عشقى وقدرى (بقلم منار جمال)

الفصل 27

بعد ذهاب معظمهم،  وجدتها تقف في البراندا
_ واقفة لوحدك بقالك شوية ومدخلتيش
ملك/ مفيش بشم هوا شوية
نظرت اليها نور لثواني
_ ليه حساكي زعلتي من خبر حمل ريم
نظرت اليها ملك
_ انت شيفاني يانور اني ممكن أزعل ان أبيه هيبقي عنده ابن واني اكره له الخير
نور/ تعرفي عني اني بفكر كدا
ملك بحيرة/ لاء طبعا بس أنا مشتته يانور مش عارفة أفكر و حتي لو اتكلمت مش عارفة ارتب كلامي اللي هخرجه
نور/ عارفة اللخبطة اللي فيكي عشان كدا جيت أسألك،  وسؤال واضح وهيخرج كل اللي جواكي
وعشان عارفاكي كويس ، ايه ديئك اول مسمعتي خبر الحمل
ملك/ مش عارفة يانور، يمكن عشان مش متخيلة ان ريم تبقي ام ولاده ازاي واحدة بالاخلاق دي تبقي أم ولاده، يمكن عشان مش مستوعبة ازاي حصل كدا رغم انه مش طيقها وبيهنها دايما، يمكن عشان مكنتش متخيلة ان يحصل دا بالسرعة دي
نور/ بصي ياملك
أولاً: متحكيش علي أخلاقها واذا كانت تصلح تكون أم لأولاده ولا لاء من مجرد كلام سمعتيه ومفيش حد اتأكد من صحته، الله أعلم الحقيقة فين
ثانياً: ان هو مش طيقها وبيهنها دا مش مبرر ان هي مراته وحلاله هو مأذنبش ولا عمل حاجة حرام دا شرع ربنا
الانسان بطبعه ضعيف عن شهواته وربنا سبحانه وتعالى فرض علينا الصوم لعدة أسباب منها اننا نقدر نتحكم في شهواتنا ونبعد عن أي حاجة غلط او حرام، هو راجل زي اي راجل ومتنسيش ان ريم حب عمره من وهما أطفال كانت مامتك الله يرحمها بتحكيلنا عنهم كتير
ثالثاً: بقي ملحظتيش ان ريم ملامحها اتغيرت أول مسمعت الخبر،  متفهميش هي اتصدمت، خافت من رد فعل حازم
ياملك نصيحتي ليك متظلميش حد ولا تاخدي كلام بيتقال عليه جد غير لما تتأكدي، ريم الله أعلم بظروفها ولا ايه حصلها خلاها كدا او ليه اتقال عليها الكلام دا، او ليه هي بتسكت وتستحمل اهانة حازم ليها الله أعلم
عم الصمت لثواني
ملك/ هروح أخد شاور أفوق وأرجع لك
نور/ تمام متتأخريش
********************
بعد كام يوم
سافرت وفاء ومديحة لأداء مناسك العمرة ومعهم
عمرو وكان الوداع مؤلم علي الجميع وبالأخص نور،  فاهي متعلق بشكل كبير بمديحة ولا تذهب الي مكان الا وهي معها.

دخلت نور المنزل وكانت تبكى بانهيار
ملك/ يانور اهدي هتتعبي،  هي هتخلص العمرة وترجع قريب
نور ببكاء/ أنا كنت قدمت طلب بتأجيل الامتحانات وكنت روحت معاها
ملك/ يانور دلوقتي كل حاجة بقت أسهل في نت وممكن تكلميها فديو كل يوم
تعالي يالا خدي شاور علي ما أحضر السحور
نور/ حاضر
*****************
             *******flach Back*******
في ارض زراعية وسط حقول الريف الرائعة والاراضي الزراعية،  وبالتحديد عند شجرة ضخمة نسبياً بجانب الطريق،  يقف تحتها ولد وفتاة
كان الولد ممسكاً بشئ بيده ويحفر في الشجرة لكتابة شئ
الفتاة وهي ريم/ بتكتب ايه ياحازم
حازم/ بكتب اسمي واسمك جوا القلب وهكتب كمان أسماء ولادنا اللي هنخلفهم لما نكبر باذن الله
ريم بتفكير/ ايه رأيك في سيف لو ولد وسيليا لو بنت
حازم/ حلوين يا ريري بس احنا هنخلف كتير جدا
شعرت ريم بالخجل وابتسمت، ثم تذكرت أمر
_ احنا لما نكبر ونتجوز هنعيش فين
حارم/ اكيد هيبقي عندي شقة في مصر ونعيش فيها
ريم/ بس أنا مش عاوزة أبعد عن ماما وبابا هيوحشوني
حارم/ خلاص متزعليش،  هشتري شقة هنا وشقة في دبى ونبقي نقعد هنا شوية وهناك شوية ايه رأيك
