من يشتري شرفي34
" إلي فات ما مات، إلي فات موتنا. " 🤍
سهير رائد ...
ميادة.
طلعت من الدوام اريد اصعد بالخط دك عليه اياد .
الو .
اياد . نهاية سرة الخط الواكفه بيه انتي حاليا ولازمه جنطة سودة عبالك محامية واكفلج اني !
اوك .. جايتك .. رحت اله واكف بالنهاية كلش . صعدت هلو شعندك هنا تباوع على البنات.
اياد . هسة لو حلو كتلج اي بس متاكد محد تباوع عليه تنخترع .
والله لو تصجمني اباوع عليك واكلك انطيني رقمك ياحلو.
اياد .اهم شي بعيونج الله .
ميادة . اكيد گلبي وعيوني اثنينهن مادري ليش انت هيج تهتم بالاخرين ليش متواجه قدرك وتعيش حياتك جدا طبيعية مابيك شي كامل والكمال لله ماكو انسان خالي من العيوب باوع على ااشارع شوف الكدامنه هااي تعرج وعادي تمشي وحتى مرتبة يمكن موظفه . شووف ذاك اللي يبع بعربانه شوووف شلون لون بشرته اامبين سوداني وعايش هنا وممارس حياته طبيعية ويجوز اذا ننزل من السيارة وننزل بدهاليز باب المعظم والمناطق المحيطة بيها رااح نشوف اشكال الناس مو كلها كاملة وعايشين حياتهم عادي انت ليش فجاءة فقدت الثقة بنفسك بشي صار من الله .
اياد . ماعرف اني ماحب احد يشوفني خصوصا اللي اعرفهم ويعرفوني ويكولون كبل شكل وهسة شكل؟
ايي واذا كالو ويكولون من حبهم الك يشعرون بالاسى عليك . ياحبيبي كلشي من الله خير وأحمد ربك واشكرة انت تشوف تاكل تمشي اما الحروق شي مو مهم .
اياد . اااااه كلبي يوجعني ميادة خلينه نتزوج بداعتي .
ميادة. ان شاءالله القادم خير . بس اني عندي دراسة اياد وهاي اول سنه وصعبة كلش وباقي6اشهر ونخلص وراها نتزوج .
اياد . لا هسة نتزوج بعد شهر اني كلشي مكمل والله بس غرفة اجيب عندي فلوس واذا مكدرت اجهز ابيع سيارتي واكمل كلشي .
ميادة . مو مهم الفلوس وتعرف هل الشي انت اهم من كل شي قابله بأي شي منك بس والله داشوفها صعبة راح اقصر بهواي واجبات تجاهك يجوز لان دراستي ماكدر اهملها .
اياد . منو كلج تهملين دراستج والله ماكو شي راح ياثر عليج بس اريد قربي اني وياج بفراش واحد وغرفة وحدة مانتفارك اني محتاجج هوواااي والله .متتصورين من شفتج لليوم شكد نفسيتي تغيرت عليج الله ميادة وافقي بسرعه ونتزوج بسرعه .
ميادة . ان شاءالله خير اني موافقه بس شرط دراستي اهم شي خلال هاي الاشهر .
اياد . عهد مني ماريد منج لاخدمة ولا شي بس دراستج وبس وقربج فقط .
ميادة . اوك خلي امك تتصل بحوراء واني موافقه .
اياد. اريد ابوسج هسة بالشارع
