عشقى وقدرى (بقلم منار جمال)

الجزء الثاني الفصل 1

هل يوجد بعد كسر القلوب وتحطيمها شئ؟
ليس من السهل عليها أن تبكي وتظهر ضعفها أمام أحد دائماً تنعزل في ركن خاص بها لتبكي ولكن الوضع مختلف الأن فما رأته ليس بهين حتي تتخطاه
لم تعرف كيف نزلت السلالم ولا كيف وصلت الي منتصف الطريق لم تسمع شئ ولم ترا السيارة وكأن كل شئ حولها توقف عند هذا المشهد، حتي انها لم تشعر في البداية باصطدام العربة بها
ولكن قبل أن تستلم للظلام المهلك حولها سمعت صوته ينادي عليها، ولكنه لا يستحق الاستجابة
***************
كان يقف في البراندا حتي يراها، وبالفعل رأها تسرع وهي بتعدي الطريق وفي لمح البصر ظهرت عربية مسرعة جدا خبطتها، ومن شدة الصدمة ارتفع جسدها الي الاعلي ثم ارتطمت علي سقف السيارة المصطفة علي جانب الطريق ثم تدحرجت الي الارض
نادي علي اسمها ثم جري بسرعة ونزل اليها
حسام بفزع/ نور، حبيبي ردي عليا
وجد خط دماء يخرج من فمها وانفها وايضا رأسها
حسام للحرس / عربيتي بسرررعة
حملها بحرص شديد واتجه مسرعاً الي المستشفي
*********
بعد وقت
كان حسام يقف امام غرفة العمليات علي نفس وضعه قميصه ما زال مفتوح ازراره ولكن يملأه بقع دماء نور
أتت مديحة وخلفها وفاء وملك وريم 
مديحة ببكاء / نور فين،  حصل لها ايه ياحسام
كان واضح عليه الحزن والتعب
_ خبطتها عربية ولسه جوا في العمليات
انهارت مديحة وكادت أن تقع لولا قاموا باسنادها وجعلوها تجلس علي كراسي الانتظار الموضوعة جانباً
وفاء ببكاء/ هتبقي كويسة باذن الله
قاطعهم خروج عمر من العمليات ،أسرعت له مديحة وخلفها البقية
مديحة ببكاء/ عمر نور عاملة ايه طمني عليها فيها ايه
صمت عمر للحظات كان ينظر اليها ثم
_ في كسر في الايد اليمين وركبنا مسامير وشرايح في الرجل الشمال، وفي جرح في دماغها من ورا كبير شوية و صمت قليلا
حسام/ سكت ليه في ايه
نظر له عمر/ ارتجاج في المخ
مديحة/ ايه ارتجاج، بنتي حبيبتي يانور
ساعدها عمر علي الجلوس مرة اخري
_ متقلقيش هو ارتجاج بسيط بس محتاجين نحطها في الملاحظة 24 ساعة في العناية عشان نطمن عليها ونشوف توابع الارتجاج هتوصل لايه
من ستر ربنا ان لما العربية خبطتها موقعتش علي الاسفلت أول، وقعت علي العربية اللي كانت مركونة وبعدين الارض لو كانت نزلت علي الارض مكناش هنلحقها، ادعيلها واختي قوية هتكون كويسة باذن الله
مديحة/ يااااارب اشفيها يااارب مليش غيرها
عمر/ تعالي ارتاحي في مكتبي أفضل من قعدتك هنا
انسحب حسام وذهب للخارج، علم من حراسة المستشفي أن عربته في الجراچ وبالفعل ذهب هناك ولكن قابله هشام وحازم الذي أتوا للتو عندما علموا
هشام/ نور عاملة ايه
لم يرد حسام وركب سيارته وكل ملامحه تدل علي أن بركان الغضب أتى
