عشقى وقدرى (بقلم منار جمال)

الفصل15

أمام المستشفى الخاصة بعمر
كان عمر يدفع الكرسى المتحرك الذى يحوى علي الحاج فوزى وكان يسير خلفه اعتدال و فرح
وعندما اقترب من سيارته مسك يد فوزي وقام بمساندته وساعده في الجلوس بالسيارة وتحديداً في المقعد. الامامى بجانب السائق ثم فتح الباب الخلفي لاعتدال والتف للخلف رأى فرح تقف بجانب الحقائب التي وضعها السكيورتى ، حمل الحقائي وضعها في شنطة العربية والتف وفتح الباب الاخر
عمر بابتسامة جذابة / اتفضلى
سارت فرح باتجاهه وهى في قمة خجلها وكان قلبها يدق كالطبول ولا تعرف سبب ذلك او يمكن تعرف بس لا تريد الاعتراف بذلك ولا يقل الحال عن عمر فكان في قمة سعادته وهو يراها تقترب منه ويظهر عليها ارتباكها وتوترها
ركبت السيارة وقفل عمر الباب وجلس بمقعد السائق ، وبينما يسيروا في الطرقات كان يتحدث بين الحين والاخر مع فوزي ويخطف نظرات اليها عبر المرأة الامامية للسيارة،  ولكن قاطعه رنين هاتفه،  فوضع السماعة في اذنه وأجاب
عمر / السلام عليكم
المتصل وكانت ملك / وعليكم السلام،  عموري انت فين
عمر / في طريقي للبيت ليه
ملك / مفيش ياعموري انا بطمن عليك ومش هتغدي غير لما تيجي
ضيق عمر عيناه / نعم ودا من امتي ان شاء الله
ملك بمراوغة / وايه الجديد ما كلنا بنتجمع وبناكل سوا
عمر / اه بس لو حد مش فاضي عادي انت بقي مش هتاكلي غير لما اجي ليه
ملك / كدا ياعموري يعني مش عاوز تتغدي معايا
عمر / بت انت بلاش الحركات دي مبتدخلش عليا قولي عاوزة ايه اخلصي
ملك / طب روق روق كدا كنت عاوزة منك خدمة وهتنفذها مفيش حل قدامك غير كدا
عمر / والله،  دا اسمه ايه بقي طلب تحت التهديد
ملك / لا اصل الموضوع
قاطعها عمر / مش قولتي هنتقابل علي الغذا ابقي قوليه وقتها، سلام
وقفل في وجها التلفون
ثم قام بالاتصال علي رقم اخر وتحدث
عمر / السلام عليكم
………………………………
عمر/ ايوا ياحبيبتي
واكمل ……… لاء مفيش 5 دقايق واكون ادام العمارة سلام
***************
عند ملك كانت جالسة في كافتريا الخاصة بالكلية هي ومني وسهام
نظرت الي الهاتف بصدمة
ملك بشهقة بسيطة / هااا بتقفل السكة في وشي طب بس لما اشوفك
سهام بلهفة غير مببرة / ها ها قالك ايه هنروح
مني بهدوء / وانت ملهوفة كدا ليه
سهام / ها لامفيش حاجة بس عشان التدريب وكدا
نظرت اليها مني ثم وجهت حديثها لملك /
قولتلك بلاش تكلميه هيبقي احراج، انا هشوف اي مستشفي وخلاص
ملك / مفيش احراج يانهى ، وفيها ايه لما تيجي معايا علي الاقل اضمن من اي مستشفي وهنعرف نظبط المواعيد ما بين المستشفي والمحاضرات متقلقيش عمر طيب ومش هيرفض بالعكس هيرحب جدا، هروح بقي عشان الحقه علي الغذا سلاام
*******************
وصل عمر اسفل العمارة وقام باستدعي حارس من الحرس أثناء ما هو يساعد فوزي والد فرح علي النزول من السيارة
عمر/ فرج طلع الشنط دي في الدور 11 هتلاقي توحة مستنية هناك
الحارس فرج / تحت امرك ياهشام باشا
