الفصل السادس والثلاثون
« الأمر الواقع »
عبد الله وهاجر...
عبد الله بسعاده: أنتى بتتكلم بجد .... معقول دة ... صحيح كرم ربنا واسع أوى ....
هاجر: أيوة يا (عبد الله) ... أنا حامل بجد ....
عبد الله: سبحان الله ... ده باين عليه رزقه واسع أوى ... النهارده إتفقت مع شركه أجهزة كهربائية أنى أبدأ بتوكيل ليهم عندى فى المعرض شفتى بقى رزقه واسع إزاى ...
هاجر: اه والله ... حقيقى... كل مولود بييجى برزقه ... سبحان الله ...
عبد الله: أنا عايزك بقى يا حبيبتى متتحركيش كتير وتتعبى نفسك ... إرتاحى خالص ....
هاجر: متقلقش ... ماما كل يوم حتيجى تقعد معايا وتساعدنى فى الأول كدة .... ربنا يخليها لى يا رب ...
عبد الله: آمين يارب ... بقولك صحيح ... أنا بكرة حروح أشهد على كتب كتاب مدام (حوريه) والضابط (سامر) إبن عمها ...
هاجر بتفاجئ : بجد .... إيه الاخبار الحلوة دى ... مجابتليش سيرة خالص يعنى لما كنا عندها آخر مرة ؟!!
عبد الله: شكل الموضوع جه فجأه ... ده حتى (سامر) هو إللى كلمنى النهاردة عشان أروح أشهد على العقد ....
هاجر بدهشة : يعنى مش حروح معاك ...؟!!
عبد الله: لأ مش دلوقتي .. بعدين نبقى نروح ونبارك لهم ...
هاجر بسعاده : ربنا يسعدهم يا رب ... هى طيبه وتستاهل كل خير....
____________________________________________
سامر...
جهز (سامر) شقته الصغيره بفرش بسيط على ذوقه حتى تليق ب(حوريه) ليتزوجوا بها لكنه لم يخبر والديه بأى شئ خوفاً من أن يتهوروا ويخبروا أهل (حوريه) ، كان سعيداً جداً لهذا القرب منها ، لكن سعادته كانت ستكتمل لو كانت (حوريه) تريد بالفعل الزواج منه وليس للهرب مما هى مجبره عليه ....
إتفق (سامر) مع (حوريه) على مقابلتها بنفس الكافيتريا التى تقابلا بها من قبل ليصطحبها إلى المأذون ليعقدا قرانهما أولاً بدون إخبار أهليهما حتى لا يعترض أحدهم على زواجهم ويحب وضعهم أمام الأمر الواقع .....
وصل (سامر) إلى الكافيتريا ليجد (حوريه) بإنتظاره بالموعد المتفق عليه ويبدو على وجهها علامات التوتر والقلق ....
سامر : جاهزة ....
نظرت له (حوريه) لبضع ثوانى بإضطراب لتومئ برأسها فليس لديها حل آخر لتتحرك معه بصمت وهى تلعن نفسها من داخلها على ما أقحمت نفسها به ، فآخر ما كانت تفكر به على الإطلاق هو الإرتباط والزواج برجل آخر حتى لو كان صوريا .....
إستقل (سامر) سيارته بينما تقدمت (حوريه) ببطء نحو المقعد المجاور له جالسه بعينان زائغتان ودقات قلب متسارعه خائفه ثم أغلقت باب السيارة بحذر قبل إنطلاق (سامر) إلى مكتب المأذون كما إتفقا ....
أنت تقرأ
روايه "ذكريات مجهوله" قوت القلوب (رشا روميه)
عاطفيةحقوق النشر محفوظة لكاتبه الروايه قوت القلوب (رشا روميه ) ولا اسمح بنشرها دون علم مسبق منى وبإسمى .... تدور أحداث الرواية بين مجموعة من الأبطال بداخلهم حنين وشوق وذكريات حبيسه منعتهم من بعضهم البعض ، فهل ستعود المياه إلى مجاريها أم سيكتب لهم الفراق...