ريم/ بحبك أوي ياحازم
                    *******Back********
أفاق من ذكرياته علي قدوم ريم
كانت ريم تقوم بتجهيز السحور،  وحازم كان يجلس في الليفنج أمام التلفاز،  رأها تضع الطعام علي طاولة السفرة
حازم/ هاتي الأكل هنا
اخذت اطباق الطعام وبدات تضعه امامه علي الطاولة الصغيرة وعادت الي المطبخ لتأتي بباقي الطعام ، بينما هو تذكر كلام مديحة عندما كان يودعها في المطار
            *******Flach Back******
مديحة / حازم ياحبيبي ياريت لو تلطف معاملتك مع ريم شوية،  الزعل والنفسية الوحشة غلط عليها وهي حامل، كله هينعكس علي اللي في بطنها ويأثر عليه
حازم/ حاضر ياتوحة
              *****Back********
وضعت باقي الطعام أمامه وكانت علي وشك العودة
حازم/ رايحة فين
ريم/ داخلة الاوضة
حازم/ اقعدي كُلى
ريم/ مش جاي لي نفس
حازم/ مفيش الكلام دا قولت اقعدى
جلست ريم
حازم/ كُلى ، مش عشانك، عشان ابني اللي في بطنك
بدأت تأكل علي مضض ولكنها كانت تشعر بالغثيان
لاحظها حازم ولكن فجأة وجدها قامت تجري على  الحمام ثم سمعها بترجع وبشكل شديد،  انتظر عودتها ولكن تأخرت فذهب اليها وجدها جالسة في الارض ومسنودة علي الحائط بجانبها وبتتنفس وكأن روحها بتطلع، قرب منها وسندها  وغسل لها وشها، وشلها وراح علي اوضتها ، حطها في السرير
كان شيفها بتتنفس بصعوبة وبتنهج ومكنش في ايده حاجة يعملهالها
حازم/ أوديكي المستشفي
حركت رأسها برفض وتكلمت بصوت يبدوا كالهمس
ريم/ لا أنا كويسة عاوزة أنام بس
حازم/ تمام،  ومتصوميش، مينفعش في حالتك دي هتتعبي زيادة
حركت رأسها بالموافقة
ظل بجانبها الي أن وجدها تتنفس بشكل طبيعي وغفلت
خرج وجلس يفكر
***************
في الصباح
خرج حازم متجه الي باب المنزل ليذهب الي عمله
أوقفته ريم
ريم/ حازم
وقف مكانه وغمض عيونه يتذكر ندأها باسمه كم كان مفتقد حروف اسمه من شفتيها التف لها
_ نعم
ريم بتوتر وهي تفرك في يدها، وتعض بأسنانها شفتها السفلية
_ كنت عاوزة اروح أكشف وأتابع مع دكتورة
نظر اليها لثواني
_ تمام هقول لملك تاخدك وهي رايحة المستشفي
ريم/ شكراً
التف وتقدم خطوة ثم وقف ورجع اليها ، وضع يده بداخل سترة وطلع محفظته أخد منها كريديت كارد وفلوس
_ خدي الكريديت وفلوس كاش كمان عشان لو احتاجتي حاجة
نظرت الي يده ثم اليه واخذتهم
ريم/ شكراً
خرج حازم وقف أمام الأسانسير وبعت رسالة لملك تخرج له
خرجت ملك وجرت عليه حضنته
حازم/ عاملة ايه ياقلبي
ملك/ الحمد لله بخير
حازم/ وانت راحة المستشفي انهاردا خدي ريم معاك وشوفي لها دكتورة تتابع معاها الحمل
ملك/ حاضر
حازم بابتسامة حنونة/ محتاجة أي حاجة إجبهالك ياقلبي وأنا راجع
ملك بابتسامة/ شكرا، مع السلامة
عدي بعض الوقت
أخذت ملك ريم وذهبت الي المستشفي وذهبت الي غرفة ودقت الباب الي أن سمعت الاذن بالدخول، دخلت
ملك/ السلام عليكم
الدكتورة/ وعليكم السلام ورحمة الله وبركاته أهلا ياملك اتفضلي
ملك/ شكرا،  دكتورة منال دي ريم مرات أخويا حامل وجاي تتابع الحمل مع حضرتك
د:منال/ أهلا بيكي ياريم، حامل في الشهر الكام
ريم/ مش عارفة لسه، أنا تعبت واغمي عليا وكشفت هنا وعملولي تحليل دم شامل ظهر فيه الحمل
د:منال/ تمام اتفضلي اكشف عليكي
بعد وقت
هكتب لك علي شوية فيتامينات ومثبت للحمل وأدوية وأشوفك كمان اسبوعين
