار
نظرت ملك لاطباق الطعام الموضوعة علي مائدة المطبخ
_ ودول ايه فطار
ريم/ لا الغذا هحضره من بدري
ملك/ طيب خليني اساعدك
ريم/ لا لا روحي انت اقعدي مع حازم وانا هجهز الفطار واجيبه
ملك/ بس كدا تعب عليكي، هساعدك ومفيش اعتراض
بعد دقائق
جلست  ملك بجانب حازم
_ ماتشوف ريم ياحازم
حازم وهو يشاهد التلفزيون/ مالها
ملك/ بتحضر الفطار والغذا في نفس الوقت ورافضة اني اساعدها
حازم/ سبيها براحتها
ملك باستغراب/ ازاي يعني المجهود غلط عليها وهي بتتعب نفسها كدا
نظر حازم الي ريم وهي بالمطبخ
_ بتتهرب وبتشغل نفسها
ثم ابتسم وأكمل
_ سبيها أما اشوف هتهرب لامتي
ملك/ أنا مش فاهمة حاجة
قاطعهم خروج ريم تضع اطباق الطعام علي المائدة
حازم/ هاتي الفطار هنا بلاش السفرة
اقتربت وهي تتحاشي النظر له ووضعت ما بيدها أمامه، فوقفت ملك واجلستها عنوة عنها
ملك/ اقعدي ارتاحي بقي وانا هكمل الفطار
أجلستها ثم رحلت، فكانت ريم يظهر عليها التوتر والارتباك
حازم/ هتفضلي تتهربي لحد امتي
ريم/ ها أأهرب من ايه
ابتسم حازم ،ولكن قاطعهم عودة ملك
بعد بعض الوقت
ملك/ أبيه أنا هنزل ورايا محاضرات
حازم/ السواق تحت ياقلبي
ملك/ أيوا، مش هتأخر
حازم/ خالي بالك من نفسك
ملك/ حاضر سلام
خرجت ملك فانظر حازم الي ريم، وجدت ذاتها في مأزق حاولت الهروب بدخول المطبخ ولكنه مسك يدها وجعلها تنظر له
حازم/ مش هنتكلم بقي ولا ايه
ريم/ ها آاا اه أه هنتكلم بس آااا بس اخلص بس الاكل وكدا
حازم بابتسامة/ سيبك من الاكل وكل دا في الاهم دلوقتي
قبل ان تتكلم قاطعهم رنين هاتفه المستمر ، فوجده هشام
حازم/ السلام عليكم
هشام/ حازم في هجوم علي المستشفي العسكري
حازم / اكيد هي عشان فزاع
هشام/ القوات اتحركت علي هناك، قولت اعرفك
حازم/ انا جاي حالا بلغ فريقي يأمنوا كل المخارج
هشام/ متقلقش الفرق كلها بتشنغل مع  بعض
حازم/ سلام
ريم / في حاجة
حازم بعصبية/ لازم انزل حالا لما ارجع نبقي نتكلم
******************
عند المستشفي العسكري
كانت قوات الامن محاصرة المستشفي وكانت الطيارات الهليكوبتر تحوم حول المستشفي من الاعلي وذلك ليس لاجل فزاع ولكن لان المستشفي يوجد بها رتب عالية من رجال الشرطة وايضا بعض من المجرمين او الذين تحت قضايا هامة في البلد
وصل الجميع (حسام-عمر-هشام- حازم) وبعض الظباط واللواءات
كان الوضع خطير بعض الشئ، لعدم امكانية القوات من الدخول بسبب الغام مزروعة ففي حميع المداخل
ولكن حسام وعمر وحازم وهشام بما انهم فرق خاصة اجتمعوا مع فرقهم وأحضروا مخططات للبنية التحتية الخاصة بالمستشفي وتوصلوا الي ان الدخول هيكون من أنابيب الصرف الصحي الي مكان ليس متوقع ان يكون به احد من العصابة
حسام/ احنا لو دخلنا من هنا دي خريطة لشكل أنابيب الصرف الصحي تحت المستشفي
هشام/ بس محتاجين نشوف نقطة الخروج الأأمن بحيث نضمن عدم تواجدهم فيه
عمر/ العمليات وغرفة التجهيزات، المكان الوحيد اللي مستحيل يتوقعوا ان حد يدخل منه فالبتالي مش هيتواجدوا فيه
حازم/ لازم نقسم نفسنا ونشوف نقطة تانية نخرج منها بحيث نغطي اوسع نطاق
عمر/ نخرج بس من هنا وبعدين هنعرف نقسم نفسنا
حازم/ تمام يالا بينا توكلنا علي الله
وبالفعل تمكنوا من الوصول الي غرفة العمليات وتم التعامل معهم بنجاح واحترافية أبطلوا في البداية المتفجرات لتتمكن بقيت القوات من الدخول وتم تصفيتهم والقبض علي بعضهم وأمنوا فزاع وكل من بالمستشفي
