مَن يشتري شرفي 33
"لا يستمر معي أي شيء طويلًا قضيت عمري كله وأنا أشعر دائمًا بأن علي أن أغادر"
سهير رائـد ..
°°°°°
ميادة .
احس الفراش شايلني اطير وياه وتفتر وياي البلابل والعصافير والحمام الابيض طايرة بالسماء واسمع الحان الحب بكل الاصوات اللي حواليه . فرحانه ومرتاحه. بشوفة اياد . احس گلبي يركص فرحآ ..
حوراء . شبيج شو جنج مخبلة تضحكين وحدج؟
ميادة . لعد موزين اضحك يعني فرحانه .
حوراء . اي زين الفرح فرحينه وياج مو عبالك مسودنه تضحكين وتحجين وحدج عوز بس الذبان يدخل بحلكج.
ميادة . عوووع خرب ابليسج حوراء والله حتى ضجت مو بس لعبت روحي.
ايي حتى تبطلين تضحكين وحدج مفضوحة سالفتج شكو منو حاجي وياج مسمعج حجاية ومصدكتها؟
ميادة . اوو اكوم اصعد واقراء احسلي منج .
حوراء . العشاء ومواعينه عليج من هسةاكلج فاهمة .
ميادة . جيبي دلفري اليوم على حسابي.
حوراء . اي مو انتي سارة بنت حجي محمد . ام الدلفري .
ميادة . غيورة وحقودة عليه مو بيدج باااي صاعده انااام .
حوراء بسيطة ركبتج بيدي ام الضحك اني اعلمج ..
ميادة . شبعت ضحكت وحدي على بسامير حوراء خابرت غادة .
الو عمه غيودة وين انتي .
غادة .خيررر بالمكتب راح نطلع هسة شكو.
ميادة . تعالي علينو باجر خميس وعادل مو هنا باتي يمنة والجمعة عطلتكم ؟
غادة اشوف اخابر عادل واخذ اذنه واردلج خبر هم مشتاقتلجن والله ..
...
الخميس ..
كملنه شغل ساعه 4ونص وطلعنه للبيت اني وخالد طبعا بعد ما أخذت آذن عادل وتوسلت بيه ..
دخلنه لكيت الروائح اشكال الاكل والبنات منتظراتني حيل مشتاقتلهن ومشتاقات اليه تعشينه ونغسل المواعين ونسولف وليلة جمعة بعد ب9ونص نعست صعدت انام .
خابرني عادل يسأل شلونج خو ما تعبانه ضايجة بطنج زينه .
وبقى يدز رسائل وصور نمت .
ميادة.
فتحت موبايل غادة حلو وحديث فضول دخلت على مسجات عادل شكد يدزلها مسجات وصور اله هيا ماتجاوبه ؟
استغربت يعني هو كلامه عمري حياتي كلبي .
هيا تحجي وياه ماكو اي كلمه حب .
..
الصبح . خابرها عادل كلها روحي للبيت ارتاحي .
هيا هم تريكت وجهزت نفسها وخالد يوصلها وتروح .
وصتنه على مروج وانطت لحوراء فلوس لمروج ذني مصرفها وشتريد جيبه الها .
وانطتني هم فلوس مصرف وكراوي يكفن شهرين واي شي تحتاجينه كليلي .
انطت لعبود و سلمان بيك على كولت خالد .
وتمشي وتبوس بينه وراحت ماشبعنه منها بس شنو هيا عبالك صدك صاحبة مال تلفونات دك عليها .
خالد يطب يطلع يصيحلها عمه غادة ويضحك ..يوم الجمعة يوم التنظيف والكرب اللي حوراء تنتقم مني بيه من الصبح . . احنه سالفه الطبخ خلصنه منها بس مروكات جداري متوسطة مثلا سبزي وطرشانه وقيمة تسويهن حوراء وياخذهن الولد اللي وياه كلشي يطبخ وهاي الفترة خالد وي غادة ليل نهار فا تطبخ يجي تكسي ياخذهن من جماعتهم ..
