ВЫ ЧИТАЕТЕ

<ချစ်သောအက္ခရာ>[Completed]

Любовные романы

{စောအက္ခရာ...မင်းကလူသားတစ်ယောက်မဟုတ်ဘူး။ မင်းက..တိတ်ဆိတ်နေတဲ့ငါ့ဘဝထဲရုတ်တရပ်တိုးဝင်လာတဲ့သံစဥ်လှလှလေးတစ်ခုပဲ..} Start Date:5.7.2022

#bl #myanmar #schoolromance #sweetstrory

Chapter-2

1K 45 3 
                                    

                                              
"သျှင်ယမင်းရေ"
"အေး လာပြီ"
သျှင်ယမင်းသူ..
တစ်နည်းပြောရရင် ဇောရဲ့တစ်ဦးတည်းသောသူငယ်ချင်းမ..အကောင်သေးသေးလေးနဲ့ဇောထက်တစ်နှစ်ငယ်တဲ့သူမကအလှအပအရမ်းမက်သည်။အခုလည်းကျူရှင်သွားမည်ကိုပင်နှုတ်ခမ်းနီပါးနီတို့ဖြင့်ခြယ်သလာသေး၏။ဒါကိုမြင်တော့ဇောကဘုကြည့်ကြည့်လာတယ်။
"နင်နဲ့လဲနော် ကျူရှင်သွားတာကိုလင်နောက်လိုက်တော့မလိုပဲ"
"ဟဲ့ လူတောသူတောသွားမှာလေ ဒီလောက်တော့ပြင်ရမှာပေါ့"
"ငါ့ကိုကြည့်ဘယ်မှာများပြင်ဆင်ခြယ်သထားလို့လည်း"
"အော် ဒီတစ်ယောက်နဲ့တော့ တူမလား ငါကမိန်းကလေးလေ မိန်းကလေးဆိုတာဖြစ်ကတက်ဆန်းနေလို့မရဘူး"
"ဟက် ပြောတာပဲ"
"ငါတို့ကကမ္ဘာမြေရဲ့အလှတရားလေးတွေလေ..ဟီဟီး ဒီတော့လှလှပပကျော့ကျော့ကော့ကော့နေတက်ရတယ် သဘောပေါက်လား"
"ဘာအလှတရားလဲ ကျူရှင်ထိပ်မှာထမိန်လှန်အိပ်နေတဲ့အရူးမမဏိစန္ဒာကမှနင့်ထက်ချောနေအုံးမယ်"
"ဘာ "
"အနာပေါ်တုတ်ကျလို့နာသွားလား"
"အင့် နင်နော် "
သူမစိတ်ဆိုးပြီးမျက်နှာလေးရှုံ့မဲ့ကာဇောကျောကုန်းပေါ်ကိုထုရိုက်လာတယ်။ဒါကကျူရှင်မသွားခင်လုပ်တဲ့အပြုအမူတစ်ခုလိုတောင်ဖြစ်နေခဲ့ပြီ။ရန်ဖြစ်လိုက်ပြန်ချစ်လိုက်နဲ့ပဲသူဒီသူငယ်ချင်းလေးနဲ့ပေါင်းလာတာနှစ်နှစ်ပြည့်ခဲ့တယ်။
"ငါတို့ဒလကလည်းဟာ ကောင်းကောင်းကန်းကန်းဘာမှမရှိဘူး"
". ...."
"မြို့ထဲကငါ့သူငယ်ချင်းတစ်ယောက်ဆိုကျူရှင်မသွားခင်ဟော့ပေါ့ကဝင်စားလိုက်သေးတယ် ဒီမှာတော့ ဟင်း..."
"နင်စားချင်ရင်ညောင်ကုန်းဘက်မှာရှိတယ်လေ"
"ဟုတ်လား ငါမသိဘူးလေ နောက်နေ့သွားစားရအောင်"
"အင်း"
"ဟဲ့ အမလေး မြန်မြန်လာကြအပေါ်မှာဆရာစာသင်တော့မယ်"
&lt;ချစ်သောအက္ခရာ&gt;[Completed]Место, где живут истории. Откройте их для себя