*****************
نفس وقت الهجوم علي المستشفي، وقفت سيارة رباعية سوداء أمام العمارة نزل منها 5 نساء بجلباب نساء يغطي رأسهم حتي  قدمهم الا واحدة منهم كان تظهر وجهها وهي جليلة، فتركها الحراس تدخل العمارة ف، لعلمهم بهاويتها ومن تكون
&&&&&&&&
في شقة حازم كانت ريم تحضر الغذاء وسمعت جرس الباب ظنت بانه عاد ارتدت حجابها وذهبت مسرعة لتفتح الباب، اتصدمت عندما وجدت جليلة أمامها
زاحتها جليلة من طريقها الي الجانب بشكل مهين ثم دخلت هي ومن معها
قفلت ريم الباب ودخلت
ريم/ نعم خير
جليلة/ واه واه والله وبقيتي تتكلمي وتردي يابنت عاطف مخيفاش علي اخوكي ولا ايه
ريم/ لا ما انت كدا كدا مجبرة ترجعهولي
جليلة/ يعني ظني في محله، وانت اللي سرقتي الورق تسوميني بيه، ما هو مفيش حد يعرف يدخل ويخرج غير وهو عارف المداخل والمخارج
ريم/ لا اللي يعرف يعمل كدا كتير هيعملوا المستحيل عشان ينتقموا منك ومن ظلمك
جليلة/ متكذبيش ،كاميرات البوابة الخلفية چابتك وانت خارجة والورق معاكي انت وعنتر وذبدة
ريم / وانا مأنكرتش أيوا أنا اللي أخدت الورق، تسلميني اخويا هسلمك الورق غير كدا هقول لحازم علي كل حاجة اعرفها عنك
جليلة/ ههههههههه حازم
ثم انتبهت الي انتفاخ بطنها فأكملت
ايه دا انت حبلة، هههههههه عرفتي تبلفيه تربيتي صوح بس عاوزة اقولك ان حازم ميعرفش يعملي حاجة ولا هيقدر يوصلي
ريم بثقة/ بيتهيألك، انت متعرفيش مين حازم
جليلة/ لا اعرف ظابط في الحكومة، وايه يعني اقولك علي سر الرصاصة اللي اخدها في بطنه أنا السبب فيها هههههههههههههه
ريم/ والمفروض أصدق كلامك بعد كدا، مش موضوعي كريم اخويا فين
جليلة/ الورق الاول
ريم/ انسي، دلوقتي روحك في ايدي تجيبي اخويا اعطيكي الورق
جليلة بشر/ بصي يابت انت الورق هاخده يعني هاخده هقلب البيت عليه واطيه وهاخده لاتفرقي معايا ولا تعرفي تهزي شعره مني فاهمة
ريم/ وانا لاخر مرة بقولك كريم الاول
جليلة/ قلبك قوي ومبتخافيش زي الاول
ريم/ عشان حازم في ظهري ومش هيسكتلك وكريم هيرجع غصب عنك
جليلة/ طيب وريني هيرجع غصب عني كيف، هو في ميت بيرجع من تربته
ريم بصدمة/ انت بتقولي ايه مش هتعرفي تضحكي عليا تاني
جليلة بضحك / هههههههههه لا المرة دي بحق وحقيقي
ثم رفعت يدها عالياً
أنا اللي قتلته بيد دي ودفنته، اقولك وانا اللي قتلت امك وابوكي وفكيت فرامل العربية وعشان اتوكد من موتهم بعت لوري يكمل
ريم بانهيار ذهبت وأمسكتها من مقدمة جلبابها
_ انت كذابة انا عارفة انك كذابة، هقتلك ياجليلة وهريح الناس من شرك
كان جليلة بتضحك، ثم أشارت لمن معها فخلعوا جلبابهم وظهر 4رجال أقوياء البنيه، بعدوا ريم عن جليلة
جليلة/ ربوها، بس اقفلوا خشمها الاول
وضعوا شريط لاطق علي فمها، واعتدوا علي ريم بالضرب المبرح الي ان اوقفتهم جليلة وامرتهم يفتشوا هن الورق في كل البيت، كانت ريم اغمي عليها
عادوا لجليلة بعد وقت واخبروها انهم لم يجدوا شئ
جليلة/ كيف دا يبقي الورق مع زبدة وعنتر لانهم مختفين، لازم تلقوهم، يالا بينا
خرجوا مثلما دخلوا ولكن تركوا باب الشقة مفتوح
بعد وقت خرجت ملك من الاسانسير فوجئت بباب الشقة مفتوح جرت دخلت لقت ريم علي الارض تنزف من كل جسمها والبيت مقلوب رأساً علي عقب
اقتربت مسرعة من ريم وحاولت افاقتها، فتحت ريم عينيها بوهن
ريم بضعف / و ل ا دي ا لح قيهم.  
