وحينما تتهوه منا الحقيقة عبر مرور الزمن مثلما نتوه نحن في زحمة الحياة، فقد يأتي وقت وتصل فيه الي مرساها كالمركب الضائعة في عرض البحر
*****************
بعد كام يوم
في الصعيد وتحديداً دوار جليلة، كانت تتحدث في الهاتف
جليلة / احنا قلبنا الدنيا بعتنا رجالتنا يدوروا عليهم قولنا يمكن تاهوا في الجبل او حصلهم حاجة، ملقوش حاجة ودورا في كل المستشفيات عشان لو حد عمل حادثة وكلمنا راجلنا اللي في الداخلية، أكد لنا ان مفيش حمالات طلعت ولا حد منهم ممسوك تحري حتي، دول كأنهم اختفوا فص ملح وداب
الطرف الأخر وكان انطونيو، فهو يعتبر رئيس المافيا المورد الاسلحة والمخدرات بأنواعها وغيرها من الامور الغير شرعية، وجليلة هي من تتعامل مع الامور بداخل مصر، تعتبر الوسيط بينه وبين جميع تجار الاسلحة والمخدرات في مصر وهي الشخص الوحيد اللي علي اتصال بيه ومسموح لها بذلك
أنطونيو/ الموضوع دا فيه حاجة ياجليلة، دا مش مصر بس ، الموضوع دا حصل لكل التجار اللي بيتعاملوا معايا في امريكا وايطاليا وفرنسا
جليلة/ يعني ايه، وهيكون مين اللي بينخور وراك
انطونيو / رجالتي معرفوش يوصلوا لأي حاجة ، خدي بالك من كل اللي حواليكي حرسي ومتأمنيش لصوابع ايدك وانا هتصرف، ومن دلوقت لمعاد الشحنة اللي متفقين عليها ظبطى أمورك
جليلة/ تمام
وانهت الحديث
جليلة/ فزاااع، فزاااع
فزاع / أيوا يا أما
جليلة/ زود رجالتنا ويحرسوا الدوار عينهم متغفلش، واي حد غريب يخطي خطوة واحدة من ناحية الدوار تجبهولي متكتف فاهم
فزاع/ في ايه يا أما
جليلة/ أنا لسه كنت بكلم الكبير، اللي حوصل، مش معانا احنا بس دا حصل مع تجار في بلاد تانية
فزاع/ يعني قصدينه هو
جليلة/ أيوا عايزين يوقعوه، وهيسحبونا احنا الأول، فخد بالك فاهم
فزاع/ أمرك يا أما
خرج فزاع، وتحدثت هي مع ذاتها
جليلة/ طب هو وهيحل الموضوع، ونسبتي هطلع من مولد بلا حمص، لااااا، هتعملي ايه يا جليلة، هتعملي ايه، لقيتها ،مفيش غيره هتدخل عليه واسحب اي حاجة منه زي مبعمل تملي
&ملحوظة&
(انطونيو بيتكلم مصري لانه مصري الجنسية وهنعرف قصته اكتر في الفصول)
********************
كانت نور تجلس في البراندا الخاصة بحجرتها كعادتها، كانت ترتدي الاسدال تقرأ في المصحف ولكن تفاجأت بصوت تعلمه كثيرا، أفزعها
هشام/ تقبل الله يا نور
نور بفزع وخضة/ بسم الله الرحمن الرحيم
هشام/ ايه شوفتي عفريت
نور/ ايه يابني حد يخض حد كدا
هشام/ عاوز أتكلم معاكي في موضوع خاص وتكوني لوحدك
نور/ تقوم تدخل من اوضتك اخوك اللي مقفولة من سنين
هشام/ أمال أجيلك منين
نور/ كلمني في التلفون مثلا
هشام/ لا مينفعش، الموضوع اللي عاوزك فيه، مينفعش في التلفون لازم. وجها لوجه كدا
نور/ خيير، مالك