وقام بمساعدة فوزي وسار بداخل العمارة وخلفه اعتدال وفرح دخلوا الاسانسيو وضغط عمر علي رقم الدور وعند وصولهم
وجدوا مديحة تستقبلهم بابتسامة بشوشة
فتحت باب الشقة وتحدثت
مديحة / اتفضلوا اتفضلوا
دخل الجميع وجلسوا
مديحة / انا مديحة زوجة عم عمر وانا اللي مربياه بعد باباه ومامته متوفوا
اعتدال / اهلا بيكي ياحبيبتي تشرفنا بمعرفتك
مديحة / الشرف ليا انا والله،  واي حد من طرف عمر علي دماغي،  متعرفوش غلوتكم عنده ايه
وكانت تنظر الي فرح وهي تتحدث،  لاحظ الجميع ذلك، فتجنبا للموقف وتغيراً للحديث لف عمر يده حول كتفيها وقَبل جبينها
عمر/ بس متقوليش زوجة عمي بس انت بالنسبالي الدنيا كلها ياتوحة ربنا يباركلنا فيكي
نظرت مديحة الي فوزي واعتدال بابتسامة
_ اصل انا معوداهم كلهم يقولولي ياتوحة
اعتدال / ربنا يباركلك فيهم ويخليكي ليهم
مديحة/ تسلمي ياحبيبتي،  اتمني ان الشقة تعجبك
فوزي / كفاية زوق حضرتك انت ودكتور عمر معانا بس لازم نتكلم في شوية تفاصيل كدا
مديحة / اتفضل حضرتك
فوزي / يعني الايجار المقدم لو حضرتك بتاخدى كام شهر مقدم كدا يعني قوليلي نظام حضرتك ايه
مديحة / استاذ فوزي اولا في بداية كلامي قلت ان متعرفوش غلاوتك عند عمر يعني انتوا صحاب بيت مش حد غريب، اللي حضرتك تقدر تدفعه ايجار ادفعه، اامقدم دا للناس الغريبة اللي مبنكش نعرفها
فوزي/ بس حضرتك مينفعش كدا و
قاطعته مديحة / احنا اهل او دا اللي اعتبرته من وقت مشفتكم وعمر كلمني عنكم،  لان غلوتكم اصبحت من غلاوته عندي،  وبعدين هي شقة فاضية مكنتش محتاجاها،  هتكسفني وتكسف الواد عمر
فوزي ببعض الاحراج / لا ابدا مش حكاية اكسفك بس الاصول اصول والصح يتعمل ولا ايه متحسسنيش اني عاجز
مديحة/ لا ابدا والله انا بتعامل بدون استثناء،  نفس النظام بتبعه مع الناس اللي اكون اعرفها، حضرتك واسرتك الكريمة نورتوا العمارة والله
اعتدال / الله يكرمك ياحبيبتي منورة بناسها
عمر/ خلاص بقي يا استاذ فوزي
فوزي بقلة حيلة / علي خيرة الله يابني
مديحة بابتسامة هادئة لفرح / دي بنتكم
اعتدال / اه بنتي الوحيدة اللي طلعت بيها من الدنيا
مديحة / ماشاء الله تبارك الرحمن زي القمر
اعتدال / تسلمي ياحبيبتي
مديحة وهي تهم بالذهاب وتضع المفاتيح علي المنضدة الفارقة بينهم
_دي مفاتيح الشقة، وفي المطبخ هتلاقي ورقة فيها ارقام السوبر ماركت والصيدلية واي حاجة ممكن تحتاجيها وهيبعتولك لحد عندك
قاطعها صوت يعلم البعض منهم والبعض الاخر لا
_ السلام عليكم
كانت وفاء تدخل من الباب الذي ما زال مفتوح تحمل صنية كبيرة مغطاة تحتوي علي انواع طعام مختلفة
رد الجميع السلام
وضعت وفاء الصنية جانبا وذهبت باتجاههم
مديحة / دي وفاء اختي وحبيبتي وهي اللي ربيتهم معايا
اعتدال / اهلا وسهلا ياحبيبتي
وفاء/ اهلا بيكوا ياحبيبتي،  دي حاجة بسيطة
اعتدال/ ليه بس كدا ياجماعة تتعبوا نفسكم
مديحة/ لا تعب ولا حاجة احنا اهل ولا ايه
اعتدال/ يشرفنا ياحبيبتي طبعا
