مَن يشتري شرفي 32
"إن الله يراك الآن، أعلم بحالك منك، هو الذي يعلم طريق الخروج مما أنت عالقٌ به وسيضيئه لك.. نحنُ بحاجة ماسّة لله."
سهير رائد ...
°°°°°°
غادة .. اباوع عليهم مثل المخابيل من الفرحة حتى الجارات يعني فرحانات ويبجن على ام عادل اللي نست مرضها ورعبها وعمليتها اللي ترجف منها . يمكن اني لان ستوني متزوجه وهم ماحبه الزواج والحياة وي عادل شفت الامر طبيعي واصلا محبط لكلشي قادم .
اتسحبت ودخلت للبيت وراي عادل اللي كان ماعندة اي ردة فعل ساكت وصلت للمطبخ شربت مي عادل واكف وراي.
عادل . غادة شكو؟
ماعرف امك وابوك شبيهم .
عادل . متخبلين تقريبا يعني هما متأكدين ؟
هو السونار كالت حمل وسمعت لاامك النبض وهيا من ذيج اللحظة ولحد هسة هاي حالتهم بالعيادة الناس التمت علينه .
عادل . ساعه ونروح بشغله اني وياج لاتبدلين !!
وين ؟
عادل . معليج .
دخلوا اهله وهوسهم واجن يبوسن بيه ويتباركن والتلفونات اشتغلت ام عادل خواتها وحبايبها ..
والبنات نشرن علفيس .
يمكن نص ساعة اجت اخت ام عادل خبصت البيت خبص بالهلاهل .
اكثر الناس الساكته اني وعادل وهمام فرحان بس هو مؤدب ويضحك عليهم .
كامت خالته تبوس بعادل وگرة عينك خاله والولد الصالح وتصيحلة ابو محمد وام عادل تكلها ان شاءالله اي شي بنية ولد بس كون الله يشوفنياه قبل لنموت . انوب گلبنها درامه بجي .
عادل كال كومي طلعي قبلي؟
طلعت من المطبخ وين نروح
عادل صعدنا بالسيارة حركنا .كال خاف متوهمين اخذج اعيد السونار !!!!
بقى يفتر لحد ملكه سونار وحجز وكعدنا واهله يخابرون وين رحت كلهم هسة نرجع سد تلفونه وكال سدي تلفونج .
كال اذا ماكو حمل وهذا الفلم مسوينه امي وابوي وانتي والله والله والله الا اكتل روحي بنصهم واحرك كلبهم اني زعطوط هيج يسوون يضحكون عليه خلوني فرجة لليسوة والمايسوة اني اعرف هذا فلم متفقين تلاثتكم وبعدين تكولون وكع وتمشوها عليها.
جان عصبي ويحجي بلا وعي بيني وبينه وممصدك ابد ابد . كمت افر بعيوني لا اللي كاعدين بالعيادة يسمعوة وكلبي كام يوجعني بس لاصدك اني مو حامل من ورا شكه وكلامه شكيت بصحة عقلي .وصل السرة النه ورا ساعه .
دخل وياي .
هو دكتور سونار . صعدت وطلعت بطني اله وعادل واكف وياي .
عادل . دكتور عدها حمل لو كاذب .
الدكتور . لا حمل وواضح وبيه نبض طلع صوت نبض مدري شنو
عادل تغير كلشي بيه حتى نبرة صوته .؟
دكتور يعني اكيد وشنو بنية لو ولد وزين مابيه شي ؟
الدكتور صارلك شكد متزوجين .
عادل تقريبا اربعة اشهر ؟
باوع على عادل شو متلهف متزوج على كبر ؟