هشام/ خير متقلقيش، بصي انا عاوزة أفرح روزا
نور/ عاوز تعمل ايه يعني
هشام/ عاوز اعملها عرض جواز، ادام الشركة كلها بس يكون حاجة special
نور/ في دماغك حاجة معينة يعني ولا
هشام/ كنت بفكر مثلا، مثلا ارسم لها بورتفيه بصورتها
نور/ انت عارف اني مبرسمش أشخاص، طيب بص هظبط حاجة في دماغي كدا وأقولك، تمام
هشام مبتسم/ شكرا يا أحلي نور في الدنيا، اسيبك بقي وهروح شغل
*********************
اجتمع هشام مع عمر وحازم وكان هشام بيسمعهم تسجيل مكالمة جليلة مع انطونيو
عمر / لفوا حوالين نفسكوا، ولسه ،مشفتوش حاجة
حازم/ اهم حاجة الكاميرات والميكرفونات، ميعرفوش يكشفوهم
هشام/ عيب عليك ، دى لعبتي، انا مظبط كل حاجة وعامل نظام تشويش حتي لو عندها جهاز يكشف المسجلات هيتشوش عليهم
عمر/ وانت ياحازم معرفتش توصل لاي حاجة
حازم/ لحد ما ريم سلمتها ورق معاد الشحنة واتكلمت المكالمة اللي سمعتها محصلش جديد
هشام/ معرفتش توصل للتلفون دا
حازم/ قلبت اوضتها، مش موجود واكيد هي مش هتخرجه برا اوضتها
عمر/ المهم دلوقت نفرح بالللي عملناه، اكيد عمتك جليلة ياحازم هتموت دلوقت من الغيظ
هشام/ ههههههههه حصل، بس الاهم بقي ان توحة اكيد لاحظت غيابنا كلنا، لازم نفكر في سبب مقنع لكل واحد
عمر/ أيوا دي لو عرفت شغلنا الاساسي ايه هتعمل مننا بوفتيك
حازم/ اتكلموا عن نفسكم
وظلوا يتحدثون ويتناقشون في بعض الامور ويبقي سر عملهم لغز من الالغاز ولكن هل سيدوم أم لا
*******************
في شقة مديحة
دخلت مديحة لحجرة نور وجدتها تذاكر
مديحة/ نور فاضية ياقلبي ولا وراكي حاجة مهمة
نور/ كنت بذاكر شوية، في حاجة ياحبيبتي
مديحة/ كنت عوزاكي تيجي معايا، نشتري شوية حاجات لريم وانت بنت زيها هتعرفي تختاري معاها وكدا
نور/ من عنيا هغير هدومي واجي
مديحة/ معلش ياقلبي هعطلك، ملك عندها امتحانات ووفاء مش قادرة تنزل تعبانة شوية
نور/ لا ياحبيبتي انا بحب ريم جدا والله هلبس بسرعة
مديحة/ تمام ياقلبي هروح أقولها تلبس هي كمان
خرجت مديحة وذهبت باتجاه شقة حازم وعندما فتحت لها ريم ودخلت، وعندما جلسوا
مديحة بابتسامة/ عاملة ايه ياقلبي
ريم / الحمد لله بخير، متشكرة جدا ياطنط علي اللي حضرتك عملتيه معايا وانا تعبانة
مديحة/ أولا مفيش بنت بتقول لمامتها ياطنط ولا ايه ثانيا انت بنتي مفيش بنت بردوا بتشكر مامتها
ريم بابتسامة/ انا اسفة، مش هكررها
مديحة/ يا ايه
ريم/ ياماما توحة
مديحة/ شطورة، قومي غيري هدومك هتيجي معايا مشوار كدا
ريم/ بس حازم
مدظحة/ هو عارف انك هتنزلي معايا متشليش هم يالا بسرعة عما البس أنا كمان
**********************
في مستشفي عمر
ذهب الي فرح في مكتبها الموجود بالقرب من مخزن الادوية، دخل فجأة