حاول هشام وحازم اقافته
حازم/ خد هنا رايح فين في حالتك دي
حسام بغضب / سيبني أنا عارف مين اللي عمل كدا وربي ما هرحمها
هشام/ ياحسام اهدي مينفعش كدا، انت عارف انها عاوزة تشغلك عشان معاد بالليل
حسام/ مش هرحمها بردوا
حازم/ ياعم اهدي بقي مكبر الموضوع ليه
نظر له حسام بغضب ولكن هشام تدارك الامر وتدخل قبل ان يحدث شئ بينهم
مسك هشام ايده وحاول سحبه
_ تعالي بس ياحسام نطلع دلوقت، توحة دلوقت محتجاني جنبها لازم نطمنها تعالي
وبالفعل صعدوا مرة أخري
************
اجتمع الاربعة في مكتب عمر
كان يظهر الحزن علي ملامح معظمهم، عم الهدوء لدقائق
هشام / فين توحة والبنات
تنهد عمر واجاب بصوت يملأه الحزن
_ أنا جهزت لهم جناح يقعدوا فيه
حازم/ طيب دلوقتي لازم نروح عشان نجهز ونجهز فريق كل واحد ونرتب أمورنا، احنا المفروض نكون هناك قبل الفجر يعني يدوب نتحرك
عمر/ أنا مش هاجي معاكم
حازم/ ازاي يعني، وليه، احنا متفقين انت وهشام عملية فزاع و اللوا طلعت وأنا وحسام هنروح الشيخ زويد لجليلة
عمر/ مش هينفع أسيب نور في الحالة دي، مش هكون فايق لاي شغل
حازم/ المستشفي مليانة دكاترة موقفتش عليك،  الشغل اهم
وقف عمر بغضب / الشغل مش أهم من اختي مش هسيبها غير لما تكون كويسة
حازم/ عمليتين بنخطط لهم بقالنا شهور جاي وقت التنفيذ وتتراجع
عمر/ لو ملك لقدر الله مكان نور كان هيبقي دا موقفك ومُصر انك تمشي
حازم بغضب/ أولا متقارنش ملك بحد،  ثانياً دي اختي من دمي أبيع الدنيا عشانها، انما نور مجرد اختك في الرضاعة ولا من دمك ولا من العيلة
عمر بصوت عالي / لا اختي ،ومش شرط انها تكون من دمي، هي بالنسبالي روحي ومش هسمح ان حد يقول كدا عليها
حسام/ حازم ايه اللي انت بتقوله دا، مينفعش كدا
هشام/ إموت وأعرف انت بتكرهها ليه، مع انها أطيب خلق الله وفي حالها ولامرة شوفت منها تصرف مش كويس
حازم/ هستناكم تحت في الجراچ
ثم خرج
هشام/ هروح اطمن علي توحة قبل ما أمشي
وخرج هو الاخر
حسام/ عمر لو سمحت عاوز ادخل لنور
عمر/ مش هينفع دي عناية مركزة
حسام/ 5دقايق مش هطول، بس لازم أشوفها قبل ما أمشي
عمر بقلة حيلة/ تعالي معايا
******************
ارتدي حسام ااملابس المعقمة المخصصة لدخول غرفة العناية المركزة، وقعت عيناه عليها راقدة كان موضوع لها حول رقبتها جهاز لثبيت الرقبة وكان يدها اليمين ورجليها الشمال يلتف حولهم الجبس الابيض و يوجد ضمادة من الشاش حول رأسها من الاعلي ويوضع فوقه جزء خاص لتغطية شعرها ومتصل بها بضع اجهزة
……………
شعر بنغزة في قلبه عند رؤيتها علي تلك الحالة
جلس علي الكرسي الذي بجانب السرير
