مَـن يَـشتري شـرفي 2
سهير رائد
الحياة حملتنه ماهو فوق طاقتنا .. ذل الفقر .. وبؤس الحياة .. وانكسار الذات في داخلنه .. حرام نحلم حرام نتأمل وفووووك كل هذا اخذت ابونا هو المعيل الوحيد والسند هو اللي يسد جوعنا ويأمنه من الخوف هو ابونه واخونه اللي نشوف الدنيا من خلاله ..
ميادة .. ماما تصيح كعدت ممفتهمة شي واباووع غادة بيدها جفجير ويم راس بابا وتضرب وصاحت بااااااااباااااا بصووووت يخوووووف صوووت موووجوووع !! صوووت يفزز الگلب
كلنه كمزنا من النومه وركضنا شفت بابا وجها اسودومن حلكه طالع وغف ابيض وبصفه دم وحية ممرودة عرفت بابا مات مكروص
صرخنه بصوت وبجينه بصدمة
ومروج ركضت للجيران تگلهم بابا مدري شبيه مكروص اخذوة للمستشفى جانت ممستوعبة انو مااات
التمت علينه الناس
كلها تكول خابرو اهلكم
طلعت غادة التلفون من جو فراشه وانطته لجيرانه كالتله اسامي اخوانه
خابروا عليهم ..
الناس اللي تحب الخير اجت شالته واخذته للمستشفى حتى يسوون شهادة الوفاااة ورا ساعه واحنه بالبيت نبجي على بابا اجة الرجال صاحب اغلب البيوت هنا وهو صا حب الخان اللي احنه ساكنين بيه وكال منو تجي تحجي وياااه
حور گالت لغادة اطلعي انتي ماما بيا حال واني استحي ماعرف شحجي؟ ...
غادة .. من اول ماشفته عرفته ميته واحس من كتلت الحية أخـذت بثأري بسرعة من الحية بس ثأري من الحياة والفقر والعوز اللي خلانه نسكن هنا وبابا يموت بسبب هل المكان لا ممأخذته من اول ما شالته الناس الخيرة باوعت على طرف ايده الخشنه گتله كلشي يتغيير روح واطمأن ارتاااح من همنا واخواتي وماما بركبتي ليوم الدين مهما كلف الأمر ..
بجيت وبجيت بس مو على بابا لان حسيت هو راح حتى يرتاح لا بجيت على نفسي وعلى خواتي وعلى ماما بجيت على الدنيا اللي مابيها عدل اباوع على ماما اللي تتألم واكول اكو بيها حكمة موت بابا الصاحي والمعيل وتبقى ماما عايشة وتتعذب وراح تتعذب الضعف بألم المرض وألم التفكير بالهم والمسؤولية وتدبير العيشة
اباوع لحوري شلون تبجي وتتوجع هيا تبجي على بابا وعلى حظها وعلى عيشتها ومصيرها وي الزوج العار ومصير اطفالها وياهم والم الولادة هيا بالتاسع .
اباوع على ميادة تباوع عليه وتبجي متأكدة تبجي على احلامها بالكليه ووعد بابا الها بدخولها الكليه وتعيش المستقبل بتأمل
على مروج الاصغر وحدة اللي جانت اكثر وحدة تحبه وتتطلع تتلكاااه من رأس الفرع
.. ابجي عليهن كلهن مااات من جان النه عون وأمان ..
صااح ابو الخان منو تجي احجي وياها هنا برااا ؟ لان جان نسوان الفرع يمنه يواسن بينه
حوراء كالت طلعيله انتي
طلعت اني اله
الرجال جبير ومن اهل الخير اول ما عزاني وكال المرحوم بمثابة الاخ وموته ألمني ومن هل الكلام اللي اعتبره مجاملة ! لان ما يتخاون الفقير الكاحت وي الغني ماكو اخوووة بينهم.
