عشقى وقدرى (بقلم منار جمال)

الفصل الثامن

فى منزل مديحة ، وقت الغذاء
كان جميعهم جالسون وكانت ملك ونور ينظرون الي بعضهم ويضحكون من وقت للاخر
هشام / تسلم ايدك ياتوحة انت وفوفا مش عارف من غيركم كنا هناكل ازاى
وفاء / الف هنا ياحبيبي،  ولو احنا مش موحودين موجد نور وملك
هشام بضحك / ههههههه موجودين مين دول أخرهم يسلقوا بيضة مش طبيخ
واكمل عمر بضحك / لا لا ياهشام ظلمتهم،  ويحمروا بطاكس كمان هههههههه
نور/ ههههه خفة بلاش انت يادكتور عما تفرج
ملك / بلاش انت يابتاع وقابلتك انت لقيتك بتغير كل حياتي، بلاش ها فاهمني هههههههههه
نظر هشام ببعض الضيق اليها والي نور
آااه انتوا اتفقتوا عليا ماااشي مااااشي خليكى فكراها بس
******************
انتهوا من الغذاء وذهب كلا من هشام وعمر
وكانت مديحة ووفاء جالسون وملك مع نور فى البراندا
سمعوا جرس الباب ، قامت وفاء تنظر من الأتى وجدته حازم
حازم ووجه يتحدث عن مدى غضبه وعصبيته
السلام عليكم
ردت وفاء ومديحة السلام
جلس بضيق لاحظته مديحة
مالك ياحازم فى حاجة حصلت ضيقتك ياحبيبى
تحدث بحدية وضيق معاً / كتب كتابى الخميس الجاى
وفاء بفرحة / الف مبررروك ياحبيبي ربنا يتمم بخير يارب
مديحة بفرحة / مبروك ياحبيبي مبسوطة انك حكمت عقلك ومصدقتش كلام جليلة واخدت القرار الصح
حازم / ومين قالك ان دا قرار صح
مديحة / يعنى ايه
حازم / يعنى فى واحدة مش هممها غير نفسها ولا فارق معاها حد ولا سُمعت العيلة وعاوزة تتربى فقررت انى أتولى المهمة دي
مديحة / نعم انت لسه مصدق كلام جليلة وماشى عليه يابنى استهدى بالله واوزن أمورك
حازم / انت مش كنتِ موافقة علي الجواز، واديني هتجوز  مطلوب ايه تاني
مديحة/ مش مطلوب حاجة،  ربنا يهديك
وفاء / طيب محتاجين نغير اوضة النوم وممكن الانتريه كمان ونشوف المطبخ لو ناقصه حاجة و
قاطعها حازم / مفيش حاجة هتتغير
مديحة/ يعني ايه،  ازاي هتتجوز ومش هتغير حتي اوضة النوم ازاي انت عريس عمرك شوفت عريس وعروسة بيتجوز من غير حتي اوضة نوم جديدة
حازم / لما تكون هي عروسة ولما تكون تستاهل دا،  وانا مش عريس دي متتحسبش جوازة ليا تمام دا واجب وهقضيه
وفاء/ واجب ايه يا حازم
حازم بعصبية / واجب اني هربيها،  هربي بنت عمي اللي جابت سُمعت العيلة الارض
مديحة / جليلة عملتلك غسيل مخ بكلامها
حازم بضيق / عمتو من فضلك
وفاء مغيرة مجري الحديث/ طب هتسافر امتي ياحازم
حازم / يوم الخميس الظهر
مديحة بتريقة/ نعم،  وتجهيزات الفرح هتسبهم يظبطوا الدنيا هما
حازم / مفيش فرح،  كتب كتاب وبس وهاخد هشام وعمر يشهدوا علي العقد
وقبل ان تعترض مديحة قرب من مكان جلوس مديحة ومسك يدها قبلها
توحة من فضلك أنا ميهمنيش في الدنيا غيركوا انتوا وبس ومتعمليش غسيل مخ ومش انا اللي امشي ورا كلام جليلة زي الاعمي متخافيش عليا انا عارف بعمل ايه بس ليا طلب واحد بس بعد اذنك
مديحة / ايه هو
حازم / سبيني اعمل اللي انا عاوزة سيبى الامور ماشية زي ما مخطط لها
مديحة / يعني ايه اشوفك بتغلط ومنبهكش اشوف هتظلم انسانة معاك من غير دليل قوي واسكت
حازم/ اخر كلام هقولهولك ومتسألنيش من فضلك انا مش صغير ولا عيل ينضحك عليه انا عارف بعمل ايه وحاسب كل حاجة بس من فضلك خليكي بعيد انت وملك والعيلة دا تخليص حسابات سبيها تمشي زي مهي ممكن
