مَن يَشتري شرفي 16
عِجزت الگه شُعور يوصف تَعبي ، وما لگيت .
سهير رائد ..
ميادة
بعد هدية طيور الكناري حسيت جدو عارف عند علم من اياد بس مغلس ؟
واني واياد فقط نظرات كمت ماكدر اخلي عيني بعينه من بعيد اباوع وبسرعه ادنك او اغير نظري
بس گلبي احس بيه يخفق بسرعه واموري كلها ممتوازنه ..
فقط بينه سلام من يجي يمنه ..
...
غادة طلعت ادور على بيوت صغير او شقه بسعر مناسب وزين
انصدمت بالاجاراات !! اقل اجار 600الف عبارة عن ربع بيت همين ..
جبت بطريقي مسواك باجر تجينه ام خالد جبت سمك وخضورات وعجبني تنور صغير حوراء ادك على التنور اشتريته وأجرت عربانه وانطيته العنوان ودزاهن قبلي لان اني قريبة مو بعيدة ..
اتمشى صار المغرب احس احتاج اتمشى اشوف الناس اشتري شي اليه اغير نفسيتي ..
اشتريت اليه ولمروج ولحوراء ..
رجعت للبيت
حوراء . شنو هل المسواك الحلو الدازته والاحلى التنور صغيرون يخبل .
باجر تجينه ام خالد هاي ملابس الج
حوراء . هلا بيها بس الموضوع اللي ذكرتي سابقآ ميصير
غادة . لا يصير واني اتفقت وي خالد يسكن ويانه
حوراء . زين انتي اتفقتي واني ورأيي
غادة . انتي صح الجبيرة بس اني اشوف اليفيدنا كلنه حوراء احنه محتاجات رجاال ورجال من رجااال يوكف ويانه بالحلوة والمرة يسد حلوك العالم علينه
انأمن شنووووو حياتنا احنه حتى لو جنه بنات النبي هم لان ساكنات وحدنا اقررررب الناااس راح تعتبرنا بنات موزينات وماعدنا رجال ومنخاف ونمشي على حل شعرنا ..
حوراء .شبيج غادة عصبية واكلتيني اكل مجرد حجيت وانتي بكيفج انتي ولي نعمتنا اني وابني وانتي اللي تقررين شلون نعيش وين !
غادة . انتي اللي شبيج افهميني حوراء المرة الماعدها سند بهاي الحياة وهذا الوكت تصير فريسة للذئاب وتصير سهلة وتصير لاحول ولاقوة عندج ولد يريد اللي يربي انتي شابة حلوة وكلشي بيج حلووووو اخاف عليج اكثر من رووحي والله اريد امان عليج انتي بالذااااااااات ... احس حوراء عبالها اريد اخلص منها بس ماتعرف اني اريد الها رجال واريد لميادة الرجال القوي
واريد لمروج الشهادة الزينه .. اريد اشوفهن سعيدات قويات عدهن من يحميهن كام رجال او شهادة او عمل .. بعد كلام يونس عليه حسيت الحياة فعلا غدارة وقاسية ويمكن هو نبهني اغير حياتنه واولةشي زواج حوراء بسرعه واخلي خالد يسكن ويانه يمكن يخفف حمل المسؤولية مو مسؤولية الفلوس مسؤولية هواي مسؤوليات غيرها تختلف بوجود الرجال ..
خابرت ابو علي على اجازة مقبل ..
احس مالي واهس للشغل وباجر ام خالد تجي وعيب ..
بس هم شغلي ومصدر رزقي
