مَـن يَشتري شرفي 13
كوني كالفراشه،
أثرُها طيِّب 🌼أينَما وقَعت ؛ أبهَجَت،💜
سهير رائد
.....
بعد اتصال عادل خلاني اتوتر حيل ماعرف
وكفت بقلق امشي اررروح لو إبقى وارجع للمكتب ..
حقه اني موظفه عدهم ليش اطلع واكعد بغير مكان عملي ابقى واشتغل ماطول اجيت انحسب عليه حضور ؟..
يونس . ها غادة شبيج . وجان يمسح بيده بالكلينس ووجه مغسل .
لا ماكو شي بس باارتباك . اكولك خاينه نروح نشتري الغسالة.
يونس . يلا توكلي .
مشينه وتلتفت بعده واكف لو دخـل لامكتب ..
بعده . حسيت بارتباك اكثر
دخلنه على مخزن جبير للمنزليات .. يعني غسالات طباخات شاشات سبالت .
اخذت منهم غسالة توشيبا العربي حسبها الية ب70وعرفت بالسوك اكو مجاملة لان من دخلت كال انتي اللي بشركة صيرفة حجي محمد .
اي بلي اني .
يعني هذا جاملني بسعرها هوااااي لان اني اشتغل بالمكتب وجامل يونس لان هو علية حماية السوك .
لازم احنه من يجي علينه هم نجاملة بتسريع او نردلة الخدمة وهيج طلع التعامل ..
وهم سألت على اسعار الطباخ
عجبني واحد كال الج ب300
حملتهن اثنينهن بس الطباخ على راس الشهر وكال ولو شغلي جملة مابيع مفرد بس تدللين ..
جنت فرحانه لخاطر حوراء خطيه ايدها راحت من الملابس ..
حملناهن بسيارة يونس ..
صعدت ويااه ..
يونس . انتي بعدج مريضة شلون اطلعين والجو بارد .
لا احسن اطلع بس هسة صدك تعبت من الصبح طالعه .بس اجيت احجي ويااك بهواي شغلات .
يونس . خير .
غادة . خير ان شاءالله .
على موضوع خالد ؟
يونس . ايي صدك هو سولفلي كال ست غادة مكالتلك اني سويت نفسب ماعرف بالموضوع كتله لا ليش تسولفي ؟
غادة . ليش مكتله سولفتلي .
يونس . لان انتي بوقتها ماكلتي موافقه واردلهم جواب كلتي اكو هواي امور لازم احجي بيها .
غادة . اي والله هوااي امور ترتيب وتنضبط يلا اوفق يتقدم الها .
يونس . مثل شنو .
اول شي هيا مطلقه وعدها طفل خااف بعد يومين ابوة من يسمع بيها متزوجه يأخذ ابنها واعتقد وحسب مسامعه القانون ويااه الا اذا تنازل عنه ؟
شي ثاني صحيح احنه بنات لوحدة ومبتعدات عن الخوال والعمام بس موافقة عمامي وشورهم بهذا الموضوع مهم جدآ بالنسبة النة بعد يومين يجوز يعيرها يكلها انتي من خطبتج اختج وافقت وماعندج اهل .
وشي ثالث وين تعيش ؟ هنا لو يم اهلة . يجوز متتأقلم ويجوز بعدها يأثر علينه احنه محتاجاتها يمه هيا الجبيرة بينه صح ماكو فرق بس تبقى الجبيرة وام البيت واحنه الاربعه منريد نفترق يعني لو يسكن ويانه لو يأجر بنفس الشارع .
والأهم من كل هذا يمشي شهرين على وفاة ماما يلا نحجي بالامر ..