( ولادي الحقيهم)  واغمي عليها مرة اخري
ملك بفزع وبكاء/ ريم مين عمل فيكي كدا ريم ريم
ثم اتصلت علي حازم
******************
عند المستشفي العسكري
كانوا سيطروا علي الوضع وكان حازم يمسك بهاتف كان موجود مع احد افراد العصابة
عمر/ بتعمل ايه
حازم / بقلب فيه يمكن اوصل لحاجة
رن الهاتف برقم مسجل بالكبيرة
فتح حازم المكالمة والاسبيكر، ظهر صوت جليلة
جليلة/ ها عملتوا ايه، خرجتوا فزاع
حازم بضحك/ والله متأكد ان انت ورا كل دا، لا فزاع مين قريب هجيبك لحد عنده تأنسوا بعض
جليلة/حازم، طيب والله كويس اللي جرالها خليك فاكر واحدة قصاد واحدة ولدي اهم منيكم لو جراله حاجة هتندم اللي حوصل قرصة ودن بس عشان تعرف اقدر اعمل ايه
وقفلت الخط
هشام/ تقصد ايه
حازم / مش مطمن
اخرج هاتفه وقبل ان يفعل شئ استقبل اتصال من ملك، فتح مسرعاً
حازم بلهفة/ ملك انت كويسة، انت فين
ملك ببكاء/ الحقني ريم بتموت
حازم بعصبية/ مالها ريم، اهدي عشان افهم
لم ينتظر قفل الخط وجري مسرعا ناحية السيارة وخلفه البقية، كان يسير علي سرعة جنونية الي ان وصل
جري دخل العمارة ومنها الي الاسانسير والبقية خلفه
وجد الباب مفتوح دخل مسرعاً وجد ريم تنزف وملك بجانبها تبكي بانهيار
حملها بدون تفكير للذهاب الي المستشفي وعند خروجه من الشقة
انتبهت مديحة ووفاء الي الاصوات وفتحت الباب فوجئت بالامر
مديحة بفزع/ في ايه وريم مالها
وفاء/ مين عمل فيها كدا
دخل حازم مسرعاً ومعه عمر
هشام / هنبقي نطمنك متقلقيش
مديحة / ازاي انا جاية وراكم
نزل الجميع
في العربية كان حازم يجلس بالخلف وريم يضمها الي حضنه وعمر يقود السيارة
وصلوا الي المستشفي واخذوها منه وظل هو يسير في الرواق ذهاباً واياباً، الي ان جاءت مديحة والبقية
مديحة/ ايه الاخبار ياحازم اطمنت عليها
حازم بحالة يرثي لها / مفيش حد خرج من عندها لسه ومعرفش حاجة
ملك ببكاء/ باذن الله هتكون كويس
نظر حازم الي حسام وهشام وسار معهم بعيد نسبياً عن البقية
حازم بغضب/ بلغ كل الفرق يقفلوا الحدود واكيد مش هتهرب طيران فأكيد يابري يا بحري، يقفلوا كل المواني ويفتشوا اي باخرة هتسافر يفتشوا ادق مكان فيها
هشام/ عملت كدا من غير متقول، بس اهدي
حازم/ اهدي ازاي هي اللي عملت كدا واكيد هتهرب له ،وممنوع حد يلمس اي حاجة في الشقة غير لما اروح واشوف تسجيل الكاميرات
حسام/ حازم كل اللي انت عاوزة وزيادة اتنفذ بالفعل اهدي بقي لما نطمن عليها
حازم/ جالها الجرءة تدخل بيتي وتتعدي علي مراتي والله اخرتها علي ايدي
قاطعهم خروج عمر ومعه بعض الدكاترة منهم الدكتورة منال
اقترب منهم الجميع
مديحة/ طمني ياعمر ريم كويسة، والبيبي كويس
