من يشتري شرفي 31
-
إذا قال لك أحدهم : " أدع لي " ..
تأكد أن الحياة أثقلت قلبه فلاتتركه وحيداً ...
سهير رائد..
ميادة .يافرحتنا بسيد سلمان نور البيت .
خالد معترض على الاسم وامه تكلة اسم ابوك الهيبه
دخيل الله ليش تكول خرب حظي .
خالد . اني اريد علي .
ام خالد . لا سلمان انت لو مو عزيز گلبي جا مسميت ابنك على ابوك .
خالد . يشور بيج علي بن ابي طالب .
ام خالد . يمممه فدوة لااسمه وكامت تنكت بمتونها من الخوف .
حوراء . يبقى اسمه سلمان عود انت صيحلة علي .
ام خالد . لا ييمه علي وغصبا عليه وعلى سلمان وعشيرته .
حوراء . خاله والله اسم سلمان حلو عجبج هاي هيا معليج بخالد وعود سوي عشاء لوجه الله وبثواب الامام علي وتفض السالفه ومن اجيب الولد الثاني اسمي علي ..
خالد . فريتيها مو يلا سلمان سلمان ..
..
اتفقوا على اسم سلمان وام خالد خابرت ولدها وكالت اجاكم الشيخ سلمان يتريس عليكم ويكسر خشوم جهالكم ..
ثاني يوم اجوا اهلة وذبحوا وطبخو وسون عزيمة .
كعدت يم حوراء .
كالت خابرتي غادة كتيلها جبت
ميادة . لا والله التهيت وياج وحتة ماراسلت سارة .
حوراء . والله مشتاقتلها .
ميادة . لعد اني شكول مشتاقه اشم ريحتها احضنها احس نصي ضايع مني.
حوراء . الله يهدي عادل ويبطل الشك العندة بجاة كلمن عندة جاه كون اختي ترتاح نفسيتها وتعيش حريتها مثل النسوان تعيش مرتاحه البال مو بقلق وخوف وسجن . سكتت كالت دخابري سارة وكليلها فدوة كليلها مشتاقين نشوفها بلكي تكول لاخوها يجيبها النه..
ميادة . والله احتمال اخابر عادل بشخصيته صح اني ما اهضمه بس راح اتنازل واخابره واطلب منه تجينه غادة ..
°°
غادة ..
اول خطوة سويتها هو الموبايل قفلته وانطيته لعادل .
من سألني ليش .
ماحب الموبايلات وما استفاد منه بشي
عادل . واخواتج من يردن يتصلن .؟
لو اتصل عليهن منك لو هنا يتصلن على سارة واطمأن عليهن ..
احس ارتاحيت من جانب واحد هو ليش يبقى ينگ على رأسي وعبالك الخيانه موجودة بالتلفون لغيت التلفون تلفزيوم اصلا كتله لتجيب بالغرفه ازعاج .
بقيت حدودي بين البيت الجوا والفوك حتى من نظفت غرفتي ام عادل فصلتي بردة جديدة شتائية وجابتها .
ماغيرتها الا بوجودة هوغيرها لان الشباك ممنوع ينفتح .
طلعت من الغرفه وهو وسارة غيروها وجان جدا مرتاح من تصرفاتي هو الطاعه العمياء
عكس اهله اللي مقابيلن ابد عليه وتحكمه بية بس اني خليت ببالي مدة من الزمن تعدي واحاول اطلع واطلك منه بس خلي تمشي هل الشهور واكمل سنه وراها اطلب الطلاك وفكرت بهواي اشياء اخلي صدك يتخبل ويحسني داخونه او ازيد شكه واخبله ..