عمر/ مفيش صباح الخير ياعمر ولا عامل ايه ياعمر
فرح بخضة/ دكتور عمر في حاجة غلط في الشغل ولا ايه
عمر بابتسامة/ شوف أنا بقولها ايه وهي بتقولي ايه
فرح/ صباح الخير يادكتور عمر
عمر/ عمر بس، وصباح الفل والياسمين والعسل
فرح/ كل دا يادكتور
عمر/ هقلع البالطو والسماعات دول عشان متقوليليش يادكتور اسمي عمر بس اقول تاني
لم ترد فرح ولكن ابتسمت، فأكمل عمر
_ عزمك علي كابتشينو في الكافتريا، ومفيش اعتراض يالا
ذهبت معه
طلب كوبين وذهب الي الطاولة التي تجلس عليها وضع كوب أمامها وجلس مقابلها
فرح/ دكتور عمر، متفهمش قصدي غلط بس الممرضات لو شافوني قاعدة معاك هيفهوا غلط وممكن يتكلموا عليا
عمر/ لا مش هيتكلموا، بصي انا مختارهم واحدة واحدة ليكونوا كلهم محترمين وعقول متفتح يا بلاش، احنا بنقابل حالات صعبة كتير وخصوصا في القسم المجاني فلو واحدة مش كويس هتتعامل معاهم بطريقة مش كويسة ودا انا مقبلوش، يعني لو شافوني قاعد معاكي دلوقت هيقولوا بنتناقش في شغل، بنتكلم، بس مش اللي في بالك خالص
فرح هواياتك ايه
فرح/ زمان كان ليا هوايات، لكن حاليا مفيش
عمر/ وايه فرق زمان من دلوقت
فرح/ حاجات كتير
عمر/ زي ايه
وظلوا يتناقشون بعض الوقت
***********************
ارتدت ريم ملابسها وخرجت من المنزل وجدت مديحة ونور يخرجون أيضا
ريم/ انا خلصت
نور/ عاملة ايه ياريم
ريم/ الحمد لله ياقلبي أخبارك ايه
نور/ تمام الحمد لله
مديحة/ يالا يابنات
نزلوا بالأسانسير وركبوا العربية المخصصة للعائلة بالسائق وذهبوا الي مول تجاري كبير، وبالتحديد الي الجزء الخاص بالسيدات يحتوي علي كل شئ يخص المرأة
مديحة/ يالا ياريم اختاري كل اللي يعجبك ياقلبي
ريم/ أنا، ليه
مديحة/ هنجيب لك شوية حاجات
ريم/ بس أنا عندى و
قاطعتها مديحة/ عارفة ان عندك، مليش دعوة بدا، حازم عاوز يجيبلك شوية حاجات بس هو مبيعرفش في الحاجات دي فقالي انزل معاكي
يالا يانور خديها واختاروا مع بعض
وبالفعل كانت نور بتقترح عليها ، ولكن ريم كان خجلها مسيطر عليها في البداية ولكن نور لديها طريقة خاصة ومحببة تجعل من امامها يستسلم لها اختارت بالفعل بعض الدريسات والشنط والشوزات والطرح بمساعدة نور وعندما بحثوا عن مديحة وجدوها في ركن خاص بالبجامات واللنجريهات
مديحة/ خلصتوا يابنات
نور/ أيوا ياماما
مديحة/ تعالي ياريم اخترت لك البجامات دي ايه رأيك
ريم/ حلوين جدا بس كان كفاية الحاجات دي ياماما كدا كتير
مديحة/ والله حازم عطيني الكريدت بتاعته، وبعدين قالي هتيلها اقوله لا
يالا تعالي نختار قمصان النوم والانجيري
ريم بخجل / ايه لا لا لا مش مهم الحاجات دي
مديحة/ يالا ادامي هتزعليني ولا ايه
وبالفعل اختاروا وعادوا الي المنزل ، أخذا الحرس منهم الحقائب