ريم/ شكرا جدا
ملك/ شكرا يادكتور منال
د:منال/ العفو علي ايه،  اجالك حالة لايف أهو تتابعيها وتدربي كمان
ملك بابتسامة/ ههههههههه ان شاء الله
خرجوا الاتنين وبعد كام خطوة
ريم/ ملك
ملك/ نعم
ريم/ أنا كنت عاوزة أدخل للدكتور أسألها عن حاجة
ملك باستغراب / حاجة ايه ومسألتهاش ليه واحنا جوا
ريم مكنتش عارفة هتقولها ايه فقررت تقول أول حاجة هتيجي علي بالها
_ آااا هسألها عن حاجة خاصة شوية ومكنش ينفع أقولها ادامك
كان هذا الكلام مجردكذبة لريم ولكن بالنسبة لملك استفزها الكلام وفهمت مقصده ان ريم بتوضح ليها شكل علاقتها بحازم فردت عليها
ملك بتهكم / والله، طيب اتفضلي ادخلي وأنا راحة أشوف شغلي ولما تخلصي العربية بالسواق برا أبيه حازم قايله يروحك ويرجعلي
انتظرت ريم ذهاب ملك ثم دخلت للدكتورة مرة اخري
ريم/ السلام عليكم
منال/ وعليكم السلام،  ايه نسيتى حاجة
ريم/ أنا تعبانة وعندي مرض من صغري معرفش تطوره او حالتي ايه حالياً،  لاني متبعتش بس خفت علي الحمل من العلاج اللي باخده، انا من وقت ماعرفت اني حامل ووقفت البرشام بس بتعب ومبقدرش اخد نفسي أبداً
منال/ انت عندك ايه بالظبط
ريم/ أنا كل اللي أعرفه ان القلب تعبان بس معرفش نوع المرض او مرحلته
منال/ ازاي متعرفيش، يعني من وقت متعبتي مسمعتيش الدكتور بيتكلم مع باباكي عن حالتك او في اي كشوفات عرفتي الحالة وصلت لايه
ريم/ لأ انا وقت متعبت كنت صغيرة ومكنتش ببقي فاهمة كلام الدكاترة وبعدين بابا وماما توفوا في حادثة وانا عايشة من وقتها مع عمتي في الصعيد واكيد حضرتك عارفة عقول الناس هناك
مناب/ تمام،  طيب كان عندك كام سنة وقتها واسم البرشام اللي بتاخديه ايه
ريم/ مش فاكرة بالظبط عندي كام سنة ، طلعت شريط برشام من حقيبة يدها
دا البرشام اللي باخده
منال/ مين اللي كان قايلك تاخدي البرشام دا
ريم/ انا من وقت وفاة اهلي وانا مفيش معايا اي حاجة تخصني بس لما كبرت من كام سنة بالظبط تعبت وفي دكتور في الوحدة الصحية في القرية هناك كتبهولي وقالي لازم اتابع مع دكتور متخصص، بس كنت برتاح لما باخده، الاول كان بيغمي عليا كتير وبتعب
منال/ تمام، تعالي معايا هنروح عند دكتور اسامة متخصص قلب هنعمل الفحوصات والاشاعات والتحاليل اللازمة ونشوف التشخيص وننسق الادوية
ريم/ يعني مفيش خطر علي الجنين ولا هيتأذي
منال/ ياحبيبتي مش كل امراض القلب خطورة في امراض بيبقي عرض فقط والخطر عليكي مش عليه
ريم/ مش مهم أنا،  المهم يبقي بخير ويجي سليم معافي
منال / باذن الله هتكوني انت وهو بصحة وخير
وقفت الدكتورة منال لاخذها والذهاب الي دكتور القلب ولكن ريم أوقفتها
ريم/ ممكن طلب صغير معلش
منال/ اتفضلي
ريم/ ممكن مفيش حد يعرف حاجة عن الموضوع دا لا ملك ولا اي حد يقرب لحازم جوزي لان مفيش حد نهائي يعرف
منال/ طيب ليه، متخافيش هو ممكن ميكنش حاجة خطر ومعتقدش ان ملك او اي حد يخص دكتور عمر يكون بالعقلية الراجعية ويفهم غلط
ريم/ لا لا مش كدا بس مش حابة أقلقهم عليا، معلش انا هكون مرتاحة كدا بعد اذنك
منال/ زي ماتحبي
بعد فترة من الوقت، اجرت ريم كل الفحوصات اللازمة
كانت تقف مع دكتورة منال ودكتور اسامة
دكتور اسامة/ مدام ريم انا كتبتلك روشتة منفصلة عن روشتة دكتورة منال عشان متتلخبطيش أهم حاجة الراحة التامة متعمليش مجهود نهائي