مديحة / انا مش عارفة اقولك ايه،  بس اعمل اللي يريحك ربنا يهديك بس اخر كلمة اياك والظلم عندك اخت ياحازم حط دا في دماغك
حازم بابتسامة / متقلقيش
وقام بتقبيل يدها وذهب ناحية وفاء وقبل يدها واستأذن وذهب
كل هذا وكانت نور وملك واقفون عند باب البراندا ولم ينتبه لهم أحد ، ثم دخلوا البراندا مرة أخرى
ملك بإستياء / يعنى خلاص أبيه حازم هيتجوز
نور/ انت زعلانة انه هيتجوز،  مش عوزاه يتجوز يعني
ملك / لا طبعا جواز أبيه حازم شئ يفرحني جدا
ابيه طول عمره مكرس حياته ليا وبس بيعمل كل حاجة تبسطنى،  فأكيد هفرح له
نور باستغراب / امال انت زعلانة ليه دلوقت
ملك / ابيه حازم يتجوز واحدة زي دي وبالطريقة دي ليه كل دا عشان عاوز يبعدهم عني
نور / انت شوفتيها قبل كدا
ملك / لا كنت صغيرة مفتكرهاش
نور / طيب ياملك ميمكن هي انسانة كويسة وطيبة ومحترمة،  ليه كرهتيها قبل متشوفيها
ملك / انت مسمعتيش اللي ابيه حكاه لنا روحتي تعملي شاي
نور / لا سمعت كان صوته عالي
ملك باستغراب / يعني سمعتي كل دا وبتقوليلى زعلانة ليه،  لا وكمان ممكن تطلع محترمة وكويسة
نور / قال تعالى ( يِاَْ أيِهًاَْ اَْلّذٍيِنَ أمٌنَواَْ إذٍاَْ جُاَْءگٍمٌ فُاَْسق بنَإ فُتٍبيِنَواَْ أنَ تٍصِيِبواَْ قومٌاَْ بجُهًاَْلّة فُتٍصِبحًواَْ علّى مٌاَْ فُعلّتٍمٌ نَاَْدمٌيِنَ) صدق الله العظيم
وأظن ياملك من كلام الكل عن عمتك جليلة إنها شخص مش موثوق أوي بكلامها
ملك بحيرة / مش عارفة بقي سبيها بظروفها محدش عارف بكرا فيه إيه
نور مغيرة مجرى الحديث حتي تحسن من نفسيتها
تيجي تقعدي معايا في المرسم بتاعي اخلص شوية حاجات
ملك بابتسامة / اوك هعمل نسكافيه واجي
*********************
عند روز كانت تقف خلف سور الروف وتتحدث في الهاتف
روز / مش عارفة يا مونه أخد قرار،  أنا دايما بحب أخد رأيك،  إنت شايفة إيه
عم الصمت لحظات تستمع الي الطرف الاخر
روز / انت شايفة كدا،  تمام هتوكل علي الله واروح وانا ونصيبي بقي بس من اول الاسبوع الجاي
قوليلي اخبار ياسو ومودي ايه وحشوني موت هما عندك أكلمهم
***********************
في مكان ما علي البحر  يقف ثلاثة سيارات يصطفون بجانب بعضهم ويجلس علي مقدمة كل منها ( مايسمي الكبوت)  هشام وعمر وحازم ومعهم سندوتشات ياكلونها
عمر / عرفني طيب هنسافر امتي عشان ارتب اموري
حازم / هنتحرك من هنا الظهر ، عما نوصل نكون المغرب ولا العشا علي معاد كتب الكتاب
هشام / ناوي علي ايه
ظل حازم ينظر الى امواج البحر وبابتسامة شبه شيطانية
ناوى على كل خير،  واللي مش قد العب ميلعبش مع حازم  البنهاوى،  سكت كتيير بس أن الأوان اللى يعرف كل واحد حجمه الطبيعى
عمر / وتوحة هتوقفك وهتعطل الدنيا
حازم / متقلقش ظبط الامور وكله تمام
هشام / واحنا معاك وفي ظهرك دايما ياصاحبى
ثم جاء هشام مكالمة فيديو انضم الثلاثة بجانب بعضهم علي سيارة واحدة وفتح هشام المكالمة
هشام / ايه ياعم حسام لسه فاكرنا
حسام / عاملين ايه وحشتوني وتوحة وفوفا
عمر / كلنا بخيير انت عامل ايه
حسام بخيير ثم نظر لحازم
عملت ايه
حازم / زي متفقنا
حسام بضحكة مكر / نتوكل على الله نبدأ اول خطة في الاتفاق وظلوا يتحدثون كثيراً

وهنا تعتبر أول بداية أحداث الرواية الحقيقة

# للبقية حديث
# عشقى وقدرى
بقلم منار جمال