خرجتوا من المصعد واتجه كل منهم باتجاه شقته
دخلت ريم وادخلت الحقائب وقفلت الباب والتفت لتذهب باتجاه غرفتها، وجدت حازم أمامها
يقف ويظهر علي وجهه الغضب
حازم بغضب / كنتِ فين
ريم بارتباك من شدة خوفها/ آاااا أناا، ك كن كنت مع ماما توحة قالتلي اروح معاها نشري الحاحات دي وقالتلي انك عارف، والله
هدأ قليلا نظر الي الحقائب ثم اليها
_ دخلى الحاجات دى واعمليلي قهوة
ريم / حاضر
خلصت ريم القهوة واعطتها له في غرفته وذهبت الي غرفتها كان سعيدة بكل ما أتت به مديحة لها ولكن لن تستطيع ان تجربهم حتي، فهناك من يمنعها من ان تحلم
*********************
توقفت سيارة امام مستشفي عمر ونزل منها ملك وأصدقائها منى وسهام
منى/ بلاش احراج ياملك
سهام/ هي مش قالتلك انه وافق
مني/ مهو ممكن يكون وافق احراج، ةخصوصا انه مكنش بيقبل طالبة تدريب هنا
ملك/ والله ابدا يامني هو اصلا كان قايل لي مش هوافق تدربي في اي مكان غير عندي
يالا بينا بقي
وذهبوا باتجاه مكتبه، طرقت ملك الباب وعندما سمعته يأذن بالدخول دخلوا
ملك/ السلام عليكم ياعموري
عمر/ وعليكم السلام ياملوكة، اهلا بيكي ياقلبي المستشفي نورت
ملك/ دول صحابي نهي وسهام جينا زي ما اتفقنا
عمر/ تنوروا ياقلبي، اهلا بيكوا اتمني ترتاحوا في التدريب هنا
مني / شكرا جدا لحضرتك انك سمحت لنا ندرب هنا
عمر/ العفو، مفيش حاجة، تعالوا هعرفكم كل حاجة هنا
وأخذهم في جولة تفقدية للمستشفي ثم استدعي رئيس التمريض (زينب)
عمر/ زينب دي ملك اختي ودول أصحابها هيدبوا عندنا، عرفيهم علي الدكاترة والنظام
زينب/ تحت أمرك يا دكتور عمر، اتفضلوا
********************
في المساء
خرج عمر من الاسانسير متجها الي شقته وجد نور وهشام جالسون علي السلم بجوار شقة مديحة ، ونور تاكل وجبة اكل جاهز دليفري، جلس بجانبهم
عمر/ ايه يانور، شايفك مش خايفة لتوحة تشوفك
هشام/ متقلقش ياخويا مظبطة نفسها، توحة وفوفا تحت عند مدام عايدة بيباركوا لها بنتها هتتجوز
عمر/ ومش خايفة يطلعوا فجاة
نور وهي تأكل/ توء توء، ملك معاهم هتعطيني رنة
عمر ضاحكا / مظبطة نفسك انت
هشام/ أوووي
عمر/ وزالة انفاسك بايه المرة دي، عشان تجبلها اكل
هشام/ طلبت منها حاجة، اعمل بيها عرض جواز لرزوا، حكم القوي بقي
نور/ انا قوي
هشام/ لا أنا، قولي بقي فين
نور/ اما اخلص اكل
نظر عمر وهشام الي بعضهم وابتسموا بحنية الي نور، لانها تعتبر لا تفارق المنزل كثيراً مثلهم وليس لها أصدقاء لتقابلهم مثلهم، تعتبر العائلة محيطها الوحيد والاشخاص الذين تتواصل معهم، فهم يحاولون بكل السبل المتاحة اسعادها
نور/ مهنش عليه ياعمر، يجيب لي كنز، شوفت
هشام / لا والله
اخذ عمر شئ من الحقيبة الذي بجانبه
_ اتفضلي ياقلب اخوك مش ناسيكي والشكولت كمان