منال/ وانا كتبتلك مع الڤيتامينات حقن للترجيع شديدة لان الترجيع الشديد يعتبر مجهود ليكي، وبلاش صوم انت حاليا محتاجة تغذية وعناية
ريم/ تمام حاضر، السلام عليكم
منال/ مع السلامة
خرجت ريم وجدت العربية بالسواق ركبت وتحركت العربية
كانت ملك في نفس الوقت تقف في شباك الغرفة المخصصة للدكاترة الامتياز ورأتها فاستغربت لتأخرها
ملك/ ايه اخرها كل دا، أنا سيباها من ساعة وأكتر
طلبت ريم من السائق أن يقف عند اي صيدلية عشان تشتري الدوا ، وبعدين رجعت البيت
******************
رجعت ريم البيت، كانت مقررة انها. تاخد شاور وتغير هدومها وتجهز فطار للجميع،  لان ملك ونور في الكليات وملك بتروح المستشفي
رجع حازم من الشغل ودخل اوضته، كان في ورق في الخزانة وكان بياخده خرج للعودة مرة اخري تقابل معها وهي خارجة من الحمام
تفاجأت ريم بيه
كانت ريم لفة شعرها بفوطة وتلبس عباية بيتية مريحة
حازم/ رجعتي امتي
ريم/ من شوية، قلت هاخد شاور واجهز الفطار
حازم/ لا متتعبيش نفسك،  هجيب أكل من برا
ريم/ حاضر
حازم/ كشفتى عند مين
ريم/ ملك وديتني عند دكتورة منال
حازم/ تمام،  انا راجع الشغل وهجيب الاكل وانا جاي، ابقي عرفيهم
ريم/ حاضر
*********************
قبل المغرب بوقت قليل
كانت نور وملك وريم يجهزوا الأكل اللي حازم جابه وبيحضروه علي السفرة
فحبت ملك تفهم هي ليه اتأخرت في المستشفي
ملك/ دخلتي لدكتورة منال ياريم ومشيت علي طول ولا اتاخرتي
ريم/ لا هي قالتلي بما اني في المستشفي أعمل تحاليل عشان تطمن، وقعدت لما خلصت وورتهم لها وبعدين مشيت
صدقتها ملك ولم تشكك في كلامها
بعد الفطار
ذهب حازم وحسام وهشام لصلاة العشاء ثم اجتمعوا في الروف
حسام / جيبنا الولد والبنت اللي ظهروا في الفيديو بيساعدوا ريم
حازم/ ها
هشام/ الولد اسمه عنتر والبنت اسمها زبدة مفيش حد قرب منهم وبنتعامل معاهم بهدوء
حسام/ بس مفيش حد فيهم اتكلم، مبيقولوش غير منعرفش حاجة منعرفش حاجة
حازم/ هروح بكرا وأحاول معاهم  يمكن يتكلموا
هشام/ بالمناسبة الارقام اللي انت جبتها من تلفون ريم لما عرفت مكانه من تسجيل الفيديو،  عرفت هما لمين
حازم/ مين
هشام / لعنتر وذبدة وحاتم الدمنهوري
حازم/ يعني هي مبتكلمش غير دول يبقي حل اللغز عندهم
هشام/ في حاجة عاوزك تسمعها
انت عارف ان كان لازم تصريح عشان تسجيلات المكالمات بس انا هكرت نظام شركة الاتصالات وجبتهم، في تسجيل مهم عاوزك تسمعه والباقي هبقي أفرزه بعدين
حازم/ تسجيل ايه
شغل هشام التسجيل الصوتي وكان لريم وأشجان ام حاتم
أشجان/ وحشتيني ياريم
ريم/ انت اكتر ياماما أشجان عاملة ايه
أشجان/ الحمد لله ياقلبي
ريم/ معلش ياماما ممكن بس حاتم يساعدني في الخطوة دي واوعدك هتبقي اخر مساعدة منه
أشجان/ عيب تقولي كدا ياريم اطلبي اللي انت عاوزاه ياقلبي
ريم/ الاراضي الزراعية اللي تخص جليلة في وسطهم ارض متحوطة بورد، عاوزة الارض دي تتحرق
أشجان/ بتفكري في ايه ياريم
ريم/ بفكر ارجع كريم ياماما
أشجان/ حاتم والله قلب البلد عليه وسايب ناس يرقبوا جليلة عشان نوصل لمكانه وحتي عنتر وذبدة معرفوش يوصلوا لحاجة، قولتلك مش هسكت غير اما اجبهولك
ريم/ بما ان مش عارفين نوصل يبقي هي اللي توصلنا
أشجان/ ازاي،  تقصدي ايه