مديحة / تسلمي ياحبيبتي، نستأذن احنا بقي ونسيبكم تستريحوا
اقتربت من فرح ووضعت كف يدها بحنان علي خديها مبسوطة ان شوفتك ياقلبي
من شدة خجل فرح ولانها لا تعرف كيف تتعامل مع هذا الموقف اكتفت بالابتسامة
نظرت مديحة مرة اخيرة الي والديها / اكيد هنتعرف علي بعض اكتر في الايام الجاية
اعتدال/ اكيد حبيبتي يشرفنا والله
مديحة/ تسلمي ياحبيبتي نستأذن بقي،  السلام عليكم
ذهبوا وودعهم فوزي واعتدال وفرح
اعتدال/ والله شكلهم ناس محترمة،  كفاية زوقهم معانا لحد دلوقت
فوزي / ربنا يقدرنا علي رد الجميل
اعتدال/ الشقة شكلها نظيفة تقريبا هما مظبطينها عشانا،  وكمان جابولنا اكل،  والله ربنا يباركلهم شكلهم ناس في قمة الاحترام
هز فوزي رأسه دليل علي موافقته علي كلامها
*********************
في منزل توحة وعلي الغذاء
ملك / عمر
عمر / نعم
ملك / كنت عاوزة أجى اتدرب عندك في المستشفى
عمر/ تنوري ياقلبي،  تيجي من غير متستأذني
ملك/ اصل ليا طلب كمان
عمر/ ايه
ملك / في اتنين صحابي كنت عوزاهم يجوا معايا
عمر / بصي باب التقديم  للتدريب انا لسه مفتحتوش بس وافقت عشان انت مقدور عليكي
ملك/ طب متفتحه ايه المشكلة
عمر/ انا عشان افتحه لازم يكون في دكاترة مسؤلين ومشرفين عليهم ولازم اعمل ترتيبات خاصة في المستشفي وحاليا انا مش فاضي وكمان كام يوم مسافر
ظهر علي ملامح ملك الحزن ، فأكمل
عمر / طيب بصي استني اما ارجع من السفر هرتب الامور واستقبل كل اللي انت عوزاهم تمام
ملك / وهترجع امتي
عمر / مش متاكد ممكن اسبوع اكتر
مديحة/ انت هتسافر امتي
عمر / اخر الاسبوع الجاي
وفاء / تروح وترجع بالسلامة ياحبيبي
عمر / الله يسلمك يافوفا
مديحة/ ملك، ريم فين
ملك / في البيت
مديحة / وماكلتيش معاها ليه او جبتيها تتغدي معانا
ملك / انا كنت جاية عشان اقولك لعمر
وفاء / ممكن تكون مستنية حازم
مديحة / ممكن ، علي فكرة في عزومة يوم الجمعة
هشام / عزومة ! لمين ولا مين اللي عاملها
مديحة / ريم مرات حازم هتطبخ ونجمع الكل عشان تتعرفوا عليها
هشام / تمام،  وهتبقي هنا ولا في شقة حازم
مديحة/ في الغالب هنا ، بس انا بقولكم لسبب
نظر لها الجميع
تتعاملوا معاها زي مبتتعاملوا مع ملك ونور مفيش فرق وملكوش دعوة بتصرفات حازم، مفهوم
هشام / تمام ياتوحة
عمر / تمام
وقضوا وقت الغذاء مابين منقرات ملك ونور مع هشام وعمر
*********************
دخل حازم منزله وجدها تخرج من المطبخ، كانت تنظر الي الاسفل ويظهر علي عيونها ان بها ورم أثر البكاء
حازم / السلام عليكم
ريم / عليكم السلام ورحمة الله وبركاته
الغذاء جاهز احضره
حازم. وهو يتمعن النظر في وجهها / ملك في اوضتها
ريم / لاء قالت لي انها هتتغذي معاهم انهاردا
عم الصمت لدقائق كان ينظر لها وهي مازلت تنظر للاسفل ثم قطع الصمت
حازم / تمام حضرية بس بلاش السفرة انا هقعد في الليفنج
ريم / حاضر
ولكن قبل ان تذهب تفاجأت به يضع يديه ممسكاً بذقنها ويرفع وجهها لاعلى  لينظر بداخل عيونها
