عشقى وقدرى (بقلم منار جمال)

الفصل 12

جفاه النوم طيلة الليل وكأن جفونه وقفت عند تلك اللحظة ولا تريد أن تري شيئ بعدها، نظرات توسلها ودموعها ورجائها، كانت كفيلة بانشغال قلبه قبل عقله،  نظرات لهفتها لابيها واستنجادها، كانت كفيلة باشعال نار الانتقام بداخله
ظل واقفاً في البراندا يفكر ويفكر ويحتسي الكثير من القهوة الا أن سطعت شمسنا الحبيبة ، دخل الي الحمام ظل واقفاً تحت الماء مغمض عينيه ويتذكر دموعها ، ودمائها التي كانت علي يده
أفاق علي صوت رنين هاتفه،  اغلق الماء ولف البشكير حول خصره واخذ فوطة لتنشيف شعره ووضعها علي رقبته وخرج وجد رنين هاتفه تجدد
عمر / أيوا
…………………………
ظل يستمع الي الطرف الاخر
عمر / وحكايته ايه
…………………………
عمر / عاوز أعرف كل حاجة تخصه من يوم متولد للنهاردا
انهي المكالمة ثم ارتدي ملابسه وخرج وذهب باتجاه شقة مديحة ورن الجرس
فتحت له نور بابتسامة مشرقة
نور / صباح الخير علي الناس اللي نسيانا
ابتسم لها عمر واقترب منها وقبل جبينها ولف يده حول كتفيه وقفل بالاخري الباب
_ مقدرش انسى حبيبة قلبي،  عاملة ايه
نور / الحمد لله
عمر / مع ان متاخر بس مهنش عليا امشي غير لما اصبح عليكم،  فين توحة وفوفا
نور / في البراندا
عمر / هدخل اصبح عليهم قبل ممشي
نور / استني هنا،  ايه المشكلة اللي حصلت امبارح في المستشفي
ضيق عمر عينيه / وانت مين اللي قالك
نور / ملك وهي طالعة كنت نازل انت وهشام وسمعتك بتقول لحازم
عمر / آااه تمام،  مفيش واحد اتهجم علي ناس في المستشفي واتحلت الحمد لله
نور / حد حصله حاجة
عمر / البنت قريبته جرح في ايدها بس ومفيش حد اتأذي
نور/ ربنا يستر ويعفينا يارب
عمر / يارب
دخل البراندا صبح عليهم ثم ذهب وقبل أن يتجه الي المستشفي وقف بعربته أمام مول تجاري كبير قام بشراء شيئاً منه ثم ذهب الي المستشفي
اتجه الي مكتبه ارتدي البالطو الطبي الخاص به ثم ذهب ليمر علي مرضاه وعلي وجه الخصوص
(ملاكه البريئ) كما اطلق عليها قلبه قبل لسانه
وصل أمام الغرفة وقام بطرق الباب فتحت له
والدتها (اعتدال)
عمر بابتسامة / السلام عليكم ياست الكل اخبار الحاج فوزى والأنسة إيه
اعتدال / الحمد لله يادكتور بس بنتي الجرح بيوجعها جدا
عمر / متقلقيش. هنغير علي الجرح وهكتبلها علي مسكن قوي
ودخلوا باتجاه الغرفة الاخري اللتي بها فرح ووالدها فوزي
عمر بابتسامة / صباح الفل يا استاذ فوزي
فوزي / صباح الخير يادكتور
عمر وهو يقوم بفحص والكشف عليه
_ اخبار صحتك ايه انهاردا.