ريم/ الارض دي لما تتحرق جليلة هتسيب اللي في ايدها وتروح علي هناك، وبعد اذنك حاتم يبعتلي عربية بسواق توصلني هناك بسرعة لازم قبل الحريقة بشوية أكون وصلت هناك هي تخرج وانا هدخل بمساعدة زبدة وعنتر، معايا نسخة من مفاتيح خزنتها كنت عملتها قبل متجوز حازم هاخد كل الورق اللي في الخزنة ، وهسومها ياترجع كريم ياهسلم الورق واقول لحازم الحقيقة
أشجان/ تفتكري خطتك دي هتنجح
ريم/ يارب ياماما، ادعيلي
أشجان/ بدعيلك بس أنا خايفة عليكي، الافضل من كل دا تقولي لحازم الحقيقة وبمساعدته معانا هنوصل بس انك بتتصرفي من وراه دا غلط
ريم/ عارفة بس اعمل ايه، أنا كنت ناوية أعرفه والله بس كل اما أجي أقوله يحصل حاجة تخليني مقولش
أشجان/ كل مرة بسالك. عامل معاكي ايه بتشكر لي فيه
ريم/ أيوا ، هو حنين جدا وبيحبني بصي هبقي أشرح لك بعدين بس المهم دلوقت أنقذ كريم
************
قفل هشام التسجيل الصوت وجد حازم شارد وكأنه يفكر في امر
حسام/ تحليل العينة اللي اخدناها من الارض طلع
نظر له حازم وكأنه يعلم النتيجة
اكمل حسام
_ دي عينة صنف جديد دمج بين صنفين
هشام/ ازاي دا
حسام/ خبير المعمل بيقول ان البذرة دي مصنعة من صنفين
حازم/ وبما ان مفيش هنا معامل تنتج النوعية دي يبقي هي اتصنعت برا ودخلت مصر لجليلة عشان تزرعها وسط اراضيها ومحدش هياخد باله، ولان التربة الطينية اصلح للزراعة
هشام/ صح كدا،  بس البذور دي دخلت مصر ازاي
حازم/ احنا لازم نجمع ليستة بأسماء رجال الاعمال اللي دخلهم شحن من برا مصر
حسام/ حازم،  استنتجت ايه من التسجيل
حازم/ عاوز توصل لايه
حسام/ ان اللي اكتشفناه لدلوقت ميدينش ريم، في سر هي مخبياه أه بس كرهها لجليلة نفس كرهنا
حازم/ هات من الاخر ياحسام عاوز تقول ايه
حسام/ هي شكلها مظلومة وكل الشكوك حواليها تعتبر علي الفاضي هدي معاملتك دي
حازم/ معاملتي عادية
حسام/ انت شايفها عادية،  بص مهما حصل متنساش انها حب عمرك
حازم/ كنا عيال ياحسام، كبرنا علي الكلام دا
هشام كان عاوز يقلب الموضوع هزار يفك شحنة الغضب في الجو
_ياواد قول كلام غير دا، يعني انت قلبك متحركش من وقت متجوزتها لدلوقت، اوعي تكذب لانك مفضوح أوي وأكبر دليل حملها ومتكابرش
حازم بغضب/هشام قفل علي الموضوع دا أفضل
هشام/ حاضر أفتح موضوع أهم، مين كريم اللي هي عايزة تخلصة من جليلة دا
حازم/ هنعرف بس لما اروح بكرا أقعد مع عنتر وزبدة ، بقولكم ايه كملوا ورايا مشوار مهم وراجع
حسام/ رايح فين
حازم/ هقولك بعدين
*****************
وصل حازم عند مستشفي عمر، دخل وسأل عن مكتب دكتورة منال وراح وخبط علي الباب ودخل
بعد الترحيب وبعد ما قدم نفسه ليها
منال/ تحت امرك يااستاذ حازم خير
حازم/ الامر لله، كنت عاوزة اعرف من حضرتك عن حالة ريم
منال/ الحمل كويس الحمد لله مفيش اي مشاكل
حازم/ مقصدش الحمل
منال/ امال حضرتك تقصد ايه
حازم/ الاكيد انها بلغتك بحالة القلب عشان تطمن علي الحمل
دكتورة منال نظرت له باستغراب
حازم/ شايف حضرتك مستغربة كلامي
منال/ دا لانها مأكدة عليا ان مفيش حد يعرف الموضوع دا
حازم/ هي متعرفش ان انا عارف ومش هتعرف بمقابلتي بحضرتك بس عاوز اعرف حالتها بالظبط
منال/ هي مكنتش تعرف اي حاجة عن حالتها المرضية ،قالت انها كانت صغيرة لما اهلها اكتشفوا دا وبعد وفاتهم عاشت مع عمتها في الصعيد ومفيش اهتمام وكدا، فهمت دكتور اسامة حالتها وعملها الاشاعات والفحوصات الازمة وكتبلها ادوية
