مَـن يَـشتري شــرفـي

مَـن يَشتري شرفـي 7

مَن يَشتري شرفي 7

"‏كُن معي يا الله فلا أحد يعلم ما أمُر به غيرك."

سهير رائد ..

ميادة . لاحظت بعيون غادة فرحة وحب حتى لو كانت نظرات بدون كلام .
من تسولفلي عنه يومية بليل احس صوتها يتغير بخجـل
حبيت ٱحسـاسها وشعورها بالسعادة رغـــم انزعاجها من عادل ونظراتـه
ونظرة عن نظرة تختلف
نظرات الحب
ونظرات القبيحة اللي ماتنعرف نواياها ..

غادة بيوم الجمعة كعدتنا كالت هلمرة لازم ترحن تشترن ملابس اجه الشتاء وعبد الله كلشي معندة وانتن روحن للبالة ارخص حاليا لحد ما تدبر امورنا وهم مروج دوام وملابس اشترينه الها حاضرة يمكن مروج اكثر وحدة بينه بحياتنا لبست جديد جنطة وحذاء وحجاب وصدرية ..

اما احنه رحنه واشترينه بالة جانت حلوة وراقية وتستر يمكن اني بعشرة الالف اشتريت بجايم وبلوزات تكفيني شتاء كامل ..
غادة . كامت بالجمعه تطلع ادور بيوت صغار للاجار وكلها صغار وغاليه ومكان مو مناسب النه كأبنات ..

غادة . بعد مارجع الحجي من العمرة وجاب النه هدايه رجع مكتبنا لوضعه الطبيعي وابو علي فاتحة بموضوع عملي الجديد وافق الرجال ويمكن همام مسولفله عن شغلي ..
هنا تغير الوضع
ابو علي خيرني بين اليومية او الاسبوعية او الشهرية بس هو گلي الشهرية افضل ..
وشهريتي احسن من شهرية موظف خدمتة غشرين سنه اذا
حسبولي باليوم اربعين الف طبعا بالحوافز والهدايا المقدمة من المكتب وتصفية نهاية السنة يعني ابو علي يكول احنه رواتبا خير تكدرين تغيرين حياتكم للافضل وانطيج مرتب هذا الشهر مقدما حتى تحلين اموركم بالبيت !

عبالك بحلم مو بعلم حياتي انقلبت خلال هااي الاشهر
استلم 1400000 راااااتب !!!! طبعا فقط على الصرف اني
كال بعد لاتنظفين شغلج مكتبي فقط ..

لا عمو اللي اكدر عليه اسوي قبل لانبلش الشغل انظف وهذا مكتب مثل بيتنا لازم نرتبه قابل يبقى وسخ ،

جاب شدة خمسة وعشرينات كال هاااي مليون ونص حلال عليج هل الشهر انصدددمت بقيت متفاجئة عموووصدك راتبي

اي والله ياعمو اني والحجي اتفقنا على هل الراتب الج انتي مجتهدة وخدومة وحبابه وتكافحين على ايتام وهذا اقل شي نسوي الج والحجي يكول احس هلبنية من اجت الخير زاد عللى عينها ترا والحجي يخاف الله ويساعد الناس وانتي اولى من الغريب بالمساعده .
كعدت على الكرسي كمت ابجي

ليش تبجين

هااي دموع الفرررح اني فرحانه بنفسي فرحانه لان دا اتخيل المستقبل لخواتي شلون يصير حلو
رااح اكدر اوفر الهن اشياء بسيطه تخليهن سعيدات ..
يمكن اخلي ميادة اداوم ومروج ادخلها دورة وحوراء اشوفلها محامي يجيبلها النفقة
اسوي ثواب لبابا
علاج ماما والمضمد انطي
هواي امور راااح اني بجهدي احلها