نور بفرحة / حبيبي ياعموري
هشام/ لا والله
وضعت نور بين يده بقايا الطعام
_ خد بقي داري الجريمة دي وسلاموز انا
دخلت الي الشقة وقفلت الباب ورائها، نظر هشام الي أثرها ثم الاكل
هشام بنرفزة مضحكة/ شايف اختك، ماشي يانور
وقفوا وساروا باتجاه الشقتين
عمر/ ياعم خلاص نور بتهزر
هشام/ ماشي ياخويا، ايه الشنطة الكبيرة دي اللي معاك
عمر / وانت مالك
ثم دخل وقفل باب شقته
هشام / بقي انا بيتقفل في وشي الباب، مااشي اما ورتكم مبقاش هشام
ودخل هو الاخر
*************
دخل عمر مباشرة الي الحمام إخذ دوش ثم خرج ارتدي ملابسه وذهب الي البراندا ونظر الي البراندا الخاصة بفرح، كان يمسك في يده الحقيبة الكبيرة الذي أتي بها من الخارج، نظر الي الحقيبة ثم الي البراندا وابتسم
ملحوظة ( براندا فرح تحت براندا عمر ولكن من ناحية الشمال يعني يقدروا يشوفوا بعض )
******************
دخلت فرح للتو الي الحجرة ، سمعت صوت دق خفيف علي باب البراندا، للحظة انتابها شعور بالخوف، ولكن بعد تفكير دام دقائق، اطمئنت لان يوجد بالاسفل حراسة وبالتأكيد لن يدخل أحد غريب هنا وعلي مسافة عالية كهذه
ذهبت وفتحت باب البراندا ببطء لم تجد شئ، ولكن وجدت الكرسي الموضوع في جانب البراندا
في المنتصف وعليه بوكيه ورد كبير مغلف بالورق الاسود والورد أحمر وفي وسطه انواع من الشوكلت الفاخرة ويوحد كارد في منتصفه علي شكل قلب، تناولت البوكيه بين يدها، وقربته من انفها لتشم رائحته ثم أمسكت الكارد وجدت
( 🌺🌹❤️ بحبك ❤️🌹🌺)
ابتسمت تلقائي، هي تعرف مَنْ ولكن كانت تتجاهل الأمر، ولكن تعجبت كيف أتي الي هنا نظرت حولها كلاَ الجانبين ثم الي الأعلي وجدته يقف في البراندا مسنداً بيديه علي حافته ويبتسم وممسك في يده وردة من نفس نوع البوكيه
نظرت له دقائق وهي مبتسمة ثم عادت للداخل من شدة خجلها
ابتسم عمر ، وعاد الي الداخل مرة أخرى
******************
عند هشام
عندما دخل الي حجرته وجد مغلف متروك علي السرير ومعه ملاحظة فتحه وقرأ الملاحظة وذهل جدا من فكرته
هشام/ يابنت الايه يانور جامدة فعلا ومختلفة
**********************
صباح يوم جديد
سمعت روزا رنين هاتفها المتكرر، وجدتها هنا
روزا/ السلام عليكم
هنا/ وعليكم السلام، نزلتي ياروزا
روزا/ لاء لسه، في ايه انا اتأخرت
هنا/ لاء لاء مش كدا أنا كنت محتاجاكي تشتري معيا أشتري حاجة مليش اخوات ولا اصدقاء ففكرت فيكي
روزا/ بس كدا عيوني ياقلبي، بعد الشغل
هنا/ لاء دلوقت قبله
روزا/ مش هنتأخر
هنا/ متقلقيش ولو اتاهرنا هكلم مستر هشام مش هيقولي حاجة
روزا/ تمام هنتقابل فين
هنا/ أنا شوية وهوصل تحت بيتك
روزا/ تمام وأنا هلبس ونازلة، سلام
&&&&وبعد وقت ليس بقليل &&&&&