_ نور حببيبتي انا عارف انك أكيد سمعاني،  بس مكنش ينفع أمشي من غير ما أشوفك وأتكلم معاكي ،اقسم بالله كل اللي انت شوفتيه مش حقيقي ، وزي ما قولتلك قبل كدا دا شغل وبس أنا مستحيل أغضب ربنا يانور ، من يوم عيني ماشفتك ومفيش في قلبي غيرك ولا هيدخله غيرك بعشقك وبحبك لاخر لحظة في عمري، انا دلوقت رايح شغل لو ربنا كاتب لي عمر واني ارجعلك هوضح لك كل حاجة، اتمني ارجع القيكي فوقتي
****************
كان حازم يقف مع ريم
حازم/ تعالي اروحك انت وملك لان ورايا شغل ومش هرجع دلوقت
ريم/ ملك رفضت تروح وهتفضل مع توحة والكل وانا ممكن افضل معاهم
نظر لها حازم ثواني / تمام خلي بالك من نفسك ومن ملك
قبل جبينها ثم التف وتقدم بضع خطوات فأوقفه حديثها
ريم/ انت رايح فين
التف ونظر اليها ولم يتحدث، نظرت هي للاسفل
_ أسفة مقصدش أسألك كنت بطمن عليك بس 
تقدم منها ومسك ايدها وقبلها
حازم بابتسامة/ رايح شغل مهم، لما ارجع ان شاء الله هقولك عليه ومش ناسي اننا المفروض نتكلم زي ما اتفقنا
ريم/ تروح وترجع بالف سلامة
حازم/ ادخلي اقعدي معاهم وخلي بالك من نفسك
***************
كان لقاء حازم بريم وحسام بنور أشبه بوداع من أنه لقاء عابر وكذلك هشام مع روزا
جميعهم علي علم بخطورة العملية
اجتمع حازم وحسام وهشام مع مجموعة من الشباب في مكان واسع نسبياً
حازم/ المهمة اللي هنتحرك ليها دي بقالنا شهور بنخطط ليها اي مهمة طلعتوها دي حاجة والمهمة دي حاجة تانية تكاد تكون أصعب واخطر المهمات ومينفعش يكون في نسبة للفشل حتي لو 1%
حسام/ احنا هننقسم قسمين أنا والمقدم حازم بفريقنا هنطلع علي الشيخ زويد والمقدم هشام والمقدم وائل علي الصعيد وخصوصا منطقة الجبل، مفيش مجال للغلط
هشام/ هوضح لكم خطة كل فريق
وضع امامهم خريطة وبدأ يؤشر عليها
في المنطقة دي بالتحديد شمال شرق منطقة الجبل من مدخل البلد دي هيتم عملية تسليم أسلحة وقنابل وصواريخ بين شخص اسمه فزاع وبين جهات ارهابية لسه مش معروف عناصرهم، السلاح دا دخل البلد عن طريقة شحنة اسلحة مرخصة باسم شركة الحراسة التابعة للمقدم حازم واللي ساعد علي انها توصل بمنتهي السهولة لفزاع هي وحبوب مصنعه للزراعة اللوا طلعت الدالي، الحبوب دي تركيبة جديد تركيب لكذا صنف زي الهروين
عاوزين نحصرهم في المنطقة دي وتكونوا محوطنهم من جميع الاتجاهات ، السيطرة عليهم هتكون سهلة لان شحنة الاسلحة احنا بدلناها بأسلحة فشنك قبل متوصلهم، المطلوب نمسكهم وممنوع حد يهرب منهم والوصول لمخازن الاسلحة في نفس التوقيت هننقسم قسمين المقدم وائل مع مجموعته هيتحرك لمكان مخزن الاسلحة اللي حددناه من الGBS. اللي زرعناه في عربية جليلة وانا وفريقي هنكون في مكان التسليم
حسام/ بالنسبة لينا المنطقة دي والمنطقة دي بالتحديد اللي مطلوب نحاصرهم