الدكتورة منال / قدرنا نوقف النزيف و البيبهات الحمد لله حالتهم الي حداً ما كويسة بس بالمتابعة والراحة حالتهم هتتحسن اكتر
مديحة باستغراب / بيبهات
د:منال/ انتم متعرفوش انها حامل في توأم
نظرت مديحة لحازم وجدته هادئ فلم تعقب وأكملت
_ وهي عاملة ايه دلوقت كويسة
عمر/  جسمها في كدمات ،وحالتها مكنتش مستقرة بس دكتور احمد عمل كل اللي يقدر عليه
د:احمد/ القلب للاسف اجهد بشكل كبير بسبب اللي حصل مع النزيف والضغط العصبي بس اقدر اقول حالتها شبه مستقرة دلوقت هتفضل في العناية المركزة لحد ما تفوق وحالتها تستقر تماما
مديحة باستغراب اكبر / القلب ماله
د:احمد/ حضرتك حالة القلب ماتسمحش باي مجهود خصوصا مع الحمل دا اجهاد عليها ، هي كانت حالتها منتظمة ومستقرة بتنفيذ التعليمات بس الحادثة اللي حصلت دهورت حالة القلب
مديحة/ بردوا مفهمتش القلب ماله
هنا تدخل حازم/ ريم مريضة قلب من وهي صغيرة ياتوحة
استأذن الاطباء وذهبوا واقترح عليهم عمر ان يستريحوا في مكتبه
************
في المكتب
مديحة/ انت كنت عارف انها حامل في توأم ومقولتش لحد وكمان عارف انها مريضة قلب
حازم/ مكنتش اعرف غير من وقت قريب بس وماجتش فرصة اقول لحد
مديحة/ وايه اللي حصلها ومين عمل فيها كدا، طبعا هتقولي بسبب شغلك صح والله متوقعة
حازم بعصبية/ لا مش شغل ولو شغل مفكرتيش اللي دخل ، دخل بسهولة ازاي من الحراسة الا اذا كان حد معروف، ومسالتيش نفسك ليه ريم اللي اتهاجمت مش حد تاني
عم الصمت لحظات
مديحة/ تقصد ايه
خرج حازم لانه فقد طاقته علي الكلام هو الان لا يهمه غيرها حب عمره وحياته
مديحة/ حد يفهمني يقصد ايه
قص لها هشام وحسام ما حدث وخرج عمر للحاق بحازم، لم يجده
ذهب حازم الي منزله رأي كل ما حدث به من فوضي ورأي دماء ريم علي الارض فتح هاتفه وبدأ يري تسجيلات كاميرات الشقة ولاحظ انهم يبحثون في المنزل علي شئ
***********
بعد وقت عاد الي المستشفي، قابل عمر
حازم/ اخبارها ايه دلوقت
عمر/ الحالة مستقرة الي حداً ما بس هنطمن اكتر الصبح باذن الله
حازم/ عاوز اشوفها
عمر/ انت عارف ان مينفعش دي عناية مركزة
حازم/ 5دقايق بس لو سمحت
عمر / حاضر تعالي معايا
دخل لها بعدما قاموا بتعقيموا، كان يسير باتجاه سريرها وهو يرها كالجثة الهامدة ومتصل بها عدة اسلاك باجهزة كل خطوة كان يخطيها كان بيتذكر بها كل ذكرياته معها في الطفولة، كأن العمر بيجري بيه الي اللحظة دي جلس علي كرسي بجانب السرير وانحني وقبل يدها وشبك اصابعه بداخل اصابعها، بدأت الدموع تتجمع بداخل مقلتيه
حازم/ بحبك وبعشقك وعمر حبك ما قل في قلبي عمري ماعرفت اكرهك، انت روحي اللي كانت غايبة عني ورجعت لي، مش معقول بعد مرجعتيلي تضيعي مني تاني
