عشقى وقدرى (بقلم منار جمال)

الفصل 24

_بعض الامور نكتشفها بعد فوات الأوان او الأصح بعدما نخرج أقصى ما عندنا من قسوة
_ اكتشاف اول سر يعتبر أول  طرف الخيط الذى سيوصلنا لنهايته
******************
ترك حازم المنزل وذهب بسيارته الي مكان خالى  نسبياً من الناس جلس علي مقدمة السيارة في الهواء الطلق وأخذه التفكير بعيداً ظل يفكر كثيراً وبعد وقت
أخرج هاتفه المحمول من جيب الچاكت الداخلي واتصل برقم
حازم/ اسمعني كويس،  هبعتلك اسم ومكان واحد في ظرف ساعتين ألاقيه في مخازن شركتي،  سواد الليل ميشفكوش
قفل التلفون وتحدث مع ذاته
لازم أعرف سرك اللي مخبياه ومش هوصله غير لما أضغط عليكي
ركب سيارته مرة أخري وعاد الي المنزل
*****************
بعد نزول حازم من المنزل بوقت،  فاقت ريم ولكن كان يظهر عليها التوعك، غادرت غرفة حازم وذهبت الي الحمام الخارجي كان تسير ببطء
استحمت وعادت الي غرفتها جلست علي السرير ومدت يدها تحت المرتبة، طلعت شريط برشام أخذت منه حبه وشربتها بكوب ماء كان موضوع أعلي الكمود بجانب السرير،  ثم تمددت مرة اخري
بعد فترة عاد حازم الي المنزل ولكن هذه المرة كان في قمة عصبيته وغضبه ذهب الي غرفته لم يجدها ، اتجه الي غرفتها فتح الباب بكل غضب وجدها تغفو ذهب اليها بكل غضب وامسكها من ذراعها ( منطقة بين الكتف والكوع)
فزعت بشدة من حركته وقفت مع حركته الشديدة
حازم بغضب / وكمان نايمة يازبالة ولا كأنك عاملة حاجة ولا مخبية حاجة
ريم بفزع وخوف / آاااا أن نا عملت إإيه
حازم/ لا بريئة وصدقتك، مااشي وانت يامحترمة بقي ازاي بنت وأنت كنت مطلقة
ريم بببكاء/ لا انت فاهم غلط أنا اتطلقت بعد ما اتكتب كتابي بساعة بس والله
حازم بعصبية أكتر / أه ما أنا عارف زي ما عارف ليه اتطلقتي بعدها بساعة بعد معرفوا و…………
وأنا هستني ايه من واحدة رخيصة زيك مش كفاية بتبيع في نفسها لا مفكراني عيل وهيدخل عليا حكاية زي دي حتتة عملية رخيصة زيك
ودفعها بكل قوته،  اختل توازنه كانت دفعته قوية فاصطدمت في ذراعها الايمن في الحائط إطلقت صرخة
ريم / آاااااااااه
*******************
في منزل مديحة
كانوا جميعهم متجمعون ( نور ،ملك، روزا، مديحة، وفاء،فرح ووالدتها )
كانوا يتحدثون ويضحكون
وفاء / ريم اتأخرت أوي حد يروح ينادي عليها عشان نتغدي
نور / ممكن تكون نامت هي تعبت جدا انهاردا
مديحة/ روحي يا ملك شوفيها لو نايمة سبيها ترتاح ولما تصحي تبقي تتغدي
ذهبت ملك في نفس وقت حديث حازم مع ريم
عند دخولها من باب الشقة سمعت صرخة ريم جرت الي غرفتها وجدت حازم يقف وينظر لها بكل غضب وهي تجلس علي الارض بجانب الحائط ممسكة بذراعها وتبكي
ملك/ في ايه يا أبيه
حازم/ مفيش ارجعي دلوقت
ملك/ طيب بس اشوف ذراعها شكله وجعها