فوزي / الحمد لله في نعمة يادكتور
اعتدل عمر في وقفته
_ لا  احنا بقينا تمام أهو الحمد لله
اعتدال  / الحمد لله يا دكتور كنا فين وبقينا فينا
في نفس الوقت كانت الممرضة المصاحبه له تغير لفرح علي جرح يدها
بينما عمر يتكلم مع فوزي واعتدال انتبه لصوت تأوهااتها،  ذهبت اعتدال مسرعة باتجاهها حتي تري ما بها
عمر / فيه ايه يا ولاء
الممرضة ولاء / مفيش يادكتور الجرح وجعها بس وأنا بغير لها عليه
عمر / طيب ابعدي انت وانا هغير لها عليه
اقترب عمر منها ونظر الي جرح يدها وعندما امتدت يده حتي يمسك يدها ويطهر الجرح انكمشت علي حالها وتمسكت في والدتها
عمر بابتسامة اطمئنان / متخافيش هطهر الجرح والفه علي طول
نظرت الي والدتها
_ متخافيش ياقلبي دا دكتور عمر،  ثم نظرت الي عمر
_ أصل فرح يادكتور جبانة شوية وبتخاف جدا من الدكاترة والجروح وكدا
نظر اليها عمر وابتسم وتحدث بخفوت لم يسمعه احد الا هي / اسمها فرح وهي فرح لاي حد يعرفها
وقام بتطهير الجرح وقام بتغطيته 
وعند ملامس يده لزراعها تسير قشعريرة في جسدها برعشة طفيفة حتي انها وصلت اليه ورفع عيونه تلاقي عيونها في نظرة سريعة
ابتعد عنها وتحدث مع الممرضة عن انواع الادوية لها وذهبت لتحضرهم
فوزي / والله يادكتور ما عارف اشكرك ازاي علي وقفتك جنبنا من اول مدخلت هنا لدلوقت دا جميل فوق راسي والله
عمر بابتسامة / حضرتك مبتعتبرنيش ابنك ولا ايه كدا هزعل
فوزي بابتسامة بشوشة / انا يشرفني انك تعتبرنى زي باباك دي حاجة تسعدني والله، بس معلش طلب صغير اعتبره رجاء
اقترب منه عمر / اامرنى
فوزي / انت يابني عملت معانا اللي أهلي
نفسهم معملهوش من غير حتي متعرفنا وانا عارف ان تكاليف المستشفي لدلوقت اكيد هيكون مبلغ كبير أنا هدفع الي معايا والباقي هسددهولك لما اقوم بس واقدر اشتغل ومستعد لاي ضمان
عمر /كنت لسه بتقولى زي ابويا،  فين بقى
انت كدا مش بس مش بتعتبرني زي ابنك وكمان انت كدا بتهيني
فوزي / ابدا والله مقصد إهانة ولا كل دا بس انا يابني راجل عاش طول عمره معلهوش جنيه لحد اجي علي اخر ايامي ويبقي الوضع كدا
اقترب منه عمر بعدما شعر بعزة نفسه وكبريائه وانحنى ووضع كف يده بين راحتيه وقبل يده
عمر / ياراجل ياطيب بتعمل تكليف بينا ليه والله حضرتك بتفكرني بأبويا واللي انا بعمله معاك دا من منطلق الاحساس دا ولو بتعتبرني فعلا ابنك بلاش نتكلم في الموضوع دا تاني وانا تحت أمرك في أي طلب تاني
فوزي بقلة حيلة / الامر لله يابني  ، هقول ايه
عمر بابتسامة / قولي هخرج امتي يادكتور،  شوفتلك شقة علي النيل هوا يرد الروح وهترتاح فيها جداً
فوزي / وشقة زي دي أنا هقدر على ايجارها يابني
ومتقوليش لاء وزي مصاريف المستشفي
عمر بابتسامة / حاضر مش هتكلم،  اللي معاك ادفعه ها مرضى كدا
فوزي بابتسامة / لاء طبعا،  بتاكل بعقلي حلاوة
عمر / وانا أقدر ، طب اللي يريحك ويرضيك ايه بس خد بالك حالتك متسمحش لشغل ففكر بقي كويس وبغمزة من عيناه اكمل،  واستغل الوضع اسمع مني
