من يشتري شرفي 10
وأضل مـهيوب عادي الـطاح يتعلم .
سهير رائد ....
.........
جنت مناوية ارجع للمكتب بس لخاطر ابو علي وجيته ارووح حضرت ملابسي اني قديمات حاولت ارتب علما باجر بالرجعه اشتري شي بيه حظ للدوام عيب اروح بملابس سوادهن مو حلو مثل الاملح ..
وصيت حوراء على نفسها وابنها ومروج باجر
ووعدت مروج انقلها خلال هل الاسبوع .
وعلمت حوراء على ابو الفرن والمحل ..
واني اجيب مسواك اذا تحتاج تخابرني
وراح اجيب موبايل عادي لميادة حتى نطمأن عليها.
توصيات ماقبل النوووم.
الصبح كعدت صليت وصعدت البس ملابسي لكيت ميادة مخليه بلوزتها الجديدة اليه وكاتبه عليج بروح ماما البسيها اني البس الثانية ..
لبستها ولبست جواااها بلوزة الوان باردة ثلج
وقمصلة ورتبت نفسي وشفت موبايلي وجنطتي بيها فلوس
طلعت
اتمشى وكفت براس الشارع بعد شارع عن بيتنه انتظر كيا تجي
دك موبايلي طلعته يونس
باوعت على الشارع المقابل شفته يأشر وكاعد بسيارته ..
مايكدر يلوف الطريق يصير بعيد ..
عبرت الشارع وصلت الها صعدت
صباح الخير. .
يونس . ياصباح الانوار كليلي شموكفج هناك؟
منتظرة الكيات .
شنو تردين ترحين للنهضة وضحك
ماعرف بعدني . بس ميادة شلون ادبرها ماعرف
يونس . دبرها تاخذ تكسي وهيا اقرب من عدنا واقل ازدحام الصبح هناك شنو رجعتي للمكتب .
يي اجة ابو علي وخجلت منه..
يونس . انتي من سلمتي على ابو علي ماشفتيني؟؟
لا مموجود ..
يونس . لا موجود واني واكف يم سيارتي يم بيتنه
والله ولا شفتك كعدت من النوم بسرعه طلعت برا احجي وياااه ...
يونس . غرفتين فوك اسوي وحدة منهن مال نوم والجوا استقبال الضيوووف .
هو هم هيج بالمستقبل اكول يونس
يونس ..كولي .
اريد اشوف صاحب البيت ؟!
يونس . شعندج ويااه .
هيج اريد اتعرف عليه واتفق وياااه على الاجار .
يونس . مو كتلج شهرية يريد250
ايي بس اللي اعرف هاي منطقه اقل بيت او مشتمل او شقه تقريبا750
يونس . لا شنو مأجرة عمارة الدامرجي هو بيت اقل من 60متر
ايي بس جديد وحلو وهم موقعه زين . ومعقول ابو البيت ميريد مقدمة ..
يونس . اي هو گلي ميريد كل شهر بشهرة .
اووك اريد اعرف هذا ابو البيت شنو الرجل الخفي ..
