مَن يَشتري شرفي 17
كلما نضجت زادت قدرتك على المغفرة وزاد يقينك بأن أخطاء الآخرين لا تعني بالضرورة أنهم سيئين
جميعنا نخطىء والكل يستحق فرصة أخرى...
سهير رائد ..
ميادة ..
حوراء هوايه متغيرة جانت شخصية ضعيفة هزيلة ما تعرف تحجي يمكن بسبب زواجها المبكر والفاشل شخصيتها صارت لاشي يمكن بسبب الظلم والغبن جانت تخاف من ظلها وماتعرف تكول شي جنا اني وغادة دائما ننقهر عليها شلون تعيش بهاي الحياة .
بس من توفوا بابا وماما أحس صارت قوية وغادة قوة شخصيه خلتها هيا الجبيرة بكلشي .
نسمع كلامها فلوسنه بيدها
مصرفنا منها .. من يونس واكف بالباب يريد غادة احس عيونها صارت بكصتها ..
تجادل بيه ومن طلعت غادة مغيرة ملابسه وكالت رايحة وياااه احس ناار وشبة بيها
دخلتها للبيت وهيا استلمتني تردن على حل شعرجن ماكو احترامات لا للبيت ولا اليه شلوووون تطلع وياه شافها واحد من العمام الخوال
هم نكول شغل
...
ميادة.. يعني امبين هما بينهم شي وغادة محاجيته النه بس غير هو جاي يصالها او يريد يكول شي الها خاص.
حوراء . اي عدهم النهار والشغل ميحجون الا بنصاص الليالي؟
ميادة . وين انصاص الليالي حوراء ؟
حوراء .. ربع ساعه واخابرها والله اذا مترجع من وقت اطيح حظها .
ميادة . غادة واعية وفاهمة والاهم من كل هذا غادة تعبانه وتركض وتشتغل ومستحمله اشكال علمودنا غيرتنا من حال الى حال يعني انتي تستخسرين بيها تحس بلحظة هيه انسانه وعدها مشاعر وتحب وتنحب وتلكه من يهتم بيها ..
حوراء . والله كاتلتني انتي بالحب الحب اليدك بابج ويكول اني اريد اتزوج مو حب وخرابيط هل الوكت .
ميادة . انتي مو دكو بابنه واتزوجتي واكلتي تبن وياااه حبيتي تغاهمتي اتزوجتي وخلفتي وطلكج ..
حوراء . كااافي لغوة زايده وولي منا بسرعه هم تعرفين تخجين وتفتحين مواضيع..
ميادة . كمت صعدت فوك و احس كلامي جرحها لحوراء خطيه ..
اسمعها تخابر بغادة ..
..
غادة اني ويونس راجعين ودك تلفوني
كلت حوراء .طلع رقم عمي ..
عمي؟؟ كلت ليونس لاتتنفس ابد فاهم
يونس . شكو
غادة . عمي يتصل بيه ..الو
هلو عمو شلونك
كال اني بمنطقتكم بس تيهت وين بالضبط وين انت حاليا كمت التفت يمنا يسرا عزااااا بس لايشوفتي
كال يم اسواق الفلانية
غادة. عمو ربع ساعه واجيك هسةراح اطلع من البيت ..
سديت التلفون.
خابرت حوراء لج عمي راح يجي كتله راح اطلع من البيت اجيبه مو تكولين ليش تأخرتي ..