اقتربت منها لتري ذراعها،  كانت ريم تنظر للاسفل وتبكي بغزارة
حازم/ ابعدي عنها دي بتمثل
بدأت ملك تمسك ذراع ريم ببطء ولكن عند تحريكه صرخت ريم مرة أخرى
ريم/ آااااااااه
وقفت ملك واقتربت من حازم بفزع
_ يا أبيه دراعها مخلوع وفيه ورم غريب لازم تروح المستشفي
حازم/ ساعديها تلبس وانا مستني برا، وارجعي ومتقوليش لحد عن اللي حصل
*********************
بعد وقت في المستشفى
كان حازم جالس مع عمر في المكتب الخاص به
وعمر يضع يده أعلي المكتب وينظر له
حازم/ هتفضل باصص لي كتير بقالك ربع ساعة بتبصلي ايه
عمر/ ايه انت،  ايه اللي حصل لريم
حازم/ ما قولتلك بنتخانق وكنت ماسك ايدها فسيبتها بنرفزة اتخبطت في الحيطة
عمر/ والله سيبتها بنرفزة ولا رزعتها انت في الحيطة
حاحم/ أنا لو قاصد هقول مبخافش انا من حد عشان أنكر
عمر/ وانا مصدقك من البداية بس كنت عاوز أسالك عن حاجة
حازم/ ايه
عمر / عرفت انك خرجت فرقة أ
حازم/ أه
عمر/ راحوا فين
حازم/ شغل هبقي أقولك عليه بعدين سيبك دلوقتي المهم، انت بعتها تعمل أشاعة ليه ملك قالتلي خلع
عمر/ الكشف المبدئي علي ذراعها بيدل انه مش مجرد كتف اتخلع وهيترد في اصابة قديمة فاقولت الاشاعة هي اللي هتأكد أو تنفي شكوكي
حازم باستغراب / اصابة قديمة ، يمكن وهي صغيرة
عمر / لا مأظنش لو من زمان متعملش في الكتف كدا وانا بفحصها استغربت
قاطعهم طرق علي الباب فسمح عمر بالدخول وكانت ريم ومعها الممرضة،  سلمت الممرضة الاشاعة لعمر ووقفت
وضع عمر الاشاعة في جهاز متخصصة بالاضاءة لظهورها بعد لحظات
عمر/ ريم انت حصلك حادثة او حصلك اصابة في كتفك اليمين
ظهر الارتباك والتوتر عليها
_ آاااه ل لا ل اا لا
نظر عمر الي حازم نظرة فهمها جيداً بانه كان معه حق في شكوكه وتأكدت بالفعل
عمر/ أه ولا لاء
ريم/ لا
عمر/ تمام،  اتفضلي مع الممرضة في اوضة الكشف
بعدما دخلت، أكمل حديثه
_ الاصابة اللي كانت في الكتف مش اصابة عادية من شكل العظم واضح انه كان  كسر قديم وكان شبه متلحم ومن كرم ربنا ان الخبطة فصلت الكتف لو كانت اتحركت 2سم بس كان الكتف كله ادمر
حازم/ اصابة ايه اللي بالشكل دا وهي بتنكرها
الغموض حوليها بيزيد اكتر من الاول وهي كل اللي بتعمله ساكته مهما ضغطت عليها
عمر/ المهم دلوقت انا هدخل ارجع الكتف لمكانه وانت عارف ترجيع الكتف المخلوع هي مش هتقدر تستحمل وجعه، ثبتلي حركتها بس لان في وضعها دا اي حركة لازم تكون دقيقة يا اما تدخل جراحي
بعد قليل
دخل عمر وحازم الحجرة وقف عمر بجانب السرير وجلس حازم بجانبها
شعرت بيده تلتف حول خصرها،  استغربت كثيراً لفعلته نظرت له وجدته يقرب رأسها الي صدره بيده الاخري تاهت هي عن ما يحدث حولها كأن رائحة البرفن الخاص به مخدر من نوع خاص ولكن أفاقت علي وجع شديد في كتفها أطلقت صرخة ثم اغمي عليها بين أحضانه
