عشقى وقدرى (بقلم منار جمال)

الفصل 26

كان يقف مع مجموعة من أصدقائه ورأها تقف علي حافة السور المطل علي النيل
_ الجميل واقف لوحده وسرحان
نظرت له قليلا ثم عادت النظر أمامها، فأكمل
_ واقفة لوحدك ليه،  وياتري سرحانة في ايه
_ مفيش بحب منظر النيل والقمر عاكس نوره عليه
_ صح بس القمر نزل من السما وواقف جنبي
ابتسمت
_ اسم علي مسمي
_ يعني ايه
عمر/ يعني اسمك فرح وانت فرح وسعادة لاي حد يعرفك
فرح/ مش اوي كدا
عمر/ واكتر، بس لو القمر يحن عليا والله انا دكتور غلبان ومسكين
فرح بابتسامة مشرقة/ وايه اللي خلاك مسكين
عمر/ القمر معلق قلبي بيه،  لابيحن عليه بكلمة حتي
ابتسمت ولم تعقب علي كلامه
عمر/ بحبك
نظرت له بصدمة وتوتر
_ ق قو قولت إيه،  أ أنا آااااا
عمر/ ليه كل التوتر دا،  بقولك بحبك ومش مستني رد دلوقتي خدي وقتك ووقت متحبي تتكلمي معايا أنا دايما جنبك ، ياريت تفتحيلي قلبك يافرح
فرح/ ب بس أنا مش
قاطعها عمر
_ قولتلك خدي وقتك ومترديش دلوقت،  انا لو عندي شك 1% انك مش بتحبيني أو علي الاقل اعجاب متبادل مكنتش كلمتك
رأي بالصدفة، والد فرح ووالدتها ومديحة ينظرون اليهم
عمر/ عن اذنك لحظة وراجعلك
فرح/ اتفضل
*****************
علي مسافة قليلة كانت مديحة ترحب بوالد فرح ووالدتها
مديحة/ عقبال فرح باذن الله
اعتدال/ بلمناسبة ، وصلتي لايه مع فرح
مديحة بابتسامة/ انت شايفة في تحسن لفرح ولا زي ماهي
فوزي/ في تحسن اكيد بس بنطمن عليها بما ان حضرتك دكتورة وعندك خبرة في الامور دي
مديحة/ ملخص تشخيصي لفرح
فرح كانت زي الطفلة اللي عالمها محدودة بيتلخص في حضرتك ووالدتها وشوية من أصدقائها،  مكنتش تعرف يعني ايه حب للجنس الاخر لانها متوقعتش ان في يوم يبقي ليها حبيب او زوج مجربتش ان يبقي ليها علاقة من النوع دا فاهي زي مبيقولوا الناس الشعبية ( خام) هي من حبها الشديد ليك يا استاذ فوزي وافقت علي جوازها من ابن عمها ، وقتها هي اكتشفت عالم جديد بس كان بصدمة ان في ناس كدا،  وعشان حبها ليك وخوفها عليك بردوا سكتت،  ولحد دلوقت سكوتها عن البوح بمشاعرها وعن اي حاجز جواها بسبب حبها ليكم والتعب اللي حصلك بسبب الموضوع دا
بس هي بدأت تستجيب للكلام معايا وبتتناقش عن اي حاجة بدور جواها الا حاجة واحدة
اعتدال / ايه هي
نظرت مديحة باتجاه مكان وقوف عمر مع فرح فنظرت اعتدال وفوزي في نفس المكان
وابتسموا جميعا، فاكملت مديحة
_ دا الحاجة الوحيدة اللي لسه متكلمتش معايا فيها،  واعتقد انها هتتكلم معاكي انت يا اعتدال مقيش اقرب من الام لبنتها في مواضيع الحب وكدا
اعتدال/ بس كل لما احاول افتح الموضوع بشكل غير مباشر أنا وباباها بتقفله ومبتتكلمش
مديحة/ دا مش معناه انها رفضاه بصي كدا للابتسامة علي وشها وهي بتتكلم مع عمر ولا حتي نظرة عيونها وهتفهمي قصدي
فوزي/ طيب حضرتك شايفة دلوقت نتكلم معاها ولا
مديحة / هي عاوزة منكم توجيه مش اكتر لما تلقوها مترددة وجهوها
حينها قاطعهم حضور عمر وجلس معهم
عمر بمزحة/  شايفكم مركزين أوي
ضحكوا جميعا
مديحة / ربنا يهنيكم ياحبيبي
اعتدال / فتحتها ولا لسه
عمر/ بحاول أمهد
فوزي حاول ان يختبر درجة حبه لها
_ وانت هتفضل تمهد وتحاول لامتي
فهم عمر مقصده،  ابتسم
_ هفضل أمهد واحاول لاخر نفس في عمرى
وعمرى لا همل ولا هزهق منها،  لحد متكون مراتي وحلالي، ومش هوصل للخطوة دي غير لما تكون مستعدةو لما ترجع لطبيعتها وتكون عاوزة دا واكتر مني
اطمئن فوزي فابتسم له بامتنان
قطع حديثهم فرح وهي تجلس بجانب والدتها وكانت مقابل عمر
مديحة/ عقبالك يافرح ونفرح بيكي قريب بإذن الله
نظرت الي عمر وجدته يبتسم ويغمز لها باحدي عينيه
**********************
علي جانب أخر كان هشام وروزا في جانب بعيد بعض الشئ عن الجميع
هشام/ مش عاوزة تقوليلي حاجة
تصنعت عدم الفهم
_ لا
ضيق هشام عيناه بمكر
_ والله
روزا وهي تحاول منع ذاتها من الضحك
_ والله
هشام/ اتقلي براحتك،  بس عاوز أقولك اني هفضل احبك لاخر لحظة في عمري ، وعمري ماهزعلك ابدا ووعد مني هعوضك عن اي لحظة زعل وحزن عيشتيها
بدأت الدموع تتجمع في مقلتيها
_ ربنا يخليك ليا
هشام بابتسامة/ ويخليكي ليا
ثم نظر الي يدها
الدبلة منورة في ايدك
ابتسمت له
_ عشان عليها اسمك
هشام/ مش لو كنتِ وافقت نكتب الكتاب كان زمانا دلوقتي بنرقص سلو
روزا/ تتعوض في الفرح،  بس معلش كدا هكون مرتاحة أكتر اننا نتعرف علي بعض براحتنا
هشام/ بس لما نتعرف علي بعض واحنا بدون قيود أفضل
روزا/ مش انت قولت انك معندكش مشكلة
هشام/ لا طبعا معنديش مشكلة بس أنا فاهم قصدك وموافق علي أي حاجة هتطلبيها حتي لو بعد سنين،  بس بعرفك حاجة مفيش حاجة هتتغير من ناحيتي،  لو فيه اختلاف بينا هنتناقش مع بعض ونحله
روزا/ أكيد طبعا، ولا حاجة هتتغير من ناحيتي إنا كمان
هشام/ تمام زي ما تحبي، 
شعرت بأنه من الممكن أن يكون زعل
فأمسكت موبايله ورفعته أمامها عاليا
_ تعالي ناخد صورة سيلفى
هشام/ يالا
نظر الي الكاميرا ولكن هي نظرت له
_ هشام
_نعم
_ بحبك
نظر اليها وعندما تقابلت عيناهم التقطت الصورة وكانت أولي ذكري جميلة بينهم