اولا : المكان دا شقة التحريات أثبتت ان اللي زي جليلة بيجمعوا عدد من البنات القاصرات بحجة هيشتغلوا تبع مكتب وهيشتغلوا في البيوت وبيجمعوهم في الشقة دي بيجهزوهم وبعدين بيسفروهم بطرق غير شرعية من الحدود بيسلموهم لناس تانية كنا مفكرين ان أخرهم دعارة اكتشفنا انهم بيستخدموهم لمتاجرة  الاعضاء البشرة، أهلهم بيسكتوهم بالفلوس ولو كتروا في الاسئلة بيخلقوا لهم اي عذر وبيقولوا انهم ماتوا وبيدخلوا الجثة بطرق غير شرعية في اي نفقة تحت الارض وبيسلموا الجثة للاهل الموضوع منتهاش عند كدا، لا اكتشفنا ان في جثة من الجثث دي هتتسلم انهاردا جواها نوع فيرس المطلوب من جليلة انها تطلعه ولما يوصلها الامر تجربه في اي شخص وهيتنقل تلقائي
حازم/ واللي وصلناله ان دا تبع شركة ادوية عالمة الهدف الاول الربح فدفعوا مبالغ لناس زي دول لتنفيذ المهمة في كذا دولة في العالم منهم مصر،  احنا حظرنا الدول التانية والمطلوب اننا نبطل العملية دي ونقبض عليهم اللي في الشقة واللي في النفق، الموضوع صعب جدا لان المنطقة بالكامل تحت حراسة من عناصر ارهابية والاصعب انهم وسط الاهالي يعني لازم ناخد حذرنا
وائل / ربنا معانا باذن الله،  وانا اتفقت مع بعض القادة لو احتجنا تدخل يبعتولنا طيارات من حيث الاستكشاف الجوي
************
استعد الجميع وحمل كل منهم ما يحتاجه من سلاح ومعدات أخري، خرجوا وجدوا عمر يقف أمام السيارات
حسام بفزع وقلق خوفاً من ان يحدث مكروه لنور
_ عمر ايه اللي جابك،  نور فاقت هي كويسة
عمر/ متقلقش حالتها مستقرة، بس لسه مفاقتش
هشام/ مش قولت هتفضل معاها
عمر/ العملية دي بنخطط لها بقالنا شهور ومرتبين لكل خطوة فيها يوم ماننفذ مينفعش أسيبكم
حازم/ هتروح مع مين
عمر/ معاك انت وحسام، الموضوع أبعاده أصعب
وائل/ تمام يالا بينا
***********
تحركوا جميعا
وصل هشام ووائل وفريقهم،  التفوا حول بعضهم البعض بشكل دائري ،ووضعوا خريطة أمامهم وتحدث هشام وهو يشير عليها
هشام/ هنا كهف في جبل دا مخزن الاسلحة والقنابل وعليه حراسة المقدم وائل وفريقه هيتحركوا علي هناك ولحسن حظنا ان علي البعد 10كيلو متر المكان اللي هيتم فيه تسليم السلاح هتحرك هناك أنا وفريقي
وائل/ هنحاصر المكان من جميع الاتجاهات تحسباً لوجود اي مخرج تاني، واول ما العربيات تتحرك لنقطتك ياهشام هبلغك
هشام/ هنبدأ الهجوم في نفس اللحظة، اول ميوصلوا هعطيك اشارة ونهجم، بس ممنوع الضرب في أماكن حيوة ان اضطريتم لضرب نار تضربوا في الاطراف عاوزينهم عايشين
الفريق/ تمام يافندم
وائل / نقرأ الفاتحة مع بعض ونتوكل علي الله يارجالة
********** بالفعل تحركوا كل منهم عند المكان المحدد
اختبأ هشام ورجالة وظل يراقب الوضع، الي أن ووصل أربع عربات دفع رباعي ونزل منهم رجال ملثمين ،فتحدث هشام عبر جهاز موضوع علي معصم يده
هشام/ وائل اجهز واستنى اشارتي