******************
كانت مديحة تضرب جرس شقة حازم وجدت باب الاسانسير يفتح ويخرج منه حازم وريم معلقة يدها
مديحة بفزع/ مالك وكنتم فين
حازم/ كنا في المستشفي
مديحة/ مالك ياريم خير ياحبيبتي
ريم/ اتزحلقت وانا باخد دش وقعت علي دراعي
مديحة/ ياقلبي الف سلامة عليكي،  تعالي ادخلي ارتاحي
حازم/ أنا رايح مشوار بسرعة وجاى
مديحة/ مشوار ايه
حازم/ بعدين ياتوحة خليكي بس معاها، ودا العلاج
مديحة/طبعا مش هسيبها
ووجهت حديثها لريم
_ تعالي ياحبيبتي ارتاحي وتاكلي لقمة عشان الادوية دي
**************
في مكان مظلم نسبياً كان يجلس علي كرسي ومربوط بحبل سميك من اول كتفه حتي القدم
وجد الباب يفتح ويتقدم شخص بثبات ثم جلس أمامه حاول أن ينظر ليري ملامح هذا الشخص باستخدام الضوء الخافت المحاوط المكان ولكن لم يتمكن من التعرف عليه
فتح الله / إنت مين ياجدع إنت وعاوز منى إيه
حازم/ أنا مين ، انت عارفني وعاوزك ليه هقولك
ثم نادي بصوت عالي / افتحوا النور
عملت كل انواع المكان وعندما تقابلت عين فتح الله مع حازم ظهر علي ةلامحه الارتباك والتوتر
حازم/ إيه لسه معرفتنيش
فتح الله/ اللي مايعرفك يجهلك بس أنى مش واخد بالي مين حضرتك وچايبني هنا ليه
حازم/ فتح الله عيب بلاش اللعبة دي معايا، والغفير اللي كان واقف يصورني بمحموله يوم كتب كتابي في البلد مش كان تبعك
فتح الله/ بصي يابيه الكدب خيبه أيوا أنى أعرفك،  بس عاوز مني إيه
حازم/ تحكيلي كل حاجة من البداية
فتح الله/ أحكي ايه يابيه بس
حازم بصبية وصوت عالي / من اول جوازك منها لطلاقك ليها بعد كتب الكتاب بساعة
فتح الله تملك منه الخوف،  طريق خطفه ومجيئه الي هنا يدل علي أن الذي أمامه ليس بالسهول المتوقعة، وايضا ان عَلم انه يتاجر معها في المخدرات والسلاح فهذا كارثة أكبر ،  فقرر أن يقول ما يعرفه حتي يتركه
_ يابيه احنا بينا مصالح وشغل كتير فشوفتها  عجبتني اتزوجتها بس أدي كل الحكاية
حازم/ لاء براحة كدا الموضوع مش هيتلخص في جملة،  بينكم مصالح ،ايه هي المصالح دي
ظهر الارتباك علي فتح الله وكان يبتلع لعابه بصعوبة
حازم بعصبية وصوت عالي / رد ايه نوع الشغل بينكم
فتح الله/ تچارة فاكهة وخضار يا بيه
كان حازم جالس يضع رجل اليمني فوق اليسري ويضع كوعه علي مسند الكرسي ويضع قبضة يده تحت ذقنه ويحرك اصبع السبابة
حازم/ تجارة الفاكهة والخضار اللي بداروا فيها المخدرات والسلاح
جحظت عيناه / م مخدرات ايه يابيه
حازم / خليك واضح معايا انا عارف كل حاجة وبمنتهي السهولة ادخلك السجن متخرجش منه تعالي معايا دوغري افضل لك
فتح الله/ عاوز تعرف ايه ياحازم بيه
