مَـن يَـشتري شــرفـي

مَـن يشتري شرفي28

مَـن يشتري شرفي 28

اليَوم رَحلت عنيَ
بَعد قُصة طَويلة
التِي لَطالمَّا بَهرت الجَميع بِها
أَرحَل وَ لا أَعلم
مَاذا قَدّ أَقول لَهُّم لَو سأَلوني عَنك
هَل أَحكي عَن تجاهلك لي ؟
وَ تَجاهلك لِكُل الأَحلام التِي رسمتها لك
سأُخفي دُموع الحَزنْ التِي سَتملأ عَيني
وَ أَعلم إِني سأَستغرق الكَثير مِن الوَقت
حَتىٰ أَتداوىٰ مِنْ جَرحِك الغَائر
لكِن كُل مَا أَعرفه اليَوم أَني سأَمضي
وَ أَنساك بِسهولة .

سهير رائد ...

°°°°

ميادة ..صعدت فوك
يونس شعندة يبوووي منين عرف رقمي ..

شوية وكتب هلو ميادة؟.

عفته مجاوبته وسويت الموبايل صامت وخليته بالكنتور  .

باجر غادة تروح تعقد بلمحكمة وكعدت ارتب الها ملابس من الجدد وحوراء ترتب وجهه .
بس غادة ضايجة مخنوكة .

حضرت مستمسكاتها  .وجنطه  تروح وحدها لان هيا صارت فوك18
ماقبلت خالد يروح وياها ويعوف رزقه ولاقبلت نخابر على عمي يجي وياها . كالت ميحتاج اني ادبر اموري ..

الصبح حضرت نفسها  .. وانتظرت ساعه 8اجه عادل وحدة  شوية كعد شرب جاي وطلعوا ..

غادة .. احس ثكل بخطواتي ما اريد اروح فكرة الزواج كلها عصرت قلبي . واليوم عقد رسمي  زواج من عادل .. الا عادل ما اكدر اباوع حته بوجهه ..
قرار الموافقه احس اكبر غلطه بحياتي بس ماكدر احجي لان الكل عارض ..
بدلت ونزلت للعقد ..صعدت بالسيارة . كان لطيف بالتعامل يعني صباح الخير شلونج خو ما تعبانه !

لا ليش تعبانه شمسوية.

يعني اقصد منايمه زين.

لا نايمه والله.

عادل . يعني انتي ميهمج اي شي اهم شي نومتج .

ايي والله واذا انعس وماانام يصيبني ارق احب انام لو بيدي اسوي توقيت لكل العالم بالعشرة ونص نايمه .

عادل . قرار ظالم اني للاربعه يلا انام والله لو انتي تعدلينها لو اني اخرب نظامج بالمستقبل..

لا اني نظامي ثابت ..
عادل . نشوف وضحك اجاه اتصال بقى يسولف على الشغل .
اني بقيت بغير عالم . افكر بالمستقبل ويااه .