ظل بعض الوقت لا يعلم مدته ولكن تاه في سحر عيناه وهي كذلك لكم كانت مشتاقه اليهم
عدي بعض الوقت ثم قطعه هو
حازم / هاخد شور عما تحضريه تمام
كانت تحت سحر عيناه وكانها انفصلت عن العالم حولها
ريم / ها
حازم بابتسامة وهو يقترب من وجهها / بقولك حضري الغذا
ريم بتوهان اكبر / ح حا حاضر
ذهب حازم الي غرفته وعادت هي لتحضير الطغام وعندما انتهت وضعته علي المنضدة المربعه في الليفنج وحينها هو أتي وامسك بريمود التلفزيون يقلب في قناواته
همت بالذهاب الي المطبخ فناداها
حازم / ريم
ريم باستغراب لعزوبة اسمها منه / نعم
حازم / اقعدي اتغدي معايا 
ريم باستغراب / ها
نظر لها حازم / بقولك اقعدي اتغدي معايا
ريم باستغراب من تغير معاملته لها/ حاضر هجيب طبق
وبالفعل احضرت طبق وجلست،  تفاجأت به للمرة التي لم تعرف عددها اليوم يضع الطعام في طبقها ثم ناوله لها، اخذته وجدته ينظر له
حازم / مالك،  كلي يالا
هزت ريم راسها بالموافقة وبدأت تأكل بضعة لقمات كان هو ينظر الي كرة القدم المعروضة علي التلفزيون وهو يأكل فى صمت لم يتحدث اليها وبعد فترة قصيرة وقف و سار من جانبها
حازم / خلصي أكل واعمليلى قهوة وهاتيهالي المكتب
ريم / حاضر
وبالفعل  حملت ريم اطباق الطعام وادخلتها المطبخ وقامت بعمل القهوة وذهبت باتجاه المكتب طرقت الباب سمعت اذنه بالدخول فتحت الباب وكان حينها يتكلم في الهاتف
حازم/ أيوا تمام الاوراق كلها جاهزة،  بلغ بس حسين ان اوراق الصفقة كلها تمام ناقص بس يبلغني المعاد
الطرف الاخر / ………………………………
حازم / تمام تمام علي اتصال بقي سلام
قام بانهاء المكالمة ونظر لها وجدها تمسك بيدها فنجان القهوة وتنظر الي الاسفل
حازم/ وديهالي اوضتي عندي معاد مهم ولازم اجهز
وتصنع انه يكلم نفسه وهو يضع اوراق بجانب المكتب
حازم/ يبقي كدا تمام ادي اوراق الصفقة جاهزة خرجت ريم وخلفها حازم ، دخلت حجرته ووضعتها وخرجت مرة اخري
أما هو نظر في أثرها بابتسامة مكر ودهاء
**************************
مرت الايام سريعا مابين جلوس نور بمفردها مع ذكرياتها وبين ملك التي تتذكر معشوقها من الحين والاخر وبين مشاكسة هشام لروز وبين هدوء ريم المبالغ فيه واستقرار الاوضاع الي حداً ما نسبياً __________________________
صباح يوم الجمعة
رن جرس المنزل فارتدت فرح اسدال الصلاة وذهبت حتي تري من الطارق
وبمجرد ان  فتحت نظرت الى الاسفل بتوتر وارتباك وخجل واضح علي ملامحها،  وكان الشخص الذي يقف امامها مستمتع بحالتها تلك
عمربابتسامة جذابة / السلام عليكم
فرح بصوت يكاد يسمع / وعليكم السلام ورحمة الله وبركاته
عمر/ صباح القشا والعسل،  بصراحة احلى صباح شفته في حياتى
ابتسمت فرح بخجل ومازالت تنظر الي الاسفل
فأكمل عمر مغازلته اليها
عمر/ يالهوى علي الفراولة اللي بتظهر  دى
قاطعه صوت والدتها وهي تنادي عليها
اعتدال/ مين يافرح
فرح بارتباك / دا احم دا دا دكتور عمر