حازم/ اولا تعرفني منين ،ثانيا جليلة وافقت تجوزك ريم مقابل ايه أصلها مبتعملش حاجة بدون مصالح، ثالثا طلقتها ليه بعد ساعة من كتب الكتاب
فتح الله/ تعطيني الامان يابيه
حازم/ حازم البنهاوي كلمته واحدة
فتح الله/ اللي بيني وبين جليلة شغل يابيه باخد منها سلاح وابيعها لرجالة الجبل و المخدرات ليا ناسي اللي بيصرفوها
حازم/ وهي بتجيب السلاح منين
فتح الله/ مخبرش والله يا حازم بيه
حازم/ كمل، ايه دخل ريم في حواراتكم
فتح الله/ في حته ارض بتاعتي هي اشترت كل الاراضي اللي حواليا وعرضت عليا تشتري ارضي رفضت،  في يوم شوفت ريم هي كانت بتلبس خلچات راجل وتنزل تشتغل في الارض لمحتها وعچبتني، طلبت يدها جليلة وافقت بس مهرها الارض وفوقيهم 400 الف جنيه،  جيت لاحق يابيه كتير بس وافقت اكمنها حلوة ودخلت مزاجي
حازم/ وريم وافقت
فتح الله / مشوفتهاش ولا قابلتها نهائي
حازم/ وبعدين
فتح الله / يوم الفرح جليلة جابت العروسة قعدوا مع الحريم شوية وبعدين طلعوا الاوضة عشان الدخلة،  انت خابر يابيه حدانا عادات والدخلة بتبقي بلدي، طلعت بعديهم لقيتها بتعيط سألت جليلة هي ليه بتعيط،  قالت لي انها خايفة ، بس دي مكنتش خايفة دي كانت لا بتتكلم ولا حتي بتصرخ مثلا بتبكي وبس، قربت منيها لقيتها بتترعش وفجأة اغمي عليها حاولي يفوقوها مبتنطقش، شيعت لدكتور الوحدة كان منقول جديد،  جليلة خرجتني برا الاوضة وبعدين الدكتور خرج سمعته بيقول لها،  لو حصلها حاجة هبلغ عنك،  سالت جليلة قالتلي البت تعبانة ومتنفعش تتجوز طلقها ، قولت لها كيف انا لسه مدخلتش اطلقها كيف،  قالت هعطيك كل اللي صرفته وفوقيهم بضاعتي كلها من غير ولا مليم
حازم/ دفعت لك كام
فتح الله / 250الف جنيه
حازم/ وواحد بقي زيك هيقبل بربع اللي دفعه مع شحنة مخدرات وسلاح ويستكفي لا وكمان سايب لها الارض
لم يتكلك فتح الله والتزم الصمت
حازم بغضب / انطق يا اما رجالتي  هيعرفوا يخلوك تتكلم
فتح الله / نصف محصول الارض ليا
حازم/ وانت ناقص محصول ما انت عندك بدل الارض 5
فتح الله/ الارض مش مزروعة لا فاكهة ولا خضار
حازم/ حشيش
فتح الله/ مش حشيش بس انواع تانية كتير
حازم/ أمم وبعدين
فتح الله / معرفش غير كدا
حازم / يعني انت متعرفش ليه طلقت ريم،  ما بالعقل كدا تعبت عادي ايه هو بالتحديد التعب اللي مينفعش تتجوز عشانه طيب ماهي اتجوزتني ايه شيطانك موزكش تعمل حاجة
لم يجد منه رد،  فوقف
حازم/ تمام براحتك يافتح الله بس انت هتفضل هنا مع الرجالة بيجبوا معاك لحد متفتكر حاجة جديد
سار كذا خطوة ثم نادا عليه فتح الله
فتح الله / حازم بيه استني
حازم/ ها
فتح الله / هقولك ، انا لما قالتلي اطلقها واتفقنا اخدوها ورجعوا علي دوار جليلة بس دماغي قعدت تودي وتجيب، والبت سعادات الشغالة عنديهم كنت ملغيها وبنتقابل وقولتلها تعرف لي اللي بيدور
