مَن يشتري شرفي 22
"انكسر ثمّ أعود وانجبر،أميل ثمّ ارجع وأستقيم، تهزمني صراعاتي واستسلم ،ثمّ اعود بثباتٍ عظيم."
سهير رائد ..
ميادة ..
اسولف وي حوراء مو غادة تحتاج احد يقرا عليها رقية شرعية نفسيتها كلش تعبانه .
حوراء . شبيدي عليها وشااعرف هنا مو يسوي رقية شرعية نستمر نشغل قران وماكو احسن من كلام الله والادعية ومناجاة اهل البيت عليهم السلام واللي مرت بيه غادة مو هين ولا قليل.
ميادة . شلون نعوفها هيج مرعوبة بليل وبالنهار بس تبجي گليلي شنسوي اروح اكتل يونس واشرب من دمه وادخل بيه السجن واخلصها منه ومن كابوسة .
حوراء . الله موجود ويأخذ حوبتها وكسر كلبها وخاطرها بلكي باجر عكبة تصير زينه وترجع للشغل .
ميادة . شيرجعه غير مكتبهم بصف مكتب هل الكلب .
حوراء . شِسوي كليلي .
ميادة . اني ماخليها ترجع لشغلها تروح تشتغل بمكاني بعيد ومكان حلو وناسه طيبة ..
حوراء . بعد غادة وقرراتها والله اعلم شتفاجئنه .
غادة .جنت اسمعهن شيكولن ونبرة صوتهن قلق خووف عليه خواتي حريصات علية أكثر من نفسي ..
اليوم احس نفسي كلش زينه بس اثار الضرب اللون تحول لزراك بوجهي وشوية خف الورم ..
دخلت عليهن . كتلها ميادة انتي رجعي لشغلج باجر لان اني باجر راح اداوام بعد صرت زينه وحتى اليوم احس نفسي جوعانه ؟!.
حوراء . لا غادة عوفي الشغل بعد احنه جاي نشتغل اني وخالد ونصرف على البيت انتي بعد عليمن متعبة روحج وتشتغلين وي اليسوة والميسوة وتشوفين يونس احتمال يسوي بيج شي هلمرة .
غادة . البيت مو بس اكل حوراء احنه بنات نريد هواي مصاريف وشغلات شهرية . مروج طالبه وصغيرة تفكيرها غير عنا تريد تعيش بعالم مثل التشوفه عند صديقاتها واني ماريد احرمها مثل منحرمنه بالدراسة .
ميادة تشتغل وتلم نفسها حتى تدخل معهد التريدة تكول اريد باب المعظم الطبي ..
واكيد تحتاج مصاريف يومية وشهرية وخط ولبس . تلم نفسها هل كم شهر بعد كلشي متشتري . واني هم الزم نفسي اوفر للسادس لمروج وهم احاول اجمع الها للكلية لازم اتعب ونتعب حتى نحصل النريدة .
حوراء . وانتي ؟
هم گلتي وانتي !
جاوبتج اكثر من مرة اني حياتي وراحتي من اشوف مروج مكملة دراسة واني افكر بروحي من وراها.
ميادة . يعني متفكرين بيه ست غادة .
ايي ماكول تشتغلين مافكر بيج وانتي جبيرة اذا هسة يجي واحد يجيب اهله امه وابوه اسمعي امه وابوة ويتقدم اني اوافق وبليلة ازفج.
ميادة. اممم فهمت وصلت ..
غادة . شكد يتصل علية يونس مااجاوب اباوع على التلفون ابقى صافنه على اسمه يونس السبع يتصل ومااجاوب.
ميادة . احظري واله عين يخابر هل الحقير .
فزيت مادري بيها امددة يمي.