حازم/ وبعد الفحوصات، النتيجة ايه
منال/ هي عندها اعتلال في عضلة القلب او ضعف فيها ووصلت لمرحلة صعبة بسبب الاهمال ولمدة كبيرة
حازم/ والحل
منال/ دكتور اسامة قال ان حالتها هتستقر مع الانتظام في الادوية والراحة التامة وانها تبعد عن التوتر والزعل
حازم/ هتبقي كويسة يعني مفيش خطر عليها
منال/ متقلقش هتكون بخير بس تنتظم بالتعليمات
حارم/ تمام متشكر جداً ليك، واتمني محدش يعرف بالمقابلة دي
منال/ طبعا، اكيد مع السلامة
**********************
كانت نور تجلس في البراندا وتقرأ قرأن
دخل حسام البراندا الخاصة بغرفته
_ ايه مسهرك، مش وراكي امتحان بكرا
نظرت له لثواني
_ أيوا بس بقرأ الورد بتاعي
_ ربنا يوفقك يارب
_شكراً، عن اذنك
_ داخلة ليه
_ هكلم ماما فيديو
_سلمي عليها
نظرت له ودخلت
خرجت وجدت ملك تذاكر هي الاخرى ، دخلت براندا الريسبشن وجدت ريم تقف هي الاخري ولكن في جانب شقتها
نور بابتسامة/ سهران ليه ياجميل
ريم/ نور،  ابدا عادي
نور/ طب احنا وبنذاكر وانت، بتحبي ها
ابتسمت ريم / انا عشت سنين علي ذكري حبه
نور/ سيدي ياسيدي، يابختك مين قدك
ابتسمت ريم ولم تعقب علي حديثها
نور/ ليه ياريم دايما ساكته وبتقعدي لوحدك
ريم/ من بعد وفاة ماما وبابا وأنا لوحدي ومليش حد خالص
نور/ مكنش ليكي أصحاب
ريم/ كان ليا في دبي بس من وقت ما جيت هنا وانا مليش حد لا اتكلم معاه ولا اشاركه اي حاجة تخصني
نور/ ليه محاولتيش تتواصلي مع حازم
صممت بضع دقائق
ريم/ مكنش معايا موبايل ولا اي وسيلة تواصل من وقت ما بابا وماما متوفوا وانا العالم انتهي بالنسبالي
نور/ عارفة ياريم أوقات بحسك شبهي
ريم/ ازاي
نور/ يعني ظروفنا تشبه بعض
ريم/ ظروفك مش زي ظروف يانور مينفعش تقرني نفسك بيا،  عندك مامتك بتحبك جدا واخواتك وملك والباقين انت وسط عيلتك اللي بيحبوكي
نور/ بس دول مش عيلتي، بيحبوني اه بس مش من دمهم
ريم/ مش فاهمة
نور/ بابا نشأت وماما توحة مكنوش بيخلفوا وجابوني من ملجأ
ريم بزهول/ نعم
نور/ أيوا دي الحقيقة،  وعشان التبني حرام بابا نشأت عطاني لقب العيلة بس، وعمر اخويا في الرضاعة وقت ما جيت أنا اخته ليلى  كانت لسه مولودة فمامته رضعتني
ريم/ انت بتتكلمي بجد
نور/ اكيد، عشان كدا بحسك شبهي رغم ان بابا وماما عمرهم محرموني من حاجة ولا حسسوني بحاجة بس جوايا جزء ان أنا مليش حد من دمي مليش حد يعرفني وقت ما بيجتمعوا بيبقي جوايا حاجة كسراني، انا في الدنيا دي لوحدي وشوفت نظرة عيونك حسيت انك بتحسي نفس احساسي بس عارفة الفرق ايه
ريم/ ايه
نور/ ان انت اجتمعتي في النهاية مع حب عمرك، حتي لو الظروف وقفت ضدكم مرة فاكيد هيجي الاحسن، وأهو ربنا رزقك بيبي يجدد حبكم لبعض
ريم/ اقولك حاجة يانور
نور/ اتفضلي
ريم/ انت ربنا بيحبك جدا، رزقك بأب وأم بيحبوكي موت، بشوف ماما توحة بتعمل عشانك ايه، وفهمت انك غالية عندها اوي وانتوا بتودعوا بعض في المطار مكنتش عاوزة تخرجك من حضنها، ربنا عوضك بعيلة جميلة جدا بتحبك، بشوف عمر بيحاول يسعدك ومهتم بيكي وبشوف هشام بيحاول يعمل زيه مع حدود الحرام والحلال، مش كل الناس محظوظة بعيلة جميلة كدا انت مش المفروض تعتبري نفسك لوحدك
انما أنا بقيت لوحدي فعلا ياما أيام وليالي كنت بعيط اني مليش حد نهائي، استنيت اني ألاقي حد يسأل عني او يهتم بوجودي،كنت بقول ليه مموتش مع ماما وبابا في الحادثة، عارفة لما عرفت اني حامل خوفت أوي