عمر بصوت لايسمعه غيرها / تصدقي وتؤمنى بالاه أول مرة اعشق اسمى كدا هو فعلا بالحلاوة دى
ظهرت اعتدال مرحبة به / أهلا يادكتور عمر اتفضل اتفضل كدا يافرح سيباه واقف علي الباب
سارت اعتدال في المقدمة وسار هو خلفها وعند مروره من امامها انحني لمستواه
عمر/ اسمى عمر بس هتبقي احلى منك
كانت الابتسامة لا تفارق شفتاها قفلت باب الشقة وسارت خلفهم وجدتهم جالسون في الليفنج
عمر/ متاسف علي الازعاج بس كنت جاى لاستاذ فوزي اشوفه لو هيصلي الجمعة يجى معايا
اعتدال/ ياخبر يادكتور متقولش كدا انت زي ابننا والله
عمر/ لو زي ابنكم فعلا يبقي تقوليلي عمر بدون القاب
اعتدال بابتسامة / حاضر ياعمر،  تشرب ايه بقي عما انادي فوزي
عمر / لا تسلمي متتعبيش نفسك
اعتدال / لا والله ابداً
عمر/ طيب شاى
نظرت اعتدال الي فرح وامرتها وهي تهم بالذهاب
اعتدال/ اعملى شاى لعمر يافرح عما انادى باباكى وتركتهم
فرح بصوت يكاد يسمع/ سكرك ايه
عمر/ من غير سكر خالص،  كفاية هتعمليهولي بايدك
ذهبت سريعاً من فرط خجلها،  وما هي الا لحظات قليلة وخرج فوزي يستقبله وبعدها قدمت له فرح الشاي ولكن اعتذر وخرج هو ووالدها حتى يصلون الى المسجد في المعاد المظبوط
كان عمر يسير بجانب استاذ فوزى
عمر/ المسجد فى الشارع اللى ورانا قلت اعدى عليك واوريك مكانه عشان لما تحب تنزل لوحدك
فوزي/ تسلم يابني كتر خيرك
عمر/ متقولش كدا،  انا عاوزك تعتبرني ابنك واي حاجة تحتاجها تطلبها منى علي طول
فوزي / ربنا يباركلك يابني انا لو كان ليا ولد مكنش عمل معايا زي مبتعمل كدا،  انا بس كنت عاوز اسألك عن حاجة
عمر/ اتفضل
فوزي/ كنت قولتلى انك هتشغل فرح عندك
عمر/ ايوا طبعا
فوزى / هي هتستلم شغلها امتى
عمر/ من بكرا لو تحب
فوزي / تسلم يابني والله ما عارف ارد جمايلك ازاي
عمر/ ما انت لسه قايل اني ابنك،  بس ليا خدمة عندك
فوزي/ اتفضل يابنى
عمر/ تعالي بس نقعد في الكافتريا دي عشان نعرف نتكلم
#في الكافتريا#
عمر/ انا اتربيت ان أبقى دوخرى ومعرفش اللف والدوران واتربيت علي الاصول وانى اراعى ربنا في كل تعاملاتي واللي ارضاه علي اهل بيتي ارضاه للناس
فوزي / كلامك مظبوط وانا اشهد لك انك اخلاق وزوق ومحترم،  بس المقدمة دى لايه
عمربابتسامة/ اكيد انت فاهمني بس هقولك،  انا طالب ايد الانسة فرح
فوزي بخيرة/ بصراحة انت فاجئتني انت لسه عارفها من اسبوع وهي متعرفكش خالص وبعدين فى حاجات انت لازم تعرفها عنها
عمر/ انا اعجبت بيها ان مكنش حب من أول نظرة ومش بقولك هاجى اتقدم لها لازم أول اعطيها فرصة تتعرف عليا واشوف ازاي كانت مرتاحة لي ولا لاء فأنا بعطي لحضرتك خلفية عن الموضوع اهلاق تحتم عليا دا لان اكيد أثناء الشغل هتكلم معاها هتعامل معاه فباخد اذنك اول واي حاحة قديمة حصلت متخصنيش انا ليا دلوقت
فوزي / بس لازم تعرف، يمكن تغير رايك
عمر / طيب احكيلي واحنا بنكمل طريقنا للمسجد،  بس لعلمك مستحيل اغير رأى

#للحديث بقية
#عشقى وقدرى
بقلم منار جمال