مَن يَشتري شرفي 37
كان قلبي رهيفًا رقيقًا لا يمر دون أن يلتفت لحزن قريب أو ألم عابر غريب، كان قلبي طبيبًا يداوي جروح الروح ونزيف القلوب وسيلان دموع العيون، كان قلبي إن لم يستطع أن يسعد القلوب كان دائمًا ما يحزن معها، كان هذا القلب يسعى لجبر ما كسرته الحياة في قلوب الآخرين، كان هذا القلب مع الجميع فلن يتركه الله في تيه هذه المرحلة العسيرة وبؤسها، يُدرك تمامًا هذا القلب أن الله لن يُضيعه...
سهير رائد
ميادة . ماعندي نت وبالدوام ومن رجعت بالخط فتحت تلفوني خابرني اياد بسرعة ؟!
الو .
هلو حبيبتي وين وصلتي .
والله بعدني بالازدحام اذا جوعان تغدا اني اتأخر.
اياد . انزلي من الخط واخذي سيارة لو تنتظريني يفتح الازدحام ونروح لبيت عادل؟!
شكوووو .
والله ان شاءالله خير بس يكولون غادة مريضه وحوراء خابرتني تكول خل ميادة تجي لغادة بسرعه غادة مريضه كلش .
صحت اووكف عمووو نزلت بسرعه بلا وعي ماعرف شسوي .كمت اركض مادري وين شبيها غادة اخذت تكسي حتى نسيت هما وين . خابرت حوراء شبيها غادة .
حوراء كوة تحجي كمت ارجف ماتت غااادة
حوراء . اسم الله عليها تعالي غادة تعبانه..
وصلت لبيتهم كل الوجوة ضايجة حزينه !! دخلت لغرفتها نايمه غادة وجهه أصفر معلكين مغذي وهيا فاقدة يعني عبالك مخدرة . حوراء كاعده يم رجليها وتفرج بيهن من جوا اللحاف .
شكوووو ؟! شبيها
حوراء . بس تبجي متجاوبني .
دخل عادل شايل ابنه على جتفهه كمت اخذته منه شنو شبيها .
عادل . ان شاءالله مابيها شي.
ييي شبيكم عليكم الله فهموني .
حوراء. اشش لاتفززيها .
اخذت محمد وطلعت لام عادل عليج الله خالها فهميني غادة شبيها
ام عادل والله يا بنتي مادري شكلج لان احنه مافهمين غادة حامل والطفل مدري شبيه وهيا مدري شعدها وهاي من رجعت من الدكتور البارحة لليوم حالها تخربط الصبح جبنه الها دكتور هنا للبيت انطانه مسكنات قوية وخلاها تنام وادعيلها تعدي ايامها بسلامه .
شنو حامل يعني شكد الها .
يكولون راح طب السادس؟!
لا شنو السادس وين الحمل بطنها مسفوطة مامبين عليها.
مو خاله هما يكلولها الطفل مشوة اسم الله ان شاءالله يجذبون الاطباء.
يمه أختي سودة عليه طفلها مشوة سودة عليه غيودة ..
نام محمد ام عادل كالت نيمي بغرفتي رجت للغرفة لكيت نايم بيها سلمان وعبودي يا مسويتها فندق .
رحت لغرفة غادة .
حوراء شنو منومه جهالج بغرفة ام عادل عيب لايجي الرجال ويريد يرتاح .
حوراء . هم صدك خلينه نروح للبيت ناخذ نكسي ونروح وباجر تعالي عليها واني عكبه هيج نتعاگب عليهه لحد متصير زينه .
طلعنه من الغرفه. رحنه لام عادل نسلم عليها المرية وعادل ابد مطلعن شنو طالعات بلا غده الغدة جاهز وتبقن منا لمن تصحى غادة تشوفجن .رادت حوراء اطلع جهالها مقبلت المرية .