وائل/ تمام
اقترب رئيسهم من فزاع وفتح حقيبة الفلوس فأشار فزاع الي رجالة باحضار صناديق السلاح ووضعها علي الارض أمام الشخص الملثم واخذ الفلوس وضعها في جهاز معه حتي يتأكد من العد الصحيح للمال والاخر أخذ يفحص الاسلحة بعناية
أشار هشام لفريقه بأن يذهب نصفهم الي الجانب الاخر وبالفعل تسللوا اليه ثم تحرك  هشام وبقيتهم  بخفه وسط الظلام ودون أن ينتبه لهم أحد ولما لا وهذا جزء لا يذكر من ضمن تدريباتهم
وصل الي خلف أخر سيارة  ثم بدأ يتحرك للأمام ويقف خلف كل سيارة بضع ثواني وقبل أن يصل الي أول سيارة وجد اثنين من الملثمين يقفون وقف خلفهم هو وواحد من فريقه وضع كف يده علي فمه واليد الاخري ضغط باصبعي الابهام علي مكان في رقبته ففقد الوعي وكذلك الاخر تم الامر في هدوء وسرعة ثم سحبوه خلف السيارة
شخص من الملثمين ذهب باتجاه رئيسه وتحدث معه بجانب أذنه، فنظر كبيرهم الي فزاع الذي يلتهي بعد الفلوس
_ السلاح دا فيه مشكلة
فزاع/ مشكلة ايه ، السلاح دا من مخازنا وتجار كتير بيشتروه مننا
الرجل الملثم/ أثبتلك
اخذ سلاح من احدي صناديق الاسلحة ونظر لفزاع بثقة ووجه السلاح باتجاهه
فزاع بخوف/ بتعمل ايه انت اتجننت عاد
الاخر/ هثبت لك ان السلاح فيه مشكلة
ولم يعطي فزاع فرصة للرد واطلق بالفعل باتجاهه ولكن لم يصب أي احد فقط دوي صوت اطلاق ناري
حلت الصدمة علي فزاع ،ولكن لم يمهله هشام وقت وظهر هو ورجاله
هشام/ نزلوا سلاحكم في الارض وارفعوا ايدكم
اشتبك الملثمين ورجالة فزاع مع هشام وفريقه وفي هذه الأثناء انتهز فزاع الفرصة وركب عربيته وحاول الهرب، اول من راه كان هشام ، اعطي امر لرجالته باكمال المهمة وعدم السماح لاي شخص بالفرار ثم صعد جبل عالي نسبياً بمنتهي الاحترافية وجري علي جزء منه حتي وصل لمكان رأي منه سيارة فزاع وهي أتية نزل وانتظره
رأه فزاع فحاول أن يزيد من سرعة العربية علي امل دهسه ولكن ما لا يعرفه ان هشام قوات خاصة وتدريباته علي أعلي مستوي
حاول محاصرة هشام بين صخرتين ودهسه ولكن هشام فاق توقعاته
جري من مسافة ثم قفز علي صخرة جانبية ومنها علي سقف العربية ثم الارض وضرب في كوتش السيارة فاانقلبت انتظر دقائق وذهب الي السيارة حاول جذبه للخارج وابعاده عن السيارة تجنباً لاي انفجار يحدث
ثم بدأ يتحدث في جهاز اللاسلكي
_ عمليات عمليات حول
الطرف الاخر/ ابدأ الاشارة
هشام/ عندي اصابات كتير ابعتولنا طيارات أسرع الدعم لسه موصلش
الطرف الاخر / تمام في طريقها ليك حدد موقعك علي جهاز GBS لسرعة الوصول ليك
هشام/ تمام
سمع صوت شد أجزاء سلاح، شد سلاحه والتف سريعاً اطلق النار علي فزاع في نفس لحظة اطلاق فزاع النار عليه
انصاب هو في كتفه وأصاب فزاع في صدره
فتحدث عبر الجهاز الموضوع في معصم يده لوائل