روزا/ ياهنا بقالنا كتير بنلف ومشتريناش حاجة احنا كدا بنضيع وقت علي الفاضي، طيب تعالي نروح الشغل وبعد الشغل نلف كمان
هنا بحزن مصطنع / أسفة ياروزا، انا تعبتك معايا متزعليش مني، وحقك عليا اني أخرتك، بس أنا بيبقي اختياري صعب شوية
روزا بابتسامة/ لا ياقلبي متقوليش كدا قصدي ان بعد الشغل هنكون براحتنا اكتر مش ورانا حاجة
هنا / تمام ياقلبي تعالي نروح الشركة ونبقي نرجع بعدين
&&&& أمام الشركة &&&&
هنا/ روزا معلش اسبقيني، هشتري حاجة من هنا وجاية
روزا باستغراب من تصرفاتها / تمام
دخلت روزا من باب الشركة لم تجد أحد استغربت كثيراً ، صعدت الي مكتبها
خرجت من الاسانسير، لم تجد أحد أيضاً،
روزا/ ايه دا هما الموظفين فين، دي حاجة غريبة جدا
انتبهت لسهم من الورد علي الارض ، اتبعته ومن سهم الي أخر وجدت صاولة صغيرة حولها بلالين حمراء وعليها شئ من الكتاب صغير، مسكته وفتحته
كان عبارة عن رسومات، في أول ورقة مرسوم شئ من النباتات الخضراء ولكنها بشوك ، وفي منتصفها وردة بيضاء تسر عيون الناظر اليها
وتاني ورقة ، نفس الوردة البيضاء ولا شئ حولها سوي نجيلة خضراء ويظهر من بعد وردة أخرى لونها لافندر، وفي الورقة الثالثة ،الوردتين مقابل بعضهم، والورقة الرابعة الوردتين وبينهما قلب مكتوب به بحبك والةرقة الخامسة والاخيرة الوردتين وبينهم مرسوم خاتم ومكتوب تحته تتجوزيني
كانت روزا تبتسم وتبكي في أن واحد وعندما قفلت مايشبه الكتاب وجدت هشام يقف وفي يده وردتين مثل المرسومين ويكرر نفس الكلمة
هشام / تتجوزيني
حركت روزا رأسها بالايجاب وهي علي نفس حالتها تبكي وتبتسم
ظهر كل من يعمل بالشركة يسفقون وهنا أيضا قامت باحتضانها
هنا/ مبرررروك ياروحي، معلش بقي دي فكرة مستر هشام عشان يقدر يجهز المكان
نظرت له روزا وابتسمت
هنا/ ألف مبروك يامستر هشام
روزا/ الله يبارك فيكي
توالت المباركات عليهم ثم عاد كل منهم الي العمل
********************
في مستشفي عمر
ذهب عمر باتجاه المخازن وجد فرح جالسة علي مكتبها وتكتب شئ علي اللاب توب
عمر/ في حد بيتهرب مني ولا أنا بيتهيألى
وقفت فرح/ دكتور عمر، احم لا أبدا
عمر/ امال ايه بقي، مفيش حد صبح عليا هو لازم أصبح أنا يعنى
فرح/ أنا بس مشغولة شوية في علاج وصل وبسجله عشان الحسابات بس
عمر / تمام، مش هعطلك بقي عن اذنك
فرح/ اتفضل
بعدما ذهب ابتسمت ونظرت الي أثره وعادت الي عملها
**********************
بعد انتهاء وقت العمل، انتظر هشام أمام الشركة بسيارته الي أن ظهرت روزا، ضغط هشام علي صوت تلكسات العربية حتي تنتبه له، ذهبت باتجاهه
روزا/ واقف ليه كدا
هشام/ اركبي، هوصلك ومش هقبل اعتذار
روزا/ بس هركب ورا
هشام بابتسامة / براحتك، المهم تركبي
ركبت روزا وبعد وقت