شعر بحركة طفيفة من اصابع يدها علي يده، نظر الي يدها ثم الي وجهها، وجدها تجاهد لتفتح عيناها
حازم بلهفة/ ريم حبيبتي انت سمعاني
حركت راسها ببطء
حازم بفرحة/ لحظة هنادي عمر يطمني عليكي
ضغط برفق علي يده وحركت رأسها بالرفض، وحاولت ان تزيح ماسك الاوكسچين من علي فمها للتحدث اليه
ريم بوهن/ ع عاو ز ة أ ق ول لك حا جة
حازم/ متتكلميش دلوقت ياقلبي بعدين نتكلم المهم عندي انت دلوقت
وضعت يدها اعلي بطنها المنتفخة
_ ولادي كويسين
حازم/ ايوا ياقلبي الحمد لله بخير
ريم/ روح البيت ادخل اوضتك في Dressing Room. موجود ف كنبة صغيرة من تحت هتلاقيها مفتوحة ومتخيطة اقطعها هتلاقي ورق
حازم/ فيه ايه الورق دا
ريم كانت بتاخد نفسها بصعوبة/ لما توصل له هتعرف
قاطعتهم الممرضة
_ لو سمحت يا استاذ كدا كتير المفروض مفيش زيارات عشان حالتها ، وكمان لازم ابلغ الدكتور انها فاقت
وقف حازم وقبل جبينها ويدها:  انا برا متقلقيش ارتاحي بس عشان تخرجي من هنا بسرعة
ابتسمت له وعيناها مملوءة بالدموع كان تريد ان تتحدث معه اكثر ولكن اجهاد جسدها لم يمكنها من ذلك
تحدثت بتعب واضح: كنت عاوزة اقولك حاجة مهمة
حازم/ هسمع كل حاجة بس ارتاحي دلوقت وانا تحت امرك ياقلبي
ابتسمت له ودعها ثم خرج، قابل مديحة
مديحة/ كنت جاية اطمن علي ريم عاملة ايه دلوقت
حازم/ الحمد لله،  فاقت بس لسه الدكتور هيشوفها ويطمني
ربتت مديحة اعلي كتفه/ اطمن خير باذن الله وهتبقي كويسة
حازم قبل يدها/ باذن الله
مديحة/ بقي كل دا يطلع من جليلة ياحازم
حازم/ واكتر هي حسابها تقل معايا بس وربي ماهسيب حقي وحقها، خلي بالك منها هروح مشوار وراجع مش هتاخر
مديحة/ هي في عنيا ياحبيبي
**********************
خرج حازم من المستشفي واتجه الي المنزل
وجد الحراسة منتشرة في العمارة حتي في كل دور وخصوصا الدور الخاص بهم
فتح الباب ودخل، وقعت عيناه علي أثر دمائها علي الارض غمض عيناها بغضب وحزن ثم اتجه الي غرفة نومه كما قالت له ريم ووجد الاريكة وقطع قاعدتها وجد بالفعل أوراق، قلب فيهم جيداً
انتبه لوجود شئ خلف ملف الورق شئ مصل الكراسة فامسك به وفتحه وجد مكتوب في أول صفحة
(انا ريم يوم ما توصل لدا اعرف ان أنا جرالي حاجة وأنا سبتها هنا عشان تقدر توصل لها بسهولة مع الورق)
بدأ يفتح فيها صفحة ورا التانية ويقرأ 
[ بتاريخ الزواج صباحا ]
انهاردا أسعد يوم في حياتي رغم اللي مريت بيه وشوفته بس فرحتي ان اخيرا هترمي في حضنك
كأنى اتولد من جديد قطعت كل صفحات الحزن والقهر اللي عشتهم لاني هحكيلك علي كل حاجة انهاردا،  اخيرا رجعت لي زي موعدتني،  يااااه استنيت اليوم دا من سنين كنت بصبر نفسي باليوم دا
قلبي فرحان ان اخيرا هكون علي اسمك وفي حضنك كنت وحشنى مووووووت