حازم/ وعرفت ايه
فتح الله / هي كانت مهددة ريم بحاجة عشان كدا سكتت نهائي ومنطقتش
حازم/ مهدداها بإيه
فتح الله/ معرفش بس اللي اعرفه انها قعدت اسبوع من غير اكل ولا شرب وكانت رافضة الجواز مني، لما اغمي عليها فكروها بسبب كدا
حازم /  والدكتور قالهم عندها ايه
فتح الله/ قالها ان حالة قلبها متطمتش وانها لازم تتعرض علي دكتور متخصص وهددها لو تمت الجوازة هيبلغ عنها لان وقتها حالتها كانت وحشة
حازم/ الدكتور دا اسمه ايه
فتح الله / سالم،  بس هو بعدها باسبوع اختفي
حازم/ اختفي، ميمكن رجع بلده عادي
فتح الله/ لا لان وقتها اهله بلغوا عن غيابه والدنيا انقلبت واجوا حققوا في الوحدة الصحية
حازم / واتجوزتني ليه مخافتش عليها لتتعب تاني
فتح الله / من أول مسمعت الخبر وانا قولت لسعادات تطقس لي ، اللي عرفته ان جليلة عذبت ريم هي وابنها فزاع وضربوها عشان توافق عليك ولما وافقت عند فيهم قالت ان موكلها الغفير، ولما روحت أواجه جليلة قالتلي ان الجوازة دي لمصلحة ومش مهم البت تموت ولا تروح في داهية المهم المصلحة تتم
حازم/ لو جنس مهلوق عرف انك قابلتني او حكيت لي ، اهلك مش هيعرفوا مكان قبرك
فتح الله/ ولا شفتك ولا أعرفك
*****************
            *******flash Back*********
وسط ارض زراعية تقف فتاة شعرها يرفرفه الهواء تحت شجرة متوسطة الحجم،  وياتي اليها طفل يكبرها سناً
ريم/ اتأخرت أوي ياحازم
حازم/ حقك عليا ياحبيبتي معلش
وجدها حزينة وتبكي
_ مالك ياريم مين مزعلك
ريم/ مفيش حد، بس أنا تعبت قبل منسافر ونيجي هنا وكنت في المستشفي
حازم بلهفة / مالك فيكي ايه،  الدكتور قال عندك ايه
ريم/ مش فهمت كلامه ياحازم بس بابا قالي قلبي دا تعبان
وكانت تؤشر علي موضع قلبها
وضع حازم يده فوق يده
_ بعد الشر عن قلبك،  يمكن انت فهمتي غلط
قلبك اللي بيحبني دا هيستقوا بحبي وعمره مهيتعب
مد اصابع يده يمسح دموعها
_ بكرا لما نكبر ونتجوز مش هخلي حد يزعلك ولا عيونك دي تنزعل دمعة واحدة ياقلبي
           ***********Back************
حازم ………حازم ………انت يابني
أفات من ذكرياته علي صوت هشام
حازم/ ايه بتقول ايه
عمر/ انت مش معانا خالص
حازم/ بفكر بس وبجمع الدنيا
هشام/ فكر بصوت عالي ياحازم
حازم/ اصابة كتفها وفهمنا من ايه عذبوها جوزها مني وعشان صفقة السلاح تدخل تبع شركتي،  جليلة مهددة ريم بإيه عشان تسكت كل دا ومتتكلمش وليه قالت عنها كدا ومين اللي ريم بتكلمه
حسام/ بداية خططنا عشان يرجع مصر وبرجله بتمشي مظبوط،  وشكوكنا عن ريم انها ايده اليمين مع جليلة طلعت غلط نركز بقي في الجاي ونرجع نسمع التسجيلات عشان نوضح بقيت النقط

#يتبع
#عشقي وقدري
بقلم منار جمال