روزا/ حلوة فكرة الرسومات دي، فكرتك
هشام/ بصراحة لاء
روزا / امال فكرة مين
هشام/ هتعرفي، هعرفك عليها
روزا بتعجب / عليها هي بنت
هشام بابتسامة لانه يعلم انه يثور غيرتها / أيوا واسمها نور
روزا/ والله، طيب نزلني هنا
هشام/ بطلي جنان، نور بنت عمتي وزي اختي بالظبط، طلبت منها أعملك فكرة special قالتلي هفكر واقولك وعملتلي دا وقالتلي فكرة اني امسك ورد زي اللي مرسوم وانا كملت الباقي كلمت هنا وظبط الامور بس
روزا/ اممم ماشي
هشام التف و نظر اليها
_ وصلنا
روزا بتعجب وتنظر من الزجاج الجانبي
_ وصلنا فين، جبتني هنا ليه
هشام / انزلي بس
نزلوا الاثنين من العربية، نظرت نور الي العمارة والكم الهائل من الحرس، انتابها الشك
هشام/ انا ساكن هنا انا وبقيت عيلتي جبتك أعرفك عليهم
روزا/ والحراسة دي ليه
هشام/ دا حازم ابن عمتي صاحب شركة حراسات خاصة وواقفين هنا لتأمين العمارة والعيلة
روزا/ والله والمفروض اني اصدقك صح
هشام بتعجب/ تصدقي، وضحي كلامك
روزا/ يعني انا ايه ضمني ان فعلا عيلتك ساكنه هنا فوق مش يمكن انت عامل الحوار دا كله عشان تضحك عليا وتعمل اللي انت عاوزه ودول عشان تضمن اني مهربش منك، مش يمكن دي شقة مفروشة مأجرها
هشام/ انت مجنونة ياروزا، هعمل كل المفاجأة بتاعت الصبح دي ادام كل الموظفين وهفضل رايح جاي المح لك بحبي عشان اضحك عليكي انت خيالك واسع، طيب استني
حساااان
حسان/ تحت أمرك ياهشام بيه
هشام/ انا ساكن فين
حسان/ هنا يافندم
هشام لروزا/ شوفتي
روزا/ مهو بيشتغل معاك اكيد يعني هيقول الكلام اللي انت عاوزه يقوله
هشام/ مين ساكن معايا ياحسان
حسان/ ساكن لوحدك
روزا. لهشام/ قال الحق أهو
هشام/ اهدي ياماما اهدي
ثم وجهه كلامه لحسان
حسان ركز انا ساكن مع مين فوق مين بيعيش معايا
حسان/ آااه مع دكتور عمر
نظرت روزا لهشام نظرة نعرفها جميعاً
جز هشام علي أسنان ونفذ صبره/ حسااااان ابوس ايدك ركز ، عايش مع مين من عيلتي فوق
حسان/ آه مدام مديحة ومدام وفاء وملك هانم ونور هانم ومدام ريم وحازم بيه والدكتور عمر
هشام لروزا/ ها حلو كدا، قال لك كلهم أهو
روزا/ وانت فاكرني هصدقك، سلام انا ماشية
هشام/ راحة فين، طيب استني هوصلك
روزا اوقفت تاكسي / شكرا بعرف اروح لوحدي
ظل هشام يقف ينظر اليها بذهول الي ان ذهبت
ثم أسند احدي ذراعيه علي كتف حسان
هشام/ والله البت دي مجنونة رسمي شيفاني ادامها عيل عشان اعمل الحركات القرعة دي، الا قولي ياحسان هي بس اللي مجنونة ولا كل الستات عموما
حسان وهو بيمنع الضحك / في ستات مجانين فعلا بس الاستاذة عندها حق اي واحدة محترمة مكانها هيكون دا تصرفها وتفكيرها في وسط زمن صعب بالشكل دا
هشام / عارف انت هتقولي بس بنت مجانين والله
يعني أنا يبان عليا اني كدا.