نور/ خوفتي من ايه
ريم/ خوفت عليه، خوفت يجراله حاجة، او يكبر ويجرالي أنا حاجة وأسيبه في الدنيا لوحده تلطش فيه، خوفت يجي يعيش اللي أنا عيشته مش عاوزاه يمر بكدا
نور/ باذن الله مش هيمر بكدا هو هيجي وسط أب وام بيحبوا بعض حتي لو بينهم حاجز هما مش عاوزين يتخطوه وهايجي وسط عيلة بتحبه
كفاية انه هيكون عنده ماما زيك فيها حنيت الدنيا
ريم بابتسامة مسكت ايد نور
_ وهيكون عنده خالتو زيك فيها حنية تكفي الدنيا
نور/ هو بس يشرف وهدلعه،
قاطعهم صوت أذان الفجر
_ الفجر أذن أهو يالا نصلي ونامي وارتاحي عشان البيبي
ودعتها ريم ودخلت لم تكن تعرف أن حازم واقف مداري وسمع كل كلامها بدأ يعيد تفكيره ويربط بعض الأمور ببعضها
********************
كانت فرح تقف في البراندا وشاردة في عمر وتصرفاته وغيابه عنها، أد ايه وحشها، وجدت والدها يقف بجانبها
فوزي/ اللي واخد عقلك
فرح/ مفيش يابابا الجو حلو بس
فوزي/ علي بابا ،حاسك متغيرة، مش عاوزة تحكي حاجة لبابا
فرح/ دايما قفشني كدا
فوزي/ انت روحي في حد مبيحسش بروحه
حضنته وقبلته،  ربنا يخليك ليا يارب
فوزي/ ويخليكي ليا، ها مش هتحكي لبابا
فرح/ بصراحة دكتور عمر اعترف لي بحبه
فوزي/ شئ جميل،  دكتور عمر محترم وليه مواقف كتير معانا تشهد بنبل أخلاقه وأهله ناس كويسين، طيب وانت
فرح/ انا حاسة اني معجبة بيه بس جوايا حاجة بتمنعني اكمل
فوزي/ بصي يافرح ربنا مبيكتبش للانسان حاجة وحشة أبدا،  ربنا بيبتلي الانسان ليختبره ويشوف صبره وقوة تحمله وايمانه بقضاء ربنا،  احنا لو فكرنا ، ربنا اللي خلقنا وصورنا في احسن صورة ربنا اللي أوجدنا لنعمر الارض هيكتب لنا شر، لا أبداً ، ربنا انعم علينا بنعم لا تعد ولا تحصي وفضلنا، فالما يبتلينا نقول ليه يارب، لا نقول الحمد لله الذي أعطانا هذا ووهبنا إياه، ربنا في كتابة العزيز قالنا (وعسي ان تكرهوا شيئاً وهو خيرٌ لك) وقالنا( ان بعد العسر يسر)  يعني نخلي عندنا يقين ان عوض ربنا جاي
فكري دايما ان ممكن العوض يكون جاي لك في شخص ، افتحي قلبك وامشي ورا اللي يقولهولك
واستخيري ربنا في كل خطوة بتخطيها هيدلك علي الخير
فرح/ حاضر يابابا
********************
صباحاً، كان حازم يرتدي ملابسه ويستعد سمع صوت ريم بترجع خرج وراح ناحية الحمام وجدها فاقدة توازنها وجالسة في الارض وبتاخد نفسها بصعوبة انحني وحملها، حاوط خصرها بيد وغسل ليها وشها ثم انحني وحملها وذهب الي غرفتها وضعها في سريرها
حازم/ الدكتورة وصفتلك حاجة للترجيع
حركت رأسها بالموافقة وتكلمت بصوت هامس
_ أيوا حقن هنا
وأشارت بصابع السبابة علي الكمود بجانب السرير
فتح حازم شنطة الدوا وقرأه، كانت ريم خبت العلاج الخاص بالقلب
طلع حازم الحقنة وجهزها، ومسك دراع ريم وبيحاول يشوف وريد، شعر بارتعاشة طفيفة منها فتذكر خوفها ورهبانها من الحقن من وهي صغيرة، فطمأنها
حازم/ متخافيش مش هتحسي بحاجة
عطاها الحقنة وبالفعل هي محستش بيها وهو بيعطهالها
_فطرتي
حركت رأسها بالرفض
_ ليه مش قولت مش هتصومي
_ مليش نفس وكل لما احاول أكل برجع
_ هروح أعملك سندوتش، ومتخافيش الحقنة هتهدي معدتك ومش هترجعي
خرج وعاد بعد وقت قليل وضع أعلي الكمود صنية صغيرة بها سندوتشات وعصير