فوزي بتفكير بضع دقائق ولف وجهه الي ابنته وزوجته وكأن لا يوجد حل يلجأ له غير أُمنية فرح من فترة فنظر الي عمر
فوزي / طب أخر طلب وبعد اذنك لو في امكانك تعملهولي
عمر / اامرني والله كل اللي تطلبه يتنفذ
فوزي / ممكن تشوف وظيفة لفرح فى اي مكان يعتبر قريب من الشقة
عمر وهو ينظر اليها بابتسامة / وأنسة فرح معاها شهادة إيه
هنا تدخلت اعتدال / فرح خريجت كلية تجارة يادكتور
عمر بنفس وضعه / تمام جداً اعتبرها اشتغلت متشلش هم
فوزي / ربنا يباركلك يابني،  بس ياريت تشتغل مع ناس تكون بتتقي ربنا ويتعاملوا معاها كويس
عمر بابتسامة / متقلقش هي هتشتغل معايا هنا
اعتدال / هتشتغل ايه هي شهادتها ملهاش علاقة بشغل المستشفي
عمر / بس شغل الحسابات والمخازن اكيد ليه علاقة ولا ايه، وكمان قريب من مكان الشقة
اعتدال / ربنا يباركلك يابني مش عارفين نودي جمايلك فين
عمر / بردوا هتقولي جمايل هزعل كدا
اعتدال وهي تقترب منه / ربنا ميجيب زعل ويحميك لاهلك ويباركلهم فيك
عمر /تسلمي يا أمى،  هسيبكم انا هكمل مرور علي المرضى، واحتمال استاذ فوزي يخرج بكرا لو احتجتوا اي حاجة ابعتولي بس
فوزي / تسلم يابني
عمر / عن اذنكم …………… وذهب
**********************
في الصعيد
كانت تجلس جليلة في غرفة المكتب وتتكلم مع شخص عبر الهاتف
جليلة / أيوا فهمتها تجيب لي ورق الصفقة والمفاتيح كمان،  بس ايه الخطوة الجاية
انتظرت حتي تسمع الطرف الأخر
جليلة / تمام أول موصل لحاجة هبلغك بيها
انت مش هتنزل قريب اتوحشتك قوى،  وبقي صعب أعدى النفق ونتقابل،  غيابي بقي ملحوظ
وكادت تكمل كلامها ولكن قاطعها دخول فزاع ابنها
فقطعت الخط علي وعد باتصال اخر
فزاع / ها يا أما مفيش أخبار چديدة،
جليلة /لحد دلوق لاء
فزاع / طب والحل ايه معاد استلام الشحنة الجديدة قرب هندخلها البلد ازاي واغلب تجار السوق بيستعجلوني
جليلة / متقلقش الكبير حاطط خطة متخرش الميه
فزاع / تفتكرى البت دي هتجيب لنا المطلوب
جليلة / هتجيب عشان خايفة وعارفة أنا ممكن أعمل ايه لو مسمعتش كلامي
فزاع / لو حصل يا أما هيبقي طريقة ندخل بيها كل صفقات السلاح والمخدرات وأدام الحكومة من غير ميستجروا حتي يوقفونا
ضحكة جليلة ضحكة شر / إمال ايه الكبير دماغه توزن بلد لما فكر في الطريقة دي نعرف من الورق معاد الصفقة امتي وهتيجي منين ونبلغه يتصرف هو ويحط فيها بضاعتنا وبما انها مترخصة وباسمه هتعدي وحتي لو انكشفت احنا في السليم
أكمل فزاع / واحنا نهجموا علي المخازن ناخد بضاعتنا أما خطة
جليلة بضحكة انتصار / قولت لك متخرش الميه، الكبير ودماغه
فزاع / إلا قوليلي هو مكتشفش الحقيقية لدلوق
جليلة / قصدك هى يعني
أوم برأسه علامة ، فأكملت
ملمسهاش لدلوق
جحظ فزاع عيونه / كيف دا يا أما دا البت فرسة وعليها جسم أنا لو منه والله متفلت من يدى
جليلة بامتعاض / دا إنت مش هو،  انت بتريل علي النسوان عشانك و…… زي أبوك،  انما هو مش اكده وكمان انت ناسي اللي حكتهوله عنها دا كفيل يخلى أي راچل يكره الحرمة اللى ادامه حتي لو عشقانها
فزاع / طب بس متشتميش،  نرجع لمرجوعنا
جليلة /ركز معايا. في باقي المطلوب ايه
جلسوا يتفاخرون بخططتهم والسعادة بائنة علي وجوههم ولم يلاحظوا جهاز التسجيل الموضوع أسفل الاباجورة الموضوع علي المكتب. وكاميرات المراقبة المتخفية في حين يستمع لهم الطرف الاخر بتركيز ثم اتصل بهاتفه الخاص علي رقم وانتظر دقائق حتي يرد عليه الطرف الاخر
_ عاوزك ضروري قابلني في مكانا المعتاد
*********************
دخل حازم الي الشقة وجد ريم تخرج من المطبخ
نظر لها بطرف عينه
حازم / سلام عليكم
ريم / وعليكم السلام ورحمة الله وبركاته
أحضرلك الغذا
حازم / ملك إجت
ريم / لاء
حازم / اعمليلي فنجان قهوة، لما توصل هتغدي معاها
ريم / حاضر
دخل حازم الي غرفته خلع سترته وأمسك موبايله وطلب رقم
_انا وصلت البيت هاخد شور وهطلع،  انت فين
…………………………
_تمام،  سلام
ثم دخل الي الحمام كى يستحم وبعد فترة خرج ارتدي ملابسه وخرج من الغرفة وجدها حضرت القهوة أخذها منها وخرج وصعد باتجاه الروف
وبعد فترة عاد مرة اخري الي منزله وجد ريم في المطبخ
حازم / ملك إجت
ريم / أيوا،  وفي اوضتها
حازم / تمام،  حضرى الغدا
ذهب حازم باتجاه غرفة ملك وأطرق الباب كانت حينها ملك كانت تتحدث في الهاتف مع منى
ملك / ثواني يامنى
فتحت الباب وجدت حازم
ملك بابتسامة / أبيه اتفضل
حازم / لا ياقلبي يالا عشان نتغذي سوا
ملك / حاضر ثواني وجاية
حازم / مستنيكي متتأخريش
وذهب وقفلت هي الباب وأكملت المكالمة
ملك / أيوا يامنى،  بقولك هو مكنش ينفع مع البنى أدم دا غير كدا عشان يحترم نفسه مليش أنا في جو الصحوبية والارف دا كان لازم يقف عند حده
انتظرت دقائق تستمع الكرف الاخر
ملك/ ايوا والله عندك حق،  هقفل معاكي واروح لابيه عشان مستنيني علي الغذا وهبقي اكلمك سلاام ياحبي
ثم خرجت وجدت حازم يجلس علي رأس المائدة وأمام بضعة أطباق طعام
جلست بجانبه وحينها كانت ريم تخرج بأخر الاطباق الخاصة بالطعام وتضعهم أمامهم وذهبت مرة أخرى
بدأوا في تناول الطعام وهم يتحدثون في أمور عدة وحينما انتهوا عادة ملك الي غرفتها للمذاكرة وجلس حازم امام التلفاز يتصنع مشاهدة كرة القدم بينما ينظر من الحين والاخر لريم وهي تلملم الاطباق من السفرة وأخيراً تحدث وقطع الصمت
حازم / اعمليلي فنجان قهوة
ريم بدون ان تنظر له ومستمرة في ما تفعله
_ حاضر
أحضرت القهوة له ووضعتها أمامه وكادت تذهب الي المطبخ فتحدث لها وهو يمد يده حتي ياخذ القهوة ودون ان ينظر لها
حازم /  وصلني ان كان فيه ضيوف هنا
ريم وهي تنظر الي الارض / أيوا عمتى جليلة إجت واستنت شوية وبعدين مشت وقالتلي ابلغك سلامها
حازم / أممم وايه سبب الزيارة بقي
رفعت عيونها ونظرت له / كانت جاية تبارك لنا
ضحك حازم بزاوية فمه باستهزاء / تبارك لنا آااه
بس كدا
نظرت له ريم لثواني ثم خفضت نظرها مرة أخرى
_ أيوا،  محتاج مني حاجة تاني
حرك. كف يده دليل علي ذهابها
عادت مرة أخرى الي المطبخ والدموع حبيسة جفونها،  ألهت نفسها في توضيب المطبخ والاطباق وعندما أنهكت وشعرت بالتعب أخذت طبق من الطعام وذهب الي غرفتها
فتح حقيبتها وتناولت منها قرص دواء ثم جلست دقائق وبدأت بتناول طعامها حتي تشعر بتحسن
*******************
عند هشام
كان يجلس في مكتبه يتابع بعض الاعمال علي اللاب توب الخاص به، فسمع طرق الباب فسمح بالدخول ولم يرفع عيونه من شاشة حسوبه
دخلت روزا بخطي هادئة ووضعة أمامه علي بعد قليل بعض الملفات
روزا /  الملفات دي محتاجة امضت حضرتك عشان نسيفها ونوديها خزنة الملفات ونأكد علي العملاء
رفع عيونه من الحاسوب ونظر لها بابتسامة هادئة
_ مفيش صباح الخير،  أي حاجة طيب داخلة حامية عليا كدا
روزا / احم صباح الخير يافندم
هشام بمشاكسة / صباح الورد والفل والعسل
روزا / ممكن الملفات
هشام / عيوني بس كدا
وقام بالامضة علي الملفات وهو يشاكسها وعندما انتهي مد يده لها بالملفات
هشام بابتسامة / اتفضلي،  ياخسارة خلصوا بسرعة
روزا بنفاذ صبر / تأمر حاجة تانية
هشام / ياريت فنجان قهوة زي عيونك الحلوين دول
روزا / حاضر عن اذنك
خرجت متأفأفة وتترك الملفات علي المكتب بوجه يملأه الضيق
روزا / هنا البشمهندش هشام طالب قهوة
هنا / حاضر هطلبها من Office Boy
وبعد أن أحضرها طلبن هنا من روزا أن تقوم بادخالها لانها مشغولة
روزا / معلش ياهنا دخليها انت مش عاوزة أدخلها أنا
هنا باستغراب / ليه
أخذت روزا شهيقا وإطلقته ثم تحدثت الي هنا
_هنا أنا ممكن أسالك سؤال
هنا / اتفضلي ياحبيتي
روزا / هو الباشمهندس هشام بتاع ستات ، يعني بصباص وعينه زايغة يعني
هنا باستغراب / مين دا باشمهندس هشام
أومات لها ، فأكملت هنا
باشمهندس هسام قمة في الاحترام والاخلاق والذوق ومتواضع جداً وتعامله مع أي حد بحدود وحقيقي بيراعي ربنا جداً في تعاملاته مفيش زيه في الزمن دا بشهادة كل موظفين الشركة،  بس ليه بتقولي كدا
حكت لها روزا موقفه معها في القسم وعندما ذهب اليها المكتبة و كلامه معها منذ قليل والذي تعتبره تجاوزاً معها
هنا / بصى هو ممكن يكون موضوع المكتبة صطفة لان دا مش اسلوبه الصراحة وموقف القسم بيدل علي شهامته ونبله في اي موقف مش عشانك انت حتي لو كانت اي واحدة كان هيبقي موقفه هو هو،  وبالنسبة لكلامة دا هو شخصية بيحب الهزار جداً مع أي حد
روزا / بس مش كدا
هنا بابتسامة / بيناكشك وياتري ليه
روزا متصنعة عدم الفهم / ليه ايه مش فاهمة
هنا / بصي علي حسب اللي حكتيه موقف الاسم والمكتبة والتسهيلات اللي قدمهالك اذا كان في العقد او الوظيفة زي مبتقولي ومناكشته ليكي بيدل هلي حاجة واحدة
روزا / وايه هي
هنا / انه معجب بيكي
روزا / لاء لاء ايه اللي انت بتقوليه دا
هنا / والله دا احساسي ومن حكم خبرتي في التعامل معاه ومعاملته المتميزة ليكي علي وجه الخصوص،  دا اخترع وظفتك دي معايا وقسم الشغل مابينا مخصوص ياتري ليه الا اذا كان عشان تبقي ادام عيونه
روزا بحالة توهان / كلامك زي وجهه نظر موني صحبتي
هنا / بلاش تفكري كتير،  وقومي دخلي القهوة
روزا / حاضر

#وللحديث بقية
#عشقى وقدرى
بقلم منار جمال