وأثناء مهم يتحدثون وقفت السيارة المخصصة لنور، ونزلت نور منها
نور/ هشام واقف كدا ليه
هشام/ سلام انت ياحسان، مليش نصيب اطلع مع المجنونة اللي مشت، اطلع مع المزة القمر دي
نور بتعجب / مجنونة مشت، مزة قمر، انت اتهبلت ياهشام
هشام وهو يسير معاها باتجاه الاسانسير
_ حصل هحكيلك
********************
قبل بعض الوقت
رنين جرس مستمر بازعاج، ذهبت ريم لترى مَنْ
فتحت الباب وجدتها عمتها جليلة
جليلة / ساعة عما تفتحي، بعدي من وشي
ودخلت وجلست علي الاريكة
وقفت ريم امامها ولم تنبث بكلمة ليس خوفاً منها ولكن لعدم قدرتها علي المجادلة معها بكلام كثير
جليلة باسلوب فظ / مشي هاتيلي كباية مايه ولا حاجة اشربها
تحركت ريم باتجاه المطبخ فأوقفتها جليلة مرة اخري
_ حازم اهنه
ريم /لاء لسه موصلش
وبعد بعض الوقت تجنبت فيه ريم جليلة، فتصنعت ان تعد طعام الغذاء وتحججت بأن حازم يريد أن يصل يجد الطعام جاهزاً
فتح حازم الباب وقفله ودخل وجدها تجلس باريحية علي الاريكة، نظر الي المطبخ وجد ريم تشغل حالها في اعداد الطبيخ
حازم/ ربم اعمليلي فنجان قهوة
ريم/ حاضر
جلس حازم مقابل جليلة ووضع رجل فوق الاخري
_خيير
جليلة / خير يا ولدى چاية أطمن عليكم وازوركم
حازم بنفس بروده / مبتجيش غير وانت عاوزة حاجة فأنا بقولك خير
حينها أتت ريم ووضعت القهوة أمامه أعلي الطاولة وذهبت
تصنعت جليلة البكاء / الحمايدة اللي فيهم عشيق البت ريم لما عرف اني جوزتها ليك حب ينتقم مني فحرق الاراضي بالمحصول كله ياولدي
ضيق حازم عيناه بشك/ والمطلوب
جليلة بنفس وضعها / كنت عاوزة استلف منك مبلغ أمشي بيه الحال او ادفع للفلاحين أجورهم وهردهولك
حازم / عاوزة كام
جليلة / 100الف جنيه
حازم/ للاسف معيش المبلغ دا
جليلة/ طيب اي حاجة امشي بيها أموري، هروح في داهية ياولد أخوي يرضيك
حازم/ كل فلوسي دخلتها في صفقة سلاح مرخصةجاية في الطريق معيش سيولة
ثم وقف وأكمل، كان نفسي أخدمك
وتركها وذهب باتجاه غرفته، وهي من معاملته وشكلها امام ريم خرجت وكلها غضب
لحظة خروجها من الباب نفس لحظة خروج نور وهشام من الاسانسير وفي نفس اللحظة كانت مديحة تفتح باب شقتها
كانت نور أول شخص تقع عيون جليلة عليه وحينما رأتها
جليلة بذهول شديد وكأن صاعقة كهرباء لمستها وكأنها رأت شبح او شخص عاد من المووووت، جحظت عيناها بشدة
جليلة بارتباك/ اااااااان نتِ م يين (انت مين)
مديحة / نور بنتي ياست جليلة في حاجة
اجبرت ارجلها علي السير زاحفة الي الاسانسير وسط زهول الجميع وهي تردد كلمة واحدة
مستحيل، مستحيل
الي ان قفل باب الاسانسير
#يتبع
#عشقى وقدرى
بقلم منار جمال
أنت تقرأ
عشقى وقدرى (بقلم منار جمال)
Romanceكنت مابين خيارين اما عشقى او قدرى ففاز قلبى على عقلى واخترت عشقى الابدى