اقترب منها حاوط جزعها العلوي ليعدل من وضع جلوسها واخذ منديل ورقي ليزيل حبات العرق المتناثرة علي أنحاء وجهها
_ تاكلي السندوتشات دي وتشربي العصير وبعدين تنامي شوية
ريم/ حاضر
خرج حازم وذهب مباشرة الي المكان اللي فيه عنتر وذبدة
قعد ادامهم نظر اليهم قليلا
حازم/ مش عارفني
عنتر/ آااااا العتب علي النظر يا بيه معرفكش
حازم/ بص أنا شخص دوغري وبحب الصراحة لو انا عاوز أأذيكم كان زمان رجالتي دي بتصبح وبتمسي عليكم
ذبدة/ انت عاوز مننا ايه يا بيه
حازم/ سؤال وعاوز له إجابة ، ايه اللي بتخططوه مع ريم
عنتر/ احنا مفيش بينا وبين ست ريم أي خطط
حازم/ مُصر انت تطلع نفسك غبي،  تمام اسمع كدا
شغل لهم حازم التسجيل الصوتي
_ ايه رأيكم بقي هتتكلموا ولا
وجد التردد والخوف علي وجههم
حازم/ أنا بديكم الأمان انتم في حمايتي
عنتر/ مش لينا يابيه
حازم/ امال
ذبدة/ ست ريم،  غلبانة وملهاش حد وداقت من ظلم جليلة كتير
حازم/ ريم مراتي وشايلة اسمي ومش محتاج أوضح ان اللي يقربلها هنسف من وش الدنيا وعشان أطمنكم اكتر ريم حامل
ذبدة بفرحة / صوح يابيه
حازم/ ها
عنتر/ بص يابيه مش هقدر اتكلم غير في الجزء اللي يخصنا الباقي تعرفه من ست ريم
حازم بثبات / ذكي انت، تمام اتفضل
عنتر/ ذبدة اختي، جليلة كانت عاوزة تشتري أرض أبويا فرفض، بعدها بيومين انقتل ومنعرفش ازاي وأمي ماتت بحسرتها عليه وهي أخدت الارض وضع يد عرفنا انها السبب وخططت لكل دا عشان تاخد الارض،  عملنا نفسنا معرفناش حاجة وانا اشتغلت عندها غفير وذبدة خدامة عشان ننتقم منها وهناك قبلنا ست ريم وعرفنا حكايتها وقررنا نساعد بعض
حازم/ وايه هي حكاية ريم
عنتر/ مش هي مرتك أكيد هتقولك هي حكايتها
حازم/ انت بتلعبني بالكلام، لحد دلوقتي أنا هادي انت متعرفنيش
عنتر/ احنا مشوفناش من ست ريم غير كل خير، ومش عاوزين نأذيها، اسمع حكايتها منها يابيه واعفيني
حازم/ تمام ياعنتر وانا عند كلمتي وهسيبك تمشي بس بشرط
عنتر/ ايه يابيه
حازم/ تكون عيني هناك، دبة النملة اعرف بها
عنتر/ حاضر يابيه
حازم/ اخر سؤال،  مين كريم
عنتر/ أخو ريم يابيه
*******************
عدي الوقت سريعا رجعت ملك ونور الي البيت وجدوا ريم تطبخ طعام الفطار
نور/ ليه ياريم تعبتي نفسك كنا هنعمل احنا
ريم/ مفيش حاجة ياحبيبتي، انتوا أكيد تعبانين بردوا من ضغط المذاكرة والامتحانات
ملك/ طيب بصي ارتاحي انت بقي هاخد شاور وأجي اكمل انا ونور خلاص
ريم/ حاضر
رجع حازم الي المنزل لم يجد ريم فظن أنها هناك وخصوصا ان الوقت قبل أذان المغرب بنصف ساعة
دق الجرس فتح له الباب ملك، بعد السؤال عن حالها سألها عن ريم، قالت له اللي حصل
حازم/ هي فين
ملك/ جوا
دخل وجدها تجلس في الليفنك وبمجرد أن رأته وقفت
حازم بغضب طفيف/ مش أنا قولت ارتاحي ومتتعبيش نفسك، كلامي مبيتسمعش ليه
كانت ريم تشعر ببعض التعب
ضيق في النفس، دوخة، غممان نفس كانت غير متزنة
فجأة وقعت اغمي عليها، حملها حازم ووضعها علي الاريكة وحاول افاقتها
عندما رأتها نور جرت تعمل لها عصير لمون
فاقت أخيراً، عدل حازم من وضعها
حازم/ اشربي العصير
سمعوا أذان المغرب مع قدوم حسام وهشام
جلسوا علي السفرة ولاحظ الكل اهتمام حازم لاول مرة بريم، كان الجميع فرح لهذا التقدم ولكن شعرت ملك بغصة تؤلم قلبها، لانها ولاول مرة تشعر أنها ليست رقم 1في حياة حازم

#يتبع
#عشقى وقدري
